شينجياڭنىڭ قاتىناس - تاسىمال ىستەرىنىڭ جوعارى ساپالى دامۋىن جەبەپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك

مەملەكەتتىك ساياسي كەڭەستىڭ ورىنباسار ءتوراعاسى ياڭ چۋانتاڭ تەكسەرۋ - زەرتتەۋ ۇيىرمەسىن باستاپ شينجياڭدا تەكسەرۋ - زەرتتەۋ جۇرگىزدى

شينجياڭنىڭ قاتىناس - تاسىمال ىستەرىنىڭ جوعارى ساپالى دامۋىن جەبەپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك

　　انار بۇلت/ شينجياڭ گازەتىنىڭ ءتىلشىسى لياڭ ليحۋا 6 - ايدىڭ 10 - كۇنى ۇرىمجىدەن حابارلايدى. 6 - ايدىڭ 7 - كۇنىنەن 9 - كۇنىنە دەيىن مەملەكەتتىك ساياسي كەڭەستىڭ ورىنباسار ءتوراعاسى، قاتىناس - تاسىمال مينيسترلىگى پارتيا باسشىلىق گرۋپپاسىنىڭ شۋجيى ياڭ چۋانتاڭ تەكسەرۋ - زەرتتەۋ ۇيىرمەسىن باستاپ ءۇرىمجى قالاسىنا، بۇراتالا موڭعۇل اۆتونوميالى وبلىسىنا، ىلە قازاق اۆتونوميالى وبلىسىنا بارىپ، شينجياڭنىڭ قاتىناس - تاسىمالىنىڭ دامۋى جانە كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا قاتىستى قىزمەتتەر، ت. ب جونىندە تەكسەرۋ - زەرتتەۋ ورىستەتتى ءارى ۇرىمجىدە تەكسەرۋ - زەرتتەۋ اڭگىمە ءماجىلىسىن اشتى.

　　ياڭ چۋانتاڭ الاتاۋ ساعاسى شەكارا وتكەلىندە قاتىناس قۇرىلىسىنىڭ وتكەلدىڭ دامۋىن جەبەۋىنە، ”ءبىر بەلدەۋ، ءبىر جول“ قۇرىلىسىندا قول جەتكەن ناتيجەلەرىنە، ت.ب تەكسەرۋ - زەرتتەۋ جۇرگىزدى؛ بۇراتالا قالاسى ۇتىنبۇلاق قالاشىعىنىڭ جيدەبۇلاق قىستاعىندا اۋىل - قىستاق تاس جول قۇرىلىسىنا جانە اۋىل - قىستاقتى گۇلدەندىرۋ ستراتەگياسىنىڭ ىلگەرىلەۋ جاعدايىنا تەكسەرۋ - زەرتتەۋ جۇرگىزدى ءارى وتباسىلارىن ارالاپ از ۇلت بۇقاراسىنا امانداستى؛ سايرام كولى كورىنىس وڭىرىندە ”قاتىناس + ساياحات“ توعىسپالى دامۋ جاعدايىنا تەكسەرۋ - زەرتتەۋ جۇرگىزدى؛ كەڭساي كوپىرىندە تاس جول قاتىناس ىستەرىنىڭ دامۋ جاعدايىنا تەكسەرۋ - زەرتتەۋ جۇرگىزدى.

　　6 - ايدىڭ 7 - كۇنى ياڭ چۋانتاڭ ۇرىمجىدە تەكسەرۋ - زەرتتەۋ اڭگىمە ءماجىلىسىن اشىپ، اۆتونوميالى رايوندىق قاتىناس - تاسىمال مەڭگەرمەسىنىڭ، بيڭتۋان قاتىناس - تاسىمال مەڭگەرمەسىنىڭ (مەكەمە) جانە اۆتونوميالى رايوندىق اۋىل - قىستاقتى گۇلدەندىرۋ مەكەمەسىنىڭ قىزمەت جاعدايىنان بەرگەن مالىمەتىن تىڭدادى. ول بىلاي دەپ باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، شينجياڭنىڭ وڭىرلىك باسىمدىعىن تولىق ساۋلەلەندىرىپ، باتىلدىقپەن امالياتتا ايگىلەپ، ىرىقتىلىقپەن ىسكەرلىك كورسەتىپ، شينجياڭنىڭ قاتىناس - تاسىمال ىستەرىنىڭ جوعارى ساپالى دامۋىن ىلگەرىلەتۋ كەرەك.

　　ياڭ چۋانتاڭ بىلاي دەپ اتاپ كورسەتتى: كەلەلى ينجەنەريالاردى، كەلەلى ساياساتتاردى، كەلەلى رەفورما شارالارىن، ت.ب زەرتتەۋدى ويداعىداي ىستەپ، قاتىناس نەگىزدىك قۇرىلعىلارى تورىن ورنالاستىرۋدى ۇزدىكسىز كەمەلدەندىرۋ كەرەك. ”ءبىر بەلدەۋ، ءبىر جولعا“ باعىتتالعان كەشەندى ستەرەولدى قاتىناس تورىن كۇش سالا قالىپتاستىرىپ، كەشەندى قاتىناس تورابىن ءبىر تۇلعالاندىرىپ جوبالاۋ قۇرىلىسىن ىلگەرىلەتىپ، وسى زامانعى زات اينالىمى جۇيەسىن جەدەل ورناتىپ، جاڭا دامۋ ارناسىن قالىپتاستىرۋعا پارمەندى تىرەك ازىرلەۋ قاجەت. كەشەندى قاتىناس - تاسىمال رەفورماسىن ۇزدىكسىز تەرەڭدەتىپ، كەشەندى قاتىناستىڭ ءبىر تۇلعالانا توعىسپالى دامۋ ءتۇزىلىسىن، مەحانيزمىن ورناتۋ، جاسىل تاس جول قۇرىلىسىن تەحنيكالىق زەرتتەۋ - اشۋ جانە ينجەنەريالىق قۇرىلىس، ت. ب جاعىندا بەلسەنە الدىمەن جۇرگىزىپ، الدىمەن سىناق ەتىپ، كەزەڭدىك جەتىستىكتەردى، تابىستى تاجىريبە ۇلگىسىن دەر كەزىندە قورىتىندىلاۋ ءتيىس. ”تورتتە جاقسى اۋىل - قىستاق جولى“ قۇرىلىسىن ىلگەرىلەتىپ، پارتيا مەن ۇكىمەتتىڭ ءار ۇلت ەگىنشى - مالشىلارمەن جالعاساتىن ”كوڭىلدى تۇتاستىرۋ جولىن“، ”مەيىر جولىن“ سالۋ كەرەك. قىزمەت وتەۋ كاسىپ سالاسىن دامىتۋدى كورنەكتى ماڭىزدى ورىنعا قويىپ، اۋىل - قىستاق قاتىناسىنىڭ جەتۋ تەرەڭدىگىن كۇش سالا جوعارىلاتىپ، بايلىق جولى، ساياحات جولى، كاسىپ سالاسى جولى، ت.ب قۇرىلىسىن ۇزدىكسىز ىلگەرىلەتىپ، قالا مەن اۋىلدىڭ توعىسپالى دامۋىن ىلگەرىلەتۋ جاعىنا كۇش سالىپ، قالا، اۋىل قاتىناس - تاسىمالىنىڭ ءبىر تۇلعالانا دامۋىن كۇش سالا ىلگەرىلەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. پارتيا تاريحىن ۇيرەنۋ تاربيەسىمەن ۇشتاستىرىپ، قىزىل بايلىق باسىمدىعىنان ويداعىداي پايدالانىپ، پارتيانىڭ 100 جىلدىق ۇلى كۇرەس بارىسىنان اقىل - پاراسات جانە كۇش - قۋات الۋعا ءمان بەرىپ، توراڭعى رۋحى مەن بيڭتۋان رۋحىن بار كۇشپەن اسقاقتاتىپ، قاتىناستا قۋاتتى ەل قۇرۋدى جەدەلدەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك.

　　اۆتونوميالى رايوننىڭ باسشىلارىنان ليۋ سۋشى، ازەز مۇسا قاتىستى تەكسەرۋ - زەرتتەۋگە جانە اڭگىمە ماجىلىسىنە قاتىناستى.