تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

ۇيرەنۋ تاربيەسىنىڭ ونىمدىلىگىن كادەگە جاراتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەدى

حوتان ايماعى:

ۇيرەنۋ تاربيەسىنىڭ ونىمدىلىگىن كادەگە جاراتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەدى

  انار بۇلت / شينجياڭ گازەتىنىڭ ءتىلشىسى ءپاريزات ابدۇل

  ”سەرىكتەستىك بىزگە ساپالى تۇقىم مەن تىڭايتقىشتى تەگىن بەرىپ، تەحنيكتەردى تەحنيكالىق قىزمەت وتەۋگە ورنالاستىردى...“، 6 - ايدىڭ 12 - كۇنى حوتان اۋدانى اۋات اۋىلى يامانبوك قىستاعىنىڭ تۇرعىنى وبۇلياسىن ماڭنيازدىڭ جۇزىنەن قۋانىش لەبى ەستى، ”مەن 18 مۋ جەرگە ءسابىز ەكپەكپىن، سۋارۋعا كەتەتىن سۋ اقىسى، اۋىل شارۋاشىلىق ماشينالارىنىڭ جۇمىس اقىسى سياقتىلاردى شىعارىپ تاستاعاندا، ءار مۋىنان، از دەگەندە، 2500 يۋان كىرىس كىرگىزەمىن“.

  پارتيا تاريحىن ۇيرەنۋ تاربيەسى ورىستەتىلگەننەن بەرى حوتان ايماعى بىرىككەن كۇش ۇيىستىرىپ ناقتى ىستەر ىستەپ، كەدەيلىكتەن ارىلتۋدان قامال الۋ جەتىستىكتەرىن ونان ارى بەكەمدەپ، اۋىل - قىستاقتى گۇلدەندىرۋدى قۇلشىنا ىلگەرىلەتتى.

  حوتان ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ورىنباسار ءۋاليى ماحمۇت ءومارجان بىلاي دەدى: ”حوتان ايماعى پارتيا تاريحىن ۇيرەنۋ تاربيەسىن وراي ەتىپ، كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتىپ، ’ءتورتتى توقتاتپاۋدى‘ قاتاڭ تياناقتاندىرىپ، قايتا كەدەيلەسۋدەن ساقتانۋدى قاداعالاۋ - ساراپتاۋ جانە كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، ساياساتتىق قولداۋ مەن كاسىپ سالاسى ارقىلى سۇيەمەلدەۋدى ۇزدىكسىز كۇشەيتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الدى“.

  ياچەيكانى كۇشەيتىپ، حالىق تۇرمىسىنا تيىمدىلىك جەتكىزدى

  تەرەك اعاشتارى تۇڭكەلەنىپ، اعاش سايالارى ءبىر - بىرىنە ۇلاستى، شارۋالاردىڭ اۋلالارى رەتتەلىپ، جايناي ءتۇستى... لوپ اۋدانى لوپ قالاشىعى بوشكان قىستاعىنىڭ تازا دا رەتتى قىستاق جولىندا جۇرسەڭىز، كورىكتى اۋىل - قىستاق كورىنىسىنەن كوز ايدىن بولاسىز.

  ”ءماتتۇرسۇن مەڭگەرۋشىنىڭ ارقاسىندا ءساتتى تۇردە قارىز اقشا الدىم“. بوشكان قىستاعىنىڭ تۇرعىنى ءيمىننياز روزىمامەت لاپاس قوراسىندا سيىرىن جەمدەپ ءجۇر، ”سيىر باعۋ ارقىلى كىرىسىمدى ارتتىرايىن دەسەم، قارجى جەتىسپەيدى، قارىز اقشا الۋدىڭ ءتارتىبىن دە بىلمەۋشى ەدىم. قىستاق تۇرعىندار كوميتەتىنىڭ ورىنباسار مەڭگەرۋشىسى ءماتتۇرسۇن ماڭلىك مۇنىمدى بىلگەننەن كەيىن، بانكەنىڭ قارىز اقشا باسقارۋشىسىمەن ىرىقتى تۇردە بايلانىس جاسادى، سونىمەن مەن قارىز اقشانى ءساتتى الدىم“.

  ءماتتۇرسۇن بىلاي دەدى: ”بوشكان قىستاعىنىڭ دامۋىنا قىستاقتا تۇرعان قىزمەت اترەتى مەن قىستاق ’ەكى كوميتەتىنىڭ‘ قاجىرلى ەڭبەگى سىڭگەن، مۇنى بارلىق قىستاق تۇرعىندارىنىڭ تىزە قوسا قۇلشىنۋىنان بولە قاراۋعا بولمايدى. نەگىزگى ساتى پارتيا ۇيىمىن كۇشەيتىپ قۇرىپ، پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرگەندە عانا، بۇقارانى بايۋعا باستاپ، كورىكتى جاڭا اۋىل - قىستاق قۇرۋعا بولادى“.

  اۋىل - قىستاقتى گۇلدەندىرۋدىڭ ءتۇيىنى پارتيا قۇرىلىسىنىڭ جەتەكشىلىگىندە. بيىل بوشكان قىستاعى پارتيا تاريحىن ۇيرەنۋ تاربيەسىمەن ۇشتاستىرىپ، قىستاق ”ەكى كوميتەتى“ القاسىن ۇزدىكتەردەن تاڭداپ، مىقتىلاردان سەپتەپ، بۇكىل قىستاقتاعى سالىستىرمالى قيىنشىلىعى بار وتباسىلاردىڭ جاعدايىن سارالاپ، تالداۋ جاساپ، جاعدايعا قاراي ىستەپ، بۇقاراعا كومەكتەسىپ ناقتى ءىس تىندىرىپ، قيىن ماسەلەلەردى شەشىپ، قىستاق تۇرعىندارىنىڭ تابىس سەزىمىن، باقىت سەزىمىن كورنەكتى جوعارىلاتتى.

  پارتيا تاريحىن ۇيرەنۋ تاربيەسى ورىستەتىلگەننەن بەرى حوتان ايماعى ”نەگىزگى ساتىنى بارىنشا يگەرۋدى، ياچەيكانى كۇشەيتىپ قۇرۋدى“ تۇتقا ەتىپ، نەگىزگى ساتىنىڭ ۇيىمدىق قۇرىلىسىن قۇلشىنا كۇشەيتىپ، قۋاتتى جاۋىنگەرلىك قامال ورناتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ تىڭعىلىقتى ىلگەرىلەۋىنە بەرىك نەگىز قالادى.

  مەحانيزم ورناتىپ، دامۋدى جەبەدى

  بيىل 5 - ايدىڭ باسىندا شارۋالاردىڭ ءسابىز ەگىپ كىرىسىن ارتتىرۋىنا دەم بەرۋ نىسانى حوتان اۋدانى اۋات اۋىلى يامانبوك قىستاعىنا ىرگە تەپتى، جيىنى 60 قىستاق تۇرعىنى ەگۋگە ءوتىنىش بەردى.

  كىرىستى ارتتىرۋ ارناسىن كەڭەيتۋ ءۇشىن، اۋات اۋىلدىق پارتكوم كومەكتەسەتىن كاسىپورىن − ءۇرىمجى ييۋانميڭجۋ ساۋدا شەكتى سەرىكتەستىگىمەن (تومەندە قىسقارتىلىپ ”ييۋان سەرىكتەستىگى“ دەلىنەدى) بەلسەندىلىكپەن بايلانىس جاساپ، ءسابىر ەگۋ نىسانىنىڭ ءساتتى تياناقتانۋىن ىلگەرىلەتتى.

  وبۇلياسىن تىلشىگە بىلاي دەدى: ”ييۋان سەرىكتەستىگى ەگىنشى وتباسىلارىنا 700 مۋدان استام جەردىڭ تۇقىمىن، 300 دوربادان استام تىڭايتقىش پەن اۋىل شارۋاشىلىق ءدارىسىن تەگىن بەردى، سونداي - اق ەڭبەككۇشى كەمشىل بۇقارانى اۋىل شارۋاشىلىق ماشينالارىمەن تەگىن قامدادى. ەگۋدەن ساتۋعا دەيىن پارتيا مەن ۇكىمەت ءبىزدىڭ قامىمىزدى ويلادى، ءبىز، ءسوز جوق، جاقسى ىستەپ، مول ءونىم الۋعا قۇلشىنامىز“.

  پارتيا تاريحىن ۇيرەنۋ تاربيەسى ورىستەتىلگەننەن بەرى حوتان ايماعى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋ ستراتەگياسىن اتقارۋدىڭ ماڭداي الدى مىندەتى ەتىپ، ”ءتورتتى توقتاتپاۋ“ قىزمەت تالابىن قاتاڭ تياناقتاندىرىپ، ۇزدىكسىز دالمە - ءدال شارا قولدانىپ، كەدەيلىكتەن ارىلۋى ورنىقسىز حالىقتى، سونداي - اق كەدەيلەسۋ جيەگىنە تاياپ تۇرعان حالىقتى تۇرگە ءبولىپ، دەر كەزىندە كومەكتەسۋ - سۇيەمەلدەۋ ساياساتى كولەمىنە كىرگىزىپ، ءبىر وتباسىنا ءبىر جوبا جاساپ، ءبىر ادامعا ءبىر شارا اتقارىپ، ءبىر وتباسىندا ءبىر جەتەكشى كاسىپ بولۋدى، وتباسى سايىن، از دەگەندە، ءبىر ادام جۇمىستانۋدى جۇزەگە اسىردى. ەڭبەك قابىلەتى جوق ءارى كاسىپ سالاسىندا جۇمىستاندىرىپ كومەكتەسىپ - سۇيەمەلدەۋ ارقىلى كىرىسىن ارتتىرا المايتىن ادامدارعا، تۇرمىستى تومەنگى شەكتەن تۇسىرمەي قامتاماسىزداندىرۋدى جاقسى ىستەدى.

  بىرىككەن كۇش ۇيىستىرىپ، ناقتى ءىس ىستەدى

  ”15 مىڭ يۋان جاردەماقىنىڭ ارقاسىندا اۋرۋ ەمدەتۋ باسىمىم جەڭىلدەدى“، - دەدى كەريا اۋدانى لاڭگار اۋىلى يولا ارىش قىستاعىنىڭ تۇرعىنى ءماتسايدى وبۇلاسەن.

  گۇما اۋدانىنداعى مەيىرىم سەرىكتەستىگى − شەبەر تەمىرشىلىك شەكتى جاۋاپكەرشىلىك سەرىكتەستىگى وسى اۋداننىڭ كوكتەرەك اۋىلى بازاريار قىستاعىنداعى قيىنشىلىعى بار بۇقاراعا قۇنى 10 مىڭ يۋاندىق كۇندەلىكتى تۇرمىستىق بۇيىمدار تاراتتى؛ مەملەكەت ەلەكتر تورى شەريا اۋداندىق ەلەكترمەن قامداۋ سەرىكتەستىگى پارتيا مۇشەلەرىنىڭ قىزمەت وتەۋ اترەتى ەلەكتر جەلىلەرىن وتباسىلارعا بارىپ تەكسەرىپ، كونەرگەن ەلەكتر جابدىقتارىن اۋىستىرىپ، نەگىزگى ساتىداعى بۇقارانىڭ ەلەكتردەن پايدالانۋ ماسەلەلەرىن شەشىپ، اۋىل شارۋاشىلىعى ءوندىرىسىنىڭ ەلەكتردەن پايدالانۋ قاجەتىنىڭ قاناعاتتانۋىنا شىنايى كەپىلدىك ەتتى؛ بۇقارانىڭ ءجۇرىس - تۇرىسىنا قولايلى بولۋى ءۇشىن، كەريا اۋدانى سەنبىبازار قالاشىعى قالاشىق ءتورت كوشەسىنە قوس باعدارلى جۇرگىنشىلەر اسپا كوپىرىن سالدى... پارتيا تاريحىن ۇيرەنۋ تاربيەسى ورىستەتىلگەننەن بەرى حوتان ايماعى ۇيرەنۋ تاربيەسىنىڭ جەتىستىكتەرىن شىن مانىندە حالىق ءۇشىن ناقتى ءىس، جاقسى ءىس ىستەۋدىڭ ءىس جۇزىندىك ارەكەتىنە اينالدىرىپ، بىرىككەن كۇش ۇيىستىرىپ بۇقارانىڭ قيىن ماسەلەلەرىن شەشىپ، ناقتى ءىس ىستەدى.

  حوتان ايماعىنداعى ءار دارەجەلى باسشى كادرلار باستاماشىلىقپەن قىستاقتارعا بارىپ، وتباسىلاردى ارالاپ، ناقتى جاعدايدى تەكسەرىپ، حالىقتى ۋايىمنان ارىلتتى؛ 8 اۋدان، قالا باس اترەتىن، 180 اۋىل، قالاشىق (ءمالى) بولىمشە اترەتىن، 2610 قىستاق (الەۋمەتتىك اۋماق) شاعىن اترەتىن قۇرىپ، 286 مىڭ ەرىكتى ەرىكتىلەر قىزمەت وتەۋىن ورىستەتىپ، بۇقاراعا دالمە - ءدال قىزمەت وتەدى... ناقتى ىستەر، جاقسى ىستەر، مەيىرگە بولەۋ ارەكەتتەرى اۋىل - قىستاقتى گۇلدەندىرۋدى ىلگەرىلەتۋگە قۇدىرەتتى بىرىككەن كۇش ۇيىستىردى، ءار ۇلت بۇقاراسىنىڭ تابىس سەزىمى، باقىت سەزىمى ونان ارى جوعارىلادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.