انار بۇلت / شينجياڭ گازەتىنىڭ ءتىلشىسى لي ياڭ 6 - ايدىڭ 20 - كۇنى ۇرىمجىدەن حابارلايدى. 6 - ايدىڭ 17 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 124 - رەتكى ۇنەمىلىك ىستەر ءماجىلىسىن باسقارىپ اشىپ، «اۆتونوميالى رايوننىڭ ورمان، جايلىم ءورت اپاتى شۇعىل جاعدايعا توتەپ بەرۋ دايىندىق جوباسىن» جاساۋ، رايونىمىزدىڭ ”14 - بەسجىلدىقتاعى“ ساۋدا ىستەرىنىڭ دامۋىن جەبەۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: ورمان، جايلىم ءورت اپاتى شۇعىل جاعدايعا توتەپ بەرۋ دايىندىق جوباسى − شۇعىل جاعدايعا توتەپ بەرۋ دايىندىق جوبا جۇيەسىنىڭ ماڭىزدى قۇرامداس بولىگى، ورمان، جايلىم ءورت اپاتىن حاۋىپسىز، جوعارى ءونىمدى ءبىر جايلى ەتۋدىڭ نەگىزگى بويسۇنۋ ولشەمى. پارتكوم باسشىلىق ەتۋگە، ۇكىمەت باستاماشى بولۋعا تاباندى بولىپ، پارتكوم باسشىلىعىنداعى ورمان، جايلىم ءورت اپاتىنا توتەپ بەرۋ اكىمشىلىك باسشى جاۋاپتى بولۋ ءتۇزىمىن كەمەلدەندىرۋ كەرەك. حالىقتى وزەك ەتۋ يدەياسىن بەرىك ورناتىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىقتىڭ ءومىرىنىڭ حاۋىپسىزدىگىن قورعاۋدى ماڭداي الدى ورىنعا قويىپ، تومەنگى شەكتە ويلاۋدى كۇشەيتىپ، ورمان، جايلىم ءورت اپاتى حاۋپىن جانە ول تۋدىراتىن ءولىم - ءجىتىمدى ەڭ جوعارى شەكتە ازايتۋ كەرەك. دارەجەگە ءبولىپ جاۋاپتى بولۋعا، قاراستى ورىندى نەگىز ەتۋگە، ۇكىمەت باستاماشى بولۋعا، قوعام ات سالىسۋعا تاباندى بولىپ، قىزمەتتىڭ بىرىككەن كۇشىن قالىپتاستىرۋ كەرەك. ورمان، جايلىم ءورت اپاتىنان قۇتقارۋ - كومەكتەسۋ كۇش جۇيەسىن ورناتىپ، كەمەلدەندىرىپ، ءتۇرلى كۇشتەردىڭ جىلدام اڭىس ءبىلدىرۋ، سايكەسىپ بىرگە ارەكەتتەنۋ مەحانيزمىن كەمەلدەندىرىپ، ورمان، جايلىم ءورت اپاتىن جوعارى ونىممەن ءبىر جايلى ەتۋ كەرەك. ماماندار قوسىنى مەن مامان دارىندىلاردىڭ رولىن تولىق ساۋلەلەندىرىپ، عىلىم - تەحنيكالىق تىرەكتى كۇشەيتىپ، ورمان، جايلىم ءورت اپاتىنا توتەپ بەرۋدىڭ عىلميلانۋ، ماماندانۋ، زەردەلىلەنۋ ورەسىن جوعارىلاتۋ كەرەك. ورماندا، جايلىمدا ورتتەن ساقتانۋ، ءورت ءسوندىرۋ زاتتىق ماتەريالدارى قامتاماسىزدىعى قىزمەتى مەحانيزمىن كەمەلدەندىرىپ، زاتتىق ماتەريالدار قورى جانە ساتىپ الۋ، قامداۋ جۇيەسىن اقاۋسىزداندىرۋ كەرەك.
ءماجىلىس مىنالاردى اتاپ كورسەتتى: ”14 - بەسجىلدىق“ مەزگىلىندە شينجياڭنىڭ ساۋدا ىستەرىنىڭ دامۋى ماڭىزدى ستراتەگيالىق وراي مەزگىلىندە تۇر. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، رەفورما جاساۋدى، ەسىك اشۋدى تەرەڭدەتۋگە تاباندى بولىپ، جۇيە كوزقاراسىنا تاباندى بولىپ، ساۋدا ىستەرىنىڭ جوعارى ساپالى دامۋىن ىلگەرىلەتۋدى نەگىزگى تاقىرىپ ەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن قوزعاۋشى كۇش ەتىپ، حالىقتىڭ كۇن سايىن ارتقان تاماشا تۇرمىسقا بولعان قاجەتىن قاناعاتتاندىرۋدى ءتۇبىرلى ماقسات ەتىپ، شينجياڭنىڭ ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزۋ كەرەك. سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ەل ءىشى ۇلكەن اينالىمىنا ىشكەرىلەي ات سالىسىپ، ەل ءىشى، حالىقارا سىندى قوس اينالىممەن جان - جاقتىلى توعىسۋ كەرەك. ىشكى سۇرانىستى كەڭەيتۋ سىندى ستراتەگيالىق تۇيىنگە تاباندى بولىپ، تۇتىنۋ اينالىمىنىڭ ەكونوميكانىڭ دامۋىنداعى نەگىزدىك جانە جەتەكشىلىك رولىن تولىق ساۋلەلەندىرىپ، تۇتىنۋدىڭ سيىمدىلىعىن ارتتىرىپ، ساپاسىن جوعارىلاتۋدى جەبەپ، ساۋدا اينالىمىنىڭ وسىزاماندانۋ ورەسىن جوعارىلاتۋ كەرەك.
ءماجىلىس باسقا دا ىستەردى اقىلداستى.
