□ كەريا اۋدانىنداعى ماقتا تەرۋشى يباداتحان روزى
تاياۋدا ءىشىنارا شەتەل كاسىپورىندارى ءبىزدىڭ شينجياڭنىڭ ماقتاسىنا كۇيە جاقتى، مەن مۇنى ەستىپ زىعىردانىم قاينادى. مەن بۇرىن ماقتا تەرۋشى بولاتىنمىن، ماقتا تەرگەن كىرىسىمە سۇيەنىپ ەرەن بازار اشىپ، جاقسى تۇرمىس كەشىردىم. ماقتا تەرۋگە قۋانا - قۋانا بارىپ، كىرىسىمىزدى ارتتىرعانىمىز ايدان انىق، مۇنى قالايشا ولار ”زورلىققا“ بالاپ وتىر؟ وسى شەتەل كاسىپورىندارى وسىلايشا اۋزىنا كەلگەنىن كوكي بەرسە بولا ما!
وتباسىم بۇرىن بىرنەشە مۋ جەرگە جانە سيىر باققان كىرىسكە سۇيەنىپ كۇن كەشەتىن. بالالارىمنىڭ بىرتە - بىرتە ەرجەتۋىنە ىلەسە، وتباسىمنىڭ شىعىسى دا ارتا ءتۇستى. كۇيەۋىم ەكەۋىمىز سىرتقا شىعىپ اقشا تاۋىپ، اقشا قۇراعاننان كەيىن كاسىپ جولىن تاۋىپ، بالالارعا ويداعىداي زاتتىق شارت - جاعداي ازىرلەۋدى ويلاسىپ جۇرگەن بولاتىنبىز.
ءبىر جولى توسىن ورايدا ماقتا تەرسە نەداۋىر كوپ اقشا تابۋعا بولاتىندىعىن ەستىپ قالدىم، سونىمەن 2019 - جىلى قىستاقتاعى اپەكە - سىڭلىلەرمەن بىرگە كورلاعا ماقتا تەرۋگە باردىم. 40 نەشە كۇندە 7000 نەشە يۋان اقشا تاپتىم، ۇيىمە قايتقاننان كەيىن بىرنەشە جىل جيعان اقشاممەن جانە ماقتا تەرىپ تاپقان اقشاممەن قىستاقتان ءبىر ەرەن بازار اشتىم. 2020 - جىلى تاعى كورلاعا بارىپ ماقتا تەرىپ، 12 مىڭ يۋان اقشا تاپتىم. وسى اقشامەن دۇكەنىمدى كەڭەيتىپ، حيميالىق تىڭايتقىش، ەگىس دارىلەرىن دە قوسىپ ساتاتىن بولدىم. دۇكەننىڭ ساۋداسى ونان ارى جاقساردى، قازىر ايلىق كىرىسىم 5000 يۋاننان استى. بۇل كۇندەرى تۇرمىس دەڭگەيىمىز بارىنشا جوعارىلاپ، تۇرمىسىمىز كۇن سايىن شالقىپ كەلەدى.
بۇل مەنىڭ وتباسىمنىڭ ماقتاعا سۇيەنىپ كىرىستى ارتتىرىپ بايىعان حيكاياسى. امەريكاداعى، باتىستاعى جۇڭگوعا قارسى كۇشتەر ءبىزدىڭ تاماشا تۇرمىس كەشىرۋىمىزگە بوگەت بولا المايدى، شينجياڭنىڭ ورنىقتىلىعىنا، دامۋىنا ءتىپتى دە بوگەت بولا المايدى.
