تيانشان تورى   ›   جاڭالىقتار   ›   سۋرەتتى حابار

پارتيانىڭ 100 جىلدىق كۇرەس بارىسىنان اقىل - پاراسات جانە كۇش - قۋات قابىلداپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن قايراتتانا اشۋ كەرەك

اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىن جانە جۇڭگو كوممۋنيستىك پارتياسى تاريحى جونىندەگى جەلىلەس ماڭىزدى بايىمداۋلارىن ارناۋلى تاقىرىپتا ۇيرەندى

پارتيانىڭ 100 جىلدىق كۇرەس بارىسىنان اقىل - پاراسات جانە كۇش - قۋات قابىلداپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن قايراتتانا اشۋ كەرەك

چىن چۋانگو باسقاردى، ۋي داپىڭ، شاۋكەت يمىن، ۋاڭ جۇنجىڭ، جاڭ چۇنلين قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 9 - كۇنى ۇرىمجىدەن حابارلايدى. 6 - ايدىڭ 9 - كۇنى تۇستەن بۇرىن اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى پارتيا تاريحىن ارناۋلى تاقىرىپتا ۇيرەنۋ ءماجىلىسىن وتكىزىپ، باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەندى، باس شۋجي شي جينپيڭنىڭ جۇڭگو كوممۋنيستىك پارتياسى تاريحى جونىندەگى جەلىلەس ماڭىزدى بايىمداۋلارىن ۇيرەندى، يگەردى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.

  پارتيا تاريحىن ۇيرەنۋ تاربيەسى بويىنشا ورتالىقتىڭ 10 - جەتەكشىلىك ەتۋ گرۋپپاسىنىڭ باستىعى ۋي داپىڭ، ورىنباسار باستىعى شىن چۋانباۋ ماجىلىسكە قاتىناسىپ جەتەكشىلىك ەتتى. اۆتونوميالى رايوننىڭ باسشىلارىنان شاۋكەت يمىن، ۋاڭ جۇنجىڭ، جاڭ چۇنلين، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، چىن ۋيجۇن، ۋاڭ ميڭشان قاتىناستى.

  ماجىلىستە چىن چۋانگو، ۋاڭ جۇنجىڭ، جاڭ چۇنلين، ەركىن تۇنياز، تيان ۋىن، لي يفي ۇيرەنۋ اسەرلەرىن ورتاقتاستى، اۆتونوميالى رايوندىق پارتكومداعى باسقا دا تۇراقتى مۇشە جولداستار مەن اۆتونوميالى رايوندىق حالىق قۇرىلتايىنداعى، ساياسي كەڭەستەگى نەگىزگى جاۋاپتى جولداستار جازباشا پىكىر اۋىستىرىپ، ءسوز سويلەدى. كوپشىلىك مىنالاردى ءبىلدىردى: پارتيامىزدىڭ 100 جىلدىق تاريحى − پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيانىڭ حالىقپەن تىلەكتەس، تىنىستاس، تاعدىرلاس بولۋ تاريحى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ەڭ ماڭىزدى ورىنعا قويۋعا تاباندى بولىپ، پارتيا تاريحى سىندى وسى وقۋلىقتان جاقسى پايدالانىپ، پارتيانىڭ تاريحىن جاقسى ۇيرەنىپ، جاقسى قورىتىندىلاپ، پارتيانىڭ تابىستى تاجىريبەلەرىنە ويداعىداي مۇراگەرلىك ەتىپ، ويداعىداي ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز.

  كوپشىلىكتىڭ ءسوزىن مۇقيات تىڭداعاننان كەيىن چىن چۋانگو ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭنىڭ جۇڭگو كوممۋنيستىك پارتياسى تاريحى جونىندەگى جەلىلەس ماڭىزدى بايىمداۋلارى، اسىرەسە، پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزى ءبىزدىڭ پارتيا تاريحىن ۇيرەنۋ تاربيەسىن ويداعىداي ورىستەتۋىمىزگە ايقىن بەتالىس كورسەتىپ، ارەكەت باعدارناماسىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باس شۋجي شي جينپيڭنىڭ ماڭىزدى ءسوزىن جانە ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا تاريحى ”وقۋلىعىنان“ جاقسى پايدالانىپ، پارتيانىڭ 100 جىلدىق كۇرەس تاريحىن شىن مانىندە اۋەلگى ماقساتتى، بورىشتى نارلەندىرۋدىڭ ”مايەگى“، پارتيالىلىق قاسيەتتى شىڭاۋدىڭ ”قايراعى“، پارتيا مەن مەملەكەتتىڭ ءتۇرلى ىستەرىنىڭ ۇزدىكسىز العا باسۋىن ىلگەرىلەتۋدىڭ ”مىندەتتى ساباعى“ ساناپ، سودان اقىل - پاراسات جانە كۇش - قۋات قابىلداپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن قايراتتانا اشۋ كەرەك.

  چىن چۋانگو بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىن جانە ماڭىزدى بايىمداۋلارىن جەتەكشى ەتۋدەن جازباي، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، پارتيا تاريحىن ۇيرەنۋ تاربيەسىنىڭ دۇرىس بەتالىسىنا شىنايى كەپىلدىك ەتۋ كەرەك. 100 جىلدىق پارتيا تاريحىنان يدەيانىڭ ۇلى كۇشىن سەزىنىپ، نازاريامەن قارۋلانۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ داۋىرلىك قۇنى مەن نازاريالىق ۇلەسىن ىشكەرىلەي ءتۇسىنىپ، ونىڭ كەلەلى ماڭىزىن، باي مازمۇنىن، عىلمي جۇيەسىن، رۋحاني ءمانىن، امالياتتىق تالابىن ىشكەرىلەي يگەرىپ، ساياسيدا شىنايى مويىنداۋدى، يدەيادا شىنايى مويىنداۋدى، نازاريادا شىنايى مويىنداۋدى، سۇيىسپەنشىلىك جاقتا شىنايى مويىنداۋدى ۇزدىكسىز كۇشەيتىپ، سول ارقىلى شىن مانىندە وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. 100 جىلدىق پارتيا تاريحىنان تاريحتىڭ ۇلكەن اۋقىمىن تانىپ، تاريحي زاڭدىلىقتى يگەرىپ، پارتيا تاريحىن ۇيرەنۋدى جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ۇشتاستىرىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ىستەرىن“ جىعا تانىپ، تۇيدەك بۇلتتار كوشكەن الماعايىپ زاماندا دۇرىس بەتالىستى مىقتى يگەرىپ، حاۋىپ - قاتەر، سىن - سايىس الدىندا باتىلدىقتى شىڭاپ، كۇرەس سەنىمى مەن قوزعاۋشى كۇشىن قاۋلاتۋ كەرەك. 100 جىلدىق پارتيا تاريحىنان اۋەلگى ماقساتتى، بورىشتى سەزىنىپ، حالىققا سۇيىسپەنشىلىكتى تەرەڭدەتىپ، اۋەلگى ماقساتتان، بورىشتان اينىماي، حالىق تۇرعىسىندا مىزعىماي تۇرىپ، باستان - اياق حالىقپەن نيەت توعىستىرىپ، بەينەت پەن زەينەتتى حالىقپەن بىرگە كەشىپ، حالىقپەن بىرگە ىنتىماقتاسا كۇرەس جۇرگىزۋ كەرەك. 100 جىلدىق پارتيا تاريحىنان تاريحي تاجىريبەلەردى قورىتىندىلاپ، كۇرەس جاساۋ قابىلەتىن جوعارىلاتىپ، العا باسۋ جولىنداعى بولجاۋعا بولاتىن جانە بولجاۋعا كەلمەيتىن ءتۇرلى حاۋىپ - قاتەرلەرگە، سىن - سايىستارعا اناعۇرلىم ويداعىداي توتەپ بەرىپ، جاڭا ساپاردا ءتۇرلى ىستەردە تولقىن جارا العا ۇمتىلۋدى، ورنىقتى قاداممەن الىستارعا جەتۋدى ىلگەرىلەتۋ كەرەك. 100 جىلدىق پارتيا تاريحىنان توڭكەرىس رۋحىن ساۋلەلەندىرىپ، تاماشا ستيلدى ساقتاپ، توڭكەرىس داستۇرىنە سانالىلىقپەن مۇراگەرلىك ەتىپ، قىزىل گەندى جالعاستىرىپ، رۋحاني كالتسيدى تولىقتاپ، ۇيرەنۋ ونىمدىلىگىن ءىس تىندىرىپ، ناتيجە شىعارۋدىڭ رۋحاني قوزعاۋشى كۇشىنە قۇلشىنا اينالدىرىپ، جاڭا ساپارعا اتتانۋدىڭ، جاڭا داۋىردە ەكپىندەي ىلگەرىلەۋدىڭ جىگەر - قايراتىن ۇزدىكسىز تاسقىنداتۋ كەرەك.

  چىن چۋانگو بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، پارتيا تاريحىن ۇيرەنۋ تاربيەسىنىڭ جالپى تالابىن مىقتاپ يگەرىپ، ۇيرەنۋ تاربيەسىنىڭ تەرەڭدەۋىن، ساناعا ۇيالاۋىن، ناقتىلانۋىن ىلگەرىلەتۋ كەرەك. ساياسي جاۋاپكەرشىلىكتى باتىلدىقپەن ارقالاپ، ۇيىمدىق باسشىلىقتى شىن مانىندە كۇشەيتىپ، اۆتونوميالى رايوننىڭ پارتيا تاريحىن ۇيرەنۋ تاربيەسىنە باسشىلىق ەتۋ گرۋپپاسى ءبىر تۇتاس جوسپارلاۋدى كۇشەيتىپ، مۇشە ورىندار تىعىز سەلبەسىپ، ءار دارەجەلى پارتكومدار (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىكتى ارقالاپ، نەگىزگى باسشى جولداستار تىكە يگەرىپ، شارلاۋ - جەتەكشىلىك ەتۋ گرۋپپاسى قۋزاۋ، جەتەكشىلىك ەتۋدى كۇشەيتىپ، ۇيرەنۋ تاربيەسىنىڭ ناقتىلانۋىنا، ەگجەي - تەگجەيلىلەنۋىنە، تياناقتانۋىنا شىنايى كەپىلدىك ەتۋ كەرەك. نىسانا - مىندەتتى جاپپاي يگەرىپ، مىندەتتەردى ەگجەي - تەگجەيلى يگەرىپ، ناقتى ىستەپ، ارناۋلى تاقىرىپتا ۇيرەنۋدى، ساياسي جاقتان جەتەكشىلىك ەتۋدى، ارناۋلى تاقىرىپتا تاربيەلەۋدى جانە ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ونان ارى جاقسى يگەرىپ، ارناۋلى تاقىرىپتىق ۇيىمدىق تۇرمىس جيىنىن جانە دەموكراتيالىق تۇرمىس جيىنىن جوعارى ساپامەن ويداعىداي اشۋ كەرەك. وزەكتى قىزمەتپەن ءبىر تۇتاس جوسپارلاۋعا، قىزمەتتىڭ جاڭا جاعدايىن قايراتتانا اشۋعا تاباندى بولىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋ، ءوندىرىس حاۋىپسىزدىگى جانە ەكونوميكانى جوعارى ساپالى دامىتۋ قىزمەتتەرىن تىڭعىلىقتى، ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.