تيانشان تورى
تيانشان تورى   ›   جاڭالىقتار   ›   سۋرەتتى حابار

حالىقتى وزەك ەتۋگە تاباندى بولىپ، جوعارى ساپالى دامۋدى ىلگەرىلەتىپ، ىشكى قۇرلىقتاعى ەسىك اشۋ مەن شەكارا بويىنداعى ەسىك اشۋدىڭ بيىك بەلەسىن قالىپتاستىرۋعا قۇلشىنۋ كەرەك

اۆتونوميالى رايوندىق پارتكومنىڭ تۇراقتى كوميتەت (كەڭەيتىلگەن) ءماجىلىسى باس شۋجي شي جينپيڭنىڭ چيڭحايدا قىزمەت تەكسەرگەندەگى ماڭىزدى ءسوزىنىڭ رۋحى سياقتىلاردى جەتكىزدى، ۇيرەندى

حالىقتى وزەك ەتۋگە تاباندى بولىپ، جوعارى ساپالى دامۋدى ىلگەرىلەتىپ، ىشكى قۇرلىقتاعى ەسىك اشۋ مەن شەكارا بويىنداعى ەسىك اشۋدىڭ بيىك بەلەسىن قالىپتاستىرۋعا قۇلشىنۋ كەرەك

چىن چۋانگو ءماجىلىستى باسقاردى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 11 - كۇنى ۇرىمجىدەن حابارلايدى. 6 - ايدىڭ 11 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ چيڭحايدا قىزمەت تەكسەرگەندەگى ماڭىزدى ءسوزىنىڭ رۋحى سياقتىلاردى جەتكىزىپ، ۇيرەنىپ، رايونىمىزدىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ ۇستانىمىن تولىق، دالمە - ءدال دايەكتىلەندىرىپ، حالىقتى وزەك ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك. دامۋدىڭ ىشكى قوزعاۋشى كۇشىن نىعايتىپ، ەكونوميكانىڭ دامۋ تاسىلىنە بۇرىلىس جاساپ، جاڭالىق اشۋ ارقىلى دامۋعا دەم بەرۋدى كۇشەيتىپ، ءداستۇرلى كاسىپ سالالارىنىڭ تيبىن وزگەرتۋىن، دارەجەسىن جوعارىلاتۋىن جانە جاڭا وركەندەگەن كاسىپ سالالارىنىڭ دامۋىن، زورايۋىن ءبىر تۇتاس جوسپارلاپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، رەفورمانى جاپپاي تەرەڭدەتىپ، ەسىك اشۋدى ۇزدىكسىز كەڭەيتىپ، جوعارى ساپالى دامۋ جولىمەن بۇلجىماي ءجۇرۋ كەرەك. بىرگە بايۋدى تىڭعىلىقتى ىلگەرىلەتىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتىلاردى ءتۇيىن ەتكەن حالىق تۇرمىسى ينجەنەرياسىن ۇزدىكسىز ىلگەرىلەتىپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى ويداعىداي شەشۋ؛ ”ءتورتتى توقتاتپاۋدى“ قاتاڭ تياناقتاندىرىپ، قايتا كەدەيلەسۋدەن ساقتانۋدى قاداعالاۋ - ساراپتاۋ جانە كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋ كەرەك. ەكولوگيالىق ورتانى قورعاۋدى كۇشەيتىپ، تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، تاۋ، سۋ، ورمان، ەگىنجاي، كول، جايلىم، قۇمدى ءشول، مۇزدىقتى جۇيەلى جونگە سالۋدى ءبىر تۇتاس جوسپارلاپ، جاراتىلىستىق ەكولوگيانى ويداعىداي قورعاپ، جاراتىلىستىق بايلىقتاردى ويداعىداي قورعاپ جەتىلدىرىپ، ورگانيزمدەردىڭ الۋان تۇرلىلىگىن ويداعىداي قورعاپ، اسپانى اشىق، جەرى مانات، سۋى تۇنىق كورىكتى شينجياڭ قۇرۋ كەرەك. ۇلتتار ىنتىماعىن بەكەمدەپ، كۇشەيتىپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعىنداعى ۇلگىلى ورىن قۇرۋدى ىشكەرىلەي ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن تەرەڭدەتىپ، جۇڭحۋا ۇلتى ورتاق تۇلعا تانىمىن مىقتاپ ورناتۋ كەرەك. ءدىننىڭ اقاۋسىز دامۋىن ىلگەرىلەتىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، شينجياڭدا ءىسلام ءدىنىن سوتسياليستىك قوعامعا ۇيلەسۋگە بەلسەنە جەتەكتەۋ كەرەك. تاماشا دامۋ ورتاسىن قالىپتاستىرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي ويداعىداي يگەرىپ، ەلەۋلى، ەرەكشە، ءىرى ءوندىرىس حاۋىپسىزدىگى شىرعالاڭدارىن ءونىمدى تەجەپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، ساياسي - زاڭ قوسىنىن تاربيەلەۋدى، رەتتەۋدى تەرەڭدەتۋ كەرەك. شىن مانىندە تاريحتى ۇيرەنۋ ارقىلى ءمورالدى اسقاقتاتىپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، اۋەلگى ماقسات پەن بورىشتى امالياتتا ايگىلەپ، قىزىل گەندى جالعاستىرىپ، پارتياعا ادال بولاتىن ۇلكەن ءمورالدى، حالىقتى باقىتقا كەنەلتەتىن الەۋمەتتىك ءمورالدى، ءوزىن قاتاڭ تارتىپكە سالاتىن احىلاق - ءمورالدى قاستەرلەپ، ارداقتى ادام بولۋعا، ناعىز ادام بولۋعا، ءمورالدى ادام بولۋعا، پاسىق نيەتتەن اۋلاق ادام بولۋعا، حالىققا پايدالى ادام بولۋعا قۇلشىنىپ، بەلدى بەكەم بايلاپ پارتياعا ىلەسۋ، قاي - قاشان دا العان بەتىنەن قايتپاۋ كەرەك.

  ءماجىلىس جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ جاعدايى جونىندەگى مالىمەتتى تىڭدادى. ءماجىلىس مىنالاردى باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، جاڭا دامۋ ارناسىن قالىپتاستىرۋعا قىزمەت وتەۋ جانە توعىسۋداعى ورىن مەن سالىستىرمالى باسىمدىقتى دالمە - ءدال يگەرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعاۋشى ەتىپ، شينجياڭنىڭ وزىندىك وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپىلىق ورنالاستىرۋىنا ەنگىزىپ، جان - جاقتى ۇلاستىرۋ - تۇتاستىرۋدى كۇشەيتىپ، كاسىپ سالاسى تىزبەگىنىڭ، قامداۋ تىزبەگىنىڭ، قۇن تىزبەگىنىڭ تەرەڭ توعىسۋىن جەبەۋ كەرەك. ”ءبىر پورت“، ”ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىن جەدەلدەتىپ، وزەكتى رايون قۇرىلىسىنداعى ەلەۋلى نىسانداردىڭ تياناقتانۋىن، ناتيجە بەرۋىن دالمە - ءدال ىلگەرىلەتۋ كەرەك. سىرتقا ەسىك اشۋ دانەكەرلەرىن مولايتىپ، مەملەكەتتىڭ ساياساتتارىنان جەتكىلىكتى، ويداعىداي پايدالانىپ، سىرتقا ەسىك اشۋ ساياسات جۇيەسىن كەمەلدەندىرىپ، ءتۇرلى فاكتورلاردى شوعىرلانۋعا باۋراپ، حالىقارالىق، ەل ىشىندىك وندىرىستىك قۋات سەلبەستىكتەرىن تەرەڭدەتىپ، سىرتقا ەسىك اشۋدىڭ دەڭگەيىن كوتەرىپ، اشىق تيپتەگى ەكونوميكالىق تۇزىلىستە جاڭالىق اشىپ، ىشكى قۇرلىقتاعى ەسىك اشۋ مەن شەكارا بويىنداعى ەسىك اشۋدىڭ بيىك بەلەسىن قالىپتاستىرۋعا قۇلشىنىپ، اۆتونوميالى رايوننىڭ ”14 - بەسجىلدىقتاعى“ ەكونوميكاسىنىڭ، قوعامىنىڭ جوعارى ساپالى دامۋىنا قوزعاۋشى كۇش ۇستەۋ، ومىرشەڭدىك قوسۋ، كەڭ ءورىس اشۋ كەرەك.

  ءماجىلىس تاعى باسقا دا ىستەردى اقىلداستى.

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، ياڭ چىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، تيان شياڭلي، چىن ۋيجۇن، ۋاڭ ميڭشان قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.