1977 - جىلى
7 - ايدىڭ 5 - كۇنى جوۋ ىنلاي ەسكەرتكىشى شىحىزدا ورناتىلدى.
7 - ايدىڭ 25 - كۇنى ەلىمىزدىڭ شىڭشىلدار اترەتى تيانشاننىڭ ەڭ بيىك شىڭى − تەمىر شىڭىنا تۇڭعىش رەت شىعىپ، بەس جۇلدىزدى قىزىل تۋدى وتان تەرريتورياسى تەمىر شىڭىنىڭ باسىنا قادادى.
7 - ايدىڭ 28 - كۇنى ىشكى موڭعۇل اۆتونوميالى رايونى مەن شينجياڭ ۇيعۇر اۆتونوميالى رايونى سوتسياليستىك دوستىق جارىسىن وتكىزۋدى بىرگە ۇيعاردى.
8 - ايدىڭ 6 - كۇنى مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، ايگىلى ماتەماتيك حۋا لوگىڭ بۇكىل ەلدە ”تاڭداۋ امالىن“ جالپىلاستىرۋ شاعىن اترەتىن باستاپ اۆتونوميالى رايونعا كەلىپ ”تاڭداۋ امالىن“، ”جالپىلاۋ امالىن“ جالپىلاستىرۋعا جەتەكشىلىك ەتتى.
10 - ايدىڭ 26 - كۇنى «شينجياڭ گازەتى» اۆتونوميالى رايوندىق پارتكومنىڭ جوعارى مەكتەپتەرگە وقۋشى قابىلداۋ قىزمەتى ءماجىلىسىن اشىپ، اۆتونوميالى رايوننىڭ وقۋشى قابىلداۋ قىزمەتىنە ناقتى جايعاستىرۋ جانە ورنالاستىرۋ جاساعاندىعىن حابارلادى.
11 - ايدىڭ 20 - كۇنى «شينجياڭ گازەتى» شينجياڭ ۇيعۇر اۆتونوميالى رايوندىق مۇراجايدىڭ ارحەولوگيا اترەتى تاشقورعان تاجىك اۆتونوميالى اۋدانىنان كونە قابىرلاردى بايقاعاندىعىن حابارلادى. بۇل شينجياڭ ءوڭىرىنىڭ ەرتە زامانعى تاريحىن زەرتتەۋدە، اسىرەسە، العاشقى قوعامنان قۇلدىق قوعامعا دەيىنگى تاريحتى زەرتتەۋدە ايرىقشا قۇنعا يە.
1978 - جىلى
1 - اي جۇڭگو كوممۋنيستىك پارتياسى ورتالىق كوميتەتى ۋاڭ فىڭدى اۆتونوميالى رايوندىق پارتكومنىڭ ءبىرىنشى شۋجيىنە، اۆتونوميالى رايوندىق توڭكەرىس كوميتەتىنىڭ مەڭگەرۋشىسىنە، شينجياڭ اسكەري رايونى پارتكومىنىڭ ءبىرىنشى شۋجيىنە، شينجياڭ اسكەري رايونىنىڭ ءبىرىنشى جىڭۋيىنا تاعايىنداۋدى ۇيعاردى.
3 - اي اۆتونوميالى رايوندىق پارتكوم «كادرلار ساياساتىن جەدەل تياناقتاندىرۋ جونىندەگى حابارلاندىرۋدى» باسىپ تاراتتى.
5 - اي اۆتونوميالى رايوندىق پارتكوم اۆتونوميالى رايوندىق حالىق پروكۋراتۋراسىن قالپىنا كەلتىرۋدى جانە قايتا قۇرۋدى ۇيعاردى. وسىدان كەيىن ءارقايسى ايماقتا، وبلىستا، اۋداندا، قالادا تۇگەلدەي حالىق پروكۋراتۋراسى قۇرىلدى.
5 - اي اۆتونوميالى رايوندىق پارتكوم ءتارتىپ تەكسەرۋ كوميتەتىن قۇرۋدى ۇيعاردى. وسىدان كەيىن ءارقايسى ايماقتىق، وبلىستىق، اۋداندىق، قالالىق پارتكوم تۇگەلدەي ءتارتىپ تەكسەرۋ كوميتەتىن قۇردى.
6 - ايدىڭ 18 - كۇنى جۇڭگو - پاكيستان تاس جولىندا تۇتاس جەلى بويىنشا اۆتوموبيل قاتىنادى.
6 - ايدىڭ 21 - كۇنىنەن 7 - ايدىڭ 2 - كۇنىنە دەيىن اۆتونوميالى رايون عىلىم جينالىسىن اشىپ، «اۆتونوميالى رايوننىڭ 1978 − 1985 - جىلعا دەيىنگى عىلىم - تەحنيكانى دامىتۋ جوباسىن» ماقۇلدادى.
8 - ايدىڭ 11 - كۇنى اۆتونوميالى رايوندىق پارتكوم قىزمەت ءماجىلىسىن اشىپ، ”اماليات اقيقاتتى سىننان وتكىزۋدىڭ بىردەن - ءبىر ولشەمى“ سىندى عىلمي تۇجىرىمدى ايقىن تۇراقتاندىردى. ءار دارەجەلى باسشى كادرلاردان نازاريالىق ۇيرەنۋدى كۇشەيتىپ، لين بياۋدىڭ، ”تورتتىك توبەنىڭ“ يدەيا نازاريا ماسەلەسىندە تۋدىرعان بىلىقپالىعىن تۇزەتىپ، امالياتتىڭ اقيقاتتى سىننان وتكىزۋدىڭ بىردەن - ءبىر ولشەمى ەكەندىگىنە تاباندى بولىپ، ماۋ زىدۇڭ يدەيا جۇيەسىن تولىق، دالمە - ءدال يگەرۋدى تالاپ ەتتى.
12 - ايدىڭ 18 - كۇنىنەن 22 - كۇنىنە دەيىن پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلىپ، بۇكىل پارتيانىڭ قىزمەت ءتۇيىنىن سوتسياليستىك وسىزامانداندىرۋ قۇرىلىسىنا ويىستىرۋداي كەلەلى شەشىم جاسادى.
اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى بەرگەن
انار بۇلت / شينجياڭ گازەتىنىڭ ءتىلشىسى فان حۇڭي رەتتەگەن
سۋرەتتەردى رەتتەگەن / جوبالاعان لياڭ ۋي
