انار بۇلت / شينجياڭ گازەتىنىڭ ءتىلشسى جىڭ جو 6 - ايدىڭ 9 - كۇنى ۇرىمجىدەن حابارلايدى. 6 - ايدىڭ 8 - كۇنى ”شينجياڭ جاقسى جەر“ اتىنداعى اۋعانستانعا ارنالعان بەينە ەكران اۋىس - كۇيىس ءماجىلىسى ۇرىمجىدە جانە كابلدا ءبىر ۋاقىتتا وتكىزىلدى، ەكى جەردەگى قوعامنىڭ ءار سالاسىنداعى قايراتكەرلەر بەينە ەكران ارقىلى ءوزارا اۋىس - كۇيىس جاساسىپ، ىقپالداستى.
وسى رەتكى اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى، جۇڭگونىڭ اۋعانستاندا تۇراتىن باس ەلشىحاناسى بىرگە وتكىزدى. اۆتونوميالى رايون باسشىلارى لي شۋەجۇن، جاروللا يسامدين، جۇڭگونىڭ اۋعانستاندا تۇراتىن باس ەلشىسى ۋاڭ يۇي جەكە - جەكە ۇرىمجىدەگى جانە كابلداعى اۋىس - كۇيىس ماجىلىسىنە قاتىناستى. جۇڭگو - اۋعانستان ەكى جاقتىڭ ءار سالا قايراتكەرلەرى ەكونوميكانى دامىتۋ، مادەنيەت اۋىس - كۇيىسى، لاڭكەستىككە سوققى بەرۋ سياقتى جاقتاردان تالقى ورىستەتتى.
اۆتونوميالى رايوننىڭ ورىنباسار ءتوراعاسى جاروللا يسامدين كەزەكتەگى شينجياڭنىڭ ەكونوميكالىق، قوعامدىق دامۋ جاعدايىن تانىستىردى. ول بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا شينجياڭ ۇيعۇر اۆتونوميالى رايونى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى.
جاروللا يسامدين بىلاي دەپ اتاپ كورسەتتى: امەريكاداعى، باتىستاعى جۇڭگوعا قارسى كۇشتەر وسەك - اياڭعا جانە جالعان ينفورماتسيالارعا نەگىزدەلىپ، شينجياڭداعى قاتىستى ۇيىمدارعا، كاسىپورىندارعا جانە جەكە ادامدارعا جازا قولداندى، بۇل بۇكىلدەي قاراقشىلىق لوگيكا، ءتۇبىرلى ماقساتى شينجياڭنىڭ حاۋىپسىزدىگىن، ورنىقتىلىعىن ءبۇلدىرۋ، جۇڭگونىڭ دامۋىنا، زورايۋىنا كەدەرگى بولۋ. كەزەكتە حالىقاراداعى كوپتەگەن اڭعارلى ادامدار امەريكاداعى، باتىستاعى جۇڭگوعا قارسى كۇشتەر ويدىرىپ شىعارعان شينجياڭعا ساياتىن وسەك - اياڭدارعا بارعان سايىن ايقىن كوز جەتكىزىپ، ادىلەتتى جاقتاپ تۇس - تۇستان ءۇن قاتتى، بۇدان امەريكاداعى، باتىستاعى جۇڭگوعا قارسى كۇشتەردىڭ شينجياڭعا قاراتقان قيسىنسىز جازعىرۋىنىڭ جۇرت كوڭىلىنە جاقپايتىندىعىن، اقىرىندا تاريحتىڭ ماسقارالىق دىڭگەگىنە شەگەلەنەتىندىگىن كورۋگە بولادى. ءبىز كوپشىلىكتىڭ شينجياڭعا كەلىپ ارالاپ كورۋىن، شينجياڭداعى ءار ۇلت حالقىنىڭ جۇرەك ءۇنىن ەستۋىن قارسى الامىز.
جۇڭگونىڭ اۋعانستاندا تۇراتىن باس ەلشىسى ۋاڭ يۇي مىنانى ءبىلدىردى: اۋعانستان جۇڭگونىڭ شينجياڭىمەن شەكارالاسىپ جاتىر، ەكى جاق تاعدىرلاس ورتاق تۇلعا. ۇزاق ۋاقىتتان بەرى شينجياڭ اۋعانستان حالقىن مول زاتتىق كومەكپەن قامداپ كەلەدى، اۋعانستاندىق تۋما جۇرەك اۋرۋى بار ناۋقاستاردى ۇرىمجىدە وپەراتسيا جاساتۋعا ورنالاستىردى. ول بىلاي دەدى: سوڭعى جىلدارى بىرلەسكەن مەملەكەتتەر ۇيىمى سياقتى كوپ جاقتى مىنبەدە ءىسلام سەلبەستىك ۇيىمىنا مۇشە ەلدەردى قامتىعان كوپتەگەن مەملەكەتتەر شينجياڭعا ساياتىن ماسەلەدە جۇڭگونى ايرىقشا قولدادى. اۋعانستاندىق دوستاردىڭ شينجياڭعا ەكسكۋرسيالاۋىن، ساپارلاۋىن، ناعىز شينجياڭدى كورۋىن جانە سەزىنۋىن شىن كوڭىلدەن قارسى الامىز.
اۋعانستاننىڭ ۇكىمەت قۇرىلىمىنان، وقۋ - اعارتۋ سالاسىنان كەلگەندەر، داشۋەدە وقىپ جاتقان وقۋشىلار، سونداي - اق باسقا دا بۇقارالىق ۇجىمدار سياقتى ءار سالاداعى قايراتكەرلەر شينجياڭنىڭ كەزەكتەگى دامۋ جاعدايىن تانىستىرۋدى تىڭداپ، ”شينجياڭ جاقسى جەر“ اتىنداعى ۇگىت فيلمىن كورىپ، شينجياڭنىڭ ەكونوميكالىق، قوعامدىق دامۋدا قول جەتكىزگەن تابىستارىن قۇپتادى. ولار مىنالاردى ءبىلدىردى: اۋعانستان ۇزاق ۋاقىت بويى لاڭكەستىك پەن سوعىس الاپاتىنىڭ، قاقتىعىستاردىڭ زالالىنا ۇشىراپ كەلدى، بەيبىتشىلىكتىڭ، ورنىقتىلىقتىڭ قادىرىن ابدەن بىلەدى، جۇڭگو شينجياڭىنىڭ لاڭكەستىككە سوققى بەرۋ جاقتارىنداعى تاجىريبەسىنەن، ءادىس - امالدارىنان ۇيرەنۋدى جانە ۇلگى الۋدى ءۇمىت ەتەمىز. وسى رەتكى اۋىس - كۇيىس ءماجىلىسىن وراي ەتىپ، ءوزارا تۇسىنىستىكتى كۇشەيتىپ، جۇڭگو - اۋعانستان دوستىعىن تەرەڭدەتىپ، ەكى جاقتىڭ ىشكەرىلەي سەلبەسۋىن، اۋىس - كۇيىس جاساسۋىن جەبەۋدى ءۇمىت ەتەمىز.
