تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ حۋبەيدىڭ شىيان قالاسى جاڭۋان رايونى يانحۋ الەۋمەتتىك اۋماعى شوعىرلى ساۋدا بازارىنداعى جانار گاز قوپارىلىس شىرعالاڭى جونىندە ماڭىزدى نۇسقاۋ بەردى

شي جينپيڭ حۋبەيدىڭ شىيان قالاسى جاڭۋان رايونى يانحۋ الەۋمەتتىك اۋماعى شوعىرلى ساۋدا بازارىنداعى جانار گاز قوپارىلىس شىرعالاڭى جونىندە ماڭىزدى نۇسقاۋ بەردى

حاۋىپسىزدىك كومەسكى قاتەرلەرىن جاپپاي ءبىر - بىرلەپ تەكسەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىن مانىندە قامتاماسىز ەتىپ، قوعامدىق كەلەلى جاعدايدىڭ ورنىقتىلىعىن قورعاپ، پارتيا قۇرىلعاندىعىنىڭ 100 جىلدىعى ءۇشىن تاماشا راي قالىپتاستىرۋدى تالاپ ەتتى

لي كىچياڭ قۇتقارۋ قىزمەتى جونىندە بەكىتۋ جازدى

  شينحۋا اگەنتتىگىنىڭ 6 - ايدىڭ 13 - كۇنى بەيجيڭنەن بەرگەن حابارى. 6 - ايدىڭ 13 - كۇنى مولشەرمەن ساعات 6دان 40 مينۋت وتكەندە، حۋبەيدىڭ شىيان قالاسى جاڭۋان رايونى يانحۋ الەۋمەتتىك اۋماعىنىڭ شوعىرلى ساۋدا بازارىندا جانار گاز قوپارىلىسى تۋىلدى. قازىرگە دەيىن شىرعالاڭدا 12 ادام ءولىپ، 37 ادام اۋىر جارالاندى، تاعى دا ءبىر ءبولىم بۇقارا تۇرلىشە دارەجەدە جارالاندى.

  شىرعالاڭ تۋىلعاننان كەيىن پارتيا ورتالىق كوميتەتى، مەملەكەتتىك كەڭەس ايرىقشا ءمان بەردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاباندا بىلاي دەپ ماڭىزدى نۇسقاۋ بەردى: حۋبەيدىڭ شىيان قالاسىنداعى جانار گاز قوپارىلىس شىرعالاڭى اۋىر ءولىم - ءجىتىم تۋدىردى، تەرەڭ ساباق الۋ كەرەك! جارالىلاردى بار كۇشپەن شۇعىل قۇتقارىپ، جارالانعانداردىڭ جانە قازا بولعانداردىڭ جاقىندارىن جۇباتۋ سياقتى سوڭعى قىزمەتتەردى ويداعىداي ىستەپ، سەبەبىن تەز ارادا تەكسەرىپ انىقتاپ، جاۋاپكەرشىلىكتى قاتاڭ قۋزاستىرۋ كەرەك.

  شي جينپيڭ بىلاي دەپ باسا دارىپتەدى: تاياۋ مەزگىلدە بۇكىل ەلدىڭ كوپتەگەن جەرلەرىندە ءوندىرىس حاۋىپسىزدىگى شىرعالاڭى، مەكتەپ اۋلاسى حاۋىپسىزدىگى شىرعالاڭى تۋىلدى، جەر - جەر جانە قاتىستى تاراۋلار بىرەۋى ارقىلى وزگەسىن تۇسپالداپ، جاۋاپكەرشىلىكتى قاتايتىپ، ساياسي سەزگىرلىكتى كۇشەيتىپ، حاۋىپسىزدىك كومەسكى قاتەرلەرىن جاپپاي ءبىر - بىرلەپ تەكسەرىپ، ەلەۋلى تۇتقيىل شىرعالاڭداردىڭ تۋىلۋىنان ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىن مانىندە قامتاماسىز ەتىپ، قوعامدىق كەلەلى جاعدايدىڭ ورنىقتىلىعىن قورعاپ، پارتيا قۇرىلعاندىعىنىڭ 100 جىلدىعى ءۇشىن تاماشا راي قالىپتاستىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، بىلاي دەپ تالاپ ەتتى: حاۋىپتەن اراشالاۋعا، قۇتقارۋعا جانە جارالانعانداردى قۇتقارىپ ەمدەۋگە بار كۇشپەن ۇيىمداستىرىپ، ەڭ زور قۇلشىنىسپەن ءولىم - ءجىتىمدى ازايتىپ، شىرعالاڭنىڭ سەبەبىن مۇقيات تەكسەرىپ انىقتاپ، زاڭ، بەلگىلەمە بويىنشا قاتاڭ جاۋاپقا تارتۋ كەرەك. تاياۋ مەزگىلدەن بەرى حاۋىپسىزدىك شىرعالاڭدارى كوپ تۋىلۋ جاعدايى بايقالۋدا، مەملەكەتتىك كەڭەستىڭ ءوندىرىس حاۋىپسىزدىگى كوميتەتى، توتەنشە جاعدايعا توتەپ بەرۋ - باسقارۋ مينيسترلىگى جەر - جەردى ءتۇيىندى سالالارداعى حاۋىپسىزدىكتى باقىلاۋ - باسقارۋ مەن كومەسكى قاتەرلەردى ءبىر - بىرلەپ تەكسەرۋدى شىن مانىندە كۇشەيتۋگە قۋزاپ، اۋىر، ەرەكشە ۇلكەن شىرعالاڭداردىڭ تۋىلۋىن باتىل تەجەۋى كەرەك.

  شي جينپيڭنىڭ نۇسقاۋى مەن لي كىچياڭنىڭ تالابى بويىنشا توتەنشە جاعدايعا توتەپ بەرۋ - باسقارۋ مينيسترلىگى، تۇرعىن ءۇي جانە قالا، اۋىل قۇرىلىسى مينيسترلىگى شىرعالاڭدى ءبىر جايلى ەتۋ قىزمەتىنە سول جەردە جەتەكشىلىك ەتۋگە قىزمەت گرۋپپاسىن جىبەردى. مەملەكەتتىك دەنساۋلىق ساقتاۋ، سالاماتتىق كوميتەتى سالماقتى اۋرۋلار مەديتسيناسى، كۇيىك جاراقاتى، پسيحيكالىق جاقتان ارالاسۋشى ماماندار سياقتىلاردان ۇيىمداسقان مەملەكەت دارەجەلى ەمدەۋ ماماندار گرۋپپاسىن سول جەرگە بارىپ شىرعالاڭداعى شۇعىل مەديتسينالىق قۇتقارۋ - كومەكتەسۋدى ويداعىداي ىستەۋگە جەتەكشىلىك ەتۋگە جىبەردى. حۋبەي ولكەلىك، شىيان قالالىق پارتكومداعى، ۇكىمەتتەگى جاۋاپتى جولداستار سول جەردىڭ وزىنە بارىپ ءبىر جايلى ەتۋگە قولباسشىلىق ىستەدى. قازىر سول جەردىڭ وزىندە قۇتقارۋ - كومەكتەسۋ، جارالانعانداردى قۇتقارۋ - ەمدەۋ سياقتى قىزمەتتەر جەدەل، ءتارتىپتى جۇرگىزىلۋدە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.