تيانشان تورى   ›   جاڭالىقتار   ›   شينجياڭ حابارلارى

ايتىلمىس ”زورلىقپەن ەڭبەككە سالۋ“ جالا جابۋدان باسقا دانەڭە ەمەس

  بۇراتالا قالاسى بەلىنحارمودون اۋىلىنىڭ شيتتەۋ جۇمىسشىسى باتزورگ

  جۋىقتا شەتەلدەگى ءىشىنارا كاسىپورىندار شينجياڭعا كۇيە جاعىپ، ءبىزدىڭ شينجياڭنىڭ ماقتاسىن شەكتەدى، مەن بۇعان قاتتى كەكتەنەمىن. مەن شينجياڭدا تۋدىم، شينجياڭدا ەرجەتتىم، باستاۋىش مەكتەپ وقىعاننان باستاپ اكە - شەشەم ماقتا ەگە باستاعان. قىزمەتكە شىققاننان كەيىن دە ماقتاعا قاتىستى قىزمەتپەن شۇعىلداندىم، اۋىلىمنىڭ ماقتاسىنا دەگەن سۇيىسپەنشىلىگىم وتە تەرەڭ بولىپ قانا قويماي اۋىلىمنىڭ جەر - سۋىنا دەگەن سۇيىسپەنشىلىگىم دە تەرەڭ!

  1999 - جىلى مەن بۇراتالا قالاسى ماقتا - كەندىر سەرىكتەستىگىنىڭ بەيلين شيتتەۋ زاۆودىندا جۇمىسشى بولدىم، سول كەزدە سەرىكتەستىك مەنىمەن ەڭبەك توقتامىنا قول قويىپ قانا قويماي، مەنىڭ قوعامدىق قامسىزداندىرۋ قاراجاتىمدى دا تاپسىردى. ماقتا تەرۋ ماۋسىمىندا ءبىز ماقتاشىلاردىڭ اتىزىنا بارىپ بۇكىل مەملەكەتتىڭ جەر - جەرىنەن كەلگەن ماقتا تەرۋشىلەردىڭ اتىزدا قاربالاستىققا ءتۇسىپ جاتقانىن ۇنەمى كورەتىنبىز. ولاردىڭ تەرۋ اقىسى ”كوپ ىستەگەن كوپ الادى“ پرينسيبى بويىنشا بەرىلەتىن، جالداۋشى ىشەر اس، جاتىن ورىنمەن قامدايتىن، ءار جولعى ماقتا تەرۋدەن مول اقشا تابۋعا بولاتىن.

  2018 - جىلى مەن ماقتا ساتىپ الۋ، وڭدەۋ قىزمەتىمەن شۇعىلدانا باستادىم، ءبىزدىڭ سەرىكتەستىگىمىز جىلىنا 10 مىڭ توننادان استام تۇقىمدى ماقتا ساتىپ الاتىن، ماقتا بۇكىلدەي ماشينامەن ەگىلەدى، تەرىلەدى، وڭدەلەدى، بۇكىل بارىسى ماشينالاسقان. مەيلى ماقتا ەگۋ، جيناۋ نەمەسە وڭدەۋدە بولسىن امەريكاداعى، باتىستاعى جۇڭگوعا قارسى كۇشتەر جالا جاۋىپ ايتقان ايتىلمىس ”زورلىقپەن ەڭبەككە سالۋ“ ءومىر سۇرگەن ەمەس!

  مەن اناۋ وسەك - اياڭ تاراتىپ، پالە شىعارعاندارعا مىنالاردى ەسكەرتەمىن: ۋاقىتتارىڭدى جالا جابۋ مەن وسەك - اياڭ تاراتۋعا قور قىلماڭدار. ءبىز شەتەلدىك دوستاردىڭ جانە شەتەل اقپارات قۇرالدارىنىڭ شينجياڭعا كەلىپ قوناق بولۋىن، شينجياڭ ماقتاسىنىڭ جىلۋلىعىن سەزىنۋىن، شينجياڭداعى ەڭبەكشى حالىقتىڭ ىستىق ىقىلاسىن سەزىنۋىن، شينجياڭ حالقىنىڭ قازىرگى باقىتتى تۇرمىسىن كورۋلەرىن قارسى الامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.