تيانشان تورى   ›   جاڭالىقتار   ›   شينجياڭ حابارلارى

”ينتەرنەتتە تانىمالى“ سىرانىڭ كەلىپ شىعۋى

انار بۇلت / شينجياڭ گازەتىنىڭ تىلشىلەرى لۋ فىڭباۋ، چىن چياڭۋي

  اشەكەيلى شامدار جانىپ، كەشكى بازار دىر - دۋمان بولدى. بىرنەشە جاقىن دوس قورالانا وتىرىپ، شيحۋ سىراسىن ءىشىپ، كاۋاپ جەپ وتىرسا، سالقىن سامال ەسىپ تۇرسا، توتەنشە جايلى سەزىلەدى.

  تالاي جىل ”ءۇن - ءتۇنسىز جاتقان“ جەرگىلىكتى ماركادان تەز ارادا اتاعى اسپانداپ، ءاپ - ساتتە - اق جەر جۇزىنە تانىلدى، قىسقا عانا بىرنەشە جىلدا شيحۋ سىراسى ”ينتەرنەتتە تانىمالى“ ونىمگە اينالدى.

  تەگى قالاي ”ينتەرنەتتە تانىمالى“ بولدى؟

  6 - ايدىڭ 13 - كۇنى ”جوعارى جىلدامدىقتى تاس جولدى بويلاپ شينجياڭعا نازار سالۋ“ انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى شينجياڭ شيحۋ سىراسى شەكتى جاۋاپكەرشىلىك سەرىكتەستىگىنىڭ شيحۋ قالاسى تارىم وزەنى شىعىس جولىنا ورنالاسقان سىرا زاۆودىنا كەلدى.

  قۇيۋ - تولتىرۋ سەحىنىڭ اۆتوماتتى قۇيۋ - تولتىرۋ جەلىسىندە، قۇمىرا - قۇمىرا سىرالار تولتىرا قۇيىلعاننان كەيىن، اۋزى بەكىتىلىپ، جوعارى تەمپەراتۋرادا ميكروپسىزداندىرىلىپ، قوراپتالعان سوڭ قامباعا جەتكىزىلەدى. ساتىلۋدىڭ قاۋىرت كەزىندە، بۇل ارادا ءار كۇنى ءبىر ميلليون قۇمىرا سىرا قۇيىلىپ قوراپتالادى. وسى سىرالار تەز ارادا كەشكى بازار، ەرەن بازار، KTV سياقتى ورىنداردا تۇتىنۋشىلارعا ساتىلادى.

  ”ءونىمنىڭ ساپاسىنا دەن قويىپ، بازار قاجەتىنە ساي جاڭا ءونىم شىعارىپ، جاڭا اقپارات قۇرالدارىنان پايدالانىپ ۇگىتتەۋ سەرپىنىن ارتتىردىق“. شينجياڭ شيحۋ سىراسى شەكتى جاۋاپكەرشىلىك سەرىكتەستىگىنىڭ كاسىپورىن ىستەرى جاۋاپتىسى گاۋ حاۋفىڭ شيحۋ سىراسىنىڭ ”اتاعى شىعۋ“ جولىن وسىلاي ءتۇسىندىردى.

  2008 - جىلدان بەرى شيحۋ قالاسى ءار جىلى سىرا مەرەكەسىن وتكىزىپ، شينجياڭنىڭ ءىشى - سىرتىنداعى قىرۋار ساياحاتشىنى باۋرادى. سىرا مەرەكەسىن دانەكەر ەتۋ شيحۋدىڭ ”سىرا قالاسى“ سىندى قالا تانىسقىسىن اناعۇرلىم كورنەكتىلەندىرىپ قالماستان، شيحۋ سىراسىنىڭ تانىمالدىعىن ونان ارى جوعارىلاتتى.

  2016 - جىلى جياشىبو توبى شيحۋ سىراسىن تولىق قارجىمەن ساتىپ الىپ، شيحۋ سىراسى جىلدام دامۋ جولىنا ءتۇستى. دوۋيىن، كۋايشوۋ سياقتى تۇعىرلارعا سۇيەنىپ ساۋدالاپ، جاڭا اقپارات قۇرالدارى تۇعىرلارىنان پايدالانىپ تۇتىنۋشىلارمەن ىقپالداسىپ، شيحۋ سىراسى ماركاسىنىڭ تانىمالدىعى مەن داڭقىن ارتتىردى. توراپتاستاردىڭ ىقىلاسپەن ءتۇسىندىرۋى شيحۋ سىراسىنىڭ ”جان كۇيەرلەرىن“ مولايتا ءتۇستى.

  گاۋ حاۋفىڭ بىلاي دەپ قارادى: سوڭعى جىلدارى شينجياڭنىڭ تانىمالدىعى مەن داڭقىنىڭ ۇزدىكسىز جوعارىلاۋىنا ىلەسە، شيحۋ سىراسى دا جەرگىلىكتى ماركادان مەملەكەتتىك ماركاعا اينالىپ، تۇتىنۋشىلار ”شينجياڭ تارتۋى“ دەپ اتادى.

  قازىر شيحۋ سىراسىنىڭ ”شيحۋ“، ”شينجياڭ“ سياقتى ماركالارى بار، تۇتىنۋشىلاردىڭ تۇرلىشە تۇتىنۋ قاجەتىن قاناعاتتاندىرىپ، سەرىكتەستىكتىڭ وزەكتى باسەكەلىك قۋاتىنا اينالدى.

  شينجياڭنان شىققان شيحۋ سىراسى دا شينجياڭ مادەنيەتىن، ساياحاتىن ۇگىتتەۋ جاۋاپكەرشىلىگىن سانالىلىقپەن ارقالاپ، بۇكىل ەلدىڭ جەر - جەرىندە شيحۋ سىراسى مەرەكەسى، شيحۋ بازارى، شيحۋ سىراسى كەشكى بازارى سياقتى ماركانى ۇگىتتەۋ قيمىلدارى ارقىلى بۇكىل ەل تۇتىنۋشىلارىنىڭ شيحۋ سىراسىنان سۋسىنداپ، شينجياڭنىڭ كەلبەتىن سەزىنۋىنە مۇمكىندىك جاسادى.

  جەلىدە تۇتىنۋشىلاردى باۋرادى، جەلىدەن تىس بۇكىل ەل بازارىن وزىنە تارتتى، سارا ماركا مادەنيەتىن ونان ارى دامىتتى، شيحۋ سىراسى وسىلايشا ءوزىنىڭ ينتەرنەتتە تانىمالدىعىن ارتتىرۋ جولىنا ءتۇستى.

 

جاڭالىق اشۋ − كاسىپورىننىڭ سەنىمى

6 - ايدىڭ 13 - كۇنى، جەكسەنبى، كۇن اشىق

  6 - ايدىڭ 13 - كۇنى تۇستەن بۇرىن، انار بۇلت /شينجياڭ گازەتى جالپىلىق اقپارات قۇرالدارى حابارلاۋ توبى شيحۋ قالاسىنا كەلدى. بۇل جەردەگى شيحۋ سىراسى ينتەرنەتتە تانىمالى ”ايتۋلى ونىمگە“ اينالىپ، شينجياڭ بوشىران زەردەلى اۋىل شارۋاشىلىق ماشينالارى شەكتى جارنا سەرىكتەستىگىنىڭ تاپسىرىسى ۇزىلمەدى.

  بۇل 2 كاسىپورىننىڭ ۇڭىلە زەرتتەپ، جاڭالىق اشىپ، بازاردىڭ قاجەتىنە ساي ۇزدىكسىز ۇسىنعان جاڭا ونىمدەرىنىڭ بازاردا مويىندالۋىنىڭ بەينەسى سانالادى.

  بازار وزگەرىپ تۇرادى، سۇرانىس الۋان ءتۇرلى بولادى، ەگەر كاسىپورىندا جاڭالىق اشۋ وي جەلىسى كەمشىل بولسا، ونىمدە جاڭالىق اشپاسا جانە وزگەرىس جاساماسا، توقىراپ قالىپ، ەڭ سوڭىندا بازاردان ايرىلادى. شيحۋ سىراسىنىڭ بازار سۇرانىسىنا تىعىز جاناسىپ ۇزدىكسىز جاڭا ءونىم اشۋى ءدال ىرىقتىلىقپەن جاڭالىق اشقاندىعىنىڭ بەينەسى.

  جاڭالىق اشۋ كاسىپورىننىڭ ۇزدىكسىز كوركەيۋىنىڭ ەڭ زور سەنىمى. دامۋ بارىسىندا كاسىپورىن ۇزدىكسىز جاڭا ءونىم زەرتتەپ جاساپ، ساتۋ ارناسىن ۇزدىكسىز كەڭەيتسە عانا، باياندى ومىرشەڭدىگىن ساقتاپ، تۇتىنۋشىلار قاتتى ۇناتاتىن كوپتەگەن ”ينتەرنەتتە تانىمالى“ ماركالاردى شىعارا الادى.

  (لۋ فىڭباۋ)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.