تيانشان تورى   ›   جاڭالىقتار   ›   شينجياڭ حابارلارى

ماقتا وتباسىمنىڭ باقىتتى تۇرمىس كەشىرۋىنە مۇمكىندىك جاسادى

□ جاڭاءشار اۋدانى ماقتا توقىماشىلىعى زاۆودىنىڭ جۇمىسشىسى الىمجان

  وتباسىمنىڭ ەكونوميكالىق شارت - جاعدايىن جاقسارتۋ ءۇشىن، مەن ىلگەرىندى - كەيىندى سەمەنت زاۆودىندا، عيمارات ءۇي ساتۋ بولىمىندە، جەم - ءشوپ زاۆودىندا جۇمىس ىستەپ، بەلگىلى تاجىريبەلەرگە يە بولدىم، ايتسە دە مەن ءبىر تۇراقتى ءارى ۇيىمە جاقىنىراق جەردەن جۇمىس تاۋىپ ىستەۋدى، اقشانى دا تابۋمەن بىرگە، ۇيىمدەگىلەرگە قارايلاسۋدى ويلاپ كەلگەن ەدىم.

  ءبىر جولى مەن باسقالاردان اۋدانداعى ءبىر توقىماشىلىق زاۆودىنىڭ جۇمىسشى قابىلداپ جاتقانىن، رەسمي جۇمىسشى بولعاننان كەيىن نەگىزگى ەڭبەكاقىنىڭ 3000 يۋاننان استام بولاتىندىعىن، تاعى دا 5 ءتۇرلى قامسىزداندىرۋدى تاپسىراتىندىعىن ەستىپ، تىزىمدەلدىم. وسىنىڭ الدىنداعى قىزمەت تاجىريبەمە سۇيەنىپ، اۋىزشا ەمتيحاننان ءساتتى ءوتتىم. مەن ءبىرىنشى كۇنى سەرىكتەستىكتىڭ زاۆود اۋماعىنا كىرگەن كەزىمدە، اناۋ رەتتى دە تازا، جايلى قىزمەت ورتاسى مەن وسىزاماندانعان جابدىقتار مەنى باۋراپ الدى دا تاباندا وسى جەردە جاقسى ىستەپ، بۇكىل وتباسىمنىڭ جاقسى تۇرمىس كەشىرۋىنە مۇمكىندىك جاساۋعا قۇلشىنۋ بەكىمىنە كەلدىم.

  سەرىكتەستىكتىڭ كاسىپتىك باۋلۋى جانە ءوزىمنىڭ قۇلشىنا ۇيرەنۋىم ارقىلى تەز ارادا ءبىر جۇمىسقا قانىق كاسىپ سالاسى جۇمىسشىسىنا اينالدىم، اي سايىن 4000 يۋان تۇراقتى كىرىس تابامىن، وتباسىمنىڭ تۇرمىس دەڭگەيى دە بارىنشا جوعارىلادى. مەن باس قۇراعاننان كەيىن ايەلىمدى دە وسى سەرىكتەستىككە كەلىپ جۇمىس ىستەۋگە شابىتتاندىردىم، ايەلىم سەرىكتەستىكتىڭ كادرلار ءبولىمىنىڭ قىزمەتكەر قابىلداۋ ەمتيحانىنان ءوتىپ، ءجىپ توقىماشىلىعى جۇمىسشىسىنا اينالدى. ايەلىم ەكەۋىمىز سەرىكتەستىك ءبولىپ بەرگەن جۇبايلار جاتاقحاناسىندا تۇرامىز، جاتاقحانانىڭ شارت - جاعدايى ەرەكشە جاقسى، ارنايى اس ءۇيى، شيمىڭسى توسەگى، سافا، شاي ۇستەلى بار، تازالىق ۇيىندە 24 ساعات ىستىق سۋ بار. ءار جولعى مەرەكە، دەمالىس كۇندەرى سەرىكتەستىك تاعى دا جۇمىسشى - قىزمەتكەرلەردى ويىن - تاماشاعا ۇيىمداستىرادى، تۋىس - تۋعان، دوس - جاراندارىمنىڭ بارلىعى ءبىزدىڭ باقىتتى تۇرمىسىمىزعا قاتتى قىزىعاتىن بولدى.

  ءىشىنارا شەتەل كاسىپورىندارى شينجياڭدى داتتاپ جانە وعان كۇيە جاعىپ، شينجياڭ ماقتاسى وندىرىسىندە ايتىلمىس ”زورلىقپەن ەڭبەككە سالۋ“ بار دەستى، بۇل ناعىز كۇلكىلى جايت. وتباسىمنىڭ باقىتتى تۇرمىسىن ماقتا سيلاعان، مۇنىڭ وسەك - اياڭعا قايتارىلعان ەڭ جاقسى تويتارىس ەكەنى ءشۇباسىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.