تيانشان تورى   ›   جاڭالىقتار   ›   شينجياڭ حابارلارى

پارتيا تاريحىن ۇيرەنۋ تاربيەسىن ويداعىداي يگەرىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتتى

تۇرپان قالاسى:

پارتيا تاريحىن ۇيرەنۋ تاربيەسىن ويداعىداي يگەرىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتتى

انار بۇلت / شينجياڭ گازەتىنىڭ ءتىلشىسى جاڭ رۇيلين

  پارتيا تاريحىن ۇيرەنۋ تاربيەسى ورىستەتىلگەننەن بەرى تۇرپان قالاسى ءىس جۇزىندىك جاعدايمەن ۇشتاستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن جەرگىلىكتى جاعدايعا قاراي ورىستەتىپ، پارتيا تاريحىن ۇيرەنۋ تاربيەسىن اۋىل - قىستاقتى گۇلدەندىرۋدى ىلگەرىلەتۋمەن ورگانيكالى ۇشتاستىرىپ، بۇقارانىڭ قيىن ىستەرىن، ۋايىمداپ وتىرعان ىستەرىن زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ شەشىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.

ۇيرەنۋ امالياتىنىڭ تەبىنى كۇشتى بولدى

  ”ءبىز باستان - اياق پارتيا تاريحىن ۇيرەنۋ تاربيەسىن حالىق تۇرمىسىنداعى كورنەكتى ماسەلەلەردى شەشۋمەن ۇشتاستىرىپ، ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىن ورىستەتۋ ارقىلى بۇقارانى الاڭداتقان، ۋايىمداتقان ءبىرسىپىرا ىستەردى جوسپارلاپ شەشىپ، پارتيا تاريحىن ۇيرەنۋ تاربيەسىنىڭ ونىمدىلىگىن شىن مانىندە اۋىل - قىستاقتى گۇلدەندىرۋدى ىلگەرىلەتۋدىڭ پارمەندى قوزعاۋشى كۇشىنە اينالدىردىق“، - دەدى 6 - ايدىڭ 4 - كۇنى تۇرپان قالالىق پارتكومنىڭ شۋجيى جاڭ ۋىنشىڭ.

  پارتيا تاريحىن ۇيرەنۋ تاربيەسى ورىستەتىلگەننەن بەرى، تۇرپان قالاسى ”مەن بۇقارا ءۇشىن ناقتى ءىس ىستەيمىن“ ءىس تۇرلەرى تىزىمدىگىن شىعارىپ، قالىڭ پارتيالى كادرلاردىڭ سانالى تۇردە پارتيا تاريحىن ۇيرەنۋ تاربيەسىن رەالدىقتى سالىستىرۋمەن، قىزمەت ورنى مىندەت جاۋاپكەرشىلىگىمەن ۇشتاستىرۋىنا مۇمكىندىك جاساپ، پارتيالى كادرلاردى ۇيرەنۋ بارىسىندا ورتاق تانىم ۇيىستىرۋعا، دەڭگەيدى جوعارىلاتۋعا جەتەكتەدى؛ ءار دارەجەلى پارتيالى باسشى كادرلار امالياتتىق قيمىلدى باستاماشىلىقپەن ورىستەتىپ، جوعارى ارقىلى تومەنگە باستاماشىلىق ەتىپ، ۇلگى كورسەتىپ جەتەكتەپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتتى.

  ەگىنجايلارداعى ”شاعىن جيىن الاڭدارىندا“ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىنىڭ مۇشەلەرى مەن مەكەمە - ورىنداردىڭ تۇرۋعا جىبەرگەن كادرلارى قىستاق تۇرعىندارىمەن بىرگە ەڭبەك ىستەگەن ارەدىكتە 100 جىلدىق پارتيا تاريحى بىلىمدەرىن بايانداپ، پارتيانىڭ شۇعىلالى بەلەستەرىنە بىرگە قايرىلا قاراپ، قىستاق تۇرعىندارىن مىزعىماستان پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە، وزدەرىنىڭ قوس قولدارىنا سۇيەنىپ باقىتتى تۇرمىس جاراتۋعا تاربيەلەدى، جەتەكتەدى.

  ”ساقا پارتيا مۇشەلەرى، قىستاق كادرلارى پارتيا ساباعىن ءجۇزىم سورەسىنىڭ استىنا كوشىرىپ كەلىپ، ءبىزدىڭ پارتيانىڭ شۇعىلالى تاريحىن ىشكەرىلەي تۇسىنۋىمىزگە مۇمكىندىك جاسادى. پارتيانىڭ جاقسى ساياساتىنىڭ ارقاسىندا، ءبىزدىڭ قىستاقتىڭ قورشاعان ورتاسى بارعان سايىن كورىكتەنىپ، تۇرمىسىمىز بارعان سايىن جاقسارىپ، ارىنىمىز ارتا ءتۇستى“، - دەدى ءپىشان اۋدانى پىچان قالاشىعى ماچاڭ قىستاعىنىڭ تۇرعىنى مايراگۇل قادىر ”ءجۇزىم سورەسى استىندا پارتيا تاريحىن ۇيرەنۋ“ قيمىلىنا قاتىناسقاننان كەيىن تەبىرەنە.

جول ىركىلىسسىزدەنىپ، حالىق بايىپ، اۋىل - قىستاق كوركەيدى

  5 - ايدىڭ 24 - كۇنى تاڭەرتەڭ، ءپىشان اۋدانى پىچان قالاشىعى قورعان قىستاعىنىڭ وقۋشىلارى الەۋمەتتىك اۆتوبۋز بەكەتىنە ىركەس - تىركەس كەلىپ اۆتوبۋز كۇتتى. الەۋمەتتىك اۆتوبۋز ۋاعىندا جولعا شىعىپ، 30 نەشە مينۋت جۇرگەننەن كەيىن، وقۋشىلار مەكتەپتەرىنە حاۋىپسىز، ءساتتى جەتتى.

  ”بۇرىن الەۋمەتتىك اۆتوبۋز جوق، ۆەلوسيپەدپەن نەمەسە ەلەكترسيكلمەن قالاعا وقۋعا باراتىنبىز، وتە قولايسىز ءارى قاتەرلى بولاتىن“، - دەدى قورعان قىستاعىنىڭ ورتالاۋ 2 - جىلدىق وقۋشىسى ابۇلەت ابىلەز.

  پارتيا تاريحىن ۇيرەنۋ تاربيەسى ورىستەتىلگەننەن بەرى، ءپىشان اۋداندىق قاتىناس - تاسىمال مەكەمەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ تالابىمەن ۇشتاستىرىپ، الەۋمەتتىك قاتىناس جەلىسىن جاقسارتىپ، قالا مەن اۋىلدى قامتىعان ءىرى الەۋمەتتىك قاتىناس تورىن ورناتىپ، اۋىل - قىستاق كەزەكشى جولاۋشىلار تاسىمالىنان قالا، اۋىل الەۋمەتتىك قاتىناسىنا ورنىقتى ءوتۋدى جۇزەگە اسىرىپ، شارۋالار مەن قالا تۇرعىندارىنىڭ بىركەلكىلەنگەن الەۋمەتتىك قاتىناس قىزمەت وتەۋىنەن يگىلىكتەنۋىنە مۇمكىندىك جاسادى.

  ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى ورىستەتىلگەننەن بەرى، كوڭىلدى مەيىرگە بولەگەن ىستەر بۇقارانىڭ كوڭىلىنەن ورىن الدى: گاۋچاڭ رايونى جاڭا قالا اۋماعى لۇيزۇڭ قىستاعىنىڭ جولى جاقسارتىلىپ، بۇقارانىڭ ءجۇرىس - تۇرىسى قيىن بولۋ ماسەلەسى شەشىلدى؛ تۇرپان قالالىق حالىق شيپاحاناسى اۋىل - قىستاقتى ارالاپ تەگىن ەمدەۋ ورىستەتىپ، دۇڭجياڭ قالقانشا بەز اۋرۋىنا دياگنوز قويۋ جانە ونى ەمدەۋ ورتالىعىن قۇرىپ، اۋىل - قىستاقتاعى قالقانشا بەز اۋرۋى ناۋقاستارىنىڭ دياگنوز قويدىرۋ، ەمدەتۋ قيىندىعىن شەشتى؛ ءپىشان اۋدانى لۇكچىن قالاشىعى سىركىپ قىستاعى سۋ سىڭبەيتىن توعاندى بەكەمدەۋ نىسانى قۇرىلىسىن اتقارىپ، سۋدان پايدالانۋ ونىمدىلىگىن جوعارىلاتتى...

  قازىرگە دەيىن تۇرپان قالاسى بۇقارا ءۇشىن جيىنى 28 مىڭ 915 ناقتى ءىس، جاقسى ءىس ىستەپ، بۇقارانىڭ ”شۇعىل، قيىن، ۋايىمداعان، ءزارۋ“ ىستەرىنەن 3454ىن شەشتى.

تەحنيكا جەتكىزىپ، كاسىپ سالاسىن گۇلدەندىردى

  ”بۇرىن مەن ءجۇزىمدى ءبىر جىلدا 5 رەت قانا سۋارىپ، 3 رەت شىرپيتىنمىن، ەشقاشان جەمىسىن سيرەتىپ كورمەگەنمىن. ءجۇزىم كوپ جەمىس بەرگەنىمەن، تۇيىرشىگىنىڭ ۇلكەن - كىشىلىگى اركەلكى بولىپ، ساپا جوعارىلاماي، كىرىسىم قاشاندا باسقالاردان تومەن بولاتىن. بيىل تەحنيكتەردىڭ جۇمىس باسىندا جەتەكشىلىك ەتۋىمەن وتباسىمنىڭ جۇزىمنەن تاپقان كىرىسى، ءسوز جوق، مولاياتىندىعىنا سەنەمىن“، - دەدى 5 - ايدىڭ 16 - كۇنى ءپىشان اۋدانى لۇكچىن قالاشىعى تۇگمەنبويى قىستاعىنىڭ تۇرعىنى ءومار ابدوللا كۇلە سويلەپ.

  5 - ايدىڭ ورتا شەنىندە ءومار ءوز ءۇيىنىڭ ءجۇزىم باقشاسىندا تۇرپان قالالىق ورمان شارۋاشىلىعى جانە جايلىم مەكەمەسى ۇيىمداستىرعان ءجۇزىمدى شىرپۋ تەحنيكاسىنىڭ جۇمىس باسى باۋلۋىنا قاتىناستى. سول كۇنى تەحنيك ءجۇزىمدى شىرپۋ، تىڭايتقىش پەن سۋدى مەڭگەرۋ سياقتى باعىپ - باپتاۋ تەحنيكالارىنان جان - جاقتىلى تۇسىنىك جاسادى ءارى قىستاق تۇرعىندارىنىڭ ءوندىرىس بارىسىندا كەزدەسكەن تەحنيكالىق ماسەلەلەرىنە ەگجەي - تەگجەيلى جاۋاپ بەردى.

  4 - ايدان بەرى تۇرپان قالالىق ورمان شارۋاشىلىعى جانە جايلىم مەكەمەسى تەحنيكالىق تىرەكتىلەردى كوپ رەت گاۋچاڭ رايونىنا، ءپىشان اۋدانىنىڭ اۋىل - قىستاقتارىنا بارۋعا ۇيىمداستىرىپ، ءجۇزىمدى ولشەمدەندىرىپ باعىپ - باپتاۋ جاعىندا جۇمىس باسى باۋلۋىن ۇزدىكسىز ورىستەتتى، قازىر 400دەن استام بۇقارا باۋلۋدان ءوتتى.

  تۇرپان قالاسى پارتيا تاريحىن ۇيرەنۋ تاربيەسىنىڭ جەتىستىكتەرىن بۇقارا ءۇشىن ناقتى ءىس ىستەۋدىڭ، قيىن ماسەلەلەردى شەشۋدىڭ قوزعاۋشى كۇشىنە اينالدىرىپ، ءار دارەجەلى پارتيا ۇيىمدارى، پارتيالى كادرلار شىنايى يگەرىپ، ناقتى ىستەۋ بارىسىندا اۋەلگى ماقساتتى، بورىشتى امالياتتا ايگىلەپ، اۋىل - قىستاق كاسىپ سالاسىنىڭ، دارىندىلاردىڭ، مادەنيەتتىڭ، ەكولوگيانىڭ جانە ۇيىمنىڭ گۇلدەنۋىن تىڭعىلىقتى ىلگەرىلەتىپ، بۇقارانىڭ رازى بولۋ دارەجەسىن جوعارىلاتىپ، بۇقارانىڭ باقىت سەزىمىن كۇشەيتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.