□ حالىق گازەتىنىڭ شولۋشىسى
”ءتورت ءتۇرلى بۇرىس ستيلدى“ تۇزەتۋدى توقتاتۋعا بولمايدى، ستيل قۇرىلىسى ماڭگى جالعاسادى. 2020 - جىلى 9 - ايدا باس شۋجي شي جينپيڭ ءىشىنارا ۇكىمەت ىستەرى APPىنىڭ ءمان - ماعىناسى وزگەرىپ نەگىزگى ساتى كادرلارىنىڭ قىرۋار ۋاقىتىن يەلەپ وتىرعاندىعىن اڭىس ەتكەن ماتەريالدارعا ماڭىزدى بەكىتۋ جاساپ، فورماشىلدىقتى جويۋدى باسا دارىپتەدى. فورماشىلدىقتى ورتالىق ساتىسىنان وڭاپ جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جەر - جەردىڭ، تاراۋلاردىڭ ساۋساق ۇشىنداعى فورماشىلدىقتى ارناۋلى رەتتەپ - جونگە سالۋدى ورىستەتۋىن ىلگەرىلەتىپ، نەگىزگى ساتى كادرلارىنىڭ ”ساۋساق ۇشىنداعى“ اۋىرتپالىعىن جەڭىلدەتتى. بۇل باس شۋجي شي جينپيڭنىڭ نەگىزگى ساتىعا كوڭىل بولگەن، كادرلارعا قامقورلىق جاساعان تەرەڭ سۇيىسپەنشىلىگىن تولىق ايگىلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تاباندىلىقپەن ستيل قۇرىلىسىن مىقتاپ يگەرگەن باتىل بەكىمىن تولىق بەينەلەپ، نەگىزگى ساتىنىڭ تىنىسىن كەڭەيتىپ، اۋىرتپالىعىن جەڭىلدەتۋ، قالىڭ كادرلاردى جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋدىڭ ناقتى باعدارىن ايقىن ورناتتى.
باس شۋجي شي جينپيڭ بىلاي دەپ تەرەڭ اتاپ كورسەتتى: ”فورماشىلدىق، تورەشىلدىك پارتيامىزدىڭ سيپاتىمەن، باس ماقساتىمەن جانە تاڭداۋلى داستۇرىمەن مۇلدە وتاسپايدى، ول پارتيامىزدىڭ ۇلكەن جاۋى، حالقىمىزدىڭ ۇلكەن جاۋى“. سوڭعى جىلدارى ۇكىمەت ىستەرى APPى ءمالىم دەڭگەيدە قىزمەت ونىمدىلىگىن جوعارىلاتقانىمەن، وتە كوپ، وتە شىتىرمان APPلەر، سونداي - اق ”تۇرالاعان“، ”قاڭقاسى عانا قالعان“ APPلەر زورلىقپەن جالپىلاستىرعان، جالپى ءنومىر بويىنشا قاتارعا تۇرعىزۋدى بەتالدى پايدالانعان، شەكتەن تىس دەرەك قالدىرعان، ينتەرنەت جەلىسىندەگى قىزمەت توبىندا زورلىقپەن جوقتاما جاساتىپ، كەلگەندىگىن مالىمدەتكەن، دەر كەزىندە ءۇن قوستىرعان... ءىشىنارا ۇكىمەت ىستەرى APPىندە فورماشىلدىق ماسەلەسى جارىققا شىعىپ، نەگىزگى ساتىداعى كادرلاردىڭ قىرۋار ۋاقىتىن يەلەپ، قىرۋار زەيىن - زەردەسىن سارىپ ەتىپ، نەگىزگى ساتىنى اۋىر جۇكپەن ەڭسەلەتكەن. ساۋساق ۇشىنداعى فورماشىلدىق قاراماققا جاڭا بەينە سياقتى كورىنگەنىمەن، ءىس جۇزىندە كونە ماسەلە، ”ءتورت ءتۇرلى بۇرىس ستيل“ ماسەلەسىنىڭ قاساڭدىعىن، قايتالامالىلىعىن بەينەلەيدى. ساۋساق ۇشىنداعى فورماشىلدىقتى رەتتەۋ - جونگە سالۋ − نەگىزگى ساتى كادرلارىنا شىنايى قامقورلىق جاساۋدىڭ ناقتى شاراسى، نەگىزگى ساتىنى جونگە سالۋ ونىمدىلىگىن جوعارىلاتۋدىڭ ىشكى تالابى.
شوعىرلى قامال الۋ ارقىلى ساۋساق ۇشىنداعى فورماشىلدىق پارمەندى تۇزەتىلدى. ارناۋلى رەتتەۋ - جونگە سالۋ قىزمەتىندە جەر - جەر، تاراۋلار ساياسي جەتەكشىلىككە تاباندى بولىپ، ساياسي جاقتان ساۋساق ۇشىنداعى فورماشىلدىق ماسەلەسىن تانىپ جانە ءبىر جاقتى ەتىپ، نەگىزگى ساتىنىڭ اۋىرتپالىعىن شىنايى جەڭىلدەتتى، شىنايى اۋىرتپالىعىن جەڭىلدەتتى؛ ءىس جۇزىندىكتى شىعار ءتۇيىن ەتۋگە تاباندى بولىپ، اداقتاۋعا تيىستىلەرىن اداقتاپ، ساقتاپ قالۋعا تيىستىلەرىن ساقتاپ قالىپ، ”ءبىر شىبىقپەن ايداۋدان“ ساقتاندى؛ ۇستىنەن وڭاۋ مەن تۇبىرىنەن وڭاۋعا تاباندى بولىپ، جاي - جاپساردى انىقتاۋ، ءتىزىم مازمۇنىن جاساۋ، بەتتىك ماسەلەلەردى دەر كەزىندە رەتتەۋ - وزگەرتۋ نەگىزىندە جىلجىمالى ينتەرنەت قولدانىلمالى باعدارلامالارىنىڭ ۇدايىلانعان باقىلاۋ - باسقارۋ شاراسىن جانە باياندى مەحانيزمىن ورناتۋدى كۇش سالا ىلگەرىلەتتى. تازالاۋ، رەتتەۋ - جونگە سالۋ ارقىلى جەر - جەر، تاراۋلار ساۋساق ۇشىنداعى فورماشىلدىقتى رەتتەۋ - جونگە سالۋدىڭ يدەيالىق تانىمىن جالپى بەتتىك جوعارىلاتىپ، نەگىزگى ساتى كادرلارى اناعۇرلىم كوپ اۋىرتپالىقتان ارىلىپ، كەيبىر جەرلەر ساۋساق ۇشىنداعى فورماشىلدىقتان ءونىمدى ساقتانۋدىڭ - وڭاۋدىڭ ناقتى شارالارىن العا قويدى.
فورماشىلدىقتىڭ، تورەشىلدىكتىڭ زالالى ءبىر كۇندە قالىپتاسا سالعان جوق، نەگىزگى ساتىنىڭ اۋىرتپالىعىن تۇبىرىنەن جەڭىلدەتۋ دە ءبىر كۇندىك ەڭبەك ەمەس. ساۋساق ۇشىنداعى فورماشىلدىقتى رەتتەۋ - جونگە سالۋ ونىمدىلىگى كورنەكتى بولعانىمەن، رەتتەۋ - جونگە سالۋ جەتىستىگىن بەكەمدەۋدى، ۇدايى باقىلاۋ - باسقارۋدى كۇشەيتۋدى، باياندى مەحانيزم ورناتۋدى، قايتا بەلەڭ بەرىپ ورشۋىنەن ساقتانۋدى قاجەت ەتەدى. باس شۋجي شي جينپيڭنىڭ فورماشىلدىقتان، تورەشىلدىكتەن قاتاڭ ساقتانۋ جونىندەگى ماڭىزدى بايىمداۋلارىن جانە ينتەرنەتتە قۋاتتى ەل قۇرۋ ماڭىزدى يدەياسىن ىشكەرىلەي ۇيرەنۋمەن، دايەكتىلەندىرۋمەن بايلانىستىرىپ، جىلجىمالى ينتەرنەت قولدانىلمالى باعدارلامالارىن ارناعا ءتۇسىرىپ باسقارۋ مەن ۇزاق ۋاقىتتىق دامىتۋدىڭ ديالەكتيكالىق قاتىناسىن مىقتى يگەرىپ، فورماشىلدىقتى جويىپ، نەگىزگى ساتىنىڭ اۋىرتپالىعىن جەڭىلدەتۋگە كۇش سالىپ قانا قويماي، وسى زامانعى ينفورماتسيا تەحنيكاسى تاسىلىنەن شەبەرلىكپەن پايدالانىپ، جونگە سالۋ قابىلەتىن وسىزامانداندىرۋدى ىلگەرىلەتۋ كەرەك. تەك رەتتەۋ - جونگە سالۋ ونىمدىلىگىن بەكەمدەۋگە كۇش سالعاندا، باياندى مەحانيزمدى اقاۋسىزداندىرۋعا كۇش سالعاندا، جىلجىمالى ينتەرنەت قولدانىلمالى باعدارلامالارىنداعى ساندى مالىمەتتەردىڭ حاۋىپسىزدىگىن كۇشەيتۋگە كۇش سالعاندا عانا، وسى قىزمەتتىڭ ۇزدىكسىز تەرەڭدەۋىن، ەگجەي - تەگجەيلىلەنۋىن، ناقتىلانۋىن ىلگەرىلەتۋگە بولادى.
ستيل قۇرىلىسى − قامال الۋ شايقاسى، ۇزاق ۋاقىتتىق شايقاس، ەتەكتەگى تاستى تاۋعا دومالاتىپ شىعاراتىن، قيىن - قىسپاقتاردان وتەتىن باتىلدىقپەن رەتتەۋ - جونگە سالۋدى تەرەڭدەتىپ، تۇبىنە، ونىمدىلىگىنە جەتىپ قانا قويماي، ۇدايى يگەرۋگە، ەگجەي - تەگجەيلى يگەرۋگە، ۇزاق ۋاقىت يگەرۋگە تاباندى بولىپ، قاجىماي - تالماي، تاباندىلىق كورسەتۋ كەرەك. شەگە قاعۋ رۋحىن ساۋلەلەندىرىپ، فورماشىلدىقتى رەتتەۋ - جونگە سالۋدى سوڭىنا دەيىن يگەرىپ، ەشقاشان توقتاماي، ۇزاق ۋاقىت ەڭبەك كورسەتكەندە عانا، نەگىزگى ساتىداعى قالىڭ كادرلاردىڭ ءىس تىندىرىپ ناتيجە جاراتۋ، جاۋاپكەرشىلىك ارقالاپ ىسكەرلىك كورسەتۋ ارىنى مەن ومىرشەڭدىگىن ونان ارى قاۋلاتىپ، ”14 - بەسجىلدىق“ ءۇشىن جاقسى باستاما اشۋعا، جاقسى قادام تاستاۋعا پارمەندى كەپىل ازىرلەۋگە بولادى.
(شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى)
