تيانشان تورى   ›   جاڭالىقتار   ›   شينجياڭ حابارلارى

اسمۇتۇللانىڭ حوگو دۇكەنىنەن قاريدارلاردىڭ اياعى ۇزىلمەدى

انار بۇلت / شينجياڭ گازەتىنىڭ تىلشىلەرى ميھرىگۇل ناسىر، جىڭ جو

  مەيلى شىلىڭگىر ىستىق، الدە قاقاعان اياز بولسىن، اسمۇتۇللا توحتىنىڭ قىزمەت ىنتاسىنا اسەرى تيمەيدى.

  اسمۇتۇللا اقتاۋ اۋداننىڭ بارىن اۋىلىنان، ءبىلىم ورەسى جوعارى بولماعانىمەن، ءبىراق مۇقيات، قاجىرلى، تالپىنعىش جىگەرىنىڭ ارقاسىندا ول شاعىن اۋدان قالاشىعىنداعى ۇلكەن قوجايىنعا اينالعان.

  جاز كىرىسىمەن، اقتاۋ اۋدانىندا كەشكى تۇرمىس باي مازمۇندى قىزىققا تولادى. 6 - ايدىڭ 1 - كۇنى كۇن شىلىڭگىر ىستىق بولعانىمەن، اسمۇتۇللا اشقان حوگو دۇكەنىنەن قاريدارلاردىڭ اياعى ۇزىلمەي، ايەلى ەكەۋى قاربالاستىققا ءتۇستى.

  ”دۇكەندەگى ەڭ باستى ءونىم سارلىق ەتى، بۇل ەت مەنىڭ قىستاقتا اشقان سەلبەستىك كووپەراتيۆىمدە وندىرىلەدى. قازىر حوگو دۇكەننىڭ جىلدىق تازا پايداسى 80 مىڭ يۋاننان استى“. مىنە وسىنداي ءوندىرۋ، قامداۋ، ساتۋدىڭ ءبىر تىزبەكتى شارۋاشىلىق جولى جونىندە اسمۇتۇللا اڭگىمە تيەگىن اعىتتى. ونىڭ قاراۋىنشا، ساۋدادا باس - اياعىن قابىستىرعاندا عانا، ۇزاق ۋاقىت شارۋاشىلىق جۇرگىزۋگە بولادى.

  اسمۇتۇللانى تانيتىنداردىڭ بارلىعى ونىڭ بۇل حوگو دۇكەندى ايەلىنىڭ شارۋاشىلىق قۇرۋ ارمانىن جۇزەگە اسىرۋ ءۇشىن ارنايى اشقانىن بىلەدى.

  ”بۇرىن ايەلىم ۇنەمى سىرتقا شىعىپ جۇمىس ىستەسەم دەيتىن، ءبىراق مەن وعان ماقۇلدىق بەرمەگەن بولاتىنمىن“. اسمۇتۇللا: ول كەزدە ءدىني ۇشقارى يدەيانىڭ ۋلاۋىنا ۇشىراپ، ايەل ادام ۇيدە وتىرۋى شارت، جۇرتتىڭ كوزىنە تۇسۋىنە بولمايدى، ايەل ادام تاپقان اقشانى ىستەتۋگە بولمايدى دەپ قارايتىنمىن، وسى جونىندە ەرلى - زايىپتى ەكەۋىمىز ۇنەمى ۇرسىسىپ قالاتىنبىز، اۋەلى، نەشە رەت قول جۇمساۋعا دەيىن شاق قالعانبىز، - دەدى.

  وتباسىنداعىلاردىڭ اقىل ايتۋىمەن، اسمۇتۇللا اقتاۋ اۋدانىنداعى كاسىپتىك شەبەرلىككە باۋلۋ ورتالىعىنا بارىپ ۇيرەنۋگە قاتىناسۋعا تىزىمدەلدى.

  مەكتەپ اسمۇتۇللاعا تىڭ تۇرمىستىڭ ەسىگىن اشتى. باۋلۋ ورتالىعىندا ول مەملەكەتتە ءبىر تۇتاس قولدانىلاتىن ءتىل - جازۋدى، زاڭ، زاڭ ەرەجەلەردى ۇيرەنىپ قانا قويماي، سيىر، قوي باعىمشىلىق تەحنيكاسىن دا يگەردى، سورتتى ءناسىلدى قالاي تاڭداۋدى، جەتىلدىرۋدى، ۇيلەسىمدى جەم - ءشوپ دايىنداۋدى ءتۇسىندى. وقۋ تاۋىسقاننان كەيىن ول ۇيرەنگەن بىلىمدەرىنە سۇيەنىپ، سارلىق باعا باستادى. بارىن اۋىلى گۇلباع قىستاعى قىستاق تۇرعىندار كوميتەتى ونى قولدادى، سونداي - اق ونىڭ بانكەدەن 30 مىڭ يۋان قارىز اقشا الۋىنا كومەكتەسىپ، سايكەستى.

  ”ءبىر جىلدان بەرى مەن 60 مىڭ يۋاننان استام اقشا تاپتىم. مەن تاپقان اقشامدى ايەلىمە بەرگەن كەزىمدە ول اسەرلەنگەنىنەن اۋزىنا ءسوز تۇسپەي قالدى“، - دەدى اسمۇتۇللا، قىستاق تۇرعىندار كوميتەتىنىڭ شابىتتاندىرۋى مەن كومەگىندە ول باعىمشىلىق سەلبەستىك كووپەراتيۆىن قۇرىپ، قىستاقتاعى 20 ەگىنشى وتباسىن كووپەراتيۆكە قابىلدادى. قازىر سەلبەستىك كووپەراتيۆىندە باعىلىپ جاتقان سارلىقتىڭ سانى 50گە جەتىپ، ول قىستاق جاعىنان باعىمشىلىقتا جاڭالىق اشىپ، كىرىستى ارتتىرۋداعى ”ءبىرىنشى ادام“ بولىپ باعالاندى.

  سارلىق باعۋ، حوگوديان تيجاراتىن جۇرگىزۋمەن قاتار، اسمۇتۇللا كونە كاسىبىمەن قايتا اينالىسىپ، اقتاۋ اۋدانىندا قۇرىلىستى كوتەرمەگە الىپ ىستەي باستادى.

  ”بۇرىن پۋتۇڭحۋا سويلەۋدى بىلمەيتىنمىن“ اسمۇتۇللا ءتىل جاعىندا قينالعاندىقتان، ءوزىنىڭ قاريدارلارمەن ەمىن - ەركىن سويلەسە المايتىندىعىن، تەك ديقانداردىڭ ءۇيىن رەمونتتاۋ سياقتى ”باكىن - شۇكىن جۇمىستاردى“ عانا تاۋىپ ىستەيتىندىگىن بۇكپەسىز ايتتى.

  باۋلۋ ورتالىعىنا كەلگەننەن كەيىن، اسمۇتۇللا مەملەكەتتە ءبىر تۇتاس قولدانىلاتىن ءتىلدى جاقسى ۇيرەنۋگە بەلىن بەكەم بۋدى، سول سەبەپتى ول ءار كۇنى باسقا ساباقتاستارىنان ءبىر ساعات ەرتە تۇرىپ، تەكست جاتتاپ، سويلەۋگە ماشىقتاندى، وقۋ تاۋىسقاندا ول وتە جاتىق تۇردە باسقالارمەن پۋتۇڭحۋادا سويلەسە الاتىن دارەجەگە جەتتى.

  قاراڭىز، بۇل مەنىڭ حىبەيدەن ساتىپ العان جابدىعىم، توتە ينتەرنەتتە ساۋدالاستىق. قازىر مەن ىشكى وڭىردەگى كاسىپتەستەرىممەن ەش قينالماستان سويلەسە الاتىن بولدىم“، - دەدى اسمۇتۇللا، قازىر جاتىق سويلەيتىن پۇتۇڭحۋاسىنا جانە مول تاجىريبەسىنە سۇيەنە وتىرىپ، ول اۋداندا قورا - جاي قۇرىلىستارىن كوتەرمەگە الاتىن كۇيگە جەتتى. قازىر سەرىكتەستىكتە 60 − 70 قۇرىلىس جۇمىسشىسى بار، كوبى سول ماڭداعى قىستاقتاردان كەلگەن، تەحنيكالىق جۇمىسشىلاردىڭ ايلىق ەڭبەكاقىسى ەڭ جوعارى بولعاندا 10 مىڭ يۋاننان اسادى.

  اسمۇتۇللا: مىنە وسىنداي تاماشا داۋىردە تەك ويلاۋعا، ىستەۋگە باتىلدىق ەتسەڭ بولعانى، ساعان وراي قاشاندا كوپ. قازىر پارتيانىڭ ساياساتى وسىنشاما جاقسى، سوندىقتان اۋىلداستارىمدى باستاپ بىرلىكتە بايۋىم تىپتەن قاجەت ، -دەدى اسەرلەنە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.