تيانشان تورى
تيانشان تورى   ›   جاڭالىقتار   ›   شينجياڭ حابارلارى

تارىم مۇناي الابىنان جاڭادان ءبىر ميلليارد توننالىق ەرەكشە تەرەڭ ءىرى مۇناي، گاز قورى بايقالدى

  انار بۇلت / شينجياڭ گازەتىنىڭ ءتىلشىسى يۇي جياڭيان 6 - ايدىڭ 20 - كۇنى ۇرىمجىدەن حابارلايدى. 6 - ايدىڭ 19 - كۇنى جۇڭگو مۇناي - تابيعي گاز شەكتى جارنا سەرىكتەستىگى تارىم مۇناي الابى بولىمشە سەرىكتەستىگىنەن ۇعىسۋعا قاراعاندا، تاكلاماكان ءشولىنىڭ ىشكى قويناۋىنداعى، تارىم وزەنىنىڭ وڭتۇستىگىندەگى فۋمان وڭىرىندەگى تارىم مۇناي الابىنان جاڭادان ءبىر ميلليارد توننالىق ەرەكشە تەرەڭ ءىرى مۇناي، گاز قورى بايقالدى، بۇل تاياۋ 10 جىلدان بەرگى تارىم ويپاتىنان مۇناي بارلاۋداعى ەڭ زور بايقاۋ بولىپ تابىلادى.

  ۇعىسۋعا قاراعاندا، تارىم مۇناي الابى قازىر فۋمان مۇناي الابىندا 100 توننالىق 56 قۇدىق بۇرعىلاپ، فۋمان وڭىرىندەگى مۇناي، گاز قورىنىڭ گەولوگيالىق زاڭدىلىعىن انىقتادى. جۇڭگو مۇناي تارىم مۇناي الابى بولىمشە سەرىكتەستىگىنىڭ باس ديرەكتورى ياڭ شۋەۋىن بىلاي دەدى: فۋمان مۇناي الابىنىڭ نەگىزگى ءوندىرىس قاباتىنىڭ تەرەڭدىگى 8000 مەتر اينالاسىندا بولىپ، اشۋ قيىندىعى دۇنيە بويىنشا ەڭ الدىڭعى ورىندا تۇرادى. تاياۋداعى 6 جىلدان بەرى تارىم مۇناي الابى قيىن تۇيىندەردەن قامال الىپ، ءبىر قىدىرۋ تەحنيكالىق قيىن تۇستاردا جاڭالىق اشىپ، جاڭا قۇدىقتىڭ ءساتتى اشىلۋىن %75تەن قازىرگى %95تەن استامعا كوتەرىپ، ۇلكەن قۇمدى وڭىردەگى ەرەكشە تەرەڭ قاباتتان مۇناي، گازدى جوعارى ونىمدىلىكپەن اشۋدى ىلگەرىلەتتى.

  تاياۋدا تارىم ويپاتىنداعى فۋمان وڭىرىنەن قۋانىشتى حابار ارت - ارتىنان تارالىپ، وسى وڭىردە ءتۇيىندى بارلانعان قۇدىق ءمانشىن 2 - ءنومىرلى بۇرعىلاۋ قۇدىعىنىڭ تەرەڭدىگى 8470 مەترگە، سىناق جاسالعان مۇناي باعاناسىنىڭ بيىكتىگى 550 مەترگە جەتىپ، تارىم ويپاتىنىڭ ۇلكەن قۇمدى رايونىنداعى ەڭ تەرەڭ جەردەن مۇناي شىعۋ رەكوردىن جانە مۇناي باعاناسىنىڭ ەڭ بيىك بولۋ رەكوردىن جاراتىپ، جەر استىندا 8000 مەتر تەرەڭدىكتەن 5 ميلليون توننالىق ءىرى مۇناي الابىن بايقاعانمەن بارابار بولدى.

  تارىم ويپاتى − ەلىمىزدەگى ەڭ ۇلكەن مۇناي، گاز ويپاتى، 6000 مەتردەن استام تەرەڭدىكتە كومىلىپ جاتقان مۇناي جانە تابيعي گاز بايلىعى جەكە - جەكە بۇكىل ەلدەگىنىڭ %83.2ىن جانە %63.9ىن ۇستايدى. كەزەكتە تارىم مۇناي الابى ەلىمىزدەگى ەڭ ءىرى، ەرەكشە تەرەڭ قاباتتى مۇناي، گاز ءوندىرىس بازاسى بولىپ قۇرىلىپ، ەلىمىزدىڭ ەنەرگيا حاۋىپسىزدىگىن قامتاماسىز ەتۋدىڭ جاڭا ءوڭىرىن اشتى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.