□ انار بۇلت / شينجياڭ گازەتىنىڭ ءتىلشىسى جىڭ جو
5 - ايدىڭ 13 - كۇنى تاڭ ءسارى، جاڭبىردان سوڭ شينجياڭ ءوندىرىس - قۇرىلىس بيڭتۋانى 12 - شىسىنىڭ ەگىس الاڭدارى جاسىل جەلەكپەن جايقالدى.
سول كۇنى تۇستەن بۇرىن ءۇرىمجى قالاسى شيانگو لينيۋان سەلبەستىك كووپەراتيۆىنىڭ مۇشەسى ما جينشىڭ ءجۇزىم باعىندا ابىگەر بولىپ جاتتى. ”قازىر ءدال جەمىس سيرەتەتىن مەزگىل، بۇتاقتا ءبىر تىزبەك جەمىس عانا قالدىرىپ، قالعانىن الىپ تاستاۋ كەرەك، وسىلاي بولعاندا ءجۇزىم جاقسى وسەدى“، - دەدى ما جينشىڭ. مۇنداي ءجۇزىم ەگۋ تەحنيكاسىن ول سەلبەستىك كووپەراتيۆىنەن ۇيرەنگەن، تۇقىمدى عىلمي تاڭداۋ جانە ەگۋ ارقىلى ونىڭ ءجۇزىمى جىل سايىن جاقسى باعامەن ساتىلىپ كەلەدى. بىلتىر ما جينشىڭ ەككەن ءجۇزىم ءار كيلوگرامى بازار باعاسىنان 4 يۋان جوعارى باعامەن تۇگەلدەي ساتىلىپ، كىرىسى 200 مىڭ يۋانعا جەتتى.
جاقىنعى جىلداردان بەرى بيڭتۋان 12 - شىسى سەلبەستىك كووپەراتيۆىنىڭ ۇيىمداستىرۋ دارەجەسىن قۇلشىنا جوعارىلاتىپ، ”تەحنيكا بىلەتىن، شارۋاشىلىق جۇرگىزۋگە شەبەر“ ءبىر توپ شەبەردى باستاماشىلدىقپەن سەلبەستىك كووپەراتيۆىن قۇرۋعا بەلسەندىلىكپەن جەتەكتەپ، ءوزارا كومەكتەسۋ، سەلبەسۋ، دامۋ، ۇلعايۋ، كىرىستى ارتتىرىپ بايۋ نىساناسىن بىرتىندەپ جۇزەگە اسىردى.
ما جينشىڭ مۇشە بولعان سەلبەستىك كووپەراتيۆى 2019 - جىلى 3 - ايدا قۇرىلعان، ەگىمشىلىك كولەمى 1200 مۋ، 12 - شى توۋتۇنحى ەگىس الاڭى 1 - ليانى پارتيا ياچەيكاسىنىڭ شۋجيى ياڭ مەي كووپەراتيۆ باستىعى مىندەتىن ۇستىنە الدى.
”كووپەراتيۆ مۇشەلەرى ەككەن ءجۇزىمدى كووپەراتيۆ ءار كيلوگرامىن 5 يۋاننان تومەندەتپەۋگە كەپىلدىك ەتۋ نەگىزىندە ساتىپ الادى، بارلىق ءوندىرىس ماتەريالدارىن سەلبەستىك كووپەراتيۆى بەرە تۇرادى“، - دەدى ياڭ مەي تانىستىرىپ. قازىر وسى ليان - دۇيدەگى 5 سەلبەستىك كووپەراتيۆىندە ”ەگۋدەن“ ”ساتۋعا“ دەيىن تۇتاس قامتۋ جۇزەگە اسىرىلدى.
”قايسى ءجۇزىم ءوتىمدى بولسا سونى ەگەمىز“. ياڭ مەيدىڭ تانىستىرۋىنشا، ول جاۋاپتى بولعان سەلبەستىك كووپەراتيۆى قازىر سورتى، ءپىشىنى ساپالى، جاقسى ساقتالاتىن جانە دەرت - دەربەز، زياندى جاندىكتەرگە قارسىلىق قۋاتى جوعارى ميگۋاڭ، ميىرسۇي قاتارلى 5 جاڭا ءجۇزىم سورتتارىن ۇلگى كورسەتىپ ەگۋ بازاسىن قۇرىپ بولىپتى.
توۋتۇنحى ەگىس الاڭىنان 90 كيلومەتر قاشىقتىقتا، 12 - شى 222 - تۋان فۋكاڭ قالاسى بەيتيڭ چىڭ - ي اۋىل شارۋاشىلىعى كاسىپتىك سەلبەستىك كووپەراتيۆى جاڭادان ەنگىزىلگەن ءتاتتى جۇگەرىنى ەگىپ جاتتى، سونىمەن بىرگە سايكەستى جىنتىكتەي وڭدەۋ سەحى دا قاۋىرت قۇرىلۋ ۇستىندە ەدى.
بيىل بۇل سەلبەستىك كووپەراتيۆى كوپ جاقتى تەكسەرۋدەن كەيىن ءتاتتى جۇگەرى نىسانىن ەنگىزىپ، 400 مۋدان استام جەرگە كوپ ءتۇرلى ءتاتتى جۇگەرىنى سىناق رەتىندە ەكتى، سونداي - اق شينجياڭ اۋىل شارۋاشىلىعى تىڭ يگەرۋ عىلىم اكادەمياسىنىڭ زەرتتەرمەندەرىن عىلمي جەتەكشى بولۋعا ۇسىنىس ەتتى. الدىڭعى مەرزىمدە ەگىلگەن 300 نەشە مۋ جەردەگى جۇگەرى كوكتەدى، ءوسۋى جاقسى.
”بيىل ساتىلۋ جاعدايى جاقسى بولسا، كەلەر جىلى ەگىلەتىن كولەمدى 5000 مۋعا دەيىن كەڭەيتەمىز“، - دەدى فۋكاڭ قالاسى بەيتيڭ چىڭ - ي اۋىل شارۋاشىلىعى كاسىپتىك سەلبەستىك كووپەراتيۆىنىڭ القا باستىعى جاڭ گۋاڭچۋان. بيىل 8 - ايدا ءتاتتى جۇگەرى وڭدەۋ نىسانى وندىرىسكە قوسىلعاننان كەيىن، بۇل سەلبەستىك كووپەراتيۆى ەگۋ، وڭدەۋ، قامبادا ساقتاۋ، ساتۋ، زات تاسىمالى ءبىر جۇلگەلەنگەن قىزمەت وتەۋدى جۇزەگە اسىرىپ، تۋان - الاڭىنىڭ اۋىل شارۋاشىلىعى كاسىپ سالاسى قۇرىلىمىنىڭ رەتتەلۋىن ىلگەرىلەتەدى.
”بيىل ’1 - مامىر‘ شاعىن دەمالىسىندا، جەمىس تەرۋ باقشاسى قابىلداعان ساياحاتشى 2000 ادام - رەتتەن استى“. 12 - شى 1 - مامىر ەگىس الاڭى 5 - ليانى كاڭحۋا نۇڭجۋاڭ جەمىس تەرۋ باقشاسىندا، كاڭحۋا نۇڭجۋاڭ شارۋالار كاسىپتىك سەلبەستىك كووپەراتيۆىنىڭ باستىعى جۋ دۇڭحۋا الدا كەلە جاتقان جەمىس تەرۋدىڭ قاۋىرت مەزگىلى ءۇشىن دايىندىق جاساۋدا.
بۇل سەلبەستىك كووپەراتيۆى ”اۋىل شارۋاشىلىعى + ساياحات“ ۇلگىسى بويىنشا، دەمالا ءجۇرىپ تەرۋ، ساياحات، سەيىل - سەرۋەن، اس - سۋ ءبىر تۇلعالانعان اۋىل ۋنيۆەرسال تۇلعاسىن قالىپتاستىردى. بىلتىر بۇل سەلبەستىك كووپەراتيۆىنىڭ كىرىسى 600 مىڭ يۋاننىڭ ۇستىندە بولىپ، 50 جۇمىسشى - قىزمەتكەر وتباسىنىڭ كىرىستى ارتتىرىپ بايۋىنا تۇرتكى بولدى، مۇشەلەردىڭ سانى باستاپقى 14 ادامنان 23 ادامعا كوبەيدى.
”قازىرگە دەيىن جەمىس تەرۋ باقشاسىنا كەلگەن جالپى ساياحاتشى 30 مىڭ ادام - رەتتەن استى، بيىل ساياحاتشىلار بىلتىرعىدان كوپ بولاتىنى ءسوزسىز“، - دەدى جۋ دۇڭحۋا.
