تيانشان تورى   ›   جاڭالىقتار   ›   سۋرەتتى حابار

باتىس سولتۇستىكتەگى 5 ولكە (رايون) ساياسي كەڭەس ”جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋ“ بىرلەسكەن ءماجىلىسى ۇرىمجىدە اشىلدى

چىن چۋانگو ارناۋ ءسوز سويلەدى ياڭ چۋانتاڭ ءسوز سويلەدى

شوكىرات زاكىر، سۇي بو، نۇرلان ءابىلماجىن، جاڭ چۇنلين قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، جاڭ يۇنمەي 6 - ايدىڭ 8 - كۇنى ۇرىمجىدەن حابارلايدى. 6 - ايدىڭ 8 - كۇنى باتىس سولتۇستىكتەگى 5 ولكە (رايون) ساياسي كەڭەس ”جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋ“ بىرلەسكەن ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ارناۋ ءسوز سويلەدى، مەملەكەتتىك ساياسي كەڭەستىڭ ورىنباسار ءتوراعاسى ياڭ چۋانتاڭ ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، مەملەكەتتىك ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى فاڭ ايچيڭ، نيڭشيا حۇيزۋ اۆتونوميالى رايوندىق ساياسي كەڭەستىڭ ءتوراعاسى سۇي بو، ورىنباسار ءتوراعاسى ۋاڭ زىيۇن، شانشي ولكەلىك ساياسي كەڭەستىڭ ورىنباسار ءتوراعاسى ياڭ گۋانجۇن، گانسۋ ولكەلىك ساياسي كەڭەستىڭ ورىنباسار ءتوراعالارى چىن چيڭ، گو تيانكاڭ، چيڭحاي ولكەلىك ساياسي كەڭەستىڭ ورىنباسار ءتوراعاسى ۋاڭ جىنچاڭ ماجىلىسكە قاتىناستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين رايونىمىزدىڭ جىبەك جولى ەكونوميكالىق بەلدەۋى قۇرىلىسى قىزمەتىنىڭ جاعدايىن تانىستىردى.

  چىن چۋانگو ارناۋ سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان، سونداي - اق بۇكىل رايونداعى ءار ۇلت كادر - بۇقاراسى اتىنان ماجىلىسكە قاتىناسقان ۋاكىلدەردى قىزۋ قارسى الاتىندىعىن ءبىلدىردى، ۇزاق ۋاقىتتان بەرى شينجياڭعا كوڭىل بولگەن، قولداۋ كورسەتكەن مەملەكەتتىك ساياسي كەڭەسكە جانە مەملەكەتتىڭ مينيسترلىكتەرىنە، كوميتەتتەرىنە، تۋىسقان ولكە، رايون، قالالارعا شىنايى العىس ايتتى. چىن چۋانگو بىلاي دەدى: ”ءبىر بەلدەۋ، ءبىر جولدى“ بىرگە قۇرۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس مەڭگەرە وتىرىپ ورتاعا قويعان كەلەلى باستاماسى. شينجياڭ ازيا - ەۆروپا قۇرلىعىنىڭ قويناۋىندا، ەلىمىزدىڭ باتىس سولتۇستىگىندەگى ستراتەگيالىق قالتقى، شىعىسپەن بايلانىس جاساپ، باتىسقا شىعارۋداعى حالىقارالىق، ەل ءىشى ءىرى ارناسى، ەلىمىزدىڭ باتىسقا ەسىك اشۋداعى الدىڭعى شەبى، جىبەك جولى ەكونوميكالىق بەلدەۋىنىڭ وزەكتى رايونى. ءبىز ۇزدىكسىز تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋ جونىندەگى ماڭىزدى بايىمداۋلارىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، شينجياڭنىڭ وڭىرلىك باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدى قوزعاۋشى ەتۋگە تاباندى بولىپ، شينجياڭنىڭ ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن ونان ارى بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن تۇلعالايمىز. ءبىز باتىس سولتۇستىكتەگى ولكەلەرمەن (رايون) سەلبەستىكتى ۇزدىكسىز تەرەڭدەتىپ، ساياسي كەڭەس بىرلەسكەن ءماجىلىسى تۇعىرىنان ۇتىمدى پايدالانىپ، جىبەك جولىن بىرگە قۇرىپ، گۇلدەنۋ ورايىنان بىرگە يگىلىكتەنىپ، تاماشا كەلەشەكتى بىرگە جاراتىپ، سايكەسە وتىرىپ باتىسقا ەسىك اشۋدىڭ، جوعارى ساپالى دامۋدىڭ جاڭا تاراۋىن بىرگە جازامىز.

  ياڭ چۋانتاڭ بىلاي دەپ اتاپ كورسەتتى: باتىس سولتۇستىكتەگى 5 ولكە (رايون) ەجەلدەن بەرى جىبەك جولى باسىپ وتكەن جەرلەر، سايكەسە وتىرىپ باتسقا ەسىك اشۋدا وزگەشە جاعراپيالىق، گۋمانيتارلىق جانە بايلىق باسىمدىعى بار. ”ەكى كەلەلى جاعدايدى“ كوزدە ۇستاپ، ءوزىنىڭ جىبەك جولى ەكونوميكالىق بەلدەۋى قۇرىلىسىنداعى ماڭىزدى ورنىن جەتە تانىپ، پارتيا ورتالىق كوميتەتىنىڭ ولكەلەرگە، رايوندارعا بەرگەن ستراتەگيالىق ورنىن جانە بورىشىن، مىندەتىن مىقتاپ يگەرىپ، جىبەك جولى ەكونوميكالىق بەلدەۋىنىڭ وزەكتى رايونى، ۇلكەن ارناسى، ماڭىزدى بۋىنى سياقتى رولدارىن ويداعىداي قورعاپ، جاقسى ساۋلەلەندىرىپ، جاقسى ايگىلەپ، جىبەك جولى ەكونوميكالىق بەلدەۋى وزەكتى رايون قۇرىلىسىنا جانە مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا قىزمەت وتەۋ بارىسىندا جاڭا بورىش ارقالاپ، تىڭ ۇلەس قوسۋ كەرەك. تاريحي ورايدى مىقتاپ يگەرىپ، جاڭا دامۋ ارناسىنا ىرىقتىلىقپەن توعىسۋ، بەلسەنە قالىپتاستىرۋ بارىسىندا ءوز ورنىمىزدى ءداپ باسىپ تاۋىپ، العا ىلگەرىلەۋ بەتالىسىن ايقىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ەكونوميكالىق، قوعامدىق دامۋدىڭ بارلىق جاعىندا تياناقتاندىرىپ، بايلىق ەرەكشەلىگى مەن كومەسكى كۇش باسىمدىعىن باسەكەلىك باسىمدىققا قۇلشىنا اينالدىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك. باتىس سولتۇستىكتەگى 5 ولكە (رايون) ساياسي كەڭەسى ءوز باسىمدىقتارىن تولىق ساۋلەلەندىرىپ، جاڭا دامۋ ارناسىن قالىپتاستىرۋعا، جوعارى ساپالى دامۋدى جۇزەگە اسىرۋعا قاتىستى بولجامپازدىق، جالپىلىق، ستراتەگيالىق ماسەلەلەردى توڭىرەكتەي وتىرىپ زەرتتەۋدى تەرەڭدەتىپ، مىندەت اتقارىپ، ۇسىنىس بەرىپ، اقىل - پاراسات پەن كۇش - قايراتتى كەڭ كولەمدە ۇيىستىرىپ، باتىس سولتۇستىكتەگى 5 ولكەنىڭ (رايون) سايكەسە وتىرىپ باتىسقا ەسىك اشۋىن جەبەۋ، جىبەك جولى ەكونوميكالىق بەلدەۋى قۇرىلىسىنا بەلسەنە توعىسۋ، باتىس بولىكتى قاۋىرت اشۋدىڭ جاڭا ارناسىن قالىپتاستىرۋ بارىسىندا اناعۇرلىم زور رول اتقارۋ كەرەك.

  ماجىلىستە نيڭشيا، گانسۋ، شانشي، چيڭحاي، شينجياڭ ساياسي كەڭەستەرىندەگى قاتىستى جاۋاپتى جولداستار جىبەك جولى ەكونوميكالىق بەلدەۋى قۇرىلىسىنا قىزمەت وتەۋ تاجىريبەلەرىن اۋىستىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.