□ حىجيڭ اۋدانىنداعى ماقتاشى سىمايىل ساتتار
مەن حىجيڭ اۋدانىنداعى ءبىر ماقتاشىمىن. العاشىندا 110 مۋ جەرگە ماقتا ەكتىم. مۋ باسىندىق ءتۇسىمدى جوعارىلاتۋ ءۇشىن، مەن ۇزدىكسىز تاجىريبە قورىتىندىلاپ، ءتۇرلى ەگىمشىلىك تەحنيكا كۋرستارىنا قاتىناستىم، ەككەن ماقتامنىڭ ءتۇسىمى دە جىل سايىن جوعارىلاپ، وتباسىمنىڭ تۇرمىس شارت - جاعدايى دا بىرتىندەپ جاقساردى. الايدا مەن مۇنى قاناعات تۇتپادىم، كەيىن كەلە ەگۋ كولەمىن 200 نەشە مۋعا كەڭەيتتىم، كىرىسىم بارعان سايىن جوعارىلاپ، وتباسىمىزداعىلاردىڭ تۇرمىسى دا بارعان سايىن جاقساردى.
تاياۋ بىرنەشە جىلدا اۋدان ماشينامەن ماقتا تەرۋدى جالپىلاستىرا باستادى. مەن تەحنيكتەردەن ماقتانى ماشينامەن تەرگەندە ونىمدىلىگى جوعارى، ساپاسى جاقسى، ءتۇسىمى جوعارى بولىپ عانا قويماي، قىرۋار قاراجاتتىڭ دا ۇنەمدەلەتىندىگىن ۇعىستىم. تەحنيكتەر ماعان مىناداي ەسەپ جاساپ بەردى: وتباسىمنىڭ 200 نەشە مۋ جەرى بويىنشا ەسەپتەگەندە بارلىعىن ادام كۇشىمەن تەرگەندە 150 مىڭ يۋان اينالاسىندا ەڭبەكاقى جۇمسالادى، ەگەر ماشينامەن تەرگەندە ءبىر كۇنگە جەتپەيتىن ۋاقىتتا تەرىپ بولۋعا بولادى، تەك 40 مىڭ يۋان اينالاسىندا قاراجات جۇمسالادى. قازىر وتباسىم ماقتا ەگۋدە جانە تەرۋدە تۇگەلدەي ماشينالاندىرۋدى جۇزەگە اسىردى.
”ەڭبەك“ سىندى وسى ءسوز مەنىڭ جارتى ومىرىممەن بايلانىسقان، مەن ءوزىمنىڭ قاجىرلى ەڭبەكشى بولعانىما ماقتانامىن. تاياۋدا ءىشىنارا شەتەل كاسىپورىندارى شينجياڭ ماقتاسىن جات نيەتپەن داتتاپ، شينجياڭدا ايتىلمىس ”زورلىقپەن ەڭبەككە سالۋ“ ورىن تەپتى دەپ جالا جاپتى، بۇل بۇكىلدەي وسەك - اياڭ، بۇرەكتەن سيراق شىعارعاندىق. ءوزىمىزدىڭ قاجىرلى ەڭبەگىمىزگە سۇيەنىپ بايۋىمىز جاقسى ءىس، بۇعان زورلىق قاجەت پە؟ بۇل وتە ورەسكەل، كۇلكىلى! وسى شەتەل سەرىكتەستىكتەرىنىڭ وسەك - اياڭ تاراتىپ، جالا جابۋىنا ءبىز، استە، جول بەرمەيمىز!
