تيانشان تورى   ›   جاڭالىقتار   ›   شينجياڭ حابارلارى

پارتيا تاريحىن وقىپ، اۋەلگى ماقساتتى ايقىندادى

  پارتيا تاريحىن وقىپ، اۋەلگى ماقساتتى ايقىندادى

  − رايونىمىزدىڭ جەر - جەرى، تاراۋلارى پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسىن جوعارى ساپامەن اشتى

  انار بۇلت / شينجياڭ گازەتىنىڭ ءتىلشىسى جاڭ يۇنمەي، ەرىكتى تىلشىلەر مىڭ يانلي، زو شياۋيۇي

  پارتيا تاريحىن ۇيرەنۋ تاربيەسى ورىستەتىلگەننەن بەرى رايونىمىزدىڭ جەر - جەرى، تاراۋلارى پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسىن جوعارى ساپامەن اشىپ، قاز - قالپىندا ۇيرەنۋ، امالياتپەن ۇشتاستىرا ۇيرەنۋ، قانىق يگەرىپ، جەتە تۇسىنە ۇيرەنۋ ارقىلى قالىڭ پارتيالى كادرلاردىڭ 100 جىلدىق پارتيا تاريحىندا قامتىلىپ جاتقان تاريحي لوگيكانى، نازاريالىق لوگيكانى، اماليات لوگيكاسىن ىشكەرىلەي ءتۇسىنىپ، مۇرات - سەنىمدى اناعۇرلىم بەكەمدەپ، رايونىمىزدا پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.

  ءار ءتۇرلى فورمادا ىشكەرىلەي ۇيرەندى

  اقسۋ ايماعى ارناۋلى تاقىرىپتىق كىتاپ وقۋ كۋرسىن اشۋدى پارتيا تاريحىن ۇيرەنۋ تاربيەسىن ورىستەتۋدەگى ماڭىزدى شارا ەتتى، ايماقتاعى ءار دارەجەلى پارتيا ۇيىمدارى ارناۋلى تاقىرىپتىق كىتاپ وقۋ كۋرسى، ”كىتاپ وقۋ سالونى“ قيمىلدارىن كەڭ كولەمدە ورىستەتىپ، باستاپ وقۋ، باستاپ ۇيرەنۋ، جەكەلەر وزدىگىنەن ۇيرەنۋ، مامانداردى پىسىقتاۋ جاساۋعا ۇسىنىس ەتىپ ۇيرەنۋ، گرۋپپالارعا ءبولىنىپ زەرتتەۋ - تالقى جۇرگىزۋ، توپتىق اۋىس - كۇيىس جاساۋ سياقتى تاسىلدەرمەن كەڭ كولەمدە ورىستەتتى. اقسۋ ايماقتىق پارتكومنىڭ شۋجيى دوۋ ۋانگۇي بىلاي دەدى: ءبىز تاريحي سانالىلىقتى كۇشەيتىپ، ستراتەگيالىق تاباندىلىقتى ساقتاپ، ۇيرەنۋ جەتىستىكتەرىن مىزعىماس مۇرات - سەنىمگە اينالدىرىپ، پارتيالىلىقتى شىڭداپ، مىنەز - قاسيەتتى جەتىلدىرىپ، ادالدىقتى شىڭاپ، اۋەلگى ماقساتتى ساقتاپ تۇراتىن ”تەمىر تيەكتى“ بەرىك ورناتىپ، بورىشتى ويداعىداي ارقالايتىن ”كەڭ يىقتى“ سومداۋىمىز كەرەك.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى اشقان پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسى ارناۋلى تاقىرىپتا پىسىقتاۋ جاساۋ، شوعىرلى ۇيرەنۋ، تاجىريبە الماستىرىپ تالقى ورىستەتۋ، ءبىلىمىن سىناۋ سياقتى تاسىلدەردى قولدانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ 100 جىلدىق كۇرەس جاساۋ تاريحىن جالپى بەتتىك جۇيەلى ۇيرەندى. اۆتونوميالى رايوندىق دەنساۋلىق ساقتاۋ، سالاماتتىق كوميتەتى ورگان پارتكومىنىڭ شۋجيى شياۋ شىحۋا: ”ارناۋلى تاقىرىپتىق كىتاپ وقۋ كۋرسىندا ۇيرەنۋدىڭ مول پايداسىن كوردىم، مەن پارتيا تاريحىن ۇيرەنۋدى تاجىريبەلەردى قورىتىندىلاۋمەن، قىزمەتتى ىلگەرىلەتۋمەن بىرلەستىرىپ، ۇيرەنۋ جەتىستىگىمدى شىن مانىندە دەنساۋلىق ساقتاۋ، سالاماتتىق ىستەرىن جوعارى ساپالى دامىتۋدى ىلگەرىلەتۋدىڭ قوزعاۋشى كۇشىنە اينالدىرامىن“ دەدى.

  اۆتونوميالى رايوندىق جاراتىلىستىق بايلىق مەڭگەرمەسى ءىس جۇزىندىكتى تياناق ەتىپ، پارتيا تاريحىن ۇيرەنۋ تاربيەسى بويىنشا باسقارما دارەجەلى كادرلاردىڭ ارناۋلى تاقىرىپتا كىتاپ وقۋ كۋرسىن اشىپ، جەكەلەردىڭ وزدىگىنەن ۇيرەنۋى، مامانداردىڭ پىسىقتاۋ جاساۋى، شوعىرلى زەرتتەۋ - تالقى ورىستەتۋ، بەينە ەكران كورۋ، ءبىلىمىن سىناۋ سياقتى كوپ ءتۇرلى تاسىلدەر ارقىلى پارتيا تاريحىن ۇيرەنۋ تاربيەسىن ورىستەتىپ، ۇيرەنۋدە ناقتى ونىمدىلىككە جەتۋگە شىنايى كەپىلدىك ەتتى. ”ۇيرەنۋ ارقىلى مەنىڭ پارتيانىڭ سيپاتى، باس ماقساتى جونىندەگى تانىمىم اناعۇرلىم تەرەڭدەدى. بۇدان كەيىنگى قىزمەت بارىسىندا مەن كەن بايلىقتارىن بارلاۋ، اشۋ، تەكسەرىپ بەكىتۋ بۋىندارىن اناعۇرلىم مىقتى يگەرىپ، كەن بايلىقتارىن اشۋ بويىنشا ءار ۇلت بۇقاراسىن ءتىپتى دە زور كولەمدە يگىلىككە كەنەلدىرۋگە مۇمكىندىك قاراستىرامىن“، - دەدى اۆتونوميالى رايوندىق جاراتىلىستىق بايلىق مەڭگەرمەسى كەن ىستەرى ۇقىعىن باسقارۋ باسقارماسىنىڭ باستىعى جاڭ جۇن.

  ىشكەرىلەي ۇيرەنىپ، اشالاي زەرتتەپ، ءمانىن ۇعىندى

  جۋىقتا بۇراتالا موڭعۇل اۆتونوميالى وبلىستىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القالارى پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسىن شوعىرلى اشتى. كىتاپ وقۋ كۋرسىندە ۇيرەنۋمەن زەرتتەۋدى ۇشتاستىرۋدى كورنەكتىلەندىرىپ، ءتۇپ نۇسقانى ۇيرەنۋگە، ءتۇپ نۇسقانى وقۋعا، قاعيدانى تۇسىنۋگە تاباندى بولدى؛ القا مۇشەلەرى اۋىل - قالاشىقتارعا، الاڭدارعا (ءمالى باسقارماسى)، قىستاق - اترەتتەرگە (الەۋمەتتىك اۋماق)، زاۆود - كەن - كاسىپورىندارعا، نىسان قۇرىلىسى باسىنا بارىپ كەڭ كولەمدە احۋال ۇعىسىپ، بارىنشا تەكسەرۋ - زەرتتەۋ جۇرگىزىپ، اۋىس - كۇيىس جاساۋ، زەرتتەۋ - تالقىلاۋ بارىسىندا تانىمدى تەرەڭدەتىپ، اۋەلگى ماقساتتى، بورىشتى بەكەمدەدى. بۇراتالا وبلىستىق پارتكومنىڭ شۋجيى حى يۇڭحۇي بىلاي دەدى: ”ءبىز كىتاپ وقۋ كۋرسى سىندى وسى ۇيرەنۋ فورماسىنان ويداعىداي پايدالانىپ، نەگىزگى تاقىرىپتى ۇزدىكسىز تەرەڭدەتىپ، مازمۇندى بايىتىپ، زەرتتەۋ - تالقىلاۋدى كۇشەيتىپ، ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىن ىشكەرىلەي ورىستەتىپ، بۇقارانىڭ ارمان - تىلەگىن ناقتى نىسانعا جانە جاۋاپكەرلىك حاتىنا اينالدىرىپ، بۇكىل وبلىسقا ۇلگى كورسەتەمىز، ونەگە بولامىز“.

  پارتيا تاريحىن ۇيرەنۋ تاربيەسى ورىستەتىلگەننەن بەرى قارامايلى قالاسى پارتيانىڭ 100 جىلدىق كۇرەس جاساۋ تاريحىن قارامايلىنىڭ 60 نەشە جىلدان بەرگى گۇلدەنۋ، دامۋ تاريحىمەن، وتانعا مۇناي تارتۋ ەتۋدەي تاريحىمەن ورگانيكالى ۇشتاستىرىپ، ىشكەرىلەي ۇيرەنىپ، ەگجەي - تەگجەيلى تۇسىنۋگە ايرىقشا نازار اۋداردى. جۋىقتا قارامايلى قالالىق پارتكومنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسى جانە نازاريا ۇيرەنۋ وزەكتى گرۋپپاسىنىڭ 5 - رەتكى توپتىق ۇيرەنۋى ناق مايداندا امالياتتىق ۇيرەنۋ فورماسىندا قالالىق مۇراجايدا وتكىزىلدى. كورمەنى مۇقيات ەكسكۋرسيالاپ، ءتۇسىندىرۋشى قىزمەتكەردىڭ تانىستىرۋىن مۇقيات تىڭداپ جانە ميكرو پارتيا ساباعىن بىرگە كورگەننەن كەيىن، قارامايلى قالالىق پارتكومنىڭ شۋجيى جاۋ ۋىنچۋان: ”ءبىز وسىناۋ قىزىل بايلىقتان رۋحاني كۇش - قۋات الىپ، قارامايلىنىڭ ەكونوميكاسىنىڭ، قوعامىنىڭ جوعارى ساپالى دامۋىن جانە قالانىڭ تيبىن وزگەرتىپ، دارەجەسىن ءوسىرۋدى ىلگەرىلەتۋىمىز كەرەك“ دەدى.

  حوتان ايماعى ارناۋلى تاقىرىپتىق كىتاپ وقۋ كۋرسىن ويداعىداي اشۋدى پارتيا تاريحىن ۇيرەنۋ تاربيەسىن ورىستەتۋدىڭ الدىمەن كىرىسۋ ءتۇيىنى، شەشۋشى ءتاسىلى ەتىپ، حوتان ايماعىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسىنىڭ اتقارۋ جوباسىن جاساپ، ”پارتيانىڭ تاريحى جونىندەگى تانىم“، ”شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندەگى تانىم“ سىندى 2 عىلمي تالقى نەگىزگى تاقىرىبىنا ءبولىپ، گرۋپپاعا ءبولىنىپ اڭگىمە ءماجىلىسىن وتكىزۋ، توپتىق ۇيرەنىپ، اۋىس - كۇيىس جاساپ، زەرتتەۋ - تالقى ورىستەتۋ ارقىلى كۋرسانتتاردى ۇيرەنۋ اسەرى، وزىندىك تابىسى، قىزمەت امالياتى سياقتىلارمەن بىرلەستىرە وتىرىپ العان اسەرىنەن مۇقيات اۋىس - كۇيىس جاساپ، تۇسىنگەندەرى جونىندە وي بولىسۋگە ۇيىمداستىرىپ، ارناۋلى تاقىرىپتىق كىتاپ وقۋ كۋرسىنىڭ نەگىزگى تاقىرىپتى ارقاۋ ەتىپ، نازاردى ونىمدىلىككە شوعىرلاندىرۋعا، بەتالىستان اۋىتقىماۋعا شىنايى كەپىلدىك ەتتى.

  تانىم مەن ارەكەتتى بىرلىككە كەلتىرىپ، بورىشتى امالياتتا ايگىلەدى

  پارتيا تاريحىن ۇيرەنۋ تاربيەسىندە قۇمىل قالالىق پارتكوم نازاريا ۇيرەنۋ وزەكتى گرۋپپاسىنىڭ مۇشەلەرى نەگىزگى ساتىعا تەرەڭ بويلاپ، بۇقارامەن ەتەنە ارالاسىپ، ءىس جۇزىندىك تەكسەرۋ - زەرتتەۋ جۇرگىزۋ، باسشىلار ساباق ءوتۋ، توپتىق زەرتتەۋ - ۇيرەنۋ فورماسىمەن، نەگىزگى ساتىداعى پارتيا مۇشەلەرى ۋاكىلدەرىمەن بىرگە ”تاريحتى ۇيرەنۋ ارقىلى سەنىمدى ارتتىرۋ، اۋەلگى ماقساتتى، بورىشتى ەستە بەرىك ساقتاۋ“ ارناۋلى تاقىرىپتىق كىتاپ وقۋ كۋرسى قيمىلىن بىرگە ورىستەتتى. قۇمىل قالالىق پارتكومنىڭ شۋجيى لي چىڭحۇي: ”ءبىز ۇيرەنۋ مەن امالياتتىڭ ورگانيكالى ۇشتاسۋىن جانە ءبىرىن - ءبىرى جەبەۋىن ىلگەرىلەتىپ، تاريحتى ۇيرەنۋ ارقىلى سەنىمدى ارتتىرۋ بارىسىندا جاۋاپكەرشىلىك ارقالاۋدى كۇشەيتىپ، قىزمەت وتەۋ تانىمىن كۇشەيتىپ، بۇقاراعا قىزمەت وتەۋدىڭ امالياتتىق ونىمدىلىگى ارقىلى پارتياعا دەگەن ادالدىعىمىزدى امالياتتا ايگىلەۋىمىز كەرەك“ دەدى.

  بايىنعولين موڭعۇل اۆتونوميالى وبلىسى پارتيا تاريحىن ۇيرەنۋ تاربيەسى بارىسىندا جوعارى تومەنگە باستاماشى بولۋعا، ”شەشۋشى ازشىلىقتىڭ“ ۇلگىلىك رولىن ساۋلەلەندىرۋگە تاباندى بولىپ، ءارقايسى اۋدان، قالالاردى، ءارقايسى تاراۋ، ورىنداردى ءتۇرلى فورماداعى پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرستارىن اشۋعا جەتەكتەدى. بەتپە - بەت ۇگىت لەكسيا ورىستەتۋ ارقىلى ءار دارەجەلى پارتيالى كادرلاردى پارتيا ساباعىن سويلەۋگە، پارتيا ساباعىن تىڭداۋعا، پارتيا ساباعىنا باعا بەرۋگە ىرىقتى تۇردە ات سالىسۋعا جەتەكتەدى؛ بۇقارامەن بايلانىس ورناتۋ بويىنشا ”كەڭ كولەمدە ءمان - جاي ۇعىسۋدى“ ىشكەرىلەي ورىستەتىپ، حالىق تۇرمىسىنداعى قيىن ماسەلەلەردى ”كەڭ كولەمدە اداقتاپ تەكسەرۋ“، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىنە نازاردى شوعىرلاندىرىپ، نىسان ءتىزىمىن جاساپ، رەتتەۋ - تۇزەتۋ اشىق ەسەبىن ورناتىپ، ءبىر - بىردەن تىڭعىلىقتى تياناقتاندىردى.

  تارباعاتاي ايماعى پارتيا تاريحىن ۇيرەنۋ تاربيەسى بارىسىندا ارناۋلى تاقىرىپتىق كىتاپ وقۋ كۋرسىن رۋحتى نارلەندىرۋ كۋرسى، پارتيالىلىقتى ساپالىلاندىرۋ كۋرسى، ستيلدى كۇشەيتۋ كۋرسى، حالىق ءۇشىن قىزمەت وتەۋ كۋرسى ەتىپ اشتى. ءاربىر پارتيا مۇشەسى كىتاپ وقۋدان ويعا تۇيگەندەرى، العان اسەرلەرى نەگىزىندە قىزمەت ءىس جۇزىندىگىمەن تىعىز بىرلەستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا ىستەۋگە ءتيىستى ءبىر ناقتى ءىستى ايقىنداپ، بۇقارا ءۇشىن قىزمەت وتەۋ امالياتىندا پارتيا تاريحىن ۇيرەنۋ تاربيەسىنىڭ ناتيجەسىن كورسەتتى.

  6 - ايدىڭ 15 - كۇنى سانجى قالاسى بەيجيڭ وڭتۇستىك جولى ءمالىسى پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسىن اشتى. ءمالى پارتيا قىزمەت كوميتەتىنىڭ شۋجيى ديڭ حاۋ تەرەڭ اسەرمەن: ”ءبىز حالىقتى وزەك ەتكەن دامۋ يدەياسىن مىقتاپ ورناتىپ، حالىقتىڭ كومپىس قىزمەتكەرى تانىمىن ونان ارى كۇشەيتىپ، حالىقتىڭ كومپىس قىزمەتكەرى قاسيەتىن ساقتاپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى دەن قويا، سۇيىسپەنشىلىكپەن، كۇش سالا ويداعىداي شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز“ دەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.