تيانشان تورى   ›   جاڭالىقتار   ›   ماڭىزدى حابارلار

حالىقتى وزەك ەتۋگە تاباندى بولىپ، رەفورما جاساۋدى، ەسىك اشۋدى تەرەڭدەتىپ، چيڭحاي - شيزاڭ ءۇستىرتىنىڭ ەكولوگياسىن قورعاۋدى جانە جوعارى ساپالى دامۋدى ىشكەرىلەي ىلگەرىلەتۋ كەرەك

شي جينپيڭ چيڭحايدا قىزمەت تەكسەرگەندە بىلاي دەپ باسا دارىپتەدى

حالىقتى وزەك ەتۋگە تاباندى بولىپ، رەفورما جاساۋدى، ەسىك اشۋدى تەرەڭدەتىپ، چيڭحاي - شيزاڭ ءۇستىرتىنىڭ ەكولوگياسىن قورعاۋدى جانە جوعارى ساپالى دامۋدى ىشكەرىلەي ىلگەرىلەتۋ كەرەك

  6 - ايدىڭ 7 - كۇنىنەن 9 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحايدا قىزمەت تەكسەردى. سۋرەتتە: 6 - ايدىڭ 8 - كۇنى تۇستەن كەيىن شي جينپيڭ حايبەي زاڭزۋ اۆتونوميالى وبلىسى گاڭچا اۋدانى شاليۋحى قالاشىعى گولوزاڭگۇڭما قىستاعىندا قىزمەت تەكسەرگەندە قىستاق تۇرعىندارىمەن ىقىلاسپەن اڭگىمەلەستى.

  □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  6 - ايدىڭ 7 - كۇنىنەن 9 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحايدا قىزمەت تەكسەردى. سۋرەتتە، 6 - ايدىڭ 7 - كۇنى تۇستەن كەيىن شي جينپيڭ شينيڭ قالاسى چىڭشي رايونى ۋىنحۇي جولى ءمالى باسقارماسى ۋىنتيڭشياڭ الەۋمەتتىك اۋماعىنىڭ كىتاپ وقۋ بولمەسىندە الەۋمەتتىك اۋماقتىڭ جاستار مەن ورەندەردى ساباقتان كەيىنگى الەۋمەتتىك يگىلىك سيپاتتى اماناتتاۋ قىزمەت وتەۋمەن قامتاماسىز ەتۋ جاعدايىن ۇعىسۋدا.

  □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 6 - ايدىڭ 9 - كۇنى شينيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا چيڭحايدا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، حالىقتى وزەك ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، رەفورما جاساۋدى، ەسىك اشۋدى تەرەڭدەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، قامال الىپ، قيىنشىلىقتى جەڭىپ، ءورىس اشا جاڭالىق جاساپ، چيڭحاي - شيزاڭ ءۇستىرتىنىڭ ەكولوگياسىن قورعاۋدى جانە جوعارى ساپالى دامۋدى ىلگەرىلەتۋدە ۇزدىكسىز تىڭ تابىستارعا قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ چيڭحاي تاراۋىن قايراتتانا جازۋ كەرەك.

  6 - ايدىڭ 7 - كۇنىنەن 9 - كۇنىنە دەيىن شي جينپيڭ چيڭحاي ولكەلىك پارتكومنىڭ شۋجيى ۋاڭ جيانجۇننىڭ، ولكە باستىعى شين چاڭشيڭنىڭ سەرىك بولۋىندا، شينيڭ قالاسى، حايبەي زاڭزۋ اۆتونوميالى وبلىسى قاتارلى جەرلەرگە بارىپ، كاسىپورىن، الەۋمەتتىك اۋماق، جاراتىلىستىق قورىق، اۋىل - قىستاق قاتارلىلاردى ىشكەرىلەي ارالاپ تەكسەرۋ - زەرتتەۋ جۇرگىزدى.

  6 - ايدىڭ 7 - كۇنى تۇستەن كەيىن شي جينپيڭ شينيڭ قالاسى چىڭجۇڭ رايونىنداعى چيڭحاي شىڭيۋان كىلەم توبى شەكتى سەرىكتەستىگىنە بارىپ قىزمەت تەكسەردى، تەكسەرۋ - زەرتتەۋ جۇرگىزدى. ءوندىرىس سەحىندا شي جينپيڭ شيكىزاتتاردى، ءوندىرىس ءتارتىبىن، ءونىم كورمەسىن كورىپ، مەملەكەت دارەجەلى بەيزاتتىق مادەنيەت مۇراسى جيايا زاڭزۋ كىلەمىن قولمەن توقۋ شەبەرلىگىن قورعاۋ، جالعاستىرۋ جاعدايىن ۇعىسىپ، كاسىپورىننىڭ جەرگىلىكتى بۇقارانىڭ جۇمىستانۋىن، كىرىسىن ارتتىرۋىن جەبەگەندىگىن تۇراقتاندىردى. كاسىپورىننىڭ تەكسەرۋ، جوبالاۋ تاراۋىندا شي جينپيڭ ءونىمنىڭ ۇيكەلىسكە توزىمدىلىك دارەجەسى سىناعىن، ءونىمنىڭ جوبا سۋرەتىن زەر سالا كورىپ، ءونىمنىڭ ساتىلۋ جولى مەن كاسىپورىننىڭ جاڭالىق اشا دامۋ جاعدايىن سۇراستىردى. شي جينپيڭ بىلاي دەپ باسا دارىپتەدى: جوعارى ساپالى دامۋدى ىلگەرىلەتۋدە ەرەكشەلىگى وتە ايقىن كاسىپ سالالارىن، ومىرشەڭدىگى وتە كۇشتى كاسىپورىنداردى يگەرۋگە شەبەر بولىپ، ەرەكشە كاسىپ سالاسى ارقىلى ساپالى كاسىپورىن جەتىلدىرىپ، كاسىپورىننىڭ دامۋى ارقىلى كاسىپ سالاسىنىڭ دەڭگەيىن جوعارىلاتۋدى جەبەۋ كەرەك. چيڭحاي ەرەكشە كاسىپ سالاسىن دامىتۋدان زور ءىس تىندىرا الادى، زور ىسكەرلىك تە كورسەتە الادى، حالىقتىق كاسىپورىنداردى دامۋعا شابىتتاندىراتىن، قولداۋ كورسەتەتىن، جەتەكتەيتىن ساياساتتىق ورتانى بەلسەندىلىكپەن ازىرلەۋ كەرەك. كاسىپورىننىڭ جاڭالىق اشۋىنا قىزمەت وتەۋ جۇيەسىن جەدەل كەمەلدەندىرىپ، كاسىپورىنداردى عىلىم - تەحنيكادا جاڭالىق اشۋ جاعىنداعى ۇسىنىلىمدى ارتتىرۋعا شابىتتاندىرىپ، ءداستۇرلى تەحنولوگيا مەن وسى زامانعى تەحنيكانىڭ ورگانيكالى ۇشتاسۋىن جەبەپ، كاسىپورىننىڭ وزەكتى باسەكەلىك قابىلەتىن كۇشەيتۋ كەرەك. كاسىپ سالاسىن جەتىلدىرۋدى، كاسىپورىندى دامىتۋدى بۇقارانى جۇمىستاندىرۋمەن، اۋىل - قىستاقتى گۇلدەندىرۋمەن، ۇلتتار ىنتىماعىمەن اناعۇرلىم ويداعىداي ءبىر تۇتاس جوسپارلاپ، بىرەۋى ارقىلى بىرەۋىن جەبەۋ، بىرىنە ءبىرىن سايكەستىرۋ كەرەك.

  وسىدان كەيىن شي جينپيڭ شينيڭ قالاسى چىڭشي رايونى ۋىنحۇي جولى ءمالى باسقارماسى ۋىنتيڭشياڭ الەۋمەتتىك اۋماعىنا بارىپ، ولاردىڭ نەگىزگى ساتى پارتيا قۇرىلىسىن كۇشەيتۋدەن، نەگىزگى ساتىنى جونگە سالۋدى كەمەلدەندىرۋدەن، ۇلتتار ىنتىماعى، العاباسارلىعىن ىلگەرىلەتۋ قىزمەتىنەن بەرگەن مالىمەتىن تىڭداپ، سول جەردە جۇمىس ءبىتىرىپ جاتقان بۇقارامەن اڭگىمەلەستى. شي جينپيڭ الەۋمەتتىك اۋماق حاتكەرلىك - سۋرەت ۇيىنە، باقىت اسحاناسىنا، ساۋىقتىرۋ ۇيىنە، ءبي بولمەسىنە، وقۋ ۇيىنە كىرىپ، زەينەتكە شىققان ادامداردىڭ حاتكەرلىك، سۋرەت ماشىعىن، ءان ايتۋعا جاتتىعۋىن كورىپ، الەۋمەتتىك اۋماقتىڭ قارتتارعا اس - سۋ ازىرلەۋ، سالاماتتىق قىزمەت وتەۋ، جاستار مەن ورەندەردى ساباقتان كەيىنگى الەۋمەتتىك يگىلىك سيپاتتى اماناتتاۋعا قىزمەت وتەۋمەن قامتاماسىز ەتۋ سياقتى ءادىس - امالدارىن ۇعىستى. الەۋمەتتىك اۋماق الاڭىندا شي جينپيڭ قاۋمالاي كەلگەن بۇقارامەن ىقىلاستى تۇردە اڭگىمەلەستى. ول بىلاي دەپ اتاپ كورسەتتى: الەۋمەتتىك اۋماقتى ۇلتتار ىنتىماعى، العاباسارلىعىنداعى ۇلگىلى ورىن قۇرۋدىڭ ماڭىزدى شەبى ەتىپ، ءار ۇلت حالقىنىڭ قول ۇستاسقان، تىلەكتەس بولعان جاقسى ءداستۇرىن اسقاقتاتىپ، ۇلتتار ىنتىماعىنىڭ بەرەكەلى شاڭىراعى مەن جاراسىمدى مەكەنىن بىرگە قۇرۋ كەرەك. الەۋمەتتىك اۋماقتى جونگە سالۋدىڭ جاقسى بولۋ - بولماۋىنىڭ تەتىگى نەگىزگى ساتى پارتيا ۇيىمىندا، قالىڭ پارتيا مۇشەلەرىندە. نەگىزگى ساتى پارتيا ۇيىمى سىندى جاۋىنگەر قامالدى ءتىپتى دە كۇشەيتىپ قۇرىپ، الەۋمەتتىك اۋماقتاعى پارتيا مۇشەلەرىنىڭ، كادرلاردىڭ ۇزدىك ۇلگىلىك رولىن ساۋلەلەندىرىپ، نەگىزگى ساتى پارتيا ۇيىمىنىڭ باسشىلىعىنداعى نەگىزگى ساتى بۇقاراسىنىڭ ءوزىن باسقارۋ مەحانيزمىن اقاۋسىزداندىرىپ، الەۋمەتتىك اۋماق قىزمەتىن تىڭعىلىقتى تۇردە وتباسىلارىنا دەيىن ىستەپ، بۇقارانى مازالاعان، ۋايىمداتقان ىستەردى جاقسى تىندىرۋ بارىسىندا بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ كەرەك. پارتيانىڭ اۋەلگى ماقساتىن، بورىشىن ەستە بەرىك ساقتاپ، حالىقتىڭ تۇرمىسىنىڭ ءتىپتى دە باقىتتى بولۋى ءۇشىن كۇش ۇستىنە كۇش قوسىپ، قاجىماي - تالماي كۇرەس جۇرگىزۋ كەرەك.

  6 - ايدىڭ 8 - كۇنى شي جينپيڭ حايبەي زاڭزۋ اۆتونوميالى وبلىسى گاڭچا اۋدانىنا بارىپ قىزمەت تەكسەردى، تەكسەرۋ - زەرتتەۋ جۇرگىزدى. ول الدىمەن چيڭحاي كولى شياننۇيۋانعا بارىپ، چيڭحاي ولكەسىنىڭ چيليانشان ءوڭىرىنىڭ جانە چيڭحاي كولىنىڭ ەكولوگيالىق ورتاسىن قورعاۋدى كۇشەيتۋ جونىندەگى تانىستىرۋدى تىڭدادى. وسىدان كەيىن شارباق جولمەن جاياۋ ءجۇرىپ ارالاپ كوردى. سۋى ءمولدىر ايدىن - شالقار كول بەتىندە قۇستار سايران سالىپ ءجۇر. شي جينپيڭ بىلاي دەپ باسا دارىپتەدى: چيڭحاي كولىنىڭ ەكولوگياسىن قورعاۋ جانە قورشاعان ورتاسىن وڭاۋدىڭ ونىمدىلىكتەرى وڭاي - وسپاق قولعا كەلگەن جوق، بارىنشا قاستەرلەپ، ۇزدىكسىز بەكەمدەۋ، كەڭەيتۋ كەرەك. ەكولوگيا ءبىزدىڭ باعالى بايلىعىمىز جانە قازىنامىز. مەملەكەتتىڭ ەكولوگيا ستراتەگياسىن ويداعىداي تياناقتاندىرىپ، ءۇش وزەن قاينارى قاتارلى مەملەكەتتىك باقشا ءتۇزىلىسى سىناق تۇيىندەرىنىڭ تاجىريبەسىن قورىتىندىلاپ، مەملەكەتتىك باقشانى نەگىزگى تۇلعا، جاراتىلىستىق قورىقتى نەگىز، جاراتىلىستىق باقشالاردى تولىقتاما ەتكەن جاراتىلىستىق قورىق ءوڭىرى جۇيەسىن جەدەل تۇلعالاپ، جاراتىلىستىق ەكولوگيانى ويداعىداي قورعاۋ، جاراتىلىستىق بايلىقتى ويداعىداي قورعاپ جەتىلدىرۋ، ورگانيزمدەردىڭ الۋان تۇرلىلىگىن ويداعىداي قورعاۋ كەرەك.

  شاليۋحى قالاشىعى گولوزاڭگۇڭما قىستاعى مالشىلار شوعىرلى قونىستاندىرىلعان جاڭا قىستاق، 2017 - جىلى سيىر، قوي باعىمشىلىعى سياقتى كاسىپ سالالارىنا سۇيەنىپ تۇتاس قىستاق كەدەيلىكتەن ارىلدى. شي جينپيڭ سول اراعا باردى، زاڭزۋ مالشى سونانسايراڭ وتباسىنداعى ۇلكەندەر مەن بالالاردى باستاپ، باس شۋجيدى ۇيدە قوناق بولۋعا قىزۋ ىنتامەن ۇسىنىس ەتتى ءارى حادا تارتۋ ەتتى. شي جينپيڭ ۇيگە كىرىپ، ءۇيدىڭ ءىشىن، سىرتىن زەر سالا كوردى ءارى وتباسىنداعىلارمەن بىرگە قوناق بولمەسىندە قورالانا وتىرىپ اڭگىمەلەستى. سونانسايراڭ اسەرلەنە: مالشىلاردىڭ تۇرمىسىنىڭ جاقسارۋى بۇكىلدەي پارتيانىڭ جاقسى ساياساتىنان كەلدى، كوممۋنيستىك پارتياعا شىن جۇرەكتەن العىس ايتامىز، باس شۋجيگە شىن جۇرەكتەن العىس ايتامىز، - دەدى. شي جينپيڭ بىلاي دەپ اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، پارتيامىزدىڭ دامۋى، زورايۋى وڭاي بولعان جوق، بيلىكتى قولعا كەلتىرۋى وڭاي بولعان جوق، جاڭا جۇڭگونى قۇرۋ وڭاي بولعان جوق، جۇڭگو كوممۋنيستىك پارتياسى باستان - اياق بۇكىل ىنتا - پەيىلىمەن حالىق ءۇشىن قىزمەت ىستەگەندىكتەن، ءار ۇلتتىڭ باقىتىن كوزدەگەندىكتەن، بۇقارا جۇڭگو كوممۋنيستىك پارتياسىن شىن جۇرەكتەن قولدادى.

  سونانسايراڭ وتباسىنان اتتاناردا قىستاق تۇرعىندارى باس شۋجيدىڭ كەلگەندىگىن كورىپ، قىزۋ ىنتامەن جول بويىنا كەلىپ، باس شۋجيدەن ەسەندىك سۇراپ الاقايلادى. شي جينپيڭ تەبىرەنە بىلاي دەدى: اۋىلداستاردىڭ باقىتتى تۇرمىسىن كورىپ، مەن ەرەكشە ءسۇيىندىم. ءبىز ۇزدىكسىز كۇرەس جاساۋىمىز كەرەك، جاڭا جۇڭگو قۇرىلعاندىعىنا 100 جىل تولعاندا جۇڭحۋا ۇلتى، ءسوز جوق، دۇنيە جۇزىندەگى ۇلتتار اراسىندا ءتىپتى دە قايسارلىقپەن قاسقايىپ تۇراتىن بولادى. جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتى قاعىس قالدىرۋعا بولمايدى. جۇڭحۋا ۇلتى ۇلى شاڭىراعىندا كوپشىلىك تەك اناردىڭ دانىندەي تىعىز ۇيىسىپ، ءوزارا ەتەنە بولىپ، ءوزارا قارايلاسقاندا عانا، ۇلتتىڭ گۇلدەنۋ ۇلى ارمانىن جۇزەگە اسىرۋعا، ۇلتتار ىنتىماعى، العاباسارلىعى گۇلىن ماڭگى قۇلپىرتۋعا بولادى. شي جينپيڭ كوپشىلىككە ”زاشيدىلى“ دەپ ىزگى تىلەك تىلەدى.

  6 - ايدىڭ 9 - كۇنى تۇستەن بۇرىن شي جينپيڭ چيڭحاي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، چيڭحايدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، چيڭحايداعى ءار ۇلت كادر، بۇقاراسىنىڭ ءورىس اشا جاڭالىق جاساپ، جاۋاپكەرشىلىك ارقالاپ، ناقتى ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋلارىن ءۇمىت ەتتى.

  شي جينپيڭ بىلاي دەپ اتاپ كورسەتتى: جاڭا دامۋ كەزەڭىنە وتۋدە، جاڭا دامۋ ۇستانىمىن دايەكتىلەندىرۋدە، جاڭا دامۋ ارناسىن قالىپتاستىرۋدا چيڭحايدىڭ ەكولوگيالىق حاۋىپسىزدىكتەگى ورنى، مەملەكەت تەرريتورياسى حاۋىپسىزدىگىندەگى ورنى، بايلىق، ەنەرگيا حاۋىپسىزدىگىندەگى ورنى اناعۇرلىم ماڭىزدى بولا ءتۇستى. مەملەكەت تەرريتورياسى كەڭىستىگىن اشۋ، قورعاۋ جاعدايىن جاقسارتىپ، جاسىل، تومەن كومىرتەكتى دامۋعا تاباندى بولىپ، ءىس جۇزىندىك جاعدايمەن ۇشتاستىرىپ، ارتىقشىلىعىن ساۋلەلەندىرىپ، ولقىلىقتاردان اۋلاق بولىپ، جەرگىلىكتى ەرەكشەلىككە يە جوعارى ساپالى دامۋ جولىمەن ءجۇرۋ كەرەك. ءۇستىرتتىڭ وزگەشە بايلىق ەرەكشەلىگىن تياناق ەتىپ، جاڭادان گۇلدەنگەن كاسىپ سالالارىن بەلسەندىلىكپەن جەتىلدىرىپ، دۇنيە جۇزىلىك دەڭگەيدەگى تۇزدى كول كاسىپ سالاسى بازاسىن جەدەل قۇرىپ، مەملەكەتتىڭ تازا ەنەرگيا كاسىپ سالاسى جوعارى دەڭگەيلى ءوڭىرىن، حالىقارالىق ەكولوگيالىق ساياحاتتىڭ كوزەۋلى ءوڭىرىن، جاسىل، ورگانيكالى ەگىن، مال شارۋاشىلىق ونىمدەرىن سىرتقا شىعارۋ ءوڭىرىن تۇلعالاۋ كەرەك. عىلىم - تەحنيكا ءتۇزىلىسى، مەحانيزمى رەفورماسىن جەدەلدەتىپ، عىلىم - تەحنيكادا جاڭالىق اشۋعا قولداۋ كورسەتۋ جانە جەتىستىكتەردى كادەگە جاراتۋ تەبىنىن ارتتىرىپ، جاسامپاز دارىندىلاردى باۋلۋدى جەدەلدەتىپ، جاڭالىق اشۋدىڭ ومىرشەڭدىك كۇشىن قاۋلاتۋ كەرەك. پارتيا ورتالىق كوميتەتىنىڭ جاڭا داۋىردە باتىس بولىكتى قاۋىرت اشۋدى ىلگەرىلەتىپ جاڭا جاعداي قالىپتاستىرۋ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ جونىندەگى ستراتەگيالىق ورنالاستىرۋىن دايەكتىلەندىرىپ، تياناقتاندىرىپ، چاڭجياڭ ەكونوميكالىق بەلدەۋىن دامىتۋ، حۋاڭحى الابىنىڭ ەكولوگياسىن قورعاۋ جانە جوعارى ساپالى دامىتۋ سياقتى وڭىرلىك كەلەلى ستراتەگيالارمەن ىرىقتىلىقپەن ۇشتاسىپ، ەكونوميكالىق دامۋدىڭ ىشكى قوزعاۋشى كۇشىن كۇشەيتۋ كەرەك. ءار دارەجەلى پارتكومدار، اسىرەسە، نەگىزگى جاۋاپتى جولداستار ساياسي جاۋاپكەرشىلىكتى ارقالاپ، قازىنا، سالىق، قازىنالىق باقىلاۋ سياقتى قىزمەتتەردى ءبىر تۇتاس جوسپارلاپ ويداعىداي يگەرىپ، قازىنا - ەكونوميكا ءتارتىبىن قاتايتىپ، ءار جاقتاعى قارجىنى جاقسى باسقارىپ، جاقسى پايدالانىپ، فينانستىق حاۋىپ - قاتەردەن شىن مانىندە ساقتانىپ، پارتيا ورتالىق كوميتەتىنىڭ قازىنا - ەكونوميكا قىزمەتى جونىندەگى باعىت - ساياساتتارى مەن قىزمەت ورنالاستىرۋىن قاتاڭ اتقارىپ، ۇنەمشىلدىكپەن تۇرمىس وتكىزۋ تالابىن ناقتى تياناقتاندىرۋ كەرەك.

  شي جينپيڭ بىلاي دەپ باسا دارىپتەدى: چيڭحايدىڭ ەكولوگيالىق ورتاسىن جاقسى قورعاۋ − ”مەملەكەتتىڭ زور ءىسى“. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، جەر شارىنىڭ ءۇشىنشى ۇيەگىنىڭ ەكولوگياسىن شىن مانىندە جاقسى قورعاۋ كەرەك. ءۇش وزەن قاينارىن قورعاۋدى چيڭحايدىڭ ەكولوگيالىق وركەنيەت قۇرىلىسىنداعى ەڭ ماڭىزدى ورىنعا قويىپ، ەكولوگيالىق حاۋىپسىزدىكتى قورعاۋدىڭ، ءۇش وزەن قاينارىن قورعاۋدىڭ، ”جۇڭحۋا سۋ مۇناراسىن“ قورعاۋدىڭ كەلەلى بورىشىن ويداعىداي ارقالاۋ كەرەك. مەملەكەتتىك باقشا قۇرىلىسىن ۇزدىكسىز ىلگەرىلەتىپ، باسقارۋ ءتۇزىلىسىن رەتتەپ، اينالىم مەحانيزمىندە جاڭالىق اشىپ، باقىلاۋدى، باسقارۋدى كۇشەيتىپ، ساياساتتىق قولداۋدى نىعايتىپ، پايدالانۋعا، جالپىلاستىرۋعا بولاتىن ءتىپتى دە كوپ تاجىريبەلەر تۋرالى ىزدەنىس جاساۋ كەرەك. قارلى تاۋ، مۇزدىق، وزەن قاينارى الاپتارى، كول، سازدىق، جايلىم، كوگال، قۇمدى ءشول سياقتىلاردىڭ ەكولوگياسىن وڭاۋدى، قالپىنا كەلتىرۋدى كۇشەيتىپ، چيڭحاي - شيزاڭ ۇستىرتىندەگى ورگانيزمدەردىڭ الۋان تۇرلىلىگىن قورعاۋدى بار كۇشپەن ىلگەرىلەتۋ كەرەك. حۋاڭحى الابىنىڭ ەكولوگياسىن قورعاۋدى جانە جوعارى ساپالى دامىتۋدى بەلسەندىلىكپەن ىلگەرىلەتىپ، سۋدىڭ، توپىراقتىڭ زايا بولۋىن كەشەندى رەتتەپ جونگە سالىپ، سۋ قاينارلارىن قورعاۋ - باپتاۋ قابىلەتىن بەكەمدەپ، جوعارىلاتىپ، سۋ بايلىعىنان ۇنەمدى، شوعىرلى، جوعارى ءونىمدى پايدالانۋدى جەبەۋ كەرەك.

  شي جينپيڭ بىلاي دەپ اتاپ كورسەتتى: حالىققا سۇيىسپەنشىلىكتى بەرىك ساقتاپ، حالىققا تىعىز سۇيەنىپ، حالىقتى ۇزدىكسىز باقىتقا كەنەلتىپ، بىرگە بايۋدى تىڭعىلىقتى ىلگەرىلەتۋ كەرەك. حالىقتى وزەك ەتكەن دامۋ يدەياسىن ءونىمدى شارالارمەن تياناقتاندىرىپ، جۇمىستاندىرۋ، كىرىس ءبولىسى، وقۋ - اعارتۋ، قوعامدىق قامسىزداندىرۋ، ەمدەۋ، تۇرعىن ءۇي، قارتتاردى كۇتىمدەۋ، باعۋ - تاربيەلەۋگە اماناتتاۋ، ازىق - تۇلىك حاۋىپسىزدىگى، قوعام اماندىعى سياقتى ماسەلەلەردى ءبىر تۇتاس جوسپارلاپ ويداعىداي شەشىپ، ەكولوگيا مەن حالىق تۇرمىسىنىڭ قاتىناسىن ۇيلەسىمدى ءبىر جاقتى ەتىپ، ەكولوگيانى قورعاۋ مەن حالىق تۇرمىسىن قامتاماسىز ەتۋدىڭ سايكەستىلىگىن جۇزەگە اسىرۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، ەگىن، مال شارۋاشىلىق ونىمدەرىنىڭ ولشەمدەنگەن، جاسىل ءوندىرىسىن كۇشەيتىپ، ورگانيكالى ەرەكشە كاسىپ سالاسىن ۇلعايتىپ، كۇشەيتىپ، اۋىل - قىستاق قۇرىلىسى ارەكەتىن اتقارىپ، اۋىل - قىستاقتىڭ قونىس ورتاسىن جاقسارتىپ، ەگىنشى - مالشىلاردىڭ ساپاسىن جوعارىلاتىپ، ەگىن، مال شارۋاشىلىق وڭىرلەرىنىڭ مادەنيەتىن گۇلدەندىرۋ كەرەك. شي جينپيڭ چيڭحاي ولكەلىك پارتكوم مەن ولكەلىك ۇكىمەتكە ءوزىنىڭ مادو جەر سىلكىنىسى اپاتى تۋىلعان وڭىردەگى ءار ۇلت بۇقاراسىنان شىنايى حال سۇرايتىندىعىن جەتكىزۋدى تاپسىردى، اپاتتان كەيىنگى قالپىنا كەلتىرۋدى، قايتا قۇرۋدى شىن مانىندە جاقسى يگەرىپ، بۇقارانىڭ قيىنشىلىعىن شەشىپ، بۇقارانىڭ كوڭىلىن ورنىقتىرىپ، بۇقارانى مەيىرگە بولەپ، باقىتتى، تاماشا تۇرمىستى بىرگە جاراتۋدى تالاپ ەتتى.

  شي جينپيڭ بىلاي دەپ باسا دارىپتەدى: چيڭحاي − شەكارا ءوڭىردى ورنىقتىرىپ، زاڭزۋلار رايونىن بەكەمدەۋدەگى ستراتەگيالىق ماڭىزدى جەر، جاڭا داۋىردەگى پارتيانىڭ زاڭزۋلار رايونىن جونگە سالۋ جالپى جوباسىن جالپى بەتتىك دايەكتىلەندىرىپ، تۇلعالىق جاۋاپكەرشىلىكتى ارقالاۋ كەرەك. پارتيانىڭ ۇلت ساياساتىن جان - جاقتى دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەپ، ۇلتتار ىنتىماعى، العاباسارلىعىندا ۇلگى كورسەتەتىن ولكە قۇرىلىسىن تەرەڭدەتۋ كەرەك. پارتيانىڭ ءدىن قىزمەتى نەگىزگى باعىتىن جان - جاقتى دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ، تومەنگى شەكتە ويلاۋعا تاباندى بولۋ، مەملەكەتتىڭ حاۋىپسىزدىگىن باتىل قورعاۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋدى استە بوساڭسىماي ويداعىداي يگەرىپ، اۋىر، ەرەكشە ءىرى ءوندىرىس حاۋىپسىزدىگى شىرعالاڭدارىن ءونىمدى تەجەپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، ساياسي - زاڭ قوسىنىن تاربيەلەۋدى، رەتتەۋدى تەرەڭدەتىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋ كەرەك.

  شي جينپيڭ بىلاي دەپ اتاپ كورسەتتى: پارتيامىز 100 جىلدىق كۇرەس بارىسىندا وزىنە ءتان ەرەكشەلىكتەرى بار ءبىر قىدىرۋ توڭكەرىستىك رۋح جەتىلدىرىپ، قالىپتاستىرىپ، پارتيانىڭ مىزعىماس سەنىمىن، ءتۇبىرلى باستى ماقساتىن، تاڭداۋلى ستيلىن شوعىرلى ايگىلەدى، بۇلار ءبىزدى قاجىماي - تالماي كۇرەسۋگە جىگەرلەندىرەتىن قۇندى رۋحاني بايلىق. پارتيا تاريحىن ۇيرەنۋ تاربيەسى بارىسىندا پارتيا تاريحىن ۇيرەنۋ ارقىلى ءمورالدى اسقاقتاتۋدا قالىڭ پارتيا مۇشەلەرىن، كادرلاردى قىزىل گەندى جالعاستىرۋعا جەتەكتەپ، قاستەرلى ءمورالدىق ساپانى قۇنارلاندىرۋ كەرەك. ءبىرىنشى، پارتياعا ادال بولۋداي ۇلكەن ءمورالدى قاستەرلەۋ كەرەك، قالىڭ پارتيا مۇشەلەرى، كادرلار پارتياعا مۇشە بولعان كەزدە بەرگەن پارتياعا ادال بولۋ، پارتياعا ماڭگى وپاسىزدىق ىستەمەۋ سەرتىن ماڭگى ۇمىتپاي، باستان - اياق پارتياعا ادال بولۋ، پارتيا ىستەرىنە ادال بولۋ، بەلدى بەكەم بايلاپ پارتياعا ىلەسۋ، قاي - قاشان دا العان بەتىنەن قايتپاۋ كەرەك. ەكىنشى، حالىقتى باقىتقا كەنەلدىرۋ سىندى الەۋمەتتىك ءمورالدى قاستەرلەۋ كەرەك، قالىڭ پارتيا مۇشەلەرى، كادرلار حالىق تۇرعىسىندا بەرىك تۇرىپ، باستان - اياق حالىقپەن قيىن - قىستاۋ كۇندەردى بىرگە وتكەرىپ، بەينەتتە دە، زەينەتتە دە بىرگە بولىپ، باتىلدىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، شىن مانىندە حالىقتى باقىتقا كەنەلتۋدى ەڭ ءتۇبىرلى مىندەت جاۋاپكەرشىلىگى ەتۋ كەرەك. ءۇشىنشى، ءوزىن قاتاڭ تارتىپكە سالۋ ءمورالىن قاستەرلەۋ كەرەك، قالىڭ پارتيا مۇشەلەرى، كادرلار بولماشى ىسكە دەيىن ساق بولۋ، جەكە قالعاندا دا تەجەمدى بولۋ، كىرشىكسىز ادام بولىپ، ءىستى كىرشىكسىزدىكپەن ىستەپ، ارداقتى ادام بولۋعا، ناعىز ادام بولۋعا، ءمورالدى ادام بولۋعا، پاسىق نيەتتەن اۋلاق ادام بولۋعا، حالىققا پايدالى ادام بولۋعا قۇلشىنۋ كەرەك. ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن قۇرىپ، پارتيا ستيلى، پاكتىك قۇرىلىسىن ۇزدىكسىز كۇشەيتىپ، شىرىكتەسۋگە باتىلى بارماۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، پارتيانىڭ تۇلعاسىنىڭ اقاۋسىزدىعىنا شىنايى كەپىلدىك ەتۋ كەرەك.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.