داڭقتى ءداستۇردى اسقاقتاتىپ، العان بەتتەن قايتپاي پارتياعا ىلەسەمىز
□ انار بۇلت / شينجياڭ گازەتىنىڭ ءتىلشىسى جاڭ يانفاڭ
”ساقا پارتيا مۇشەلەرىنىڭ باسىنان ىستىق - سۋىق كوپ وتسە دە، اۋەلگى ماقساتتان اينىماعانى، سەنىمنەن جازباعانى كىسىنى سۇيىندىرەدى!“، ”ايبىندى تاراتۋ سالتى بارلىق پارتيا مۇشەلەرىنە قاراتىلعان ءبىر رەتكى رۋحاني جاڭعىرۋ بولدى“. جۋىقتا رايونىمىزدىڭ جەر - جەرى ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ سالتىن وتكىزدى، ءارقايسى اقپارات قۇرالدارى تۇعىرى، ءار ورىنداردىڭ الەۋمەتتىك ءۇنحات تۇعىرلارى سياقتىلار قاتىستى حاباردى ىركەس - تىركەس كوشىرىپ باسىپ، قالىڭ پارتيا مۇشەلەرى مەن ءار ۇلت كادر - بۇقارا سانالىلىقپەن جالعاپ تاراتىپ، ساقا پارتيا مۇشەلەرىنە قۇرمەت ءبىلدىردى!
كىشكەنتاي عانا ەستەلىك زناك داڭق پەن ارماندى ارقالاپ، قامقورلىق پەن مەيىردى قامتىعان. كوپشىلىك مىنالاردى ءبىلدىردى: اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدى بەكەمدەپ، ەرلىكپەن العا ىلگەرىلەپ، ءىس جۇزىندىك ارەكەتىمىزبەن پارتيانىڭ داڭقتى ءداستۇرىن جانە تاڭداۋلى ستيلىن ساۋلەلەندىرىپ، كورىكتى شينجياڭ قۇرۋ، وتان ارمانىن بىرگە جۇزەگە اسىرۋ جولىندا قاجىماي - تالماي كۇرەس جۇرگىزەمىز.
كەريا اۋدانى تۋراقاز اۋىلىندا، ”پارتيا قۇشاعىنداعى داڭقتى 50 جىل“ ەستەلىك زناگىنىڭ يەگەرى ابدۇقادىر مامەت ەستەلىك زناكتى ۇيىندەگى ەڭ كورنەكتى ورىنعا ءىلىپ قويدى. جاس كەزىندە ابدۇقادىر قۇربان اتايدىڭ حيكاياسىنىڭ ىقپالىندا پارتيا ۇيىمىنا مۇشە بولعان، نەشە 10 جىلدان بەرى باستان - اياق بۇقارامەن بىرگە كۇرەس جۇرگىزىپ كەلەدى. 2019 - جىلى كەريا اۋدانىندا ورىستەتىلگەن ”بەستى شىنايى مويىنداۋدى“ تەرەڭدەتىپ، پارتياعا العىس ايتۋ، وتانعا العىس ايتۋ نەگىزگى تاقىرىپ بولعان ۇگىت لەكسيا قيمىلىندا، الدەقاشان زەينەتكە شىققان ول 29 كەزەك ۇگىت لەكسيا جاسادى. ول باتىل تۇردە بىلاي دەدى: ”نارت قىزىل پارتيا تۋىنىڭ الدىندا وڭ قولىمدى كوتەرىپ ايبىنمەن سەرت بەرگەن سول ساتتە، پارتياعا ءومىر بويى ادال بولۋعا، ءومىر بويى ىلەسۋگە، پارتياعا ءومىر بويى ۇلەس قوسۋعا، العان بەتتەن قايتپاۋعا بەكىدىم!“.
شوگەلدىكپەن پارتيا ءۇشىن قىزمەت ىستەپ، تاباندىلىقپەن حالىق ءۇشىن قىزمەت ىستەپ، ءبىر جالىندى جاستان بۇگىنگى كۇندە سامايىن اق كۇمىس قىراۋ شالعانعا دەيىن، پارتيا قۇشاعىنداعى داڭقتى 50 جىل ساقا پارتيا مۇشەلەرىنىڭ الاۋلاعان اۋەلگى ماقساتىن ايگىلەدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ كەريا اۋدانى كوكجار اۋىلى ءتوۋان اگلا قىستاعىندا تۇراتىن ءبىرىنشى شۋجيى قۇربانجان مۇحتار ساقا پارتيا مۇشەلەرىنىڭ كۇرەس حيكايالارىنان تەرەڭ اسەرلەندى. ول بىلاي دەدى: ”ءبىز ساقا پارتيا مۇشەلەرىنىڭ پارتياعا ادال بولىپ، اۋىر جاۋاپكەرشىلىكتى باتىلدىقپەن ارقالاپ، ءۇن - ءتۇنسىز ۇلەس قوسقان رۋحاني قاسيەتىنەن ۇيرەنىپ، كوممۋنيستىك پارتيا مۇشەلەرىنىڭ اۆانگارد، ۇلگىلىك رولىن قاي - قاشان دا ساۋلەلەندىرىپ، بۇقارا ءۇشىن جاقسى ءىستى كوپ ىستەپ، ناقتى ءىستى كوپ ىستەپ، بۇكىل قىستاقتاعىلاردى باستاپ پارتياعا ماڭگى ىلەسىپ، بىرگە ىنتىماقتاسىپ كۇرەس جۇرگىزىپ، اناعۇرلىم تاماشا تۇرمىس جاراتامىز“.
6 - ايدىڭ 7 - كۇنى مارالباسى اۋدانىندا وتكىزىلگەن ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ سالتىندا، 14 ساقا پارتيا مۇشەسى شەكسىز تەبىرەنىسكە تولى كوڭىل كۇيمەن جارقىراعان ەستەلىك زناكتى تاپسىرىپ الدى. ”پارتياعا كىرگەندە بەرگەن سەرتىمدى ەستە بەرىك ساقتاپ، توڭكەرىستىك جاستىق كوكتەمدى ماڭگى ساقتاپ، مەكەنىمىزدىڭ ءتۇرلى ىستەرىنىڭ دامۋىنا بارىنشا ۇلەس قوسامىن“. ساقا پارتيا مۇشەسى ليۋ رىنميڭنىڭ شىن ىقىلاسپەن ايتقان ءسوزى مارالباسى اۋدانى اناركول اۋىلى بوزءمالى قىستاعى قىستاق تۇرعىندار كوميتەتىنىڭ مەڭگەرۋشىسى شىرالي ەركىندى ەرەكشە تەبىرەنتتى.
شىرالي ساقا پارتيا مۇشەلەرىنىڭ كۋا بولۋىندا داڭقپەن پارتياعا مۇشە بولدى. ول بىلاي دەدى: ”ساقا پارتيا مۇشەلەرى نەشە 10 جىلدىق قالتقىسىز ۇلەسىمەن بىزگە پارتياعا كىرۋدىڭ بەرىك سەنىم ەكەندىگىن، ومىرلىك ءىس ەكەندىگىن ۇعىندىردى. جاڭا پارتيا مۇشەسى رەتىندە، مەن ۇلگىگە قاراپ قاتار تۇزەپ، ساقا جولداستار جاراتقان باعالى رۋحاني بايلىقتى ەرەكشە قاستەرلەپ، قىزىل گەندى جالعاستىرىپ، ’سىناۋ بەرۋ‘ رۋحىن اسقاقتاتىپ، جاپالىلىقپەن ىستەپ، ۇزدىكسىز كۇرەس جۇرگىزىپ، جالىندى جاستىق ورالىممەن، جالىندى ارەكەتىممەن پارتياعا كىرۋ سەرتىمدى امالياتتا ايگىلەيمىن“.
ءۇشتۇرپان اۋدانىندا ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ حابارى نەگىزگى ساتىداعى پارتيا ۇيىمدارى مەن قالىڭ پارتيالى كادرلار اراسىندا قىزۋ اڭىس قوزعادى. ”ەستەلىك زناگىن تاراتۋ ساقا پارتيا مۇشەلەرىنىڭ پارتيا مەن حالىقتىڭ ىستەرى ءۇشىن ءومىر بويى كۇرەس جۇرگىزگەندىگىنە بەرىلگەن ماراپات، ورتا جاس، جاس پارتيا مۇشەلەرىنىڭ جاڭا داۋىردە ەكپىندەي ىلگەرىلەۋىنە بەرىلگەن اسا ۇلكەن شابىت“، - دەدى ءۇشتۇرپان اۋدانى جامانسۋ قىرعىز ۇلتتىق اۋىلى پارتكومىنىڭ شۋجيى ليۋ لي.
جامانسۋ قىرعىز ۇلتتىق اۋىلىندا پارتيا ستاجى 50 جىلدان اسقان 3 ساقا پارتيا مۇشەسى بار، ەڭ ۇلكەنى 81 جاستا، ەڭ كىشىسى 72 جاستا، ولار قىستاق پارتيا ياچەيكاسىنىڭ شۋجيى، اۋىلدىق راديو پۋنكتىنىڭ باستىعى سياقتى مىندەتتەردى وتەگەن، ءوندىرىس، تۇرمىس شارت - جاعدايى ەرەكشە قيىن جىلداردا قاجىرلىلىقپەن كۇرەس جۇرگىزۋ رۋحىن ساۋلەلەندىرىپ، بۇكىل اۋىلدىڭ دامۋىنا ماڭىزدى ۇلەس قوستى. ليۋ لي بىلاي دەدى: جۋىقتا اۋىلدىڭ ۇسىنىسى بويىنشا وسى ساقا پارتيا مۇشەلەرىنىڭ ءبىرى كوپشىلىككە پارتيا ساباعىن ءوتىپ، كۇرەس حيكاياسىن بايانداپ، پارتيالى كادرلاردى حالىقتىڭ تاماشا تۇرمىسقا دەگەن تالپىنىسىن ماڭگى كۇرەس نىساناسى ەتىپ، نەگىزگى ساتىعا تامىر تارتىپ، قيىندىقتاردان قامال الىپ، كوممۋنيستەردىڭ رۋحاني تامىرىن جالعاستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋعا شابىتتاندىرادى.
