تيانشان تورى   ›   جاڭالىقتار   ›   شينجياڭ حابارلارى

ءىرى ىستەر ەستەلىگى 19

  

       1974 - جىلى

  1 - ايدا مەملەكەتتىك نەگىزگى قۇرىلىس كوميتەتى، مەملەكەتتىك جوسپار كوميتەتى بەيجيڭدە وڭتۇستىك شينجياڭ تەمىر جولى سەلبەستىك ءماجىلىسىن اشتى. وڭتۇستىك شينجياڭ تەمىر جولى قۇرىلىسى باستاپ سالىندى.

  8 - ايدا تيانشان مايتاۋ - كۇشار تاس جولى قۇرىلىسى باستاپ سالىندى.

  9 - ايدىڭ 29 - كۇنى «شينجياڭ گازەتى» اۆتونوميالى رايونداعى تۇڭعىش رەتكى وسى زامان حيميالىق تىڭايتقىش زاۆودى − شينجياڭ اسكەري رايونى ءوندىرىس - قۇرىلىس بيڭتۋانى حيميالىق تىڭايتقىش زاۆودىنىڭ وندىرىسكە قوسىلعاندىعىن حابارلادى. جىلىنا 68 مىڭ توننا سينتەزدىك اممياك، 130 مىڭ توننا ۋرەا ءوندىردى.

  11 - ايدا اۆتونوميالى رايوندىق پارتكوم «شينجياڭ ۇيعۇر اۆتونوميالى رايونىنىڭ 1976 - جىلدان 1985 - جىلعا دەيىنگى حالىق شارۋاشىلىعىن دامىتۋ جوبا باعدارلاماسىن (جوبا نۇسقاسى)» باسقارىپ، جاسادى.

  1975 - جىلى

   1 - ايدا اۆتونوميالى رايوندىق پارتكوم تۇراقتى كوميتەت ءماجىلىسىن اشىپ، دىڭ شياۋپيڭنىڭ جاپپاي وڭاۋ جونىندەگى ۇندەۋىنە ءۇن قوسىپ، 30 مىڭنان استام كادردى اۋدان، قالاعا جانە تۋان، الاڭعا ىشكەرىلەي بارىپ وڭاۋ جۇرگىزۋگە شىعارىپ، ونەركاسىپ، اۋىل شارۋاشىلىعى ءوندىرىسىن قالپىنا كەلتىردى جانە دامىتتى.

  5 - ايدىڭ 24 - كۇنى اۆتونوميالى رايوندىق پارتكوم شينجياڭ ۇيعۇر اۆتونوميالى رايوندىق تىڭ يگەرۋ باس مەكەمەسىن قۇرۋدى ۇيعاردى. تىڭ يگەرۋ باس مەكەمەسىنىڭ مىندەتى ”تەكسەرۋ، زەرتتەۋ - جۇرگىزۋ، تاجىريبەلەردى قورىتىندىلاۋ، احۋال ۇعىسۋ، ماسەلەلەردى اڭىس ەتۋ بولدى “.

  10 - ايدىڭ 1 - كۇنى شينجياڭ ۇيعۇر اۆتونوميالى رايونى قۇرىلعاندىعىنىڭ 20 جىلدىعى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى چىن شيليان ورتالىقتىڭ ۋاكىلدەر ۇيىرمەسىن باستاپ، قۇتتىقتاي كەلدى. ۇرىمجىدەگى ءار ۇلت بۇقاراسى جينالىس وتكىزىپ جانە سالتاناتتى ءجۇرىس ءجۇرىپ، جاڭا جۇڭگو قۇرىلعاندىعىنىڭ 26 جىلدىعىن جانە اۆتونوميالى رايون قۇرىلعاندىعىنىڭ 20 جىلدىعىن قىزۋ قۇتتىقتادى.

  1976 - جىلى

  1 - ايدىڭ 2 - كۇنى مەملەكەتتىك كەڭەس حۇجات ءتۇسىرىپ، شىحىزى ايماعىن، سونداي - اق شىحىزى قالاسىن قۇرۋدى بەكىتتى.

  1 - ايدىڭ 8 - كۇنى جۇڭگو كوممۋنيستىك پارتياسى ورتالىق كوميتەتىنىڭ ورىنباسار ءتوراعاسى، مەملەكەتتىك كەڭەستىڭ زۇڭليى، مەملەكەتتىك ساياسي كەڭەستىڭ ءتوراعاسى جوۋ ىنلاي قايتىس بولدى. بۇكىل شينجياڭداعى ءار ۇلت حالقى توتەنشە قايعىردى، اۆتونوميالى رايوندىق پارتكوم حالىق باقشاسىندا ازا ءبىلدىرۋ سالتىن وتكىزدى، كوپتەگەن مەكەمە - ورىندار وزدىكتەرىنەن ءتۇرلى ازا ءبىلدىرۋ قيمىلدارىن وتكىزدى.

  9 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتىنىڭ ءتوراعاسى، ورتالىق اسكەري ىستەر كوميتەتىنىڭ ءتوراعاسى، مەملەكەتتىك ساياسي كەڭەستىڭ قۇرمەتتى ءتوراعاسى ماۋ زىدۇڭ بەيجيڭدە قايتىس بولدى. ءار ۇلت حالقى قاباعات قايعىرىپ، ازا ءبىلدىرۋ قيمىلىن وتكىزدى. 9 - ايدىڭ 18 - كۇنى اۆتونوميالى رايوندىق پارتكوم حالىق الاڭىندا ازا ءبىلدىرۋ جينالىسىن وتكىزدى.

  10 - ايدىڭ 6 - كۇنى پارتيا ورتالىق كوميتەتى ”تورتتىك توبە“ كەرى توڭكەرىستىك توپتى تالقانداپ، ”مادەنيەت زور توڭكەرىسىن“ اياقتاتتى.

  اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى بەرگەن

  انار بۇلت / شينجياڭ گازەتىنىڭ ءتىلشىسى فان حۇڭي رەتتەگەن

  سۋرەتتەردى رەتتەگەن / جوبالاعان لياڭ ۋي

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.