«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
تاريحتى اينا ەتىپ، تاريح ارقىلى مۇراتتى ايگىلەۋ، تاريحتى ءبىلىپ پارتيانى ءسۇيۋ، تاريحتى ءبىلىپ وتاندى ءسۇيۋ كەرەك
شينحۋا اگەنتتىگىنىڭ 6 - ايدىڭ 15 - كۇنى بەيجيڭنەن بەرگەن حابارى. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «تاريحتى اينا ەتىپ، تاريح ارقىلى مۇراتتى ايگىلەۋ، تاريحتى ءبىلىپ پارتيانى ءسۇيۋ، تاريحتى ءبىلىپ وتاندى ءسۇيۋ كەرەك» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: تاريح − ەڭ جاقسى وقۋلىق. پارتيامىز بەن مەملەكەتىمىز ىستەرىنىڭ جاي - جاپسارىن ءتۇسىنۋ، پارتيامىز بەن مەملەكەتىمىزدىڭ تاريحي تاجىريبەلەرىن قابىلداۋ، پارتيامىز بەن مەملەكەتىمىز تاريحىنداعى كەلەلى ىستەر مەن ماڭىزدى ادامداردى دۇرىس ءبىلۋ كەرەك. بۇل پارتيانىڭ جاعدايىن، مەملەكەتتىڭ جاعدايىن دۇرىس تانۋ جونىنەن توتەنشە قاجەتتى، بولاشاققا بەت الۋ جونىنەن دە توتەنشە قاجەتتى. جۇڭگو كوممۋنيستىك پارتياسى نەلىكتەن ”يقۋاتتى“، ماركسيزم نە ءۇشىن ”جۇزەگە اسادى“، جۇڭگوشا سوتسياليزم نە ءۇشىن ”جاقسى“ سياقتى كەلەلى ماسەلەلەردى ارقاۋ ەتىپ، ۇگىت تاربيەنى كەڭىنەن ورىستەتىپ، يدەيالىق قوعامدىق پىكىر جەتەكشىلىگىن كۇشەيتىپ، قالىڭ كادرلاردىڭ، بۇقارانىڭ جۇڭگوشا سوتسياليزم جونىندەگى جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، جالپى حالىقتىڭ پارتيانى سۇيەتىن، وتاندى سۇيەتىن، سوتسياليزمدى سۇيەتىن وراسان زور ىنتاسىن ىشكەرىلەي قاۋلاتۋ كەرەك.
ماقالادا مىنالار اتاپ كورسەتىلدى: جۇڭگودا جۇڭگو كوممۋنيستىك پارتياسىنىڭ بيلىك جۇرگىزۋى جۇڭگونىڭ، جۇڭگو حالقىنىڭ، جۇڭحۋا ۇلتىنىڭ ەڭ زور باقىتتى ءىسى. ءبىز جۇڭگو تاياۋ زامان تاريحىن، جۇڭگو وسى زامان تاريحىن، جۇڭگو توڭكەرىس تاريحىن ىشكەرىلەي تۇسىنسەك بولعانى، ەگەر جۇڭگو كوممۋنيستىك پارتياسىنىڭ باسشىلىعى بولماسا، ءبىزدىڭ مەملەكەتىمىزدىڭ، ءبىزدىڭ ۇلتىمىزدىڭ بۇگىنگىدەي تابىسقا قول جەتكىزۋى مۇمكىن ەمەس ەكەندىگىن، بۇگىنگىدەي حالىقارالىق ورىنعا يە بولۋى دا مۇمكىن ەمەس ەكەندىگىن وپ - وڭاي بايقاي الامىز. پارتيا باسىپ وتكەن اۋمالى - توكپەلى تاريحتان، پارتيا اشقان جانە ۇزدىكسىز ىلگەرىلەتكەن ۇلى ىستەردەن، پارتيانىڭ بۇكىل ىنتا - پەيىلىمەن حالىق ءۇشىن قىزمەت ىستەگەن ءتۇبىرلى باستى ماقساتى مەن ۇزاق ۋاقىتتىق امالياتىنان، پارتياعا دەگەن سەنىمدى تەرەڭدەتىپ، پارتيانىڭ باسشىلىعىنا دەگەن سەنىمدى بەكەمدەۋگە قۇلشىنۋ كەرەك. پارتيانىڭ باسشىلىعىنا تاباندى بولۋ سىندى كەلەلى پرينسيپتىك ماسەلەدە ءبىزدىڭ سانامىز ەرەكشە سەرگەك بولۋى، كوزىمىز ەرەكشە قىراعى بولۋى، تۇرعىمىز ەرەكشە بەرىك بولۋى كەرەك، استە، ەشقانداي ءدۇدامالدىق جانە تابانسىزدىق بولماۋى كەرەك.
ماقالادا مىنالار اتاپ كورسەتىلدى: وتانشىلدىق تاربيەنى جاپپاي ورىستەتىپ، ادامدارعا تاريح پەن حالىقتىڭ نە ءۇشىن جۇڭگو كوممۋنيستىك پارتياسىن تاڭداعاندىعىن، نە ءۇشىن، ءسوز جوق، جۇڭگوشا سوتسياليزم جولىمەن بۇلجىماي ءجۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرەكتىگىن ىشكەرىلەي ءتۇسىندىرۋ كەرەك. قالىڭ پارتيا مۇشەلەرى، كادرلار جانە حالىق بۇقاراسى پارتيا تاريحىن، جاڭا جۇڭگو تاريحىن جاقسى ۇيرەنىپ، ءتۇسىنىپ، پارتيا حالىققا باسشىلىق ەتىپ قۇرعان سوتسياليزم ۇلى ىستەرىن بەرىك قورعاپ، ۇرپاقتار بويى جالعاستىرۋ كەرەك.
