شينحۋا اگەنتتىگىنىڭ 6 - ايدىڭ 10 - كۇنى بەيجيڭنەن بەرگەن حابارى. تاياۋدا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جىجياڭنىڭ جوعارى ساپالى دامۋىن قولداپ، بىرگە بايۋدان ۇلگى كورسەتۋ رايونىن قۇرۋ جونىندەگى پىكىرى» رەسمي جاريالاندى.
«پىكىردە» مىنالار اتاپ كورسەتىلدى: بىرگە بايۋ سوتسياليزمنىڭ ماندىك تالابى، حالىق بۇقاراسىنىڭ ورتاق تىلەگى. رەفورما جاساعاننان، ەسىك اشقاننان بەرى ءبىر ءبولىم ادامداردىڭ، ءبىر ءبولىم وڭىرلەردىڭ الدىمەن بايۋىنا جول بەرۋ ارقىلى الدىمەن بايىعاندار سوڭىنان بايىعاندارعا دەم بەرىپ، قوعامدىق وندىرگىش كۇشتى بارىنشا ازات ەتىپ جانە دامىتىپ، حالىقتىڭ تۇرمىس دەڭگەيى ۇزدىكسىز جوعارىلادى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، بىرگە بايۋدى جۇزەگە اسىرۋ نىساناسىنا قاراي باستان - اياق قاجىماي - تالماي قۇلشىنىپ، جاپپاي دوڭگەلەك داۋلەتتى قوعام ورناتۋدا ۇلى تاريحي تابىسقا قول جەتكىزدى، اسىرەسە، كەدەيلىكتەن ارىلتۋدان قامال الۋ شەشۋشى شايقاسىنىڭ جالپى بەتتىك جەڭىسىنە قول جەتكىزىپ، جۇڭحۋا ۇلتىن نەشە مىڭ جىلدار بويى مازالاپ كەلگەن مۇلدە كەدەيلىك ماسەلەسى تاريحي سيپاتتى شەشىم تاۋىپ، جاڭا دامۋ كەزەڭىندە بىرگە بايۋدى ىلگەرىلەتۋگە بەرىك نەگىز قالادى.
پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى بىرگە بايۋدى تىڭعىلىقتى ىلگەرىلەتۋ جونىندە كەلەلى ستراتەگيالىق ورنالاستىرۋ جاسادى. بىرگە بايۋدى جۇزەگە اسىرۋ ەكونوميكالىق ماسەلە بولىپ عانا قويماي، ونىڭ ۇستىنە پارتيانىڭ بيلىك جۇرگىزۋ نەگىزىنە قاتىستى كەلەلى ساياسي ماسەلە. بىرگە بايۋ ايقىن داۋىرلىك ەرەكشەلىككە جانە جۇڭگوشا ەرەكشەلىككە يە، بۇكىل حالىقتىڭ قاجىرلى ەڭبەگى مەن ءوزارا كومەگىنىڭ ارقاسىندا تۇرمىستا باردامدىققا، مولشىلىققا، رۋحاني جاقتا سەنىمگە، ءوزىن الۋەتتەندىرۋگە، قورشاعان ورتا جاعىندا قونىسقا، كاسىپكە جايلى بولۋعا، قوعامى جاراسىمدى، تاتۋ - ءتاتتى بولۋعا، الەۋمەتتىك قىزمەت وتەۋدە جالپىلاسۋعا، جالپىعا ءتيىمدى بولۋعا جاپپاي جەتىپ، ادامنىڭ جان - جاقتى دامۋى مەن قوعامنىڭ جان - جاقتى العا باسۋىن جۇزەگە اسىرىپ، رەفورمانىڭ، دامۋدىڭ جەتىستىكتەرىنەن جانە باقىتتى، تاماشا تۇرمىستان بىرگە يگىلىكتەنۋ كەرەك. ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋىنا ىلەسە، ءسوز جوق، جالپى حالىقتىڭ بىرگە بايۋىن جەبەۋدى اناعۇرلىم ماڭىزدى ورىنعا قويىپ، وسى نىساناعا قاراي اناعۇرلىم بەلسەندى، ىسكەرلىك كورسەتە وتىرىپ قۇلشىنىس جاساپ، حالىق بۇقاراسىنىڭ بىرگە بايۋدى كورۋگە، سەزىنۋگە، شىنايى رازى بولۋعا بولاتىندىعىن شىن مانىندە سەزىنۋىنە مۇمكىندىك جاساۋ كەرەك.
كەزەكتە ەلىمىزدىڭ دامۋىنداعى بىركەلكى بولماۋ، تولىق بولماۋ ماسەلەسى ءالى دە كورنەكتى، قالا - اۋىل ءوڭىرىنىڭ دامۋى مەن كىرىس ءبولىسى پارقى ءبىرشاما زور ءارقايسى وڭىرلەردىڭ بىرگە بايۋدى ىلگەرىلەتۋ نەگىزى جانە شارت - جاعدايى بىردەي ەمەس. جالپى حالىقتىڭ بىرگە بايۋىن جەبەۋ ۇزاق ۋاقىتتىق، جاپالى مىندەت، ءبىر ءبولىم وڭىرلەردى تاڭداپ الىپ الدىمەن اتقارىپ، الدىمەن سىناق ەتۋگە، ۇلگى كورسەتۋگە تۋرا كەلەدى. جىجياڭ ولكەسى دامۋدىڭ بىركەلكى بولماۋ، تولىق بولماۋ ماسەلەسىن شەشۋ جاعىندا ىزدەنىس جاساۋدا كورنەكتى تابىسقا قول جەتكىزدى، بىرگە بايۋدان ۇلگى كورسەتۋ رايونى قۇرىلىسىن ورىستەتەتىن نەگىز جانە ابزالدىلىققا يە ءىشىنارا ولقىلىقتار، ءالسىز تۇستار ورىن تەۋىپ وتىرسا دا، كەڭ ساپالىلاندىرۋ كەڭىستىگى مەن دامۋ كومەسكى كۇشىنە يە. جىجياڭنىڭ جوعارى ساپالى دامۋىن قولداپ، بىرگە بايۋدان ۇلگى كورسەتۋ رايونىن قۇرۋ اماليات بارىسىندا بىرگە بايۋدىڭ يدەيالىق ىشكى ءمانىن اناعۇرلىم بايىتۋعا ءتيىمدى، جاڭا داۋىردەگى قوعامدىق باستى قايشىلىقتاردى شەشۋدىڭ ءونىمدى جولى جونىندە ىزدەنىس جاساۋعا ءتيىمدى، بۇكىل ەلدىڭ بىرگە بايۋدى ىلگەرىلەتۋىنە ولكە وڭىرىندىك ۇلگى ازىرلەۋىنە ءتيىمدى، جاڭا داۋىردە جۇڭگوشا سوتسياليستىك ءتۇزىمنىڭ ابزالدىلىعىن جاپپاي ايگىلەيتىن ماڭىزدى تەرەزە ورناتۋعا ءتيىمدى.
«پىكىردە» مىنالار تالاپ ەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ جىجياڭ قىزمەتى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن جالپى بەتتىك دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، بىرگە بايۋدى ىلگەرىلەتۋمەن جانە ادامداردىڭ جان - جاقتى دامۋىن جەبەۋمەن تىعىز بايلانىستىرىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋدى ءتۇبىرلى ماقسات ەتۋگە، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش ەتۋگە، وڭىرلىك پارىقتى، قالا - اۋىل پارقىن، كىرىس پارقىن شەشۋ ماسەلەسىن نەگىزگى كۇش سالۋ بەتالىسى ەتۋگە تاباندى بولىپ، اۋىل - قىستاققا، نەگىزگى ساتىعا، دامۋى سالىستىرمالى كەنجە وڭىرلەرگە بەيىمدەلۋگە، قيىنشىلىعى بار بۇقاراعا بەيىمدەلۋگە اناعۇرلىم باسا ءمان بەرىپ، جىجياڭنىڭ ”سەگىز، سەگىز ستراتەگياسىن“ جاسامپازدىقپەن دايەكتىلەندىرۋىنە قولداۋ كورسەتىپ، جوعارى ساپالى دامۋ بارىسىندا بىرگە بايۋدى تىڭعىلىقتى ىلگەرىلەتىپ، كىرىس ءبولىسى ءتۇزىمىن كەمەلدەندىرۋ، قالا - اۋىل وڭىرلەرىنىڭ دامۋىن ءبىر تۇتاس جوسپارلاۋ، سوتسياليستىك وزىق مادەنيەتتى دامىتۋ، ادام مەن تابيعاتتىڭ جاراسىمدى بىرگە ءومىر ءسۇرۋىن جەبەۋ، قوعامدىق جونگە سالۋدا جاڭالىق اشۋ سياقتى جاقتاردا الدىمەن اتقارىپ ۇلگى كورسەتۋگە كۇش سالىپ، بىرگە بايۋدى ىلگەرىلەتەتىن ءتۇزىلىس، مەحانيزم ورناتىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن كۇش سالا قاۋلاتىپ، قوعامدىق ادىلدىكتى جەبەپ، حالىق تۇرمىسىنىڭ ىرىس - قۇتىن ارتتىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن، شىنايى مويىنداۋ سەزىمىن ۇزدىكسىز كۇشەيتىپ، بىرگە بايۋدى جۇزەگە اسىرۋعا جىجياڭ ۇلگىسىن ازىرلەۋ كەرەك.
«پىكىردە» العا قويىلعان دامۋ نىساناسى: 2025 - جىلعا جەتكەندە جىجياڭ ولكەسىنىڭ جوعارى ساپالى دامۋىن ىلگەرىلەتىپ، بىرگە بايۋدان ۇلگى كورسەتۋ رايونىن قۇرۋدا كورنەكتى، ماندىك ىلگەرىلەۋشىلىككە قول جەتكىزۋ. ەكونوميكالىق دامۋدىڭ ساپاسى، ونىمدىلىگى كورنەكتى جوعارىلاۋ، ادام باسىنا شاققانداعى وڭىرلىك ءوندىرىس جالپى ءونىم قۇنىن ورتا دارەجەلى دامىعان ەكونوميكالىق تۇلعالار دەڭگەيىنە جەتكىزۋ، نەگىزگى الەۋمەتتىك قىزمەت وتەۋدىڭ بىركەلكىلەنۋىن جۇزەگە اسىرۋ؛ قالا - اۋىلدىڭ وڭىرلىك دامۋ پارقىن، قالا - اۋىل تۇرعىندارىنىڭ كىرىسى مەن تۇرمىس دەڭگەيى پارقىن ءۇرتىس ازايتۋ، تومەن كىرىستى قاۋىمنىڭ كىرىستەرىن ارتتىرۋ قابىلەتى مەن قوعامدىق يگىلىك دەڭگەيىن كورنەكتى جوعارىلاتۋ، ورتا دارەجەلى كىرىستى قاۋىمدى نەگىزگى تۇلعا ەتكەن زايتۇن اعاشى ىسپەتتى قوعامدىق قۇرىلىمدى نەگىزىنەن قالىپتاستىرۋ، بۇكىل ولكەدەگى تۇرعىنداردىڭ تۇرمىس ساپاسىن جاڭا ساتىعا كوتەرۋ؛ حالىقتىڭ ساپاسى مەن قوعامنىڭ وركەنيەت دەڭگەيىن جاڭا بيىككە جەتكىزۋ، كورىكتى جىجياڭ قۇرىلىسىندا جاڭا تابىسقا قول جەتكىزۋ، جونگە سالۋ قابىلەتىن كورنەكتى ءوسىرۋ، حالىق تۇرمىسىن اناعۇرلىم تاماشا ەتۋ؛ بىرگە بايۋدى ىلگەرىلەتۋدىڭ ءتۇزىلىسىن، مەحانيزمىن جانە ساياساتتىق جۇلگەسىن نەگىزىنەن قۇرۋ، كوشىرۋگە بولاتىن، جالپىلاستىرۋعا بولاتىن ءبىر توپ تابىستى تاجىريبەلەردى قالىپتاستىرۋ. 2035 - جىلعا جەتكەندە جىجياڭ ولكەسىنىڭ جوعارى ساپالى دامۋىندا اناعۇرلىم زور تابىسقا قول جەتكىزۋ، بىرگە بايۋدى نەگىزىنەن جۇزەگە اسىرۋ. ادام باسىنا شاققانداعى وڭىرلىك ءوندىرىس جالپى ءونىم قۇنى مەن قالا - اۋىل تۇرعىندارىنىڭ كىرىسىن دامىعان ەكونوميكالىق تۇلعالار دەڭگەيىنە جەتكىزۋ، قالا - اۋىلدىڭ وڭىرلىك سايكەستى دامۋى دەڭگەيىن اناعۇرلىم جوعارىلاتۋ، كىرىس پەن بايلىق ءبولىسى ارناسىن اناعۇرلىم ساپالىلاندىرۋ، زاڭمەن جونگە سالىناتىن جىجياڭ، تىنىش جىجياڭ قۇرىلىسىندا اناعۇرلىم جوعارى دەڭگەيگە جەتۋ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن كورنەكتى جوعارىلاتۋ، زاتتىق وركەنيەتتى، ساياسي وركەنيەتتى، رۋحاني وركەنيەتتى، قوعامدىق وركەنيەتتى، ەكولوگيالىق وركەنيەتتى جان - جاقتى ءوسىرىپ، بىرگە بايۋ ءتۇزىم جۇيەسىن اناعۇرلىم كەمەلدەندىرۋ.
«پىكىردە» مىنالار ايقىندالدى: دەربەس جاڭالىق اشۋ قابىلەتىن بار كۇشپەن جوعارىلاتىپ، كاسىپ سالاسى باسەكەسىنىڭ جاڭا ابزالدىلىعىن سومداپ، ەكونوميكالىق اينالىم ونىمدىلىگىن كوتەرىپ، ءتۇرلى بازار نەگىزگى تۇلعاسىنىڭ ومىرشەڭدىك كۇشىن قاۋلاتىپ، دامۋدىڭ ساپاسىن، ونىمدىلىگىن جوعارىلاتىپ، بىرگە بايۋدىڭ ماتەريالدىق نەگىزىن بەكەمدەۋ كەرەك. اناعۇرلىم تولىق، اناعۇرلىم جوعارى ساپالى جۇمىستاندىرۋدى جۇزەگە اسىرۋدى ىلگەرىلەتۋ ارقىلى حالىقتىڭ كىرىس دەڭگەيىن ۇزدىكسىز جوعارىلاتىپ، ورتا دارەجەلى كىرىستەگى قاۋىمدى مولايتىپ، قايتالاي بولىسكە سالۋ ءتۇزىمىن كەمەلدەندىرىپ، قوعامعا قارىمجى قايتاراتىن شابىتتاندىرۋ مەحانيزمىن قۇرىپ، اقاۋسىزداندىرىپ، كىرىس ءبولىسى ءتۇزىمى رەفورماسىن تەرەڭدەتىپ، قالا - اۋىل تۇرعىندارىنىڭ كىرىسىن كوپ ارنامەن ارتتىرۋ كەرەك.
«پىكىردە» مىنالار العا قويىلدى: جىجياڭ نەگىزگى الەۋمەتتىك قىزمەت وتەۋدىڭ بىركەلكى بولۋىن الدىمەن جۇزەگە اسىرۋ، قالا مەن اۋىلدىڭ ءبىر تۇلعالانا دامۋىن الدىمەن جۇزەگە اسىرۋ ارقىلى قالا - اۋىل تۇرعىندارىنىڭ قونىستانۋ شارت - جاعدايىن ءۇرتىس جاقسارتىپ، قوعامدىق قامتاماسىز ەتۋ تورىن ءجيى توقىپ، بەكەمدەپ، الدىمەن بايىعاندار سوڭىنان بايىعانداردى جەتەكتەۋدىڭ كومەكتەسۋ - سۇيەمەلدەۋ مەحانيزمىن كەمەلدەندىرىپ، قالا - اۋىلدىڭ وڭىرلىك دامۋ پارقىن ازايتىپ، الەۋمەتتىك ساپالى قىزمەت وتەۋدەن ورتاق يگىلىككە كەنەلۋدى جۇزەگە اسىرۋ كەرەك.
«پىكىردە» مىنالار اتاپ كورسەتىلدى: جاڭا داۋىردەگى مادەنيەتتىڭ بيىك بەلەسىن سومداپ، حالىقتىڭ رۋحاني مادەنيەت تۇرمىسىن بايىتۋدا قوعامنىڭ وركەنيەت دەڭگەيىن جوعارىلاتىپ، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن، سوتسياليستىك وزىق مادەنيەتتى جالعاستىرۋ، اسقاقتاتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەپ، كورىكتى، قونىسقا جايلى تۇرمىس ورتاسىن جاراتۋدا كورىكتى جىجياڭدى جوعارى دەڭگەيدە قۇرىپ، ءوندىرىس، تۇرمىس تاسىلىندە جاسىلدىققا قاراي تيبىن جاڭالاۋدى جالپى بەتتىك ىلگەرىلەتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، جايلى، الاڭسىز، قامسىز قوعامدىق ورتا قۇرۋدا سيفرلانعان رەفورما ارقىلى جونگە سالۋ يقۋاتىن كوتەرىپ، زاڭمەن جونگە سالىناتىن جىجياڭدى، تىنىش جىجياڭدى جاپپاي قۇرۋ كەرەك.
«پىكىردە» مىنالار باسا دارىپتەلدى: پارتيانىڭ باسشىلىعىن جىجياڭنىڭ جوعارى ساپالى دامۋىن ىلگەرىلەتىپ، بىرگە بايۋدان ۇلگى كورسەتۋ رايونىن قۇرۋدىڭ جالپى بارىسىنا، ءار سالاسىنا، ءاربىر بۋىنىنا ساباقتاستىرىپ، ساياساتتىق قامتاماسىزدىق پەن رەفورما بيلىگىن بەرۋدى كۇشەيتىپ، باعالاۋ جۇيەسى مەن ۇلگى كورسەتۋ، جالپىلاستىرۋ مەحانيزمىن قۇرىپ، اتقارۋ مەحانيزمىن كەمەلدەندىرۋ كەرەك. جىجياڭ ولكەسى نەگىزگى تۇلعالىق جاۋاپكەرشىلىكتى شىنايى ارقالاپ، باتىلدىقپەن توپ جارىپ، باتىلدىقپەن سىناق ەتەتىن، رەفورما جاساپ، قيىندىقتى شەشەتىن جاۋاپكەرشىلىك ارقالاۋ رۋحىن كۇشەيتىپ، ناقتى جەردە ىستەيتىن، الدىڭعى لەكتە جۇرەتىن، باتىلدىقپەن اتويلايتىن جاڭا ءورىستى ۇزدىكسىز اشۋ كەرەك.
