□ گازەتىمىزدىڭ شولۋشىسى
دامۋ − داۋ جۇرمەيتىن شىندىق، رەفورما − قۋاتتى قوزعاۋشى كۇش. ”رەفورما، دامۋ ساپارى“ تاقىرىبىنداعى ”جوعارى جىلدامدىقتى تاس جولدى بويلاپ شينجياڭعا نازار سالۋدىڭ“ 5 - كەزەڭدىك حابارلارىندا، انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى ليانيۇنگاڭ - قورعاس جوعارى جىلدامدىقتى تاس جولىن بويلاپ، باتىسقا قاراي ءجۇرىپ وتىرىپ قورعاسقا جەتىپ، رەفورما ۇزدىكسىز تەرەڭدەگەن، دامۋدا كۇن سايىن وزگەرىپ، اي سايىن جاڭالانعان كورىكتى شينجياڭدى توعىسپالى حابارلاۋ تاسىلىمەن، كوپ تۇرعىدا، جان - جاقتى كورسەتتى.
وزەن - داريانىڭ جالاما قۇزدى جارىپ، قىساڭنان جوڭكىلىپ شىعۋىنىڭ سەبەبى مىڭ شاقىرىمدىق جويقىن اعىنمەن كەلگەن، سان سالادان قۇيىلعان وراسان ۇلى كۇش توپتاعاندىعىندا. رەفورما جاساۋ، ەسىك اشۋ جۇڭگو حالقىنىڭ بايۋ، قۇدىرەتتەنۋ ساپارىنا شەشۋشى قادام تاستاۋىنا، جۇڭحۋا ۇلتىنىڭ ”ءداۋىردى قۋىپ جەتۋدەن“ ”داۋىرگە جەتەكشىلىك ەتۋگە“ دەيىنگى ۇلى شارىقتاۋىن جۇزەگە اسىرۋىنا مۇمكىندىك جاسادى. قورعاس شەكارا وتكەلى ەلىمىزدىڭ سىرتقا ەسىك اشۋىنداعى ماڭىزدى ارناسى، بۇل جەردە ءار ءتۇرلى كاسىپ سالالارى جەدەل شوعىرلانۋدا، ول ”ارنا ەكونوميكاسىنان“ ”شەكارا وتكەلى ەكونوميكاسىنا“، ”كاسىپ سالاسى ەكونوميكاسىنا“ بۇرىلىس جاساۋدى جۇزەگە اسىرۋعا قۇلشىنۋدا، سونداي - اق شينجياڭنىڭ رەفورما جاساۋدا، ەسىك اشۋدا قول جەتكىزگەن وراسان زور جەتىستىكتەرىنە كۋا بولۋدا. جول بويى ءبىز جۇڭگو كوممۋنيستىك پارتياسىنىڭ پارمەندى باسشىلىعىندا، شينجياڭنىڭ بۋىرقانعان رەفورما تولقىنىندا ەرلىكپەن العا باسىپ بارا جاتقاندىعىن، تيانشان الابىندا جالىندى ومىرشەڭدىك جارىققا شىققاندىعىن كوردىك.
دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. رەفورما زامانىمىزداعى جۇڭگونىڭ تاعدىرىن شەشەتىن شەشۋشى شارا، سونداي - اق وتانىمىزدىڭ شينجياڭىنىڭ توماعا - تۇيىقتىقتان اشىقتىققا، كەدەيلىكتەن بايۋعا، مەشەۋلىكتەن العا باسۋعا قادام تاستاۋىنىڭ باقىت قۇپيا سيفىرى سانالادى. پارتيانىڭ 18 - قۇرىلتايىنان بەرى رايونىمىز شينجياڭ قىزمەتى باس نىساناسىن مىقتاپ ارقاۋ ەتىپ، مىزعىماس تاباندىلىقپەن رەفورمانى جاپپاي تەرەڭدەتىپ، تاۋ كەزدەسسە جول اشاتىن، سۋ جولىقسا كوپىر سالاتىن باتىلدىقپەن رەفورما سەرپىنىن ۇزدىكسىز ارتتىرىپ، قامداۋ جاعىنداعى قۇرىلىمدىق رەفورمانىڭ كۇن سايىن تەرەڭدەۋىن، ”تومەنگە بەرۋ، باسقارۋ، قىزمەت وتەۋ“ رەفورماسىنىڭ جەدەل اتقارىلۋىن، اۋىل شارۋاشىلىعى، اۋىل - قىستاق رەفورماسىنىڭ تىڭعىلىقتى ىلگەرىلەتىلۋىن، سىرتقا ەسىك اشۋ دەڭگەيىنىڭ ۇزدىكسىز جوعارىلاۋىن العا جىلجىتتى... ءبىرسىپىرا رەفورما شارالارىنىڭ تياناقتانۋىنا، تامىر تارتۋىنا مەڭزەس، رايونىمىزدىڭ ءداستۇرلى جاساۋ كاسىبى تيبىن جەدەل وزگەرتىپ، زەردەلى جاساۋدىڭ ”جوعارى جىلدامدىقتى تاس جولىنا“ شىقتى، اناعۇرلىم كوپ جوعارى، جاڭا تەحنيكالىق كاسىپورىندار شينجياڭدا ىرگە تەبۋدى، دامۋدى تاڭداپ، اۋىل - قىستاقتاعى 1 -، 2 -، 3 - كاسىپتەر تەرەڭدەي توعىستى؛ سونىمەن بىرگە ەسىك اشۋدى كەڭەيتىپ ۇزدىكسىز تۇردە تەرەڭدەپ، ناقتىلانىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ قادامى تەزدەپ، قاشقار، قورعاس ەكونوميكالىق اشۋ رايونى قۇرىلىسىنىڭ كولەمى العاشقى قادامدا قالىپتاسىپ، ”شەكارا وتكەلى ەكونوميكا بەلدەۋى“ جوسپارى قۇرىلىسى جاپپاي باستالدى... تيانشان الابىندا رەفورما مەن دامۋ اكەلگەن پايدا تۇس - تۇستان گۇل اشىپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىرىپ، رەفورمانىڭ، دامۋدىڭ تابىستارىنان بىرگە يگىلىكتەنىپ، تابىس سەزىمى، باقىت سەزىمى، حاۋىپسىزدىك سەزىمى ايتاقالسىن جوعارىلادى، بۇل شينجياڭدا ۇلتتاردىڭ ىنتىماقتى، قوعامنىڭ ورنىقتى بولۋىنىڭ، مادەنيەتتىڭ گۇلدەنۋىنىڭ، جۇرت قالاۋىنىڭ پارتيادا بولۋىنىڭ ماڭىزدى نەگىزى سانالادى.
رەفورما جاساۋ، ەسىك اشۋ جوعارى ساپالى دامۋعا جول اشتى. ”14 - بەسجىلدىق“ مەزگىلىندە ەلىمىز جاڭا دامۋ كەزەڭىنە ءوتىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرادى، رەفورما تاعى ءبىر جاڭا وتكەلگە كەلدى. پارتيا ورتالىق كوميتەتىنىڭ ىقىلاستى قامقورلىعى مەن پارمەندى باسشىلىعىندا، شينجياڭ جاڭا دامۋ ارناسىنا توعىساتىن باسىمدىققا جانە سەنىمگە يە بولىپ وتىر. رەفورما جاساۋعا، ەسىك اشۋعا تاباندى بولىپ، ”قوس اينالىم“ جاڭا دامۋ ارناسىنا توعىسۋدا، رەفورمانى تەرەڭدەتۋدەن قوزعاۋشى كۇش، اناعۇرلىم جوعارى دەڭگەيدەگى ەسىك اشۋدان ومىرشەڭدىك كۇش الۋ كەرەك. ءبىر جاعىنان، ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى بىرلەستىرىپ، جاڭالىق اشۋ جەتەگىمەن، جوعارى ساپالى قامداۋمەن جاڭا سۇرانىسقا جەتەكشىلىك ەتىپ جانە ونى قالىپتاستىرىپ، تۇتىنۋدى جاپپاي جەبەپ، قارجى قوسۋ كەڭىستىگىن كەڭەيتىپ، ەل ىشىندەگى ۇلكەن اينالىمدى ىركىلىسسىزدەندىرۋ؛ ەندى ءبىر جاعىنان، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى جەتەك ەتىپ، شينجياڭنىڭ ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپىلىق ورنالاستىرۋىن قامتىپ، سىرتقا ەسىك اشۋ دانەكەرلەرىن بايىتىپ، سىرتقا ەسىك اشۋدىڭ دەڭگەيىن كوتەرىپ، اشىق تيپتەگى ەكونوميكالىق تۇزىلىستە جاڭالىق اشىپ، ىشكى قۇرلىقتاعى ەسىك اشۋ مەن شەكارا بويىنداعى ەسىك اشۋدىڭ بيىك بەلەسىن قالىپتاستىرىپ، شينجياڭنىڭ ”14 - بەسجىلدىقتاعى“ ەكونوميكاسىنىڭ، قوعامىنىڭ جوعارى ساپالى دامۋىنا قوزعاۋشى كۇش ۇستەۋ، ومىرشەڭدىك قوسۋ، كەڭ ءورىس اشۋ، وتانىمىزدىڭ شينجياڭىن اناعۇرلىم تاماشا ەتىپ قۇرىپ شىعۋعا قۇلشىنۋ كەرەك.
رەفورمانىڭ قوزعاۋشى كۇشى ءاربىر ادامنان كەلەدى، رەفورمانىڭ تابىسى ءاربىر ادامعا ءتان بولادى. جاڭا داۋىردەگى جۇڭگوشا سوتسياليستىك شينجياڭ قۇرۋدا، ءبىز جاڭا ۇلى ساپارعا جول تارتىپ كەلەمىز، مىندەتتەر رەفورما جاساۋدىڭ، ەسىك اشۋدىڭ تياناقتاندىرۋىن قاجەت ەتەدى، قاتەرلى بوگەتتەر رەفورما جاساۋدىڭ، ەسىك اشۋدىڭ باسىپ ءوتۋىن قاجەت ەتەدى، دامۋدىڭ بولاشاعى رەفورما جاساۋدىڭ، ەسىك اشۋدىڭ جۇزەگە اسىرۋىن قاجەت ەتەدى. ءاربىر ادام ءۇشىن ايتقاندا، ءبىز العا ۇمتىلۋدى مۇرات ەتكەن ”ارمانعا قۇلاش سەرمەۋشى“، باتىل دا قايسار ”سەنۋشى“، جاۋاپكەرشىلىك ارقالاپ، ىسكەرلىك كورسەتە بىلەتىن ”تۇرەنشى وگىز“، ۋاقىتپەن جارىساتىن ”ىسكەر“ بولۋعا قۇلشىنىپ، جاڭا ساپاردا ەرلىكپەن العا باسىپ، رەفورمانىڭ، دامۋدىڭ تىڭ، اناعۇرلىم ۇلكەن كەرەمەتىن جاساۋىمىز كەرەك.
