تيانشان تورى
تيانشان تورى   ›   جاڭالىقتار   ›   شينجياڭ حابارلارى

ارنا ەكونوميكاسىنان كاسىپ سالاسى ەكونوميكاسىنا قاراي ارشىندى قادام تاستادى

قورعاس:

ارنا ەكونوميكاسىنان كاسىپ سالاسى ەكونوميكاسىنا قاراي ارشىندى قادام تاستادى

انار بۇلت/ شينجياڭ گازەتىنىڭ تىلشىلەرى لۋ فىڭباۋ، چىن چياڭۋي

قورعاس شەكارا وتكەلىندە توپتالعان جۇڭگو - ەۆروپا كەزەكشى پويەزدارى (6 - ايدىڭ 16 - كۇنى ۇشقىش اپپاراتپەن تۇسىرىلگەن). انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  6 - ايدىڭ 16 - كۇنى تۇستەن بۇرىن قورعاس قالاسى، دالا توتەنشە شىلىڭگىر ىستىق.

  ءمالىم جارتىلاي وتكىزگىش كاسىپورىننىڭ ءوندىرىس سەحىندا ءوندىرىس اۋەلگىسىندەي توتەنشە دابىرالى ءجۇرىپ جاتتى. جۇمىسشىلار تاپسىرىستى ۇلگىرتۋ ءۇشىن قاربالاس جۇمىس ىستەۋدە، ءونىم زاۆودتان شىققاننان كەيىن جۇڭگو - ەۆروپا كەزەكشى پويەزى ارقىلى شەتەل بازارلارىنا تاسىمالدانادى.

  جۇڭگو تەمىر جول ءۇرىمجى مەكەمەسى توبى شەكتى سەرىكتەستىگىنىڭ قورعاس بەكەتىندە، لۇڭمىن كرانى قىرۋار جۇك قوراپتاردى تيەپ جاتتى. بۇل جۇك قوراپتار جۇڭگو - ەۆروپا كەزەكشى پويەزى ارقىلى ورتا ازيا، ەۆروپا سياقتى بازارلارعا تاسىمالدانادى. جۇڭگو - ەۆروپا كەزەكشى پويەزى قاتىناعاننان بەرى وسى بەكەتتەن كىرىپ - شىعاتىن كەزەكشى پويەزدار جىل سايىن مولايىپ، بىلتىر 4032گە جەتتى.

  ”قورعاستىڭ قاتىناسى قولايلى، ءبىزدىڭ ونىمدەرىمىز كەزەكشى پويەزبەن شەكارادان شىعارىلادى، سونداي - اق جوعارى جىلدامدىقتى تاس جول ارقىلى ەل ءىشىنىڭ جەر - جەرىنە جەتكىزىلەدى“، - دەدى وسى جارتىلاي وتكىزگىش كاسىپورنىنىڭ باس ديرەكتورى جاڭ جياۋۋي. وسى جارتىلاي وتكىزگىش كاسىپورنىنىڭ ىقپالىندا، قازىر ەل ىشىندە قاتىستى 7 كاسىپورىن قورعاسقا ىرگە تەۋىپ، سالىستىرمالى كەمەلدى كاسىپ سالاسى تىزبەگىن قالىپتاستىرىپ، قورعاستىڭ ەلەكتروندى ينفورماتسيا كاسىپ سالاسىن ۇلعايتۋىنا تاماشا نەگىز قالادى.

  قورعاس قالاسى ليانيۇنگاڭ - قورعاس جوعارى جىلدامدىقتى تاس جولى (G30) مەن جىڭ - قۇلجا - قورعاس تەمىر جولىنىڭ سوڭعى بەكەتى، سونداي - اق قورعاس شەكارا وتكەلى تۇرعان جەر، كەدەن وتكەلىنىڭ 140 جىلعا جۋىق تاريحى بار. 100 جىلدان بەرى تۇيەلى كەرۋەندەر، ءبىر - بىرلەگەن جۇك اۆتوموبيلدەرى، ءبىر - بىرلەگەن كەزەكشى پويەزدار ءتۇرلى زاتتاردى تاسىمالداپ قورعاس ارقىلى شەكارادان كىرىپ - شىعىپ جاتتى، قورعاس ەلىمىزدىڭ سىرتقا ەسىك اشۋداعى ماڭىزدى وتكەلىنە اينالدى.

  ”بۇرىن قورعاستا ارنا ەكونوميكاسى نەگىز ەتىلەتىن، كاسىپ سالاسى نىسانى كەمشىل بولاتىن، كاسىپ سالاسىنىڭ شوعىرلانۋ اسەرىنەن اۋىز اشۋعا مۇمكىن ەمەس ەدى“، - دەدى قورعاس ەكونوميكالىق اشۋ رايونى پارتيا قىزمەتى كوميتەتىنىڭ مۇشەسى شۇي شينميڭ.

  قورعاس ”وڭىرلىك ورىن، ساياسات، ەسىك اشۋ“ سىندى 3 ءىرى ارتىقشىلىعىن تولىق ساۋلەلەندىرىپ، ناقتى ەكونوميكانى وزەك ەتۋگە تاباندى بولىپ، مانەرلەۋ ساۋداسى مەن يمپورت - ەكسپورت ساۋداسىن ءتۇيىن ەتىپ، عىلىم - تەحنيكادا جاڭالىق اشۋدى، فينانستىق قىزمەت وتەۋدى جانە ادام كۇشى بايلىعىن تىرەك ەتىپ، كاسىپ سالاسى قۇرىلىمىن ۇزدىكسىز رەتتەپ، شارۋاشىلىق - ساۋدا ورتاسىن ساپالىلاندىرىپ، كاسىپ سالاسىنىڭ شوعىرلانۋىن تەزدەتىپ، وسىزاماندانعان كاسىپ سالاسى جۇيەسىن قۇرىپ، قورعاستىڭ ”ارنا ەكونوميكاسىنان“ ”شەكارا وتكەلى ەكونوميكاسىنا“، ”كاسىپ سالاسى ەكونوميكاسىنا“ بۇرىلىس جاساۋىن ۇزدىكسىز ىلگەرىلەتىپ، ءتۇرلى كاسىپ سالاسىن جەدەل شوعىرلاندىردى.

  بۇل كۇندەرى قورعاس سىرتقى ساۋدا، زات اينالىمى، مانەرلەۋ، ساياحات، زات ساتىپ الۋ، قامبادا ساقتاۋ سياقتىلار شوعىرلانا ءبىر تۇلعالانعان كوپ نەگىزدى ەكونوميكانى قالىپتاستىرىپ، جوعارى، جاڭا تەحنيكا، وسى زامانعى جابدىق جاساۋ، تۇرمىستىق بۇيىمداردى مانەرلەۋ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋ، ءدارى - دارمەك، سالاماتتىق سياقتى كاسىپ سالالارىن شالقىتا دامىتتى.

  قورعاستىڭ سىرتقا ەسىك اشقان وڭىرلىك ارتىقشىلىعى مەن كاسىپ سالاسى شوعىرلانا دامىعان بولاشاعىن بايقاپ، 2017 - جىلى شينجياڭ حانياڭ ەلەكترمەن جىلىتۋ عىلىم - تەحنيكا شەكتى جارنا سەرىكتەستىگى قورعاسقا ىرگە تەپتى. ”ءبىز ەل ءىشى بازارىن تياناق ەتىپ، شەتەل بازارىن بەلسەنە اشتىق، وسى بىرنەشە جىلدا ونىمدەرىمىزدىڭ ساتىلۋ مولشەرى جىل سايىن ارتىپ كەلەدى“، - دەدى وسى سەرىكتەستىكتىڭ ورىنباسار باس ديرەكتورى جاڭ جيڭشۋان.

  قازىرگى قورعاس ساۋداسى گۇلدەنىپ، كاسىپ سالاسى مولايىپ قانا قالماستان، ونىڭ ۇستىنە ەل ىشىندەگى كوپتەگەن ساياحاتشىلاردى وسى اراعا كەلىپ تاماشالاپ ساياحاتتاۋعا باۋراپ وتىر.

  سول كۇنى تۇستەن بۇرىن ءبىر - بىرلەگەن ساياحات اۆتوبۋزدارى قورعاس مەملەكەت قاقپاسى مادەنيەت كورمەسى سارايى الدىندا توقتادى، ساياحاتشىلار تالاسا - تارماسا كورمە سارايىنا كىردى. ”قورعاس − مەملەكەتتىڭ باتىس قاقپاسى، ءبىز وسى جەردەن تۇرلىشە مادەنيەتتى سەزىنە الامىز، ەسىك اشۋدى كەڭەيتۋدىڭ تارتىمدىلىعىن سەزىنە الامىز“، - دەدى حىناننان كەلگەن ساياحاتشى ليۋ جيانجۇڭ.

تاماشا شارت - جاعداي ازىرلەپ، كاسىپورىنداردى باۋرادى

6 - ايدىڭ 16 - كۇنى سارسەنبى، كۇن اشىق

  قورعاس قالاسى جىبەك جولى ەكونوميكالىق بەلدەۋىندەگى ماڭىزدى ءتۇيىن رەتىندە، ەرەكشە وڭىرلىك ارتىقشىلىققا يە. ونىڭ ۇستىنە، بۇل جەردە تاس جول شەكارا وتكەلى مەن تەمىر جول شەكارا وتكەلى بار، زات تاسىمالى قولايلى، ساۋداگەر شاقىرىپ، قارجى ەنگىزۋدە وتە جاقسى جاعراپيالىق ورىن ارتىقشىلىعىنا يە.

  وسى نەگىزدە قورعاس كاسىپورىندارعا تاماشا شارۋاشىلىق - ساۋدا ورتاسىن جاراتۋعا قۇلشىنىپ، كاسىپورىندارعا كومەكتەسىپ ناقتى قيىنشىلىقتارىن شەشىپ، كاسىپ سالاسىن شوعىرلاندىرۋدى توڭىرەكتەي وتىرىپ ساۋداگەر شاقىردى، مۇنىڭ ءبارى قورعاستىڭ كاسىپورىنداردى قارجى قوسۋعا باۋراۋىنداعى ماڭىزدى فاكتور.

  تاماشا شارت - جاعداي ازىرلەپ، كاسىپورىنداردى باۋرادى. قورعاس كاسىپورىندارعا قىزمەت وتەۋگە دەن قويىپ، تاماشا شارۋاشىلىق - ساۋدا ورتاسىن جاراتتى، قىسقا عانا بىرنەشە جىلدا كوپتەگەن كاسىپورىنداردى ىرگە تەۋىپ دامۋعا باۋرادى ءارى كاسىپ سالاسى شوعىرىن قالىپتاستىردى.

  (لۋ فىڭباۋ)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.