تيانشان تورى   ›   جاڭالىقتار   ›   عىلىم-تەحنيكا

شىنجوۋ 12 - ءنومىرلى 6 - ايدىڭ 17 - كۇنى ساعات 9دان 22 مينۋتتا ۇشىرىلادى

عارىشكەرلەر گرۋپپاسى تۇراقتاندىرىلدى

  شينحۋا اگەنتتىگىنىڭ 6 - ايدىڭ 16 - كۇنى گانسۋ جيۋچۋاننان بەرگەن حابارى (تىلشىلەر حۋاڭ ميڭ، لي يۇن، جاڭ ميمي). شىنجوۋ 12 - ءنومىرلى عارىشكەرلى الەم كەمەسى 6 - ايدىڭ 17 - كۇنى ساعات 9دان 22 مينۋتتا ۇشىرىلادى، عارىشكەرلەر گرۋپپاسى عارىشكەر نيە حايشىڭ، ليۋ بوميڭ جانە تاڭ حۇڭبو سىندى ءۇش ادامنان قۇرالدى.

  مۇنى جۇڭگو عارىشقا ادام الىپ ۇشۋ ينجەنەرياسى كەڭسەسى مەڭگەرۋشىسىنىڭ كومەكشىسى جي چيميڭ 6 - ايدىڭ 16 - كۇنى تۇستەن بۇرىن جيۋچۋان جاساندى سەرىك ۇشىرۋ ورتالىعىندا وتكىزىلگەن شىنجوۋ 12 - ءنومىرلى ادام الىپ ۇشۋ مىندەتىنەن اقپار جاريالاۋ ماجىلىسىندە جاريالادى.

  جي چيڭميڭ بىلاي دەدى: كەڭىستىك بەكەتى كەزەڭدىك ۇشۋ مىندەتى باس قولباسشىلىق شتابىنىڭ اقىلداسىپ ۇيعارۋىمەن بەيجيڭ ۋاقىتى بويىنشا 6 - ايدىڭ 17 - كۇنى ساعات 9دان 22 مينۋتتا شىنجوۋ 12 - ءنومىرلى عارىشكەرلى الەم كەمەسىن ۇشىرۋ كوزدەلدى، عارىشكەرلەر گرۋپپاسى عارىشكەر نيە حايشىڭ، ليۋ بوميڭ جانە تاڭ حۇڭبو سىندى ءۇش ادامنان قۇرالدى، نيە حايشىڭ بۇيرىق بەرۋ باستىعى مىندەتىن وتەيدى، جاي جىگاڭ، ۋاڭ ياپيڭ، يە گۋاڭفۋلار زاپاس عارىشكەرلەر بولدى. عارىشكەر نيە حايشىڭ شىنجوۋ 6 - ءنومىرلى، شىنجوۋ 10 - ءنومىرلى ادام الىپ ۇشۋ مىندەتتەرىنە قاتىناسقان، عارىشكەر ليۋ بوميڭ شىنجوۋ 7 - ءنومىرلى ادام الىپ ۇشۋ مىندەتىنە قاتىناسقان، عارىشكەر تاڭ حۇڭبو تۇڭعىش رەت ۇشپاقشى.

  جي چيميڭ بىلاي دەدى: وسى رەتكى ۇشىرۋ مىندەتىن اتقاراتىن چاڭجىڭ 2 - ءنومىرلى F ياۋ 12 - ءنومىرلى راكەتاعا 6 - ايدىڭ 16 - كۇنى تۇستەن بۇرىن ۇشىرۋ (پروپەل) جانار زاتى قۇيىلدى.

  جي چيميڭ مىنالاردى ءبىلدىردى: شىنجوۋ 12 - ءنومىرلى ادام الىپ ۇشۋ مىندەتى كەڭىستىك بەكەتىنىڭ شەشۋشى تەحنيكانى سىننان وتكىزۋ كەزەڭىنىڭ 4 - رەتكى ۇشۋ مىندەتى ءارى كەڭىستىك بەكەتى كەزەڭىنىڭ تۇڭعىش رەت ادام الىپ ۇشۋ مىندەتى سانالادى، مىندەتتىڭ باستى ماقساتى تومەندەگىدەي: عارىشكەرلەردىڭ ۇزاق ۋاقىت تۇرۋ، قايتا تۋىنداتۋ ۇلگىسىندەگى تىرشىلىك قامتاماسىزدىعى، كەڭىستىك زاتتىق ماتەريالدارىن تولىقتاۋ، كەمە بولمەسىنەن شىعىپ ارەكەت ەتۋ، كەمە بولمەسى سىرتىندا جۇمىس ىستەۋ، وربيتادا رەمونتتاۋ سياقتى كەڭىستىك بەكەتىن سالۋداعى جانە جۇمىس ىستەۋدەگى شەشۋشى تەحنيكالاردى وربيتادا سىناقتان وتكىزىپ، دۇڭفىڭ قونۋ الاڭىنىڭ عارىشكەرلەردى ىزدەۋ، قۇتقارۋ - كومەكتەسۋ قابىلەتىن تۇڭعىش رەت سىننان وتكىزۋ؛ كوپ الاپتىق كەڭىستىك قولدانىلىمىن، سونداي - اق تاجىريبەسىن (سىناق) ورىستەتۋ؛ ينجەنەريا جۇيەلەرىنىڭ كەڭىستىك بەكەتى مىندەتىن اتقارۋ يقۋاتى مەن قابىلەتىن جان - جاقتى باعالاپ، ساراپتاپ، جۇيەلەر اراسىنداعى ۇيلەسىمدىلىك پەن سايكەسىمدىلىكتى ىشكەرىلەي تەكسەرىپ، كەيىنگى مىندەتتەر ءۇشىن تاجىريبە توپتاۋ.

  جوسپار بويىنشا، شىنجوۋ 12 - ءنومىرلى الەم كەمەسى وربيتاعا كىرگەننەن كەيىن، ءوز كۇشىمەن تەز ۇشتاسۋ، ءتۇيىلىسۋ ۇلگىسىن قولدانىپ، تيانحى وزەكتى بولمەسىنىڭ الدىڭعى جاعىنداعى وتىرعىمەن ءتۇيىلىسىپ، تيانحى وزەكتى بولمەسىمەن، تيانجوۋ 2 - ءنومىرلى جۇك تاسىمال الەم كەمەسىمەن بىرگە قۇراما تۇلعا قالىپتاستىرادى. عارىشكەرلەر وزەكتى بولمەگە كىرىپ، اۋە مەن جەر قادامداس بولعان جۇمىس ىستەۋ - دەمالۋ ءتۇزىمىن اتقارىپ قىزمەت ىستەيدى، تۇرمىس كەشىرەدى، شامامەن 3 اي تۇرعاننان كەيىن، الەم كەمەسىنىڭ قايتۋ بولمەسىنە وتىرىپ دۇڭفىڭ قونۋ الاڭىنا ورالادى.

  قازىر تيانحى وزەكتى بولمەسى مەن تيانجوۋ 2 - ءنومىرلى كەمەنىڭ قۇراما تۇلعاسىنىڭ جاعدايى ورنىقتى، جابدىقتار قالىپتى قىزمەت ىستەپ تۇر، ۇشتاسۋ، ءتۇيىلىسۋ مەن عارىشكەرلەردىڭ كىرىپ ورنىعۋ شارت - جاعدايى ازىرلەندى. شىنجوۋ 12 - ءنومىرلى ادام الىپ ۇشۋ مىندەتىن اتقاراتىن ءارقايسى جۇيەلەر جان - جاقتى جاتتىعۋدان ءوتتى، عارىشكەرلەر گرۋپپاسىنىڭ جاعدايى جاقسى، ۇشىرۋدان بۇرىنعى دايىندىقتار نەگىزىنەن ورىندالىپ بولدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.