تيانشان تورى
تيانشان تورى   ›   جاڭالىقتار   ›   سۋرەتتى حابار

چىن چۋانگو، شوكىرات زاكىر قاتىستى حالىقارالىق ۇيىمداردىڭ جۇڭگودا تۇراتىن قۇرىلىمدارىنىڭ جاۋاپتىلارىمەن كەزدەستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 8 - كۇنى ۇرىمجىدەن حابارلايدى. 6 - ايدىڭ 7 - كۇنى تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شينجياڭعا ەكسكۋرسيالاي، ساپارلاي كەلگەن قاتىستى حالىقارالىق ۇيىمداردىڭ جۇڭگودا تۇراتىن قۇرىلىمدارىنىڭ جاۋاپتىلارىمەن جانە ولاردىڭ ساپارلاستارىمەن ۇرىمجىدە كەزدەستى.

  چىن چۋانگو اۆتونوميالى رايوندىق پارتكوم جانە ۇكىمەت اتىنان قاتىستى حالىقارالىق ۇيىمداردىڭ جۇڭگودا تۇراتىن قۇرىلىمدارىنىڭ جاۋاپتىلارىن قارسى الاتىندىعىن ءبىلدىرىپ، حالىقارالىق ۇيىمداردىڭ شينجياڭعا كورسەتكەن قولداۋىنا، كومەگىنە العىس ايتتى ءارى جۇڭگو شينجياڭىنىڭ ادامدىق ۇقىقتى جەبەۋگە جانە قورعاۋعا ايرىقشا ءمان بەرگەندىگى، ءار ۇلت حالقىنىڭ ءتۇرلى ۇقىقتار مەن ەركىندىكتەردەن يگىلىكتەنۋىن زاڭ بويىنشا قامتاماسىز ەتكەندىگى جونىندەگى حيكايالاردى تانىستىردى جانە ورتاقتاستى. ول بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى جانە حالىق تۇرمىسىن جاقسارتۋدى ىلگەرىلەتۋدە بۇرىن بولماعان تابىستارعا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيىپ، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. شينجياڭنىڭ ورنىقتىلىق، دامۋ تابىستارىن بۇكىل دۇنيە ءجۇزى كورىپ وتىر، حالىقارالىق قوعامنىڭ بەلسەندى باعاسىنا دا يە بولدى. ءبىز ءباز - باياعىسىنداي حالىقتى وزەك ەتكەن دامۋ يدەياسىن امالياتتا ايگىلەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، شينجياڭداعى ءار ۇلت حالقىنىڭ ۇقىق - مۇددەسىن ونان ارى جاقسى كوزدەيمىز، ەسەن - امان بولۋىن تىلەيمىز، قۇت - ىرىسىن ارتتىرامىز.

  چىن چۋانگو مىنالاردى ءبىلدىردى: سوڭعى جىلدارى جۇڭگو شينجياڭ قاتىستى حالىقارالىق ۇيىمدارمەن اپاتتان ساقتانۋ، اپات شىعىنىن ازايتۋ، حالىق تۇرمىسىن دامىتۋ، كەدەيلىكتەن ارىلتۋدان قامال الۋ، جاسىل اۋىل شارۋاشىلىعى، ەمدەۋ - دەنساۋلىق ساقتاۋ سياقتى سالالاردا كەڭ كولەمدى اۋىس - كۇيىس، سەلبەستىك ورىستەتتى. بايلانىستى، اۋىس - كۇيىستى ونان ارى كۇشەيتىپ، ەكونوميكا، حالىق تۇرمىسى، فينانس، مال - مۇلىك ۇقىعى، ونەركاسىپ، اۋىل شارۋاشىلىعى، دەنساۋلىق ساقتاۋ، قورشاعان ورتا سياقتى سالالارداعى اۋىس - كۇيىستى جانە سەلبەستىكتى ۇزدىكسىز كەڭەيتىپ، جۇڭگو شينجياڭىنىڭ حالىقارالىق ۇيىمدارمەن بارىس - كەلىسىن تەرەڭدەتۋدى، ناقتىلاندىرۋدى ىلگەرىلەتۋدى ءۇمىت ەتەمىن. ۋاكىلدەردىڭ شينجياڭنىڭ ەكونوميكالىق، قوعامدىق دامۋىنا بەلسەنە ۇسىنىس قويىپ، اقىل - كەڭەس بەرۋىن، ءوز ۇيىمدارىنىڭ قاتىستى نىساندارىنىڭ شينجياڭدا تياناقتانۋىن ىلگەرىلەتىپ، ءوزارا پايدا جەتكىزىپ، تەڭ يگىلىكتەنۋدى اناعۇرلىم جاقسى جۇزەگە اسىرۋىن شىن جۇرەكتەن ءۇمىت ەتەمىن. كوپشىلىكتىڭ شينجياڭدى كوبىرەك ارالاۋىن، كورۋىن، شىنايى شينجياڭدى بۇكىل دۇنيە جۇزىنە تانىستىرۋىن قىزۋ قارسى الامىن.

  قاتىستى حالىقارالىق ۇيىمداردىڭ جۇڭگودا تۇراتىن قۇرىلىمدارىنىڭ جاۋاپتىلارىنا سەرىك بولىپ شينجياڭعا ەكسكۋرسيالاي، ساپارلاي كەلگەن سىرتقى ىستەر مينيسترلىگىنىڭ ورىنباسار مينيسترى ما جاۋشۇي بىلاي دەدى: شينجياڭ − جۇڭگونىڭ باتىس بولىگىندەگى جارقىراعان مەرۋەرت، شينجياڭداعى ءار ۇلت حالقى − جۇڭحۋا ۇلتى ۇلى شاڭىراعىنىڭ ماڭىزدى مۇشەسى. شينجياڭداعى ءار ۇلت حالقىنىڭ ىنتىماقتاسا كۇرەس جۇرگىزۋىندە، بۇكىل ەلدەگى ءار ۇلت حالقىنىڭ زور كۇشپەن قولداۋىندا، شينجياڭ ەكونوميكالىق، قوعامدىق دامۋدا بۇرىن بولماعان تابىستارعا قول جەتكىزدى، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. وسى رەت قاتىستى حالىقارالىق ۇيىمداردىڭ جۇڭگودا تۇراتىن قۇرىلىمدارىنىڭ جاۋاپتىلارىن شينجياڭعا ەكسكۋرسيالاي، ساپارلاي كەلۋگە شاقىرۋداعى باستى ماقسات شينجياڭنىڭ ەكونوميكالىق، قوعامدىق دامۋ جاعدايىن ناقتى ۇعىسىپ، اۆتونوميالى رايوننىڭ قاتىستى تاراۋلارىمەن ۇشتاسۋدى كۇشەيتىپ، حالىقارالىق ۇيىمداردىڭ بايلىق جانە كاسىپتىك باسىمدىعىن تولىق ساۋلەلەندىرىپ، شينجياڭنىڭ قاتىستى جاقتارىمەن سەلبەستىكتى كەڭەيتۋگە ۇسىنىس قويىپ، اقىل - كەڭەس بەرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋ بولىپ تابىلادى. شينجياڭ − جۇڭگونىڭ ىشكى قۇرلىقتاعى شەكارا بويىنداعى ەسىك اشۋدىڭ بيىك بەلەسى، وسى رەتكى ەكسكۋرسيالاۋ، ساپارلاۋ ارقىلى قاتىستى حالىقارالىق ۇيىمداردىڭ جۇڭگودا تۇراتىن قۇرىلىمدارى ۋاكىلدەرىنىڭ شينجياڭ جونىندەگى تۇسىنىگىن ونان ارى كۇشەيتۋىن جەبەپ، ەكى جاقتىڭ سەلبەستىگىن كەڭەيتۋدى ءۇمىت ەتەمىن. سىرتقى ىستەر مينيسترلىگى ءباز - باياعىسىنداي شينجياڭ مەن حالىقارالىق ۇيىمداردىڭ سەلبەستىگىن كەڭەيتۋگە جان - جاقتى قولداۋ جانە كومەك كورسەتەدى.

  قاتىستى حالىقارالىق ۇيىمداردىڭ جۇڭگودا تۇراتىن قۇرىلىمدارىنىڭ جاۋاپتىلارى جەكە - جەكە وزدەرى ۋاكىلدىك ەتكەن ۇيىمداردىڭ جۇڭگودا ورىستەتكەن قىزمەت جاعدايىن، اسىرەسە، جۇڭگو شينجياڭىمەن اۋىس - كۇيىس، سەلبەستىك جاساۋدا قول جەتكىزگەن ناقتى جەتىستىكتەرىن تانىستىردى. ولار مىنالاردى ءبىلدىردى: جۇڭگو حالىقارالىق ۇيىمدارمەن دوستىق سەلبەستىك قارىم - قاتىناسىن ساقتاپ كەلەدى، جۇڭگو شينجياڭىنا ەكسكۋرسيالاي، ساپارلاي كەلگەندىگىمىزدى وتە داڭق سەزىنەمىز. ءبىز بەن جۇڭگو شينجياڭىنىڭ ءارقايسى سالادا تاماشا سەلبەستىك نەگىزى جانە وراسان زور سەلبەستىك كومەسكى كۇشى بار، جۇڭگو شينجياڭىمەن اۋىس - كۇيىس جاساسۋدى جانە ۇشتاسۋدى ونان ارى كۇشەيتىپ، كەدەيلىكتى ازايتۋ ءىسىن ىلگەرىلەتۋ، ءبىلىم مەنشىك ۇقىعىن قورعاۋ، اۋىل شارۋاشىلىعىن، اۋىل - قىستاقتى دامىتۋ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ، الەۋمەتتىك دەنساۋلىق ساقتاۋعا قىزمەت وتەۋ، زەردەلى قالا قۇرۋ، نەگىزدىك قۇرىلعىلارعا قارجى قوسۋ، تۋىندامالى ەنەرگيانى اشۋ سياقتى جاقتاردا اناعۇرلىم تەرەڭ دەڭگەيلى سەلبەستىك ورىستەتىپ، اناعۇرلىم كوپ سەلبەستىك نىساندارىنىڭ شينجياڭدا تياناقتانۋىن ىلگەرىلەتىپ، اناعۇرلىم كوپ ادامدى حالىقارالىق سەلبەستىك اكەلگەن ناقتى تيىمدىلىكتەن ورتاق يگىلىكتەندىرۋدى ءۇمىت ەتەمىز.

  اۆتونوميالى رايون باسشىلارىنان شۇي حايرۇڭ، ەركىن تۇنياز، لي شۋەجۇن، ءزۇمرات وبۇل، جاروللا يسامدين، ماڭلىك سەيىت، ابدۇرىقىپ ءتومۇرنياز قاتارلىلار كەزدەسۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.