”نانجيڭ جولىنداعى جاقسى 8 - ليان“:
”شام تۇبىندەگى قاراۋىلشى اسكەردەن“ ”ەرەكشە شايقاس اتويشىسىنا“ دەيىن
□ شينحۋا اگەنتتىگىنىڭ ءتىلشىسى لي بيڭشۋان
”نانجيڭ جولىنداعى جاقسى 8 - لياننىڭ“ جاۋىنگەرلەرى ەڭبەككە قاتىناسىپ ورالدى. □ سۋرەتتى شينحۋا اگەنتتىگى تاراتقان
شىلىڭگىر شىلدە مەزگىلى، شاڭحاي قالاسى باۋشان رايونىنا ورنالاسقان ”نانجيڭ جولىنداعى جاقسى 8 - لياننىڭ“ ىزگى ىستەرى كورمە سارايىندا ەكسكۋرسيالاۋشىلاردىڭ اياعى ۇزىلمەدى.
”’نانجيڭ جولىنداعى جاقسى 8 - ليان‘ ءبىزدىڭ شاڭحايدىڭ تانىسقىسى“، - دەدى شاڭحاي حالىقتىق اۆياتسيا كاسىپتىك - تەحنيكالىق شۋەيۋانىنان زەينەتكە شىققان كادر چىن لۇڭحۋا.
1947 - جىلى 8 - ايدىڭ 6 - كۇنى 8 - لياننىڭ توركىنى − حۋادۇڭ اسكەري رايونى ايرىقشا مىندەت ورىنداۋشى تۋانى 4 - ۇلكەن اترەتى اسكەري جابدىق ليانى، شاندۇڭ ولكەسى لايياڭ اۋدانى چىڭشي شياۋيۋان قىستاعىندا قۇرىلعان. ازاتتىق سوعىسى بارىسىندا ليان - دۇي ىلگەرىندى - كەيىندى حۋايحاي، دۋجياڭ، شاڭحاي سياقتى شايقاستارعا، ۇرىستارعا قاتىناسقان.
شاڭحاي ازات بولعاننان كەيىن، ليان - دۇي ۇلكەن اسكەري بولىمگە ىلەسىپ، شاڭحايعا جايعاسىپ، ىشكى قورعاۋ 1 - تۋانى 2 - يىڭى 8 - ليانى بولىپ وزگەرتىلىپ، نانجيڭ جولى سياقتى جەرلەردى شارلاۋ مىندەتىنە جاۋاپتى بولدى.
”’قالاعا كىرۋ‘ سىندى وسى ەمتيحان الدىندا قۇرىلعانىنا 2 جىلعا تولماعان 8 - ليان نانجيڭ جولىندا ەمتيحاننان جاقسى ناتيجە الادى“. كورمە سارايىنىڭ ءتۇسىندىرۋشىسى گۇڭ ميڭحۇي بىلاي دەدى: ”جاۋ كۇشتەرىنىڭ شىرعالاۋى، شەتەلدىكتەردىڭ ازعىرۋى الدىندا، 8 - لياننىڭ جاۋىنگەرلەرى دۋماندى بازاردا تۇرسا دا شاڭ جۋىتپاي، ’جۇپار ءيىستىڭ، ۋلى ءيىستىڭ‘“ شىرىتۋىنە ۇشىرامادى.
20 - عاسىردىڭ 50 -، 60 - جىلدارى 8 - ليان دۋماندى ورتالىق قالادا تۇرسا دا، قاجىرلىلىقپەن كۇرەس جۇرگىزەتىن تاڭداۋلى ءداستۇردى باستان - اياق اسقاقتاتىپ، ”بەس ءبىردى ۇنەمدەۋ“، ”ءتورتتى ءوزى ىستەۋ“ سياقتى تاڭداۋلى ءداستۇردى بىرتىندەپ قالىپتاستىردى. اعاششىلىق ساندىعى، اياق كيىم جاماۋ ساندىعى، شاشتاراز ساندىعى سىندى ”ءۇش ساندىق“ اتا مۇراسى وسىدان جارىققا شىقتى ءارى بۇگىنگە دەيىن جالعاسىپ كەلەدى.
1961 - جىلى شىن شيمىڭ، مو يان، لۇي شيڭچىن سياقتىلار 8 - لياندى نەگىز ەتە وتىرىپ «شام تۇبىندەگى قاراۋىلشى اسكەر» اتتى تەاتر جازادى.
ماۋ زىدۇڭ، جوۋ ىنلاي قاتارلى پارتيا مەن مەملەكەتتىڭ باسشىلارى ىلگەرىندى - كەيىندى تەاتردى كوردى. ماۋ زىدۇڭ بۇكىل ارميانى 8 - لياننان ۇيرەنۋگە ۇندەپ، «8 - لياندى ماداقتاۋ» جىرىن جازدى: ”8 - ليان كەرەمەت، اتاعى شىققان شارىقتاپ. نەگە ولاي دەسەڭىز، سەنىمى بەرىك انىق ناق. حالىق ءۇشىن قالتقىسىز، نەشە ون جىلدى وتكەرگەن. شىرىكتىككە جولاماي، كىرشىكسىز تازا كوكتەگەن...“
1963 - جىلى 8 - ليان مەملەكەت قورعانىسى مينيسترلىگى جاعىنان ”نانجيڭ جولىنداعى جاقسى 8 - ليان“ اتاعى بەرىلدى. ەكىنشى جىلى، تەاتردان وزگەرتىلىپ جاسالعان كينو «شام تۇبىندەگى قاراۋىلشى اسكەر» بۇكىل ەلدە اشىق قويىلدى.
بورىشتىڭ، مىندەتتىڭ وزگەرىسىنە ىلەسە، 8 - ليان نانجيڭ جولىندا قاراۋىلدا تۇرۋ مىندەتىن ەندىگارى اتقارمايتىن بولدى، الايدا ولاردىڭ ىزدەرى نانجيڭ جولىندا وشكەن جوق. ءار ايدىڭ 10 - كۇنى، 20 - كۇنى 8 - لياننىڭ ”حالىق ءۇشىن قىزمەت ىستەۋ كۇنى“. 1982 - جىلدان باستاپ، ءار جولى وسى 2 كۇندە 8 - لياننىڭ كوماندير - جاۋىنگەرلەرى نانجيڭ جولىنا كەلىپ، تۇرعىندار ءۇشىن تەگىن شاش جاسايدى، اياق كيىم جامايدى، پىشاق قايرايدى. 1983 - جىلدان باستاپ 8 - ليان نانجيڭ شىعىس جولى ءمالىسى يۇنجۇڭ تۇرعىندار كوميتەتىندەگى 30 نەشە سۇيەنىشسىز قاريامەن كومەكتەسۋ - سۇيەمەلدەۋ بويىنشا جۇپ قۇرادى، مەرزىم سايىن ۇيلەرىنە بارىپ حالىق ءۇشىن قىزمەت وتەدى.
2017 - جىلى 8 - ليان ءتۇرىن جاڭالاپ جاڭا ۇلگىدەگى ەرەكشە سوعىس جۇرگىزۋ كۇشىنە اينالىپ، ءبىر جىلعا جەتپەيتىن ۋاقىتتا ”شام تۇبىندەگى قاراۋىلشى اسكەردەن“ ”ەرەكشە شايقاس اتويشسىنا“ بۇرىلىس جاسادى. ءتۇرىن جاڭالاعاننان بەرى، 8 - ليان يمپورت كورمەسىندە اماندىقتى ساقتاۋ سياقتى مىندەتتەردى ايتاعالسىن ورىندادى.
ات بەرىلگەننەن بەرى، 8 - لياننىڭ العان باستى داڭقتارى 100دەن استى. 2018 - جىلى 8 - ليان جيتۋانجۇن جاعىنان ”نەگىزگى ساتى قۇرىلىسىنداعى ۇلگىلى ليان - دۇي“ بولىپ باعالاندى؛ 2019 - جىلى ”ەڭ ارداقتى كۇرەسكەر“ اتاعىن الدى؛ 2020 - جىلى قۇرلىق ارمياسى جاعىنان ”ءتورت قۇرىش“ وزات ورىن بولىپ باعالاندى.
جاڭا داۋىردە 8 - ليانگە جاڭا ءداۋىر ءمانىن قالاي ۇستەۋ كەرەك، بۇل ساياسي جەتەكشى ۋاڭ حۇڭشۇي ليان - دۇيگە كەلگەننەن بەرى وي جۇرگىرتىپ كەلگەن ماسەلە.
”حالىق ءۇشىن قىزمەت ىستەۋ، 8 - ليان رۋحى وزەگىنىڭ ءبىرى“. ۋاڭ حۇڭشۇي بىلاي دەدى: ”قوعامعا قىزمەت وتەۋ، ۇلەس قوسىپ، مەيىر جەتكىزۋ، بۇكىل ىنتا - پەيىلىمەن حالىق ءۇشىن قىزمەت ىستەۋ ءداستۇرىن ءبىز ۇمىتپاۋىمىز كەرەك، الايدا بۇگىنگى تاڭدا ءبىز ەرەكشە سوعىستىق ونەرگە ونان ارى جاپالى جاتتىعىپ، جەڭىس جانە جەڭىپ شىعۋ ارقىلى حالىقتى قورعاۋىمىز كەرەك“.
(شينحۋا اگەنتتىگىنىڭ 6 - ايدىڭ 3 - كۇنى شاڭحايدان بەرگەن حابارى)
