تيانشان تورى   ›   جاڭالىقتار   ›   ءۇرىمجى

رايونىمىز زاڭسىز قارجى توپتاۋدان ساقتانۋ شوعىرلى ۇگىت كۇنى قيمىلىن ورىستەتتى

  انار بۇلت / شينجياڭ گازەتىنىڭ ءتىلشىسى ليۋ ي 6 - ايدىڭ 15 - كۇنى ۇرىمجىدەن حابارلايدى. 6 - ايدىڭ 15 - كۇنى اۆتونوميالى رايون 2021 - جىلعى زاڭسىز قارجى توپتاۋدان ساقتانۋ شوعىرلى ۇگىت كۇنى قيمىلىن ورىستەتتى، اۆتونوميالى رايوندىق زاڭسىز قارجى توپتاۋدان ساقتانۋ جانە ءبىر جاقتى ەتۋ قىزمەتى باسشىلىق گرۋپپاسى كەڭسەسى جانە قاتىستى مۇشە ورىندار ءۇرىمجى قالاسىنداعى ءىشىنارا الەۋمەتتىك اۋماق، جوعارى مەكتەپ، بانكە تور تۇيىندەرى سياقتى جەرلەردى تاڭداپ، سول جەردىڭ وزىندە قالا تۇرعىندارىنا، وقۋشىلار قاۋىمىنا زاڭسىز قارجى توپتاۋدان ساقتانۋعا قاتىستى زاڭ ەرەجەلەردى جانە بىلىمدەردى ۇگىتتەپ، ءتۇسىندىرىپ، بۇقارانىڭ زاڭسىز قارجى توپتاۋ قاتەرىنەن ساقتانۋ تانىمىن اناعۇرلىم كۇشەيتىپ، ءىس جۇزىندىك ارەكەت ارقىلى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىلگەرىلەتتى.

  قيمىل كۇنى رايونىمىزدىڭ فينانس، جوعارى مەكتەپ سياقتى تاراۋلارىنان كەلگەن قىزمەتكەرلەر «زاڭسىز قارجى توپتاۋدان ساقتانۋ جانە ءبىر جاقتى ەتۋ ەرەجەسىن» ۇيرەنۋدى، ۇگىتتەۋدى نەگىزگى جەلى ەتىپ، زاڭسىز قارجى توپتاۋدان ساقتانۋ جانە ءبىر جاقتى ەتۋ تاربيەسى، فينانس حاۋىپ - قاتەرىنەن ساقتاندىرۋ سىندى مازمۇندارمەن ۇشتاستىرىپ، نەگىزگى تاقىرىپتىق جارناما، ۇگىت بۇيىمدارىن تاراتۋ، ساياساتقا تۇسىنىك جاساۋ، تۇيتكىلدى ماسەلەلەرگە جاۋاپ بەرۋ سياقتى فورمالارمەن قارجى قوسۋ، قازىنا باسقارۋ، ينتەرنەت فينانسى، جەكە قارجى توپتاۋ قورى، قارتتاردى كۇتىمدەۋ قىزمەت وتەۋى، ەلەكتروندى ساۋدا ىستەرى، قورا - جاي، مال - مۇلىك، اۋىل شارۋاشىلىعىنا ساياتىن ۇيىمدار سياقتى حاۋىپ - قاتەر كوپ تۋىلاتىن سالالاردا، سونداي - اق ۇقساتپالى اقشا، الدىن الا تولەنگەن تۇتىنۋ، ينفورماتسيا عىلىم - تەحنيكاسى سياقتى جاڭا قاتەرلى تۇيىندەرگە باعىتتاي وتىرىپ، الەۋمەتتى فينانس قاتەرىنەن ساقتانۋ تانىمىن جوعارىلاتۋعا جەتەكتەدى.

  ”تۇسىنىك جاساۋ بارىسىندا مەن زاڭسىز قارجى توپتاۋعا قاتىستى بىلىمدەردى ءتۇسىندىم. ءبىز ساقتانۋ تانىمىمىزدى كۇشەيتىپ، الدانىپ قالۋدان ساقتانۋىمىز كەرەك ەكەن“، - دەدى ءۇرىمجى قالاسىنىڭ تۇرعىنى مو لۇڭفي.

  اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسى فينانستى ورنىقتىرۋ باسقارماسىنىڭ ورىنباسار باستىعى جوۋ ۋي تانىستىرىپ بىلاي دەدى: بيىل 6 - اي مەملەكەتتىك 9 - رەتكى زاڭسىز قارجى توپتاۋدان ساقتانۋدى ۇگىتتەۋ ايى، نەگىزگى تاقىرىبى ”زاڭدى ۇيرەنىپ، زاڭنان پايدالانىپ وتباسىمىزدى قورعايىق. زاڭسىز ىستەردەن ساقتانۋدا، زاڭسىز ىستەردى ءبىر جاقتى ەتۋدە كوپشىلىككە سۇيەنەمىز“ بولدى. سول كۇنگى ۇگىت كۇنى قيمىلى اياقتاعاننان كەيىن، ءارقايسى قاتىستى ورىندار عيماراتتاردا راديودا تاراتۋ، الەۋمەتتىك اۋماق ۇگىت تاقتاسى، مەكتەپ ساباقحاناسى سياقتى ورىنداردان پايدالانىپ ۇدايىلانعان ۇگىتتى ورىستەتىپ، مىندەتتى ۇگىتشىلەردىڭ، الەۋمەتتىك اۋماق ەرىكتىلەرىنىڭ، وقۋشىلار ۇيىمىنىڭ كۇش - قۋاتىن ساۋلەلەندىرىپ، ءار سالا، ءار كاسىپتىڭ ەرەكشەلىگىنە ۇشتاستىرىپ، «زاڭسىز قارجى توپتاۋدان ساقتانۋ جانە ءبىر جاقتى ەتۋ ەرەجەسىن» جالپىلاستىرۋدى، ۇگىتتەۋدى باعىتتامالى ورىستەتىپ، زاڭدى، ساياساتتى ءتۇسىندىرۋ، تيپتىك دەلولارعا تالداۋ جاساۋ، قارجى قوسۋ قاتەرى تاربيەسى سىندى تاسىلدەرمەن قوعامعا، الەۋمەتكە زاڭسىز قارجى توپتاۋدىڭ بەينەلەنۋ فورماسى، زاڭعا قايشى سيپاتى، سونداي - اق زالالى سياقتىلاردى ۇگىتتەدى. فينانس باقىلاۋ - باسقارۋ تاراۋلارى ءتۇيىندى سالالارداعى، ءتۇيىندى كاسىپتەردەگى حاۋىپ - قاتەرلەردى اداقتاپ، رەتتەپ، جونگە سالىپ، ءار ۇلت بۇقاراسىنىڭ زاڭدى ۇقىق مۇددەسىن شىنايى قورعاپ، جەرگىلىكتى فينانستىڭ ورنىقتىلىعىن ساقتادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.