□ تۇرپان قالاسى رۋيزى توقىماشىلىق كاسىبى شەكتى سەرىكتەستىگىنىڭ جۇمىسشىسى گۇلنيسا قادىر
وسى ارادا مەن باستان كەشكەندەرىم ارقىلى شينجياڭ ماقتاسىن شەكتەگەن كەيبىر شەتەل كاسىپورىندارىنا شينجياڭدا ايتىلمىس ”زورلىقپەن ەڭبەككە سالۋ“ استە ءومىر سۇرگەن ەمەس دەگىم كەلەدى.
2018 - جىلى دوسىمنىڭ تانىستىرۋىمەن مەن اۋىزشا ەمتيحاننان ءساتتى ءوتىپ، تۇرپان قالاسى رۋيزى توقىماشىلىق كاسىبى شەكتى سەرىكتەستىگىنە جۇمىسقا قابىلداندىم. 3 ايلىق سىناق مەزگىلىندە مەن ءارقايسى مەڭگەرۋ تەحنيكاسىن مۇقيات ۇيرەندىم، سىناق مەزگىلى اياقتاعاننان كەيىن سەحقا ءبولىندىم، ليۋ اپەكە مەنىڭ ۇستازىم بولدى. ونىڭ جەتەكشىلىگىندە مەن قاتىستى شەبەرلىكتەردى وتە تەز يگەرىپ، سەحتاعى مەڭگەرۋ شەبەرىنە اينالدىم. سەرىكتەستىكتە 3 جىلدان استام ۋاقىت ىستەپ، سەرىكتەستىكتىڭ مەيىرىمدى وتباسى ەكەندىگىن سەزىندىم. بۇل ارادا وسىزاماندانعان قىزمەت ورتاسى بار، مەيىرىمدى دە جانعا جايلى تۇرمىس شارت - جاعدايى بار، پەيىلى كەڭ، شىنايى ىستەيتىن جۇمىسشى دوستارىم بار، تاعى دا مەنىڭ جان اشىر دا قامقور باسشىلارىم بار. سەرىكتەستىك بىزگە تۇرمىستىق قوسىمشا قاراجات، مەرەكەلىك يگىلىكتەر بەرەدى جانە تەحنيكالىق شەبەرلىك باسەكەسىن ۋاق - ۋاق ۇيىمداستىرادى ءارى ۇزدىك جۇمىسشىلارعا سيلىق بەرەدى. قازىر مەنىڭ ايلىق ەڭبەكاقىم 5200 يۋان، وتباسىمنىڭ تۇرمىسى اناعۇرلىم جاقساردى. سەرىكتەستىكتە مەن بويىمداعى قايراتىم تاسقىنداپ تۇرعاندىعىن سەزىنەم، وزىمە دەگەن سەنىمىم ارتا ءتۇستى.
مەن سەرىكتەستىككە ءوز ەركىممەن كەلىپ ىستەدىم، سەرىكتەستىك ءبىزدىڭ ەركىندىگىمىزگە كيلىككەن جوق، ءتىپتى، ايتىلمىس ”زورلىقپەن ەڭبەككە سالۋ“ بولعان ەمەس. ءبىز قاجىرلى ەڭبەگىمىزگە سۇيەنىپ باقىتتى دا تاماشا تۇرمىس كەشىرۋدەمىز، بۇل قالايشا ”زورلىقپەن ەڭبەككە سالعاندىق“ بولادى؟ ءبىزدىڭ اقشا تاۋىپ تاماشا تۇرمىس كەشىرۋىمىزگە باسقالاردىڭ ”زورلىعى“ قاجەت پە؟ شوق - شوق ماقتا شينجياڭداعى ءار ۇلت حالقىنىڭ ەڭبەكقورلىقپەن بايۋ ءۇمىتىن ارقالاعان. سوندىقتان ەلدى وسەك - اياڭمەن الجاستىرعان امەريكاداعى، باتىستاعى جۇڭگوعا قارسى كۇشتەر شينجياڭعا جالا جابۋلارىڭدى، كۇيە جاعۋلارىڭدى دوعارىڭدار، شينجياڭنىڭ كىرشىكسىز ماقتاسىنا داق كەلتىرمەڭدەر، شينجياڭداعى ءار ۇلت حالقىنىڭ باقىتتى تۇرمىسىن بۇلدىرەمىن دەپ قيالداماڭدار! ءبىز بۇعان استە جول بەرمەيمىز!
