تيانشان تورى
تيانشان تورى   ›   جاڭالىقتار   ›   شينجياڭ حابارلارى

شاپشالدىق ازامات ”مالشىدان“ ”قىسقىش باعۋشىعا“ اينالدى

انار بۇلت / شينجياڭ گازەتىنىڭ ءتىلشىسى جازيرا نەسىپبەك

  6 - ايدىڭ 8 - كۇنى تۇستەن بۇرىن شاپشال سىبە اۆتونوميالى اۋدانى كەن اۋىلى قولتىقشي قىستاعىنىڭ ەگىنشىلەرى كۇرىش اتىزىندا مايسا وتىرعىزۋمەن قاربالاستاپ جاتتى. ىلە يۋەران ەكولوگيالىق اۋىل شارۋاشىلىعى سەرىكتەستىگىنىڭ كۇرىش قىسقىشىن باعۋ بازاسى وسى سۋلى اتىزدا. قازىر قىسقىش شاباعىن ساتۋدىڭ قاۋىرت مەزگىلى.

  38جاستاعى باعىمشى ەربول زاكىر رازىڭكە ەتىگى مەن سۋ وتكىزبەيتىن تۇتاسپالى سىمىن كيىپ كولشىككە ءتۇسىپ، سۋ ورتاسىندا جارتىلاي قالىقتاپ تۇرعان قاپاسقا جاقىندادى. ول قاپاستى اقىرىن كوتەرگەندە تىرناقتىڭ ۇلكەندىگىندەي قىسقىشتار قاپاسقا جىپىرلاي جارماسىپ تۇر ەدى.

  ەربول كۇلمىڭ قاعىپ، جاعادا تۇرعان سەرىكتەستىكتىڭ جاۋاپتىسى گۋان شياۋپيڭگە: ”جاقسى ءوسىپتى“، - دەپ ايعاي سالدى.

  قولتىقشي قىستاعى ىلە وزەنىنىڭ وڭتۇستىك جاعاسىنا ورنالاسقان، بۇل ارانىڭ سۋ بايلىعى جەتكىلىكتى. 2015 - جىلى گۋان شياۋپيڭ قولتىقشي قىستاعىندا 18 قىستاق تۇرعىنىنىڭ 700 مۋدان استام سۋلى اتىزىن كوتەرمەگە الىپ قىسقىشتى سىناق رەتىندە باققان ەدى.

  7 جىلدان بەرى جياڭسۋ يانچىڭىنىڭ شينجياڭعا كومەكتەسۋ قىزمەت گرۋپپاسىنىڭ كومەگىندە، بۇل سەرىكتەستىك باعىمشىلىق تەحنيكاسىنداعى كىلتەڭ ماسەلەلەر جونىندە ۇزدىكسىز ىزدەنىس جاساپ جانە قامال الىپ، جياڭسۋ ولكەسى يانچىڭ قالاسى شىياڭ اۋدانىنان اكەلىنگەن قىسقىش شاباعىنىڭ شاپشالدا قىستان وتكىزىپ جەرگىلىكتى ونىمگە اينالعان قىسقىش شاباعىن ءساتتى جەتىلدىرىپ، قىسقىش شاباعىنىڭ قاتارعا قوسىلۋ سالىستىرماسىن زور مولشەردە جوعارىلاتىپ، قىسقىش باعاتىن وتباسىلارىنىڭ كىرىسىن ارتتىردى.

  2017 - جىلى ەربول ۇسىنىسپەن سەرىكتەستىكتىڭ قىسقىش باعۋشىسىنا اينالدى. ”كوپشىلىك وسى قىسقىشتاردى سۋداعى ورمەكشى دەيدى، مەن قىزمەتكە شىعىپ ءبىر ايدان استام ۋاقىتقا دەيىن ولاردى ۇستاۋعا باتىلدىق ەتە المادىم“، - دەدى ەربول كۇلىمسىرەي.

  ءسوز اراسىندا ەربول قاپاس اۋزىنىڭ ەكى جاعىنان ۇستاپ تۇرىپ اقىرىن سىلكىپ، قىسقىش شاباقتارىن ءبىر ۇلكەن سۋلياۋ شەلەككە ءتۇسىردى. ول ەڭكەيىپ شەلەكتەن ءبىر ۋىس قىسقىش شاباعىن الىپ شىقتى.

  ”ولاردى باعىپ قاتارعا قوسۋ وڭاي ەمەس، ولاردى جەتكىلىكتى سۋ وسىمدىكتەرىمەن باعۋ كەرەك، تۇلەگەن قىسقىش شاباعىنىڭ تۇلەمەگەن قىسقىش شاباعىنا زيان جەتكىزۋىنەن ساقتانۋ كەرەك، تاعى ولاردىڭ جاعاعا شىعىپ قالىپ باسقا دا حايۋاناتتاردىڭ جەمىنە اينالۋىنان نەمەسە كۇنگە قاقتالىپ ولۋىنەن ساقتانۋ قاجەت...“ ەربول قىسقىش باعۋ تەحنيكاسىنىڭ ماڭىزدى تۇيىندەرىن ءبىر - بىرلەپ باياندادى.

  قازىر ەربولدىڭ ايلىق ەڭبەكاقىسى 4500 يۋان. 5 جىلدىڭ الدىندا ەربول مال باعۋعا سۇيەنىپ تاپقان ماردىمسىز كىرىسىمەن ءبىر وتباسىنىڭ تۇرمىسىن قامداپ كەلگەن بولاتىن.

  كىرىستى ارتتىرىپ بايۋدى ويلاعان ەربول ”كاسىپ اۋىستىرۋدى“ تاڭدادى. ”بۇل قىزمەت ءۇيدىڭ جانىندا، سونداي - اق تەحنيكا ۇيرەنۋگە دە بولادى. ءبىر مەزەت ءارى - سارى بولعاننان كەيىن، وسىندا كەلدىم“، - دەدى ەربول.

  ”مالشىدان“ ”قىسقىش باعۋشىعا“ اينالعان ەربول باستابىندا قىسقىشتى بىلمەۋدەن، قىسقىشتان قورقۋدان بۇگىنگى تاڭدا قىسقىش تۋرالى شەشىلە سويلەي الاتىن بولدى. مۇندايدا ونىڭ جۇزىنەن سەنىم مەن ماقتانىش مەن مۇندالايدى.

  ”قاراشى، مىناۋ انالىق قىسقىش، قىسقىش سارىسى ءبىرشاما ۇلكەن؛ بۇل اتالىق قىسقىش، قىسقىش سارىسى ءبىرشاما كىشكەنە. كۇزدە ولار جەتىلەدى، ساۋدا دا كۇسەت بولىپ كەتەدى“. كىشكەنە قىسقىشتار ەربولدىڭ الاقانىن بويلاپ ونىڭ بىلەگىنە قاراي ورمەلەدى، ەربول ولاردى ەپپەن ۇستاپ الىپ قايتادان الاقانىنا سالدى.

  سەرىكتەستىكتىڭ سۋ ونىمدەر باعىمشىلىعى كولەمىنىڭ زورايۋىنا ىلەسە، ەربول ءتىپتى دە كوپ باعىمشىلىق ونەرىن ۇيرەندى. قازىر ەربول بەكىرە، كۋمجا بالىعى، تەڭىز شايانى سياقتى سۋ ونىمدەرىن دە باعۋدى بىلەدى.

  ”مەن وسى ارادا ۇزاق ۋاقىت ىستەپ، جياڭسۋدان كەلگەن ۇستازدارعا ەرىپ كوبىرەك ونەر ۇيرەنەمىن“، - دەدى ەربول.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.