□ ۇلۇقشات اۋدانى ۇلۇقشات اۋىلىنىڭ ديقانى مامەتنۇر ءپۇرىم
جۋىقتان بەرى ءىشىنارا شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جاۋىپ، شينجياڭ ماقتاسىن شەكتەدى. مەن مۇنى ەستىگەننەن كەيىن زىعىردانىم قاتتى قاينادى، بۇل بارىپ تۇرعان قۇر شاتپاق!
نەشە جىل ىلگەرى كەلىنىم مارالباسى اۋدانىنا بارىپ ماقتا تەرەتىندىگىن ايتتى، ول كەزدە ءبىزدىڭ وتباسىمىزدان ەشكىم سىرتقا شىعىپ ماقتا تەرىپ كورمەگەن بولاتىن، ونىڭ ول جاقتا جاپا شەگۋىنەن الاڭدادىم. كەلىنىم ماعان: ”اتا، ءبىر كۇن ماقتا تەرگەننەن ءبىرتالاي اقشا تابۋعا بولادى ەكەن، مەنىڭ شىنىمەن دە بارىپ سىناپ كورگىم كەلەدى“ دەدى. مەن ماقۇل كوردىم. مارالباسىدا ماقتا تەرگەن مەزگىلىندە كەلىنىم بىزگە تەلەفون شالىپ، ماقتاشىلاردىڭ ماقتا تەرەتىن جۇمىسكەرلەرگە جاقسى قارايتىندىعىن، ءدامى ءتىل ۇيىرەتىن تاماقپەن قامداپ عانا قالماستان، تاعى تاپ - تازا، رەتتى جاتاق بەرگەندىگىن، ەڭبەكاقىسى دا وتە جوعارى ەكەندىگىن ايتتى. 2 ايدان استام ۋاقىتتان كەيىن كەلىنىم قايتىپ كەلدى، 10 مىڭ يۋاننىڭ ۇستىندە اقشا تاۋىپ كەلىپتى. اقشا تاپقان سوڭ، ۇلىم مەن كەلىنىم مەنى بازارعا ەرتىپ اپارىپ، ماعان بىرنەشە پار جاقسى كيىم ساتىپ اپەردى، سونداي - اق وتباسىمىزعا كىر جۋۋ ماشيناسى، توڭازىتقىش سياقتىلاردى ساتىپ الدى. كەلەسى جىلى ۇلىم مەن كەلىنىم بىرگە سىرتقا شىعىپ ماقتا تەردى، ولار جاس كەزدەرىندە كوبىرەك اقشا تاۋىپ، وتباسىنداعىلاردىڭ تۇرمىسىن ءتىپتى دە جاقسارتقىسى كەلدى.
ءبىز تۇرمىس شارت - جاعدايىمىزدى جاقسارتۋ ءۇشىن ءوز ەركىمىزبەن ماقتا تەرۋگە باردىق، استە، بىرەۋدىڭ زورلىعىمەن بارمادىق. اناۋ شەتەل كاسىپورىندارىنىڭ ”زورلىقپەن ەڭبەككە سالۋ“ دەگەنى ەشقانداي نەگىزى جوق وسەك - اياڭ، شىلعي وتىرىك. الدە ءبىزدىڭ ءوزىمىزدىڭ قوس قولىمىزعا سۇيەنىپ اقشا تاپقانىمىز قاتە مە؟ ءبىز بۇل ادامداردىڭ شينجياڭعا جالا جاۋىپ، كۇيە جاعۋىنا، استە، جول بەرمەيمىز.
