□ ءپايزاۋات اۋدانى عولتوعىراق قالاشىعىنىڭ ماقتاشىسى رايلا عوپۇر
مەن ناعىز ديقانمىن، وتباسىمدا 43 مۋ جەر بار، نەگىزىنەن ماقتا جانە ءپايزاۋات قاۋىنىن ەگەمىن، وتكەن جىلى 32 مۋ جەرگە ماقتا ەگىپ، 60 مىڭ يۋاننان ارتىق كىرىس كىرگىزدىم.
بۇرىن وتباسىمىز نەگىزىنەن قاۋىن، ءبيداي، جۇگەرى ەگەتىن، كورشىلەردىڭ ماقتا ەگىپ اجەپتاۋىر پايدا تاپقانىن كورىپ، مەندە دە ماقتا ەگۋ ويى بولدى. ماقتا ەككەن تۇڭعىش جىلى قىرۋار اقشا تاباتىنىمدى ويلاماپپىن. قازىر ءبىز وسى زامانعى اۋىل شارۋاشىلىعى ەگىس تاسىلىنەن پايدالانىپ ماقتا ەگەمىز، تۇقىم سەبۋدە، ءدارى شاشۋدا، ماقتا تەرۋدە تۇگەلدەي ماشينا پايدالانىپ، ءوندىرىس ونىمدىلىگىن زور مولشەردە جوعارىلاتتىق. اسىرەسە، ماقتا تەرۋ مەزگىلىندە ماقتا تەرۋ ماشيناسى 2 كۇنگە جەتپەيتىن ۋاقىتتا وتباسىمىزدىڭ بارلىق ماقتاسىن تەرىپ بولادى.
تاياۋدا باتىستاعى ءىشىنارا كاسىپورىندار شينجياڭدا ايتىلمىس”زورلىقپەن ەڭبەككە سالۋ“ ساقتالۋدا دەگەندى سىلتاۋ ەتىپ، شينجياڭ ماقتاسىن جانە وعان قاتىستى ونىمدەردى شەكتەدى. شينجياڭداعى ماقتاشى رەتىندە، مەن شينجياڭعا قيسىنسىز شابۋىل جاسايتىن جانە قاساقانا كۇيە جاعاتىن مۇنداي ارەكەتتەرگە قاتتى كەكتەنەمىن. ولاردىڭ ءبىزدىڭ شينجياڭنىڭ ماقتاسىنا جالا جابۋى بۇكىلدەي اق پەن قارانى شاتاستىرعاندىق.
ءبىزدىڭ تۇرمىسىمىز بارعان سايىن جاقساردى، بۇرىن تۇرعان تام ۇيلەرىمىز كەڭ دە جارىق بەيقۇت ۇيگە وزگەردى؛ بۇرىن ىشكەن كولشىك سۋى ءتاتتى قۇبىر سۋىنا اينالدى؛ بۇرىن بالشىق كەشىپ جالعىز اياق جولمەن جۇرسەك، قازىر تەگىس اسفالت جولمەن جۇرەمىز...ءبىزدىڭ تاماشا تۇرمىسىمىز پارتيا مەن مەملەكەتتىڭ تاماشا ساياساتىنىڭ ارقاسىندا كەلگەن، ءبىزدىڭ قاجىرلى ەڭبەگىمىزدىڭ ارقاسىندا كەلگەن. ساندىراقتاردى كولدەنەڭ تارتىپ، شينجياڭ ماقتاسىن شەكتەگەن، شينجياڭدى بۇرمالاعان، شينجياڭعا كۇيە جاققان سول ءبىر ادامدار ءبىزدىڭ تاماشا تۇرمىس كەشىرۋىمىزدى كورە الماي وتىر.
