انار بۇلت/ شينجياڭ گازەتىنىڭ ءتىلشىسى جاڭ يۇنمەي 6 - ايدىڭ 10 - كۇنى ۇرىمجىدەن حابارلايدى. 6 - ايدىڭ 10 - كۇنى تۇستەن كەيىن اۆتونوميالى رايون ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ، بازار تۇلعالارىنىڭ ومىرشەڭدىگىن كۇش سالا جەتىلدىرۋ جانە قاۋلاتۋ جونىندە تەلەۆيزور - تەلەفون ءماجىلىسىن اشىپ، وتكەن ءبىر جىلداعى رايونىمىزدىڭ ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ، شارۋاشىلىق ساۋدا ورتاسىن جاقسارتۋ، بازار نەگىزگى تۇلعالارىنىڭ ومىرشەڭدىك كۇشىن جەتىلدىرۋ جانە قاۋلاتۋ قىزمەتىن قورىتىندىلاپ جانە وعان تالداۋ جاساپ، كەلەسى قادامداعى ءتۇيىندى قىزمەتتەردى ورنالاستىردى، جايعاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى.
شوكىرات زاكىر بىلاي دەپ اتاپ كورسەتتى: 2020 - جىلى تاريحتا سيرەك كەزدەسەتىن جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىندا، ءبىز پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ورتالىقتىڭ بەلسەندى قازىنا ساياساتىن، ورنىقتى اقشا ساياساتىن جانە جۇمىستاندىرۋدى الدىمەن ويلاستىرۋ ساياساتىن تياناقتاندىرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن زور كۇشپەن ىلگەرىلەتىپ، ”بازار نەگىزگى تۇلعالارىن قورعاۋعا“ تاباندى بولۋدى ماڭىزدىنىڭ ماڭىزدىسى ەتىپ، كاسىپورىنداردىڭ قيىنشىلىعىن باسەيتۋگە دەم بەرۋ مەن ومىرشەڭدىك كۇشىن قاۋلاتۋدى بىرگە اتقارىپ، ەكونوميكانىڭ ءۇرتىس قالپىنا كەلۋىن، قوعامنىڭ جاراسىمدى ورنىقتىلىعىن پارمەندى جەبەدىك.
شوكىرات زاكىر بىلاي دەپ باسا دارىپتەدى: ورتالىقتىڭ سالىقتى ازايتۋ، اقىنى تومەندەتۋ، كاسىپورىندارعا تيىمدىلىك جاساۋ، حالىققا پايدا جەتكىزۋ ساياساتىنىڭ تياناقتانۋىن ءۇرتىس ىلگەرىلەتىپ، جۇمىستانۋ ورتاسىن جاقسارتۋ، بازار نەگىزگى تۇلعالارىنىڭ اۋىرتپالىعىن جەڭىلدەتۋ، ءونىمدى قارجى قوسۋدى كەڭەيتۋ، تۇتىنۋ كومەسكى كۇشىن قاۋلاتۋ، حالىق تۇرمىسىنا قىزمەت وتەۋدى جاقسارتۋ سياقتى ساياساتتاردىڭ تياناقتانۋىن اناعۇرلىم ىلگەرىلەتىپ، ءتۇرلى تيىمدىلىك جاساۋ ساياساتتارىنىڭ تىكە جەتىپ، تەز يگىلىككە كەنەلتۋىن شىنايى قامتاماسىز ەتۋ كەرەك؛ اكىمشىلىك تەكسەرىپ بەكىتۋ ءتۇزىمى رەفورماسىن ءۇرتىس تەرەڭدەتىپ، كاسىپورىندارعا ساياتىن تەكسەرىپ بەكىتۋ بۋىندارىن ازايتۋدى، ماتەريالدارىن ازايتۋدى، ۋاقىت شەگىن ازايتۋدى، اقىسىن ازايتۋدى كۇش سالا ىلگەرىلەتىپ، اكىمشىلىك رۇقسات ەتۋ ىستەرىنىڭ ءتىزىمىن جاساپ، جاريالاپ، ”رۇقسات كۋالىگى مەن تيجارات كۋالىگىن ءبولۋ“ رەفورماسىن تەرەڭدەتىپ، تەكسەرىپ بەكىتۋ بارىسىن ىقشامداپ، بىرىكتىرىپ، كوپ بەلگىلەمەنى بىرىكتىرۋ، كوپ سحەمالاردى بىرلەسىپ تەكسەرۋ، بىرلەسىپ تەكسەرىپ وتكىزىپ الۋ سياقتى ادىستەردى ىلگەرىلەتۋ كەرەك؛ بازارلانعان، زاڭمەن جونگە سالىناتىن، حالىقارالانعان تيجارات - ساۋدا ورتاسىن ءۇرتىس تۇلعالاپ، ابزال بايلىق قاينارلارى ارقىلى قارجى قوسۋشىلاردى باۋراپ، ابزال قىزمەت وتەۋ ارقىلى قارجى قوسۋشىلاردى شابىتتاندىرىپ، كەمەلدى ءتۇزىم ارقىلى قارجى قوسۋشىلاردى قورعاۋ كەرەك؛ حالىققا تيىمدىلىك جاساۋ، كاسىپورىندارعا پايدا جەتكىزۋ ساياساتى ”ءوتىنىش ەتۋدى كۇشىنەن قالدىرىپ، تەز يگىلىككە كەنەلۋدى“ ءۇرتىس ىلگەرىلەتىپ، ”ءبىر كاسىپ، ءبىر كۋالىك“ رەفورماسىن ىلگەرىلەتۋ جونىندە ىزدەنىس جاساپ، ”ءبىر كۋالىكپەن تيجارات جۇرگىزۋگە رۇقسات ەتۋدى“، ءوڭىر اتتاپ ءوزارا مويىنداۋدى، ءبىر تۇتاس پايدالانۋدى جۇزەگە اسىرۋ، ”تولىمدى، تولىمسىزدىعىن باعالاۋ“ ءتۇزىمىن كەمەلدەندىرۋ كەرەك؛ اكىمشىلىك ىستەر بويىنشا قىزمەت وتەۋدىڭ ساپاسىن كوتەرىپ، ءونىمىن جوعارىلاتۋدى ۇزدىكسىز ىلگەرىلەتىپ، ”ينتەرنەت تورى + اكىمشىلىك ىستەر بويىنشا قىزمەت وتەۋدى“ ىلگەرىلەتىپ، اكىمشىلىك ىستەر بويىنشا قىزمەت وتەۋدى ”ينتەرنەت جەلىسىنەن سىرت ءبىتىرۋدى“ ”ينتەرنەت جەلىسىندە بىتىرۋگە“ قاراي ىلگەرىلەتىپ، ءبىر جەلىدە ءبىر تۇتاس ءبىتىرۋدى، ولكە اتتاپ ءبىر تۇتاس ءبىتىرۋدى ىلگەرىلەتىپ، ”ءبىر بەكەتتىك“ قىزمەت وتەۋ يقۋاتىن جوعارىلاتىپ، شۇعىل ەمەس اكىمشىلىك ىستەر قىزمەت وتەۋ ىستىق لەنيالارىن بىرىكتىرۋ تەبىنىن زورايتىپ، قۇزىرلى، جوعارى ءونىمدى ساندى مالىمەتتەن بىرگە يگىلىكتەنۋ مەحانيزمىن قۇرىپ، ”ينفورماتسيا وقشاۋ ارالىن“ تۇتاستىرىپ، بۇقارانى كوپ نەگىزدى، كوپ ارنالى، قولايلى قىزمەت وتەۋمەن قامداۋ كەرەك.
شوكىرات زاكىر بىلاي دەپ باسا دارىپتەدى: ءار دارەجەلى ۇكىمەت جانە ۇكىمەتتىڭ ءارقايسى تاراۋلارى پارتيا مەن مەملەكەت ىستەرىنىڭ كەلەلى جاعدايىن جانە حالىق بۇقاراسىنىڭ ءتۇبىرلى مۇددەسىن شىعار ءتۇيىن ەتىپ، ءىشىنارالىق مۇددەلەردى، تاراۋلار مۇددەسىن باتىلدىقپەن جويىپ، رەفورمانى مىزعىماستان ءتىپتى دە تەرەڭ قاتتامدى، ءتىپتى دە بيىك ورەلى ىلگەرىلەتۋ كەرەك. ۇيىمدىق باسشىلىقتى، قۋزاپ جەتەكشىلىك ەتۋدى، ۇگىت جۇرگىزىپ باستاماشىلىق ەتۋدى كۇشەيتىپ، ءتۇرلى رەفورما شارالارىنىڭ تياناقتانىپ ناقتى ءونىم بەرۋىنە شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ءماجىلىستى باسقاردى.
اۆتونوميالى رايون باسشىلارىنان ەركىن تۇنياز، سۇن حۇڭمەي، ليۋ سۋشى، ياڭ فاسىن ماجىلىسكە قاتىناستى.
