جىلىنا 600 ميلليون يۋاننان استام ەمدەۋ قاراجاتى ۇنەمدەلەدى
انار بۇلت / شينجياڭ گازەتىنىڭ ءتىلشىسى جاۋ مين 6 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق ەمدەۋ قامتاماسىزداندىرۋ مەكەمەسىنەن ۇعىسۋعا قاراعاندا، كەزەكتە شينجياڭ مەملەكەتتىڭ 4 توپتاعى 157 ءتۇرلى ءدارى - دارمەكتى شوعىرلى، مولشەرمەن ساتىپ الۋ جۇمىسىن ىركەس - تىركەس اتقاردى. 4 توپتاعى ءدارى - دارمەكتىڭ باعاسى ورتا ەسەپپەن ％65 تومەندەپ، ەمدەۋ قاراجاتى شىعىسىنان جىلىنا 600 ميلليون يۋاننان استام ۇنەمدەلەتىن بولدى.
وسى 157 ءتۇرلى شوعىرلى ساتىپ الىناتىن ءدارى - دارمەك، نەگىزىنەن، جوعارى قان قىسىمى، رۋحاني اۋرۋلار، ۆيرۋس سيپاتتى باۋىر قابىنۋ، قاتەرلى وسپە سياقتى سوزىلمالى اۋرۋلارعا جانە سالماقتى اۋرۋلارعا ىستەتىلەتىن دارىلەرگە سايادى. مۇندا 1 -، 2 - توپتاعى العاشقى جىلدا شوعىرلى ساتىپ الىنعان ءدارى - دارمەكتىڭ ءىس جۇزىندىك ساتىپ الىنعان مولشەرى كەلىسىمدەگى ساتىپ الۋ مولشەرىنىڭ ％168 ىندەي بولىپ، يگىلىگىن كورگەن ناۋقاستار 9 ميلليون 860 مىڭ ادام - رەتكە جەتىپ، ءىس جۇزىندە ۇنەمدەلگەن قاراجات 400 ميلليون يۋاننان اسقان.
مەملەكەتتىڭ شوعىرلى ساتىپ الىناتىن ءدارى - دارمەك قاتارىنا ەنگىزىلمەگەندەرىن تولىقتاۋ ءۇشىن، رايونىمىز تاعى شانشي، گۋاڭدۇڭ، چۇڭچيڭ سياقتى ولكەلەرمەن، رايوندارمەن، قالالارمەن بىرلەسىپ ساتىپ الۋعا بەلسەنە ات سالىسىپ، شوعىرلى ساتىپ الىناتىن ءدارى - دارمەك ءتۇرى كولەمىن ۇزدىكسىز كەڭەيتىپ، ۇنەمى ىستەتىلەتىن ءدارى - دارمەكتى ساتىپ الۋ باعاسىن جالپى بەتتىك تومەندەتتى.
اۆتونوميالى رايوندىق ەمدەۋ قامتاماسىزداندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ۋاڭ جىحۋا مىنانى ءبىلدىردى: ءدارى - دارمەكتى شوعىرلى، مولشەرمەن ساتىپ الۋ قىزمەتى ءدارى - دارمەكتىڭ جانە ەمدەۋ ماتەريالدارىنىڭ باعاسىن كورنەكتى تومەندەتىپ، بۇقارانىڭ، اسىرەسە، ءبىر ءبولىم سوزىلمالى ناۋقاستاردىڭ جانە راك اۋرۋى تۇرىندەگى ناۋقاستاردىڭ ەمدەلۋ اۋىرتپالىعىن بارىنشا جەڭىلدەتىپ، بۇقارانىڭ ءدارى - دارمەككە قول جەتىمدىلىگىن جوعارىلاتتى. كەلەسى قادامدا اۆتونوميالى رايوندىق ەمدەۋ قامتاماسىزداندىرۋ مەكەمەسى ەمدەۋ قامتاماسىزداندىرۋ ءتۇزىمى رەفورماسىن ۇزدىكسىز تەرەڭدەتىپ، ءدارى - دارمەك جانە ەمدەۋ ماتەريالدارىن شوعىرلى، مولشەرمەن ساتىپ الۋ جانە پايدالانۋ قىزمەتىن ۇدايىلاندىرا ىلگەرىلەتىپ، قامسىزداندىرۋعا قاتىناسقان اناعۇرلىم كوپ ناۋقاستاردى يگىلىككە كەنەلتەدى.
