كۇيتۇن – التاي جوعارى جىلدامدىقتى تاس جولى: سولتۇستىك شينجياڭنىڭ كورىنىسى كوز تارتتى
اۆتورى: ۋاڭ جيڭجيڭ، رىن جياڭ، ياۋ گاڭ
6 – ايدىڭ 3 - كۇنى ”جوعارى جىلدامدىقتى تاس جولدى بويلاپ شينجياڭعا نازار سالۋ“ 4 – كەزەڭىنىڭ ”كورىكتى شينجياڭعا ساپار“ تاقىرىپتىق حابارى باستالدى. انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى ۇرىمجىدەن اتتانىپ، قارامايلى جول بولەگىنە ەنىپ، ۇزىننان - ۇزاققا سوزىلعان ايباتتى ”مۇناي تارتقىش ماشينا“ شوعىرىن كورگەندە، كۇيتۇن – التاي جوعارى جىلدامدىقتى تاس جولىمەن جالعاسقان سولتۇستىك شينجياڭدى جەكە كولىكپەن ٴجۇرۋ التىن لەنياسى كوپشىلىكتىڭ كوز الدىندا مەن مۇندالادى.
كۇيتۇن – التاي جوعارى جىلدامدىقتى تاس جولىنىڭ بۋرىلتوعايدان التايعا دەيىنگى بولەگى. (سۋرەتتى ليۋ جۇن تۇسىرگەن)
كۇيتۇن – التاي جوعارى جىلدامدىقتى تاس جولىنىڭ جالپى ۇزىندىعى 527 كيلومەتر، تيانشاننىڭ سولتۇستىك بەتكەيىندەگى ماڭىزدى قالاشىق كۇيتۇننەن باستالىپ، سولتۇستىككە قاراي قارامايلى، بۋرىلتوعاي، بەيتۇندى باسىپ ٴوتىپ، سوڭىندا التاي قالاسىنا جەتەدى. ول 2011 – جىلى قۇرىلىس باستاپ، 2014 – جىلى تۇتاس لەنيا بويىنشا سالىنىپ بولدى. ونىڭ تۇتاستىرىلۋى — كۇيتۇن – بەيتۇن تەمىر جولىنان كەيىن قالسا، التايدىڭ سىرتپەن تۇتاساتىن تاعى ٴبىر قاتىناس ۇلكەن كۇرە تامىرىنا اينالدى، سونداي – اق ۇرىمجىدەن التايعا دەيىنگى ارالىقتا جوعارى جىلدامدىقتى تاس جول بولۋىن جۇزەگە اسىردى.
ازاتتىقتان ىلگەرى شينجياڭدا شيحۋدان التايعا دەيىن ادەتتەگى تاس جول بار بولاتىن، بۇل جول نەگىزىنەن بىلاي باعىتتالعان: شيحۋدان باستالىپ، ٴدوربىلجىن، قوبىقسارى، بۋىرشىندى باسىپ ٴوتىپ، التايعا جەتەدى، جالپى ۇزىندىعى 800 كيلومەتردەن اسادى. بۇل جولدىڭ كوپ ساندى بولەكتەرى اۆتوموبيل دوڭگەلەكتەرى باتتاپ شىعارعان قاراپايىم جول ەدى.
قارامايلى مۇناي الابىنىڭ بايقالۋىنا جانە اشىلۋىنا ىلەسە، 1957 – جىلى قارامايلى كەن رايونىنىڭ نەگىزگى تاس جول لەنياسى قوستولاعايعا دەيىن قاتىناپ، التاي ايماعىنا باراتىن اۆتوكولىكتەر ٴدوربىلجىن، قوبىقسارىنى اينالىپ وتپەي، قايتا قوستولاعاي جان جولى ارقىلى ۇتىبۇلاققا توتە جەتكەننەن كەيىن، التايعا باردى، بۇل جول كۇيتۇن – التاي جوعارى جىلدامدىقتى تاس جولىنىڭ توركىنى ەدى.
وسىدان كەيىن مەملەكەت تاس جولىنىڭ 217 – لەنياسى سالىنىپ، التايدان كۇيتۇنگە دەيىن ٴبىرشاما قولايلى جول جارىققا شىقتى، ٴبىراق جۇك اۆتوموبيلى، اۆتوبۋس، موتوتسيكل سياقتىلاردىڭ بارلىعى وسى جولمەن ٴجۇرىپ، ارالاس تاس جولعا جاتاتىندىقتان، ۇنەمى كەپتەلىس بولىپ، حاۋىپسىزدىك كومەسكى قاتەرى ٴبىرشاما زور بولدى.
كۇيتۇن – التاي جوعارى جىلدامدىقتى تاس جولى تۇتاس لەنيا بويىنشا تۇتاستىرىلعاننان كەيىن، التاي ايماعىنىڭ سىرتپەن بايلانىس جاساۋى قولايسىز بولۋ تاريحىن تۇبىرىنەن وزگەرتتى، جوعارى جىلدامدىقتى تاس جول دا جول بويىنداعى قارامايلى قالاسى، بۋرىلتوعاي اۋدانى، بەيتۇن قالاسى سياقتى جەرلەرگە تيىمدىلىك الا كەلدى.
كۇيتۇن – التاي جوعارى جىلدامدىقتى تاس جولىنىڭ بۋرىلتوعايدان التايعا دەيىنگى بولەگى. (سۋرەتتى ليۋ جۇن تۇسىرگەن)
كۇيتۇن – التاي جوعارى جىلدامدىقتى تاس جولىنىڭ اشىلۋىنا ىلەسە، شينجياڭ مۇناي الابى سەرىكتەستىگى مۇناي شىعارۋ 1 – زاۆوتىنداعى 55 جاستاعى مۇنايشى ياڭ ۋىنلي تاجىريبەلى جەكە كولىكپەن ساياحاتتاۋ اۋەسكەرىنە اينالدى. ”بۇرىن قارامايلىدان التايعا بارۋعا 6 ساعات ۋاقىت كەتەتىن، قازىر كۇيتۇن – التاي جوعارى جىلدامدىقتى تاس جولىمەن جۇرسەك، 3 ساعاتتا جەتۋگە بولادى، جازدا التايعا بارىپ اپتا سوڭىندا سالقىنداساق، قىستا التايعا بارىپ قار شاڭعى تەبەمىز“، - دەدى ول.
كۇيتۇن – التاي جوعارى جىلدامدىقتى تاس جولى التاي ايماعىنىڭ بۋرىلتوعاي اۋدانىنا كوپتەگەن جەكە كولىكپەن ساياحاتتاۋشىلاردى الا كەلدى. 2020 – جىلى وسى اۋدان تۇتاس جىلدا جيىنى 1 ميلليون 258 مىڭ ادام – رەت ساياحاتشى قابىلداپ، ساياحات تۇتىنۋى 790 ميلليون يۋانعا جەتىپ، 2019 - جىلدىڭ سايكەس مەزگىلىندەگىدەن %24.47 ارتتى.
جولاۋشىلار التاي قاناس كورىنىس رايونىندا ساياحاتتاۋدا (2019 – جىلى 9 – ايدىڭ 6 – كۇنى). (سۋرەتتى شۇي گۋاڭجيان تۇسىرگەن)
كۇيتۇن – التاي جوعارى جىلدامدىقتى تاس جولى بەينە جىبەك ارقان سەكىلدى سولتۇستىك شينجياڭ جولى بويىنداعى سۋرەتتەي كوركەم، قيال الەمى سەكىلدى، كوز تارتاتىن كوركەم كورىنىستەردى تۇتاستىردى. بۇل تاس جول لەنياسىندا كوپتەگەن ۇلگىدەگى كوركەم كورىنىستەر قامتىلعان: ۇلى تابيعاتتىڭ اسقان شەبەرى ياداڭ جەر بەدەرى شوعىرى — قارامايلى قالاسى ورقى الەمدىك سايتان قالاسى كورىنىس رايونى، قۇم توبەشىكتەر كوك سۋدى قورشاپ، تالاي جىلدان بەرى ازايماعان، تۇنباعان ٴشول دالا عاجايىپ كورىنىسى — بايشاحۋ كولى كورىنىس رايونى، التاي تاۋ قويناۋى مەن جىنىس ورمانى اراسىنداعى اسقار تاۋ كولى — قاناس كورىنىس رايونى، التاي تاۋى گرانيت جىنىستى جەر بەدەرى كورىنىس رايونى — كوكتوعاي كورىنىس رايونى.
كوركى كوز تارتقان كوكتوعاي كورىنىس رايونى. ( سۋرەتتى لي ميڭ تۇسىرگەن)
جوعارىداعى مەملەكەتتىك 5A دارەجەلى 4 ساياحات كورىنىس رايونىنان سىرت، كۇيتۇن – التاي جوعارى جىلدامدىقتى تاس جولىنىڭ بويىندا مەملەكەتتىك 4A دارەجەلى ساياحات كورىنىس رايونىنان ون نەشەسى بار. كوكتەمدە الۋان گۇلدەردى تاماشالاپ، جازدا ساحارانى ساياحاتتاپ، كۇزدە سارى تۇستەن ٴلاززاتتانىپ، قىستا قار شاڭعى وينايسىڭ، مەيلى قايسى ماۋسىمدا كۇيتۇن – التاي جوعارى جىلدامدىقتى تاس جولىنان جۇرسەڭ، ولجالى ورالاسىڭ.
اۋدارعان: قادىر ماقان
