□ انار بۇلت / شينجياڭ گازەتىنىڭ ءتىلشىسى سۇڭ يا - ۋىن
”قازىر’الاقانداعى شيپاحانا‘ ەمدەلۋ جۇيەسىنە سۇيەنىپ، زەردەلى قول تەلەفونمەن عانا امبولاتوريادا الدىن الا ۋادەلەسىپ ءنومىر الۋ، اقى تاپسىرۋ، ۇعىسۋ سياقتى جۇمىس تارتىپتەرىن ورىنداۋعا بولادى، ەرەكشە قولايلى بولدى“. 6 - ايدىڭ 5 - كۇنى بۇراتالا قالاسىنىڭ تۇرعىنى ليۋ يۇي بۇراتالا موڭعۇل اۆتونوميالى وبلىستىق حالىق شيپاحاناسىنا ەمدەلۋگە كەلگەندە، قولايلى دا جوعارى ءونىمدى ەمدەلۋ جۇمىس تارتىپتەرى ونى قاتتى قايران قالدىردى.
بۇل بۇراتالا موڭعۇل اۆتونوميالى وبلىسى ورىستەتكەن پارتيا تاريحىن ۇيرەنۋ تاربيەسىندەگى حالىق ءۇشىن ناقتى ءىس ىستەۋدەگى جاندى مىسالدىڭ بىرەۋى. بۇراتالا وبلىسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن پارتيا تاريحىن ۇيرەنۋ تاربيەسىنىڭ جالپى بارىسىنا ءسىڭىرىپ، ۇيرەنۋ تاربيەسى تابىستارىن حالىق ءۇشىن ناقتى ءىس ىستەۋدىڭ ءىس جۇزىندىك ارەكەتىنە اينالدىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
مىندەتتەگى پارتيا مۇشەلەرى ”قوس تىزىمدەلۋدى“ ورىندادى
”پارتيا تاريحىن ۇيرەنۋ تاربيەسى ورىستەتىلگەننەن بەرى بۇراتالا وبلىسى ءتۇيىندى مىندەتتەردى، شەشۋشى بۋىنداردى يگەرىپ، جوعارى ولشەممەن ىلگەرىلەتىپ، جوعارى ساپامەن تياناقتاندىرىپ، بەلگىلەنگەن قيمىلداردىڭ قاز - قالپىندا بولۋىنا، ءوزى تاڭداعان قيمىلداردىڭ ەرەكشەلىككە يە بولۋىنا شىنايى كەپىلدىك ەتىپ، كولەمدى ۇيرەنۋ، كولەمدى ۇگىت لەكسيا، كولەمدى ارالاپ جاعداي ۇعىسۋ، كولەمدى تەكسەرۋ - زەرتتەۋ جانە ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىنىڭ قىزۋ ورلەۋىن كوتەردى“، - دەدى بۇراتالا وبلىستىق پارتكومنىڭ شۋجيى حى يۇڭحۇي.
بۇراتالا وبلىسى حالىقتىڭ جاعدايىن تەكسەرىپ، حالىقتىڭ تىلەگىن ۇعىسۋدى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋدىڭ ءبىرىنشى قادامى ەتىپ، نازاردى بۇقارا كوڭىل ءبولىپ وتىرعان ماسەلەلەرگە، كىلتەڭ، قيىن ماسەلەلەرگە شوعىرلاندىرىپ ىشكەرىلەي تەكسەرۋ - زەرتتەۋ ورىستەتتى. قازىرگە دەيىن بۇراتالا وبلىسى بۇقارانىڭ جۇرەك ءۇنى بويىنشا ارالاپ تەكسەرۋ - زەرتتەۋ قيمىلىنان 6912 ادام - رەت جۇرگىزىپ، 3504 ءىستى تەكسەرىپ، 2832 ءىستى شەشتى.
سونىمەن بىرگە، بۇراتالا وبلىسى پارتيا ياچەيكاسىن بىرلىك ەتىپ قۇرعان ەرىكتىلەر قىزمەت وتەۋ اترەتى نازاردى قاسىنداعى ادامعا، قاسىنداعى ىستەرگە شوعىرلاندىرىپ، حالىق ءۇشىن ىقىلاسپەن قىزمەت ىستەدى، ءاربىر پارتيا مۇشەسى بۇقارا ءۇشىن از دەگەندە بىردەن ارتىق ناقتى ءىس، جاقسى ءىس ىستەدى. قازىر بۇراتالا وبلىسىندا قىزمەتتەگى پارتيا مۇشەلەرىنەن ”قوس تىزىمدەلگەندەر“ 7416 ادام بولدى، ەرىكتىلەر قىزمەت وتەۋ قيمىلى 5861 رەت ورىستەتىلىپ، جەكە پارتيا مۇشەلەرى 17 مىڭ 442 جاقسى ءىس، ناقتى ءىس ىستەدى.
حى يۇڭحۇي مىنالاردى ءبىلدىردى: بۇراتالا وبلىسى تاريحتى ۇيرەنۋ ارقىلى ۇمتىلا ىستەۋدى جانە بۇقارا ويعا العان، ويلاعان، اڭساعان ىستەردى شەشۋدى تياناق جانە شىعار ءتۇيىن ەتىپ، ۇيرەنۋ ارقىلى ارەكەتتى جەبەپ، حالىق ءۇشىن ناقتى ىستەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
كوپ ءتۇرلى تاسىلمەن پارتيا تاريحىن ۇيرەندى
اراسان اۋدانى حاربوح قالاشىعى يۇزۇر جولى الەۋمەتتىك اۋماعى اكىمشىلىك قىزمەت وتەۋ زالىنىڭ 1 - قاباتىندا، زەردەلى جاۋاپتاساتىن ءبىر تۇلعالى اسپاپقا ءتىلشىنىڭ نازارى اۋدى، تۇرعىندار قول تەلەفون ارقىلى ەكرانداعى ەكىلىك كودتى جايمالاسا بولعانى، تاڭدالعان دىبىستى وقۋلاردى تىڭداي الادى.
”بۇقارانىڭ مادەنيەت تۇرمىسىن اناعۇرلىم بايىتىپ، تۇرعىنداردىڭ پارتيا تاريحىن ۇيرەنۋ ىقىلاسىن جەتىلدىرۋ جانە جانداندىرۋ ءۇشىن، ءبىز ’دىبىستى كىتاپحانا‘ اشتىق، تۇرعىندار ۇستىندە جايمالاپ تىڭداي الادى، ۇستىندە تىڭداپ ۇيرەنە الادى، بۇل ۇيرەنۋدىڭ ۋاقىت، كەڭىستىك شەكتەمەلىلىگىن بۇزىپ، تۇرعىنداردىڭ پارتيا تاريحىن ۇيرەنۋ بەلسەندىلىگىن ءونىمدى جوعارىلاتىپ، كىتاپتى ءسۇيىپ تىڭدايتىن، ۇيرەنۋدى سۇيەتىن تاماشا ادەت جەتىلدىرۋىنە مۇمكىندىك جاسادى“، - دەدى يۇزۇر جولى الەۋمەتتىك اۋماعى پارتيا ياچەيكاسىنىڭ شۋجيى ءاليما.
قىزىل تاربيە بازاسىن ەكسكۋرسيالاۋ، قىزىل كينونى الەۋمەتتىك اۋماققا جەتكىزۋ، ”بۇلتتىق“ پارتيا تاريحى سارايىندا پارتيا تاريحىن ۇيرەنۋ... بۇراتالا وبلىسىنداعى اۋداندار (قالا)، تاراۋلار (ورىن) كوپ ءتۇرلى فورمالارمەن پارتيا تاريحىن ۇيرەنۋ تاربيەسىن ورىستەتىپ، پارتيا تاريحىن ۇيرەنۋ تاربيەسىن ءىس جۇزىندىك قىزمەتپەن بىرلەستىرىپ، پارتيا تاريحىن ۇيرەنۋ تاربيەسىنىڭ جۇرت جۇرەگىنە اناعۇرلىم تەرەڭ ۇيالاۋىنا مۇمكىندىك جاسادى.
كۇش - قۋاتتى شوعىرلاندىرىپ، ناقتى ءىس ىستەدى
”بۇرىن جول توزعان، جاڭبىر جاۋسا باتپاقتانىپ، ەسىكتەن شىعۋىڭ مۇڭ بولاتىن. قازىر قورشاعان ورتا كورىكتەندى، قۇرىلعىلار جاقساردى، تازا، رەتتى، اۋاسى تىنىستى قونىس ورتاسى جارىققا شىقتى“، - دەدى 6 - ايدىڭ 6 - كۇنى بۇراتالا قالاسى گولمتى ءمالىسى دوستىق الەۋمەتتىك اۋماعىنىڭ تۇرعىنى ياۋ ۋىن قۋانا.
بيىل بۇراتالا وبلىسى كونە، ەسكى 139 شاعىن اۋماقتى جاڭالادى، بۇل 721 عيماراتتاعى 22 مىڭ 101 وتباسىعا سايادى. قازىرگە دەيىن بۇكىل وبلىستىڭ قالا - قالاشىقتارىندا كونە، ەسكى شاعىن اۋماقتى جاڭالاۋ بويىنشا جۇمىس باستاۋ مولشەرى ％100 بولدى.
”بۇل اۆتوكولىك توقتاتۋ الاڭى جاقسى سالىنعان، بۇرىن دوستىق ساۋدا بازارىنا زات الۋعا كەلسەك اۆتوكولىك توقتاتۋ قيىن ەدى، قازىر جاڭادان اۆتوكولىك توقتاتۋ الاڭى سالىندى، اۆتوكولىك توقتاتۋ قولايلى بولدى ءارى تەگىن، ءبىزدىڭ ءجۇرىس - تۇرىسىمىزداعى ءبىر قيىن ماسەلەنى ناقتى شەشتى“، - دەدى بۇراتالا قالاسىنىڭ تۇرعىنى لي جۇن.
اۆتوكولىك توقتاتۋ قيىن بولۋ ماسەلەسىن شەشۋ ءۇشىن، بيىل بۇراتالا وبلىسى 18 ورىندا جاڭادان اۆتوكولىك توقتاتۋ الاڭىن سالىپ، 1300 اۆتوكولىك توقتاتۋ ورنىن جاساماقشى، قازىر تۇگەلدەي جۇمىس باستادى.
بۇگىنگى كۇندە ”مەن بۇقارا ءۇشىن ناقتى ءىس ىستەيمىن“ امالياتتىق قيمىلدارى بۇراتالا وبلىسىندا ىركەس - تىركەس تەبىنمەن ورىستەتىلۋدە، بۇقارانىڭ ءتول مۇددەسىنە ساياتىن ”شۇعىل، قيىن، ۋايىمداعان، ءزارۋ“ ماسەلەلەر ىركەس - تىركەس شەشىلۋدە.
