□ قاعىلىق اۋدانى شاشقۇم اۋماعىنىڭ ماقتاشىسى مامەتالي تۇرۇپ
ايەلىم ەكەۋىمىز 2015 - جىلدان باستاپ ۋاقىتتىق جۇمىس ىستەدىك، كىرىسىمىز تىم ورنىقتى بولمادى، تۇرمىستا دا ءبىراز قينالدىق. قىستاعىمىزداعى تۇرعىنداردىڭ ماقتا ەگىپ اجەپتاۋىر كىرىس تاۋىپ جاتقانىن كورىپ، مەنىڭ دە ماقتا ەگىپ سىناپ كورگىم كەلدى. سول جىلى مەن 24 مۋ جەرگە ماقتا ەكتىم، ماقتانى تۇڭعىش رەت ەككەندىكتەن تاجىريبەم جەتەرسىز، باپتاۋىم جاقسى بولماي، نەبارى 35 مىڭ يۋان عانا اقشا تاپتىم. وزگەلەرمەن سالسىتىرعاندا كىرىسىم تومەندەۋ بولسا دا، قاتتى قۋاندىم، بۇل ماعان ءۇمىت سيلادى، ەندىگارى قايدا بارىپ جۇمىس ىستەيمىن، قايدا بارىپ اقشا تابامىن دەپ قامىقپايتىن بولدىم.
2019 - جىلى مەن الدىڭعى ءبىر جىلداعى ەگىمشىلىك تاجىريبەلەرىمدى قورىتىندىلاپ، جالعاستى ماقتا ەكتىم. ءار جولى تۇسىنبەيتىن ىستەرگە جولىققاندا قىستاقتاعى تەحنيكتەردەن جانە ماقتانى جاقسى ەگەتىن ادامداردان سۇرادىم، مىسالى، قاي كەزدە سۋارۋ كەرەك؟ قاي كەزدە ءدارى شاشقان ءجون؟ قاي كەزدە تىڭايتقىش بەرسە جاقسى؟ دەگەندەي. ەڭبەگى باردىڭ ونبەگى بار، وتباسىمنىڭ مۋ باسىندىق ماقتا ءتۇسىمى كوپ جوعارىلادى، كىرىسىم 50 مىڭ يۋانعا تايادى. مەن ءبىر ءبولىم اقشامەن ءۇيىمدى اشەكەيلەدىم، سافا، جاڭا شاي ۇستەلىن، سۇيىق كريستال ەكراندى تەلەۆيزور، كىر جۋعىش جانە مۇزداتقىش ساتىپ الدىم.
كەيىن مەن ەگىس ارەدىگىندە شوفەرلىك كۋالىك الىپ، وتباسىما تۇڭعىش اۆتوكولىك ساتىپ الدىم. اۆتوكولىك ساتىپ الاتىن ءتۇنى ايەلىم ەكەۋىمىز قۋانعانىمىزدان ۇيىقتاي المادىق، تۇرمىسىمىز ۇمىتكە تولىپ، جىگەرىمىز تاسىعانىن سەزىندىك.
جات نيەتتى ادامداردىڭ ايتىلمىس ”زورلىقپەن ەڭبەككە سالدى“ دەگەن وسەك - اياڭدى ويدان قۇراستىرعانىن ەستىگەنىمدە، مەن ايرىقشا كەكتەندىم، ماقتا ەگۋ ارقىلى وتباسىمنىڭ تۇرمىسى جاقساردى، ءبىز ءارقانداي ادامنىڭ وعان كۇيە جاعۋىنا جول بەرمەيمىز.
