تيانشان تورى   ›   جاڭالىقتار   ›   شينجياڭ حابارلارى

اۆتوكولىك وسىنداي ”زەردەمەن“ جاسالعان

□ انار بۇلت/ شينجياڭ گازەتىنىڭ تىلشىلەرى لۋ فىڭباۋ، چىن چياڭۋي

   6 - ايدىڭ 10 - كۇنى قىزمەتكەرلەر گۋاڭجوۋ اۆتوكولىك توبى ءمىنىس كولىك شەكتى سەرىكتەستىگى شينجياڭ بولىمشە سەرىكتەستىگىنىڭ قۇراستىرۋ سەحىنىڭ قۇراستىرۋ جەلىسىندە ارالاپ تەكسەرۋ جۇرگىزۋدە. □ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  ءبىر اۆتوكولىك مىڭداعان، 10 مىڭداعان ۇساق بولشەكتەن قۇرالادى. ەندەشە، اۆتوكولىك ءوندىرىس سەحىنىڭ جۇمىس جاعدايى قالاي؟

  6 - ايدىڭ 10 - كۇنى ”جوعارى جىلدامدىقتى تاس جولدى بويلاپ شينجياڭعا نازار سالۋدىڭ“ 5 - كەزەڭى باستالدى، انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى گۋاڭجوۋ اۆتوكولىك توبى ءمىنىس كولىك شەكتى سەرىكتەستىگىنىڭ شينجياڭ بولىمشە سەرىكتەستىگىنە كەلىپ (تومەندە قىسقارتىلىپ ”گۋاڭجوۋ اۆتوكولىك توبى شينجياڭ بولىمشە سەرىكتەستىگى“ دەلىنەدى) تىلشىلىك ىستەدى. يەلەگەن جەر اۋدانى شامامەن 30 مىڭ شارشى مەتر كەلەتىن باس قۇراستىرۋ سەحىنا كىرگەنىمىزدە 2 − 3تەن گرۋپپاعا بولىنگەن جۇمىسشىلاردىڭ اۆتوماتتى ءوندىرىس جەلىسىنىڭ ءاربىر جۇمىس تارتىبىندە قولدارىنداعى جۇمىستى رەتىمەن ىستەپ جاتىر ەكەن. ولاردىڭ جۇمىسىنا قاجەتتى بارلىق ماتەريالدىق بولشەكتەردى تۇگەلدەي ماتەريال سالاتىن قۇلتەمىرلەر اۆتوماتتى ورىنداپ جەتكىزەدى ەكەن.

  ”ءوندىرىس ءتارتىبىنىڭ زەردەلىلەنۋى ءوندىرىس ونىمدىلىگىن زور مولشەردە جوعارىلاتىپ عانا قويماي، قۇراستىرۋ دالدىگى مەن ساپاسىن دا كورنەكتى جوعارىلاتتى“، - دەدى گۋاڭجوۋ اۆتوكولىك توبى شينجياڭ بولىمشە سەرىكتەستىگى جاساۋ ءبولىمى باس قۇراستىرۋ ءبولىمىنىڭ باستىعى شيە فۋچياڭ.

  ءتىلشى شيە فۋچياڭعا ەرىپ وتىرعى قۇراستىرۋ جۇمىس ورنىنا كەلگەندە، تەك ءبىر زەردەلى وتىرعى قۇراستىرۋ قۇلتەمىرىنىڭ عانا اۆتوكولىك وتىرعىسىن تيەپ سىرعىپ كەلگەندىگىن كوردى. ”بۇل قۇلتەمىر اۋىر قوندىرعىنى كوتەرىپ، دالمە - ءدال تەڭ ورىنعا قويادى، سونداي - اق دەر كەزىندە ەرە جۇرەتىن يقۋاتقا يە“، - دەدى شيە فۋچياڭ.

  ەندى ءبىر جاعىنداعى دوڭگەلەك ورنالاستىرۋ جۇمىس ورنىندا ءبىر دوڭگەلەك تەڭگەرگىش سارى بىلەگىن ”سوزىپ“ ءبىر دوڭگەلەكتى مىقتاپ ۇستاپ، ونان كەيىن كوتەرىپ ءارى دالمە - ءدال تەڭ ورىنعا قويدى، جۇمىسشىلار جالما - جان دوڭگەلەكتى ورنىقتىرىپ، 20 سەكۋند اينالاسىندا قۇراستىرىپ بولدى.

  جوعارى دالدىكتى زەردەلى قۇراستىرۋ، جەلىمدەۋ قۇلتەمىرى قولباسشىلىق ورتالىعىنىڭ اڭىس ەتكەن اينەك ينفورماتسياسىنا ساي، سايكەستى جەلىمدەۋ شيىرىن قابىستىرادى. وسى قۇلتەمىر ءبىر پارشا اينەكتى ”جابىستىرىپ“ 10 نەشە سەكۋندتا جەلىمدەۋ جۇمىسىن ورىندادى، مۇنىمەن اينەك جەلىمدەۋ جۇمىس ءتارتىبىنىڭ ءوندىرىس ونىمدىلىگى %70تىڭ ۇستىندە جوعارىلادى. ”ەگەر ادام كۇشىمەن جەلىمدەيتىن بولساق، جەلىم بىركەلكى بولماۋ جايتى ورىن تەبەدى، سونداي - اق قىزمەت ونىمدىلىگى جوعارى بولمايدى“، - دەدى شيە فۋچياڭ.

  وسى كەزدە جەڭىل مۋزيكا ءۇنى قالىقتادى. ءتىلشى بۇرىلىپ قاراعاندا، ءبىر كىشكەنە دە يكەمدى قۇلتەمىردىڭ شاعىن كولىكتى سۇيرەتىپ كەلە جاتقاندىعىن كوردى. بۇل سەحتاعى اۆتوماتتى جەتكىزۋ جۇيەسى قاجەتكە قاراي ماتەريالداردى بەلگىلەنگەن ەلەكترلەنگەن شاعىن اۆتوكولىككە قويادى، ونان كەيىن جەتكىزۋ جەلىسىن بويلاپ قاجەتتى ءوندىرىس بۋىندارىنا جەتكىزەدى، مۇنداي بولعاندا ادام كۇشىمەن تاسۋ، جەتكىزۋ بۋىندارىن ازايتادى.

  ءوندىرىس جەلىسى سوڭعى بولىگىنىڭ جۇمىس تارتىبىنە كەلگەندە شيە فۋچياڭ بەستى ءبىر تۇلعالاندىرعان سۇيىقتىق قۇيۋ ماشيناسىن نۇسقاپ تۇرىپ بىلاي دەدى: ول 2 سۋىتۋ سۇيىقتىعىن، ءبىر موتور سۇيىقتىعىن، ءبىر جىلۋ ەنەرگياسىن تاراتۋ - مۇزداتۋ سۇيىقتىعىن، ءبىر اينەك جۋۋ سۇيىقتىعىن شوعىرلاندىرىپ، 5 سۇيىقتىقتى ءبىر تۇلعالاندىرىپ ۇستەمەلەۋدى جۇزەگە اسىرا الادى، تۇتاس بارىسىنا ورتا ەسەپپەن ءبىر مينۋتقا جەتپەيتىن ۋاقىت جۇمسالادى.

  70 نەشە ءوندىرىس جۇمىس ورنى، مىڭداعان، ون مىڭداعان ۇساق بولشەك... زەردەلىلەنگەن وندىرىسكە سۇيەنىپ، گۋاڭجوۋ اۆتوكولىك توبى شينجياڭ بولىمشە سەرىكتەستىگىنىڭ باس قۇراستىرۋ سەحى قازىر ءار 10 مينۋتتا ءبىر اۆتوكولىك ءوندىرۋدى جۇزەگە اسىرا الادى. بيىلدىڭ العاشقى 5 ايىندا بۇل سەرىكتەستىك 2200 نەشە اۆتوكولىك ءوندىردى، بۇل الدىڭعى جىلداعى تۇتاس جىلدىق ءونىم مولشەرىنىڭ جارتىسىنا تايايدى.

  ”شينجياڭنىڭ جوعارى جىلدامدىقتى تاس جول تورى بارعان سايىن دامۋدا. ءبىز وندىرگەن اۆتوكولىكتەر ليانيۇنگاڭ - قورعاس جوعارى جىلدامدىقتى تاس جولى سياقتىلار ارقىلى بۇكىل شينجياڭداعى ايماقتارعا، وبلىستارعا جانە باسقا دا ولكەلەرگە جەتكىزىلىپ ساتىلادى“، - دەدى گۋاڭجوۋ اۆتوكولىك توبى شينجياڭ بولىمشە سەرىكتەستىگىنىڭ باس ديرەكتورى يان گۇيدۇڭ.

  سوڭعى جىلدارى رايونىمىز اۆتوكولىك ونەركاسىبىن بار كۇشپەن دامىتىپ، جاساۋ كاسىبىنىڭ تيبىن جاڭالاپ، دارەجەسىن ءوسىرۋىن ۇزدىكسىز ىلگەرىلەتىپ، ەكونوميكانىڭ جوعارى ساپالى دامۋىنا پارمەندى تىرەك ازىرلەدى. گۋاڭجوۋ اۆتوكولىك توبى شينجياڭ بولىمشە سەرىكتەستىگى اۆتوكولىك وندىرىسىندە زەردەلىلەنۋدى جۇزەگە اسىرىپ، بازار قاجەتىن قاناعاتتاندىرىپ عانا قالماستان ءارى شينجياڭنىڭ اۆتوكولىك ونەركاسىبىن زەردەلى جاساۋعا قاراي جىلدام قادام تاستاۋعا جەتەكتەدى.

جوعارى ساپالى دامۋدىڭ جاندى ايعاعى

6 - ايدىڭ 10 - كۇنى، بەيسەنبى، كۇن اشىق

  6 - ايدىڭ 10 - كۇنى تۇستەن بۇرىن ”جوعارى جىلدامدىقتى تاس جولدى بويلاپ شينجياڭعا نازار سالۋ“ انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى گۋاڭجوۋ اۆتوكولىك توبى ءمىنىس كولىك شەكتى سەرىكتەستىگى شينجياڭ بولىمشە سەرىكتەستىگىنىڭ باس قۇراستىرۋ سەحىنا باردى، ءبىر - بىرلەگەن ماشينا قولدار مەن زەردەلى مەڭگەرۋ جۇيەسى اۆتوكولىك ونەركاسىبىنىڭ جوعارى ساپالى دامۋعا جىلدام ارشىندى قادام باسۋىنىڭ جاندى ايعاعى بولىپ تابىلادى.

  باس قۇراستىرۋ سەحىندا پالەندەي قاربالاستاپ جۇرگەن جۇمىسشىلاردى كورە المايسىز، ارى - بەرى قايشالىسىپ جۇرگەن قۇلتەمىر، سونداي - اق ءوندىرىس جەلىسىنەن ۇزدىكسىز شىعىپ جاتقان اۆتوكولىكتەردىڭ بارلىعى وسى سەحتىڭ ومىرشەڭدىك كۇشىنىڭ جەتكىلىكتى ەكەندىگىن اڭعارتادى.وسىنىڭ ءبارى جاساۋدىڭ زەردەلىلەنۋىنەن كەلگەن جەتىستىكتەر.

  سوڭعى جىلدارى شينجياڭ زەردەلى جاساۋدى زور كۇشپەن دامىتىپ، زەردەلى سەح قۇرىلىسىن ءتۇيىن ەتىپ، ”زەردەلى جاساۋ بىرلىگىن − زەردەلى ءوندىرىس جەلىسىن − سيفرلى سەحتى − زەردەلى زاۆودتى“ ارقاۋ ەتىپ، كىشكەنەدەن ۇلكەنگە دەيىن ”جابدىقتاردى ءوزارا بايلانىستىرعان، سيفردى ءوزارا اۋىستىراتىن، بارىستى ءوزارا ىقپالداستىراتىن، كاسىپ سالاسىن ءوزارا توعىستىراتىن“ زەردەلى جاساۋ كاسىبىنىڭ جاڭا ۇلگىسىن بىرتىندەپ تۇلعالاپ، جاساۋ كاسىبىنىڭ جەدەل دامۋىنا كۇش ۇستەدى.

  گۋاڭجوۋ اۆتوكولىك توبى شينجياڭ بولىمشە سەرىكتەستىگىنىڭ زەردەلىلەنگەن ءوندىرىس جەلىسى ساپا مەن ونىمدىلىكتىڭ بارىنشا جوعارىلاۋىنا مۇمكىندىك جاسادى، بۇل ءوندىرىس جەلىسى شينجياڭنىڭ زەردەلى جاساۋدى دامىتۋىنىڭ ءبىر شاعىن كارتيناسى بولىپ تابىلادى. وسىنداي زەردەلىلەنگەن ءوندىرىس جەلىسى، سەح جانە زاۆود رايونى بولعاندىقتان عانا شينجياڭنىڭ جاساۋ كاسىبى ومىرشەڭدىك كۇشىن ايگىلەي الدى.

  (لۋ فىڭباۋ)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.