تيانشان تورى   ›   جاڭالىقتار   ›   شينجياڭ حابارلارى

ماقتا − مەنىڭ باقىت گۇلىم

شينجياڭ بوشىران زەردەلى اۋىل شارۋاشىلىق ماشينالارى جارنا شەكتى سەرىكتەستىگىنىڭ قىزمەتكەرى دولقۇن تۇرسۇن

  مەن شينجياڭ بوشىران زەردەلى اۋىل شارۋاشىلىق ماشينالارى جارنا شەكتى سەرىكتەستىگى ءوندىرىس بولىمىندەگى ءبىر قۇراستىرۋ جۇمىسشىسىمىن. مەن سەرىكتەستىكتە 5 جىلدان استام ۋاقىت ىستەدىم، قازىر ايلىق ەڭبەكاقىم 6000 يۋان اينالاسىندا. سەرىكتەستىك بەلگىلەمە بويىنشا ءاربىر جۇمىسشىمەن ەڭبەك توقتامىن جاسادى، ءبىز ءۇشىن بەستە قامسىزداندىرۋدى تاپسىرىپ، ىشەر اس، جاتىن ورىنمەن تەگىن قامدادى، يگىلىك مامىلەسى ءبارى دە ايتارلىقتاي.

  سەرىكتەستىككە جاڭادان كەلگەنىمدە مەن كاسىپكە قانىق ەمەس ەدىم، ۇستازىما ەرىپ مۇقيات ۇيرەنىپ، قايتا - قايتا جاتتىعۋ ارقىلى 2 - 3 اي ۋاقىتتىڭ ىشىندە جۇرگىزۋ شەبەرلىگىن بىرتە - بىرتە يگەرىپ الدىم، تەسىك تەسۋ، سىم وتكىزۋ، دانەكەرلەۋ، قايراپ تەگىستەۋ، جونۋ، ارالاۋ سياقتى قۇراستىرۋ شەبەرلىگىن ۇيرەندىم. قازىر مەن قۇرال - جابدىقتاردى، اسپاپتاردى، ولشەۋ اسپاپتارىن جەتىك پايدالانا بىلەمىن، ۇستازىم مەنى جاقسى شاكىرت دەپ ماقتاپ، جاقسى ىستەۋىمدى قاداعالادى. ءار جىلى سەرىكتەستىكتە جۇمىسشىلار قاربالاس بولىپ، جەتىسە الماي قالعان كەزدەرىندە مەن تاعى بۇركىپ سىرلاۋ قىزمەتىنە جاۋاپتى بولامىن. ”جىگىتكە جەتپىس ونەر دە كەمدىك ەتپەيدى“ دەگەن ءتامسىل بار، قانشا كوپ ىستەسەڭىز سونشا كوپ اقشا تاباسىز، قازىر تۇرمىسىمىز بارعان سايىن جاقسارۋدا.

  بۇل ارادا مەن قابىلەتىمدى ۇشتاۋمەن بىرگە كوپتەگەن دوس تاپتىم، ءوندىرىس ءبولىمى قۇددى ءبىر ۇلكەن شاڭىراق ىسپەتتى، كوپشىلىك ءوزارا كومەكتەسىپ، بەرەكە - بىرلىكتە بولىپ، تەرەڭ سۇيىسپەنشىلىك ورناتقان، قىزمەتتە تاماشا ارىپتەس، تۇرمىستا تاماشا سەرىك. سەرىكتەستىك جاڭالىق اشۋ، جوعارى ونىمدىلىككە تالپىنۋمەن بىرگە كاسىپورىن مادەنيەتىنە دە باسا ءمان بەرىپ، بىزدەگى ءار ۇلت جۇمىسشىلارىنا جانۇيا جىلۋلىعىن سيلادى.

  مەن شينجياڭ ماقتا كاسىپ سالاسىنىڭ يگىلىگىنە كەنەلۋشىمىن، ەگەردە شينجياڭ ماقتاسىنىڭ ساپالى دا جوعارى ءونىمى بولماعان بولسا، مەنىڭ مۇنداي تاماشا جۇمىستانۋ ورايىنا يە بولۋىم مۇمكىن ەمەس ەدى. بىلايشا ايتقاندا شينجياڭ ماقتاسى مەنىڭ باقىت گۇلىم. H&M سياقتى باتىس كاسىپورىندارى سەندەر ءبىزدىڭ ەڭبەك ۇقىق - مۇددەمىزدى قورعايمىز دەگەن جەلەۋدى جەلدىرتە بەرمەڭدەر، ايتىلمىس ”زورلىقپەن ەڭبەككە سالۋ“ دەگەن وسەك - اياڭ تاراتۋلارىڭدى دوعارىڭدار، ءبىز شينجياڭدا باقىتتى تۇرمىس كەشىرۋدەمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.