لوپنۇر اۋدانى حاۋتيان اۋىل شارۋاشىلىعى عىلىم - تەحنيكا اشۋ شەكتى سەرىكتەستىگى:
ايتىلمىس ”زورلىقپەن ەڭبەككە سالۋ“ بارىپ تۇرعان ساندىراق
جۋىقتا H&M، نايكى سياقتى شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر سۇرۋدە دەگەندى جەلەۋ ەتىپ، شينجياڭ ماقتاسىن شەكتەدى، بۇعان ءبىزدىڭ سەرىكتەستىگىمىز باتىل قارسى تۇرادى.
ءبىزدىڭ سەرىكتەستىگىمىز، نەگىزىنەن، ماقتا سۋلياۋ جارعاعىن وندىرەدى، ونىمدەرىمىز تۇتاس شينجياڭنىڭ جەر - جەرىندەگى ماقتا ەگىمشىلىگى وتباسىلارىن قامدايدى. اۋىل شارۋاشىلىعىن ماشينالاندىرۋدىڭ جالپىلاسۋىنا ساي، ماقتاشىلاردىڭ ءبارى مۇمكىندەگىنشە زەردەلى اۋىل شارۋاشىلىعىن دامىتۋدى ويلاپ، وسى ارقىلى وزىندىك قۇندى تومەندەتۋگە قۇلشىنۋدا. شىنتۋايتىندا، شينجياڭنىڭ ماقتا ەگىمشىلىگىنىڭ ماشينالاسۋ ورەسىنىڭ قانشالىقتى جوعارى ەكەندىگى امەريكاداعى، باتىستاعى جۇڭگوعا قارسى كۇشتەرگە بارىنشا ايان، ولار ويدان قيىستىرعان ايتىلمىس ”زورلىقپەن ەڭبەككە سالۋ“ دەگەنى بارىپ تۇرعان ساندىراق.
ءبىزدىڭ سەرىكتەستىگىمىزدىڭ ءوندىرىس مەزگىلى ءار جىلى 11 - ايدان كەلەسى جىلى 3 - ايعا دەيىن بولىپ، ەگىس جۇمىسىنىڭ سايابىر كەزىنە تۋرا كەلەدى، سوندىقتان دا سەرىكتەستىكتىڭ باسىم كوپ قىزمەتشىسى شارۋالار، ولاردىڭ ءبارى سەرىكتەستىكپەن ەڭبەك توقتامىنا قول قويىسقان. قىزمەتكەر ماحمۇت ءادىلدىڭ ءۇيى ماكىت اۋدانىندا، وتباسىندا جان سانى كوپ، جەرى از، ءار جىلى قىستا سەرىكتەستىككە كەلىپ جۇمىس ىستەيدى، ايلىق ەڭبەكاقىسى 5000 يۋاننان استام، كوكتەم كەلىسىمەن، ماقتا اتىزىن باعىپ - باسقارادى، ءبىر جىلدا 70 مىڭ يۋان اينالاسىندا اقشا تابادى. زاۆودتىڭ ىشەر اس، جاتار ورىن شارت - جاعدايى، جۇمىس ورتاسى شارت - جاعدايى جاقسى، ەڭبەكاقىسى دا جوعارى بولعاندىقتان، ماحمۇت وتباسىنداعى ءىشىنارا تۋىستارىن ەرتە كەلىپ بىرگە جۇمىس ىستەيدى. ءبىزدىڭ بۇل ارادا ول سياقتى قۇلشىنا جۇمىس ىستەيتىن قىزمەتكەرلەر وتە كوپ، ولار وزدەرىنىڭ قوس قولدارىنا سۇيەنىپ، قاجىرلىلىقپەن ەڭبەك ەتىپ، وتباسىنداعىلاردىڭ جاقسى تۇرمىس كەشىرۋىنە مۇمكىندىك جاساۋدا.
امەريكاداعى، باتىستاعى جۇڭگوعا قارسى كۇشتەر ءبىزدىڭ شينجياڭنىڭ كىرشىكسىز ماقتاسىنا كۇيە جاعىپ، شينجياڭداعى ءار ۇلت بۇقاراسىنىڭ باقىتتى تۇرمىسىن بۇلدىرمەكشى بولدى، ءبىز بۇعان، استە، جول بەرمەيمىز.
