تيانشان تورى   ›   جاڭالىقتار   ›   شينجياڭ حابارلارى

ماقتا مەنى باردام تۇرمىسقا كەنەلتتى

□ ياركەن اۋدانى اۋات قالاشىعى ءۇمىت سەلبەستىك كووپەراتيۆىنىڭ جاۋاپتىسى راحمان مامەت

  جۋىقتا مەن ينتەرنەتتەن ءىشىنارا شەتەل كاسىپورىندارىنىڭ شينجياڭعا كۇيە جاعىپ، شينجياڭنىڭ ماقتا وندىرىسىندە ايتىلمىس ”زورلىقپەن ەڭبەككە سالۋ“ ماسەلەسى ءومىر سۇرۋدە دەپ وسەك - اياڭ قۇراستىرىپ، جالا جاپقاندىعىن كوردىم. وسىنداي ويدان شىعارىلىپ، اۋزىنا كەلگەنىن كوكىگەن پىكىرلەرگە مەن باتىل قارسى تۇرامىن. ءبىز قوس قولىمىزبەن ماقتا ەگىپ، اقشا تاۋىپ وتباسىمىزدى اسىراۋدامىز، بۇل قالايشا ”زورلىق“ بولعانى؟

  2018 - جىلى مەن اۋات قالاشىعىنان باستاماشى بولىپ ءۇمىت سەلبەستىك كووپەراتيۆىن قۇردىم. تۇقىم ءسىڭىرۋ ماۋسىمىندا ءبىز قىستاق تۇرعىندارىنا تۇقىم، جارعاق ساتامىز، ءونىم الۋ ماۋسىمىندا ءبىز بارىپ ولاردىڭ اۋىل شارۋاشىلىق ءونىمىن ساتىپ الامىز. ءار جىلعى ماقتادان ءونىم الۋ ماۋسىمى سەلبەستىك كووپەراتيۆىنىڭ ەڭ قاربالاس مەزگىلى سانالادى. بىلتىر سەلبەستىك كووپەراتيۆى 8 ادام جالداپ ماقتا ساتىپ الۋعا ارناۋلى جاۋاپتى ەتتى، ولار جۇمىس ىستەيدى، سەلبەستىك كووپەراتيۆى ەڭبەكاقى بەرەدى، ەشكىم دە بىرەۋدى زورلاپ وتىرعان جوق.

  سەلبەستىك كووپەراتيۆى قۇرىلۋدىڭ الدىندا وتباسىمنىڭ نەگىزگى كىرىسى 30 نەشە مۋلىق ماقتالىق جەردەن كەلەتىن. كىشكەنە كەزىمدە اكە - شەشەمنىڭ ءار كۇنى ماقتا اتىزىندا ەڭبەك ىستەيتىندىگى، كۇزگە سالىم ولاردىڭ ەرتە كەتىپ، جاي ورالىپ ماقتا تەرەتىندىگى، جاپالى بولعانىمەن وتە كوڭىلدى جۇرەتىندىكتەرى ءالى ەسىمدە. ماقتا ەگۋ ورەسىنىڭ ۇزدىكسىز جوعارىلاۋىنا ىلەسە، وتباسىمىزدىڭ ماقتا ءونىم مولشەرى دە ورنىقتى ارتتى. ماقتا ەگۋگە سۇيەنىپ وتباسىمىزدىڭ تۇرمىسى بارعان سايىن جاقساردى، كەڭ دە جارىق بەيقۇت ءۇي سالىپ، تام ۇيگە قوش ايتتىق. مەن تاعى ءبىر كىشكەنە اۆتوبۋز ساتىپ الدىم، ولاردى جۇمىسقا الا جۇرۋمەن بىرگە، اۋىل شارۋاشىلىق ءوندىرىس قۇرال - جابدىقتارىن تاسيمىن. ماقتا مەنى باردام تۇرمىسقا كەنەلتىپ قانا قويماي، مەنى اۋىلداستارىما باستاماشىلدىق ەتىپ بىرگە اقشا تاباتىن قابىلەتكە يە ەتتى.

  وسى جات نيەتتەگى شەتەل كاسىپورىندارىنىڭ وسەك - اياڭ قۇراستىرىپ، بىزگە جالا جابۋى −− وتىرىكتى شىمىرىكپەي - اق سوققاندىق. شينجياڭعا جالا جابۋدى، كۇيە جاعۋدى دوعارىڭدار، ەندىگارى بەتالدى كوكي بەرمەڭدەر.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.