تيانشان تورى   ›   جاڭالىقتار   ›   شينجياڭ حابارلارى

پارتيا تاريحىن ۇيرەنۋ تاربيەسى بويىنشا ورتالىقتىڭ 10 - جەتەكشىلىك ەتۋ گرۋپپاسى رايونىمىزدا جەتەكشىلىك ەتۋ قىزمەتىن ورىستەتتى

  انار بۇلت / شينجياڭ گازەتىنىڭ ءتىلشىسى ميھىرگۇل عوپۇر 6 - ايدىڭ 8 - كۇنى ۇرىمجىدەن حابارلايدى. 6 - ايدىڭ 7 - كۇنىنەن 8 - كۇنىنە دەيىن پارتيا تاريحىن ۇيرەنۋ تاربيەسى بويىنشا ورتالىقتىڭ 10 - جەتەكشىلىك ەتۋ گرۋپپاسى رايونىمىزدا تەكسەرۋ - زەرتتەۋ، جەتەكشىلىك ەتۋ قىزمەتىن ورىستەتىپ، رايونىمىزدىڭ پارتيا تاريحىن ۇيرەنۋ تاربيەسىنىڭ كەڭىنەن ورىستەتىلۋىن، تەرەڭدەي ىلگەرىلەۋىن ونان ارى جەبەدى.

  جەتەكشىلىك ەتۋ گرۋپپاسىنىڭ باستىعى ۋي داپىڭ اترەت باستاپ جەتەكشىلىك ەتتى.

  ورتالىقتىڭ 10 - جەتەكشىلىك ەتۋ گرۋپپاسى ىلگەرىندى - كەيىندى اۆتونوميالى رايوندىق كىتاپحانا، ءۇرىمجى قالاسى نان مادەنيەتى كاسىپ سالاسى باقشاسى، شينجياڭ شىفان داشۋەسى، ءۇرىمجى قالاسى تيانشان رايونى قىزىلتۋ الەۋمەتتىك اۋماعى، شينجياڭ كوركەمونەر تەاترى سياقتى ورىندارعا بارىپ، نەگىزگى ساتىداعى مەكەمە - ورىنداردىڭ مالىمەتىن تىڭداۋ، پارتيا تاريحى كورمەسىن كورۋ، نەگىزگى تاقىرىپتىق قيمىلداردى كوزدەن كەشىرۋ سياقتى تاسىلدەر ارقىلى پارتيا تاريحىن ۇيرەنۋ تاربيەسى احۋالىن تاپتەشتەي ۇعىسىپ، پارتيا تاريحىن ۇيرەنۋ تاربيەسىن ورىستەتۋگە تۇرلەر بويىنشا جەتەكشىلىك ەتتى. ۋي داپىڭ تاعى جەتەكشىلىك ەتۋ گرۋپپاسىنىڭ مۇشەلەرىن باستاپ ءۇرىمجى قالاسى قۇرباندار قابىرستانى، ماۋ زىميننىڭ ەجەلگى تۇراعى سياقتى جەرلەرگە بارىپ، توڭكەرىستىك ارداگەر قۇربانداردى ەسكە الىپ، پارتياعا كىرۋ سەرتىن ەسكە ءتۇسىرىپ، نەگىزگى تاقىرىپتىق پارتيا كۇنى قيمىلىن ورىستەتتى ءارى بۇقارامەن بەتپە - بەت اڭگىمەلەسىپ، رايونىمىزدىڭ قىزىل بايلىقتان پايدالانىپ پارتيا تاريحىن ۇيرەنۋ تاربيەسىن ورىستەتۋ احۋالىنا تەكسەرۋ - زەرتتەۋ جۇرگىزدى.

  ۋي داپىڭ رايونىمىزدىڭ ورگان، كاسىپورىن، مەكتەپ، ءمالى، الەۋمەتتىك اۋماق سياقتىلاردىڭ مەكەمە - ورىننىڭ قىزمەت فۋنكتسياسىمەن بىرلەستىرىپ، جۇمىس ورنىنىڭ ءىس جۇزىندىك جاعدايىن تياناق ەتىپ، پارتيا تاريحىن ۇيرەنۋ تاربيەسىن ورىستەتۋ قىزمەتىن تۇراقتاندىردى. ول بىلاي دەپ باسا دارىپتەدى: ساياسي جاۋاپكەرشىلىك سەزىمدى جانە تاريحي بورىشتىلىق سەزىمدى شىن مانىندە كۇشەيتىپ، باس شۋجي شي جينپيڭنىڭ پارتيانىڭ تاريحى جانە پارتيا تاريحىن ۇيرەنۋ تاربيەسىن ورىستەتۋ جونىندەگى ماڭىزدى بايىمداۋلارىنىڭ رۋحاني ءمانىن، باي مازمۇنىن جانە امالياتتىق تالابىن مۇقيات ۇيرەنىپ، ءتۇسىنىپ، پارتيا تاريحىن ۇيرەنۋ تاربيەسىنىڭ نىساناسىنا، تالابىنا، ۇيرەنۋ مازمۇنىنا، قىزمەت ورنالاستىرۋىنا قاتاڭ نەگىزدەلىپ، شينجياڭنىڭ ءىس جۇزىندىك جاعدايىمەن تىعىز بايلانىستىرىپ، پارتيا تاريحىن ۇيرەنۋ تاربيەسىن تەرەڭدەتۋدى، ناقتىلاندىرۋدى ىلگەرىلەتۋ كەرەك. پارتيانىڭ جاسامپاز نازارياسىن ۇيرەنۋدى تەرەڭدەتىپ، پارتيا تاريحىن ۇيرەنۋ تاربيەسىنىڭ ساياسي جاۋاپكەرشىلىگىن سانالىلىقپەن اتقارىپ، ”شەشۋشى ازشىلىقتى“ مىقتاپ يگەرىپ، ادىسكە، تاسىلگە جاڭالىق ەنگىزىپ، بارلىق پارتيا مۇشەلەرىن پارتيا تاريحىن ۇيرەنۋ تاربيەسىنىڭ قىزۋ ورلەۋىنە ات سالىسۋعا جەتەكشىلىك ەتۋ كەرەك. پارتيا تاريحىن ۇيرەنۋ تاربيەسىنىڭ نىساناسىن، تالابىن ىشكەرىلەي ءتۇسىنىپ جانە يگەرىپ، ءوز ءىس جۇزىندىك جاعدايلارىمەن بايلانىستىرىپ، ادىسكە، تاسىلگە جاڭالىق ەنگىزىپ، قىزىل بايلىقتان جاندى، ويداعىداي پايدالانىپ، قىزىل شەپ قۇرىلىسىن كۇشەيتىپ، تاربيەلەۋ، جەتەكشىلىك ەتۋ رولىن ساۋلەلەندىرىپ، پارتيا تاريحىن ۇيرەنۋ تاربيەسىنىڭ بۇقاراعا ىشكەرىلەۋىن، نەگىزگى ساتىعا ىشكەرىلەۋىن، جۇرت كوڭىلىنە ۇيالاۋىن ىلگەرىلەتۋ كەرەك. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ويداعىداي يگەرىپ، بۇقارانىڭ ”شۇعىل، قيىن، ۋايىمداعان، ءزارۋ“ ءىسى ماسەلەسىن شەشۋگە كۇش سالىپ، ناقتى ءىستى بۇقارانىڭ كوڭىلىنەن شىعاتىنداي ەتىپ ىستەپ، پارتيا تاريحىن ۇيرەنۋ تاربيەسىنىڭ ناتيجەسىن بۇقارا ءۇشىن ناقتى ءىس ىستەۋمەن تەكسەرۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ مەڭگەرۋشىسى تيان ۋىن جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.