□ جىڭ اۋداندىق پارتكومنىڭ تۇراقتى مۇشەسى زوھىروللا
پومپەو، جىڭ گو - ىن شينجياڭنىڭ ادامدىق ۇقىق جاعدايىن قاساقانا داتتاپ، ەلىمىزدىڭ شينجياڭدى جونگە سالۋ ساياساتىنا جات نيەتپەن سوقتىقتى، ولاردىڭ سۇرقيا نيەتى شينجياڭنىڭ قازىرگى گۇلدەنگەن، ورنىقتى بولعان اسا تاماشا جاعدايىن ءبۇلدىرۋ، مەن بۇعان باتىل قارسى تۇرامىن ءارى قاتاڭ جازعىرامىن.
شينجياڭ جاقسى ما، جوق پا، حالىق تۇرمىسى باقىتتى ما، جوق پا، تەك وسىندا تۇرمىس كەشىرىپ جاتقان ادامداردىڭ عانا سويلەۋ ۇقىعى بار. مەن زيالى وتباسىندا دۇنيەگە كەلدىم، كىشكەنتاي كەزىمدە اتا - اجەم ماعان كوممۋنيستىك پارتيا بولماسا، ءبىزدىڭ باقىتتى تۇرمىسىمىز بولماق ەمەس دەپ تاربيە بەرەتىن. داشۋەنى تاۋىسقاننان كەيىن، مەن حالىق وقىتۋشىسىنان بىرتىندەپ باسشىلىق ورىنعا كوتەرىلدىم، مەن پارتيا مەن مەملەكەتتىڭ از ۇلت كادرلارىنا كوڭىل بولگەنىنە جانە تاربيەلەگەنىنە شىن جۇرەگىممەن العىس ايتامىن. جىڭ اۋدانىنا كەلىپ قىزمەت ىستەگەننەن كەيىن، مەن جىڭدا وسى جىلداردا تۋىلعان زور وزگەرىستەرگە كۋا بولدىم. حالىققا تيىمدىلىك جەتكىزەتىن، حالىققا پايدالى ءتۇرلى ساياساتتار ۇزدىكسىز تياناقتانىپ، نەگىزدىك قۇرىلىعى قۇرىلىسى اناعۇرلىم كەمەلدەنىپ، قوعامدىق قامتاماسىز ەتۋ ورەسى ورنىقتى قاداممەن جوعارىلاپ، ءار ۇلت بۇقاراسىنىڭ ەمدەلۋ، ءجۇرىس - تۇرىس سياقتى جاقتارداعى شارت - جاعدايى بۇرىنعىمەن سالىستىرعاندا كورنەكتى جاقسارىپ، قالانىڭ بەت - بەينەسى كۇن سايىن تۇلەجىدى.
مەن پومپەو، جىڭ گو - ىندەرگە مىنانى قاتاڭ ەسكەرتەمىن: سەندەر مەيلى قانداي وسەك - اياڭ شىعارىپ، جالا جاپساڭدار دا، بۇرمالاپ كۇيە جاقساڭدار دا، شينجياڭداعى ءار ۇلت حالقىنىڭ ىنتماقتاسا ەكپىندەي ىلگەرىلەگەن قادامىن توسا المايسىڭدار، شينجياڭنىڭ دامۋ، گۇلدەنۋ اياق الىسىنا كولدەنەڭ بولا المايسىڭدار.
