شىنجوۋ 12 - ءنومىرلى عارىشكەرلى الەم كەمەسىن ۇشىرۋ تابىستى بولدى، 3 عارىشكەر تيانحى وزەكتى بولمەسىنە ءساتتى كىرىپ ورنالاستى
جۇڭگونىڭ عارىشقا ادام الىپ ۇشۋ ىستەرى جاڭا ساپارىن باستادى
6 - ايدىڭ 17 - كۇنى بەيجيڭ عارىشقا ۇشۋدى مەڭگەرۋ ورتالىعىنان تۇسىرىلگەن تيانحى وزەكتى بولمەسىنە كىرىپ ورنالاسقان عارىشكەرلەردىڭ بۇكىل ەل حالقىنا سالەم جولداعان ءساتى.
□ سۋرەتتى شينحۋا اگەنتتىگىنىڭ ءتىلشىسى جين لي - ۋاڭ تۇسىرگەن
2021 -جىلى 6 - ايدىڭ 17 - كۇنى ساعات 9دان 22 مينۋتتا، شىنجوۋ 12 - ءنومىرلى عارىشكەرلى الەم كەمەسىن تيەگەن چاڭجىڭ 2 - ءنومىرلى F ياۋ 12 − تاسىمال زىمىرانى جيۋچۋان جاساندى سەرىك ۇشىرۋ ورتالىعىندا ءدال ۋاعىندا وتالدىرىلىپ، ۇشىرىلدى.
□ شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 6 - ايدىڭ 17 - كۇنى گانسۋدىڭ جيۋچۋانىنان بەرگەن حابارى (تىلشىلەر حۋاڭ ميڭ، لي يۇن، جاڭ ميمي). التى قابات اسپانعا قانات قاعىپ، مەملەكەتتى قۇدىرەتتەندىرۋدىڭ جاڭا ساپارىنا ارشىندى قادام تاستادى. 6 - ايدىڭ 17 - كۇنى عارىشكەرلەر نيە حايشىڭ، ليۋ بوميڭ، تاڭ حۇڭبو وتىرعان شىنجوۋ 12 - ءنومىرلى عارىشكەرلى الەم كەمەسى ءساتتى تۇردە عارىشقا ۇشىرىلىپ، جۇڭگونىڭ كەڭىستىك بەكەتى تيانحى وزەكتى بولمەسىندە تۇراتىن العاشقى توپ قىزمەتكەرلەرگە اينالىپ، جۇڭگونىڭ عارىشقا ادام الىپ ۇشۋ ينجەنەرياسىنىڭ كەڭىستىك بەكەتى كەزەڭىندەگى العاشقى ادام الىپ ۇشۋ مىندەتىن باستادى.
ساعات 9دان 22 مينۋتتا چاڭجىڭ 2 - ءنومىرلى F ياۋ 12 − تاسىمال زىمىرانى جيۋچۋان جاساندى سەرىك ۇشىرۋ ورتالىعىندا ءدال ۋاعىندا وتالدىرىلىپ، ۇشىرىلدى. بۇل چاڭجىڭ 2 - ءنومىرلى F زىمىراننىڭ 7 - رەتكى ادام الىپ ۇشۋ مىندەتى سانالادى.
شامامەن 573 سەكۋندتان كەيىن، الەم كەمەسى مەن زىمىران ءساتتى اجىرادى. شىنجوۋ 12 - ءنومىرلى عارىشكەرلى الەم كەمەسى بەلگىلەنگەن وربيتاعا ەنىپ، عارىشكەرلەر گرۋپپاسىنىڭ جاعدايى جاقسى بولدى، ۇشىرۋ تولىق تابىستى بولدى!
سول ساتتە تيانحى وزەكتى بولمەسى مەن تيانجوۋ 2 - ءنومىرلىنىڭ قۇراما تۇلعاسى 390kmلىك جۋىق شەڭبەردە ءتۇيىلىسۋ وربيتاسىندا ۇشىپ، تاماشا كۇيمەن شىنجوۋدى كۇتىپ تۇردى.
ساعات 15دەن 54 مينۋتتا، الەم كەمەسى ءوز كۇشىمەن تەز ۇشتاسۋ، ءتۇيىلىسۋ ۇلگىسىن قولدانىپ، تيانحى وزەكتى بولمەسىنىڭ الدىڭعى جاعىنداعى وتىرعىمەن ءساتتى ءتۇيىلىسىپ، بۇدان بۇرىن ءتۇيىلىسىپ بولعان تيانجوۋ 2 - ءنومىرلى جۇك تاسىمال الەم كەمەسىمەن بىرگە 3 بولمەلى (كەمە) قۇراما تۇلعا قالىپتاستىردى، بۇل بارىسقا مولشەرىمەن 6.5 ساعات ۋاقىت جۇمسالدى.
بۇل تيانحى وزەكتى بولمەسىنىڭ 4 - ايدىڭ 29 - كۇنى ۇشىرىلىپ وربيتاعا ەنگەن سوڭ، العاش رەت عارىشكەرلى الەم كەمەسىمەن ۇشتاسۋى، ءتۇيىسۋى.
ساعات 18دەن 48 مينۋتتا عارىشكەرلەر نيە حايشىڭ، ليۋ بوميڭ، تاڭ حۇڭبو ىركەس - تىركەس تيانحى وزەكتى بولمەسىنە ءساتتى كىرىپ ورنالاستى، بۇل جۇڭگولىقتاردىڭ تۇڭعىش رەت ءوزىنىڭ كەڭىستىك بەكەتىنە كىرگەندىگىنىڭ بەلگىسى سانالادى.
عارىشقا 3 مارتە ۇشقان نيە حايشىڭ، زەڭگىر كوككە قايتا كوتەرىلگەن ليۋ بوميڭ العاش رەت عارىشقا اتتانعان تاڭ حۇڭبومەن بىرگە جۇڭگولىقتاردىڭ قازىرگە دەيىنگى ەڭ ۇزاق عارىشتا ۇشۋىن باستادى.
عارىشكەرلەر گرۋپپاسى 3 ايلىق مەرزىممەن وربيتادا تۇرۋ، مەحانيكالىق قولمەن جۇمىس ىستەۋ، كەمە بولمەسىنەن شىعىپ ارەكەت ەتۋ سياقتى قىزمەتتەر ورىستەتىپ، عارىشكەرلەردىڭ ۇزاق ۋاقىت وربيتادا تۇرۋى، قايتا تۋىنداتۋ ۇلگىسىندەگى تىرشىلىك قامتاماسىزدىعى سياقتى ءبىرسىپىرا شەشۋشى تەحنيكالاردى سىناقتان وتكىزەدى.
شىنجوۋ 12 - ءنومىرلى عارىشكەرلى الەم كەمەسىنىڭ ۇشۋ مىندەتى ەلىمىزدىڭ عارىشقا ادام الىپ ۇشۋ ينجەنەرياسى نىسان ەتىلىپ اتقارىلعاننان بەرگى 19 - رەتكى ۇشۋ مىندەتى سانالادى.
پارتيا ورتالىق كوميتەتى 1992 - جىلى عارىشقا ادام الىپ ۇشۋ ينجەنەرياسىنىڭ ”3 قاداممەن ءجۇرۋ“ سىندى دامۋ ستراتەگياسىن جاساپ، اتقارعاننان بەرى، 30 جىلعا جۋىق دەربەس، ءوز كۇشىنە سۇيەنىپ دامۋ مەن جالعاستىرا كۇرەس جۇرگىزۋ ارقىلى جۇڭگونىڭ عارىشقا ادام الىپ ۇشۋ ءىسى 1 - قادامداعى، 2 - قادامداعى بارلىق بەلگىلەنگەن مىندەتتەردى تولىق تابىسپەن ورىندادى، قازىر كەڭىستىك بەكەتىن قۇرۋعا، مەملەكەتتىڭ عارىش تاجىريبەحاناسىن قۇرۋعا قاراي بار كۇشپەن ۇمتىلۋدا.
جۇڭحۋا ۇلتىنىڭ عارىشقا ۇشۋ ساپارى جاڭا باستامادان باستالدى.
عارىشقا ادام الىپ ۇشۋ ينجەنەرياسى بۇرىن بولماعان جوعارى جيىلىكتەگى ۇشىرۋلاردى دا قارسى الادى − كەڭىستىك بەكەتىن قۇرۋ مىندەتىنىڭ جوباسى بويىنشا، بيىل جانە كەلەر جىلى 2 جىلدا جالپى 11 رەت ۇشۋ مىندەتى اتقارىلىپ، 2022 - جىلى كەڭىستىك بەكەتىن وربيتادا قۇرۋدى ورىنداپ، مەملەكەتتىڭ عارىش تاجىريبەحاناسىن قۇرىپ شىعادى، ونان سوڭ كەڭىستىك بەكەتى جۇمىس ىستەۋ كەزەڭىنە وتەدى.
ول ادىمى الىپ، ايبىنى اسقاق تاعى ءبىر ساپار بولماق.
