− وڭىرلەردىڭ، تاراۋلاردىڭ ”ساۋساق ۇشىنداعى فورماشىلدىقتى“ رەتتەۋ - جونگە سالۋ قىزمەتىن تىڭعىلىقتى ورىستەتكەندىگى جونىندە جالپى شولۋ
□ شينحۋا اگەنتتىگىنىڭ تىلشىلەرى سۇن شاۋلۇڭ، ۋاڭ چي، گاۋ لەي
فورماشىلدىقتىڭ زالالى كورنەكتى ءارى وراسان زور.
2020 - جىلى 9 - ايدا باس شۋجي شي جينپيڭ كەيبىر ۇكىمەت ىستەرى APPلەرىنىڭ ءمان - ماعىناسى وزگەرىپ، نەگىزگى ساتىداعى كادرلاردىڭ قىرۋار ۋاقىتىن يەلەپ وتىرعاندىعىن اڭىس ەتكەن ماتەريالعا ”فورماشىلدىقتى جويۋ كەرەك“ دەپ ماڭىزدى بەكىتۋ جاساپ، جىلجىمالى ينتەرنەت قولدانىلمالى باعدارلاماسىنىڭ دامۋى بارىسىندا جارىققا شىققان فورماشىلدىق ماسەلەسى مەن دەرتىن ايقىن اتاپ كورسەتىپ، نەگىزگى ساتىنىڭ اۋىرتپالىعىن شىن مانىندە جەڭىلدەتۋدى تالاپ ەتتى.
”ساۋساق ۇشى“ بەينەتىن جويعاندا عانا، نەگىزگى ساتى كادرلارىنىڭ تىنىسىن كەڭەيتىپ، اۋىرتپالىعىن جەڭىلدەتىپ، ءىس ىستەپ، ناتيجە شىعارۋ ىنتاسى مەن ومىرشەڭدىك كۇشىن قاۋلاتۋعا بولادى. ورتالىق ساتىسىنان فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمىنىڭ ءبىر تۇتاس جوسپارلاپ سايكەستىرە ىلگەرىلەتۋىندە، وڭىرلەر، تاراۋلار ”ساۋساق ۇشىنداعى فورماشىلدىققا“ قاراتا جارتى جىلدىق مەرزىممەن ارناۋلى رەتتەۋ - جونگە سالۋ ورىستەتىپ، تاماشا ونىمدىلىككە قول جەتكىزدى.
جۇدىرىقتاي جۇمىلىپ، ”ساۋساق ۇشىنداعى فورماشىلدىقتى“ باتىل رەتتەپ - جونگە سالدى
فورماشىلدىق ستيل ماسەلەسى عانا ەمەس ساياسي ماسەلە، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەنۋىنە، تياناقتانۋىنا اۋىر ىقپال جەتكىزىپ قانا قويماي، پارتيا ورتالىق كوميتەتىنىڭ بەدەلىنە دە نۇقسان جەتكىزەدى، پارتيانىڭ وبرازىن بۇلدىرەدى. ”ساۋساق ۇشىنداعى فورماشىلدىق“ تا وسىلاي.
”ساۋساق ۇشىنداعى فورماشىلدىق“ ماسەلەسىنىڭ بەينەلەرىن سالالادى، ارناعا ءتۇسىرۋ، رەتتەۋ - جونگە سالۋ ناقتى شارالارى مەن نىسانا، تالاپتارىن ءبىر - بىرلەپ ورتاعا قويدى، جاۋاپكەرشىلىك جۇمىس ءبولىسى مەن ۋاقىت تۇيىندەرىن ايقىندادى... تەرەڭدەي تەكسەرۋ - زەرتتەۋ جۇرگىزۋ جانە كەڭىنەن پىكىر الۋ نەگىزىندە، «جىلجىمالى ينتەرنەت قولدانىلمالى باعدارلاماسىن ىشكەرىلەي ارناعا ءتۇسىرىپ، ساۋساق ۇشىنداعى فورماشىلدىقتى رەتتەۋ - جونگە سالۋ جونىندەگى حابارلاندىرۋدى» ورتالىق ساتىسىنان فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى كەڭسەسى رەسمي باسىپ تاراتتى، ارناۋلى رەتتەۋ - جونگە سالۋ دەرەۋ ورىستەتىلىپ، ءبىر قىدىرۋ كەيىنگى ارەكەتتەر وعان ءجىتى ىلەستى −
2021 - جىلى 1 - ايدا ارناۋلى قىزمەت مەحانيزمى ءماجىلىس اشىپ، ۇكىمەت ىستەرى APPلەرىن ارناعا ءتۇسىرۋ، رەتتەۋ - جونگە سالۋ قىزمەتىن تىڭعىلىقتى ىلگەرىلەتىپ، اقاۋسىز، ءتارتىپتى دامۋدى جەبەپ، اسىرا سىلتەۋدەن، اۋا جايىلۋدان ساقتانۋدى، جاي عانا جاۋىپ تاستاپ تىندىم ەتۋدەن ساقتانۋدى باسا دارىپتەدى؛
2021 - جىلى 2 - ايدا ورتالىق كوميتەت كەڭسەسى حابارلاندىرۋ باسىپ تاراتتى، مۇنىڭ ىشىندە ۇكىمەت ىستەرىAPPلەرىن ارناعا ءتۇسىرىپ، ”ساۋساق ۇشىنداعى فورماشىلدىق“ ماسەلەسىن رەتتەۋ - جونگە سالۋ جونىندە ايقىن شەشۋ شارالارى مەن تالاپتارىن ورتاعا قويدى؛
2021 - جىلى 4 - ايدا ارناۋلى قىزمەت مەحانيزمى كەڭسەسى كوپتەگەن جەرلەرگە، تاراۋلارعا بارىپ قۋزاۋ - تەكسەرۋ، تەكسەرۋ - زەرتتەۋ ورىستەتىپ، ارالاۋ، اڭگىمەلەسۋ سياقتى كوپ ءتۇرلى تاسىلدەر ارقىلى قىزمەتتىڭ اياق الىسىن، ونىمدىلىگىن جانە ورىن تەۋىپ وتىرعان ماسەلەلەردى ۇعىستى...
دابىرالى ورىستەتىلگەن ءبىرقىدىرۋ ارەكەتتەر: تياناقتاندىرۋدى مىزعىماستان يگەرىپ، ” ساۋساق ۇشىنداعى فورماشىلدىقتى“ بار كۇشپەن تۇزەتىپ - جونگە سالىپ، تىڭعىلىقتى تۇردە نەگىزگى ساتىنىڭ اۋىرتپالىعىن جەڭىلدەتۋ كەرەك دەگەن ايقىن سيگنال تاراتتى.
وننىڭ ءبىرى ورنالاستىرۋدان، توعىزى تياناقتاندىرۋدان كەلەدى. جارتى جىلدان بەرى وڭىرلەر، تاراۋلار پارتيا، ۇكىمەت ورگاندارى مەن نەگىزگى ساتى كادرلارىنا ارنالعان ”تۇرالاعان“، ”قاڭقاسى عانا قالعان“ جىلجىمالى ينتەرنەت قولدانىلمالى باعدارلامالارىن ءتۇيىندى تۇردە اداقتاپ، كوپ جاقتان باسقاراتىن، قايتالانعان باعدارلامالاردى بىرىكتىرىپ، زورلىقپەن جالپىلاستىرۋ، ءنومىر جيناپ قاتارعا تۇرعىزۋدى بەتالدى پايدالانۋ سياقتى ماسەلەلەردى تۇزەتتى - جونگە سالدى ءارى ءار ءتۇرلى الەۋمەتتىك ۋيچات تۇعىرلارىنا، ميكرو بلوگ نومىرلەرىن اداقتاپ، ءىس جۇزىندىك ارەكەتتەرى ارقىلى ”ساۋساق ۇشىنداعى فورماشىلدىقتى“ قانداۋىرلادى.
—— سانى تومەندەدى. حۋبەيدىڭ ۋحان قالاسىندا قالالىق پارتكوم كەڭسەسى باستاماشىلىقپەن ارناۋلى قىزمەت القاسىن قۇرىپ، بۇكىل قالاداعى 98 رايون مەن قالاعا توتە قاراستى تاراۋلاردا جىلجىمالى ينتەرنەت قولدانىلمالى باعدارلاماسىنا ”جاپپاي تەكسەرۋ“ ورىستەتىپ، اداقتاۋ جۇرگىزۋمەن بىرگە زور كۇشپەن بىرىكتىردى، ىقشامدادى؛ انحۇي ۋحۋدا جەرگىلىكتى ورىن قالاشىق، ءمالى، قىستاق نەگىزگى ساتىسىنا دەيىن قولدانىلعان ينفورماتسيا جۇيەلەرىن تەكسەرىپ - زەرتتەپ، جاي - جاپسارىن انىقتاپ، قالا دارەجەلىدەن تومەنگى ورىندار وزدەرى جاساعان ينفورماتسيا جۇيەسىنەن 35ىن جاپتى.
—— باقىلاۋ كۇشەيدى. شاڭحاي ارناۋلى قۋزاۋ - تەكسەرۋ، تەكسەرۋ - زەرتتەۋ ورىستەتىپ، 10 قالا دارەجەلى تاراۋعا، 18 رايون دارەجەلى تاراۋعا جانە ءمالى، قالاشىق، قىستاقتارعا بارىپ جاعداي ۇعىسىپ، پىكىر تىڭداپ، قىزمەتتى تياناقتاندىرۋدى ىلگەرىلەتتى. جياڭسۋ ”توقىلداۋىق ارەكەتىن“ ورىستەتىپ، نەگىزگى ساتى ۇكىمەت ىستەرى APPلەرىن باقىلاۋ قوسىنىن كەمەلدەندىرىپ، نەگىزگى ساتىنىڭ باعالاۋىن تىكەلەي تىڭدادى.
—— ونىمدىلىگى جوعارىلادى. جىجياڭ ”جىجىڭديڭ“ تۇعىرىن ۇزدىكسىز ۇلعايتىپ، كۇشەيتىپ، ءار ءتۇرلى ”تومەن ونىمدىلىكتى، شاعىن، بىتىراندى“ قولدانىلمالى باعدارلامالاردى بىرىكتىرىپ، قوسىپ الىپ، جەر - جەردەن، تاراۋلاردان الىپ قالۋعا ءتيىستى جىلجىمالى ينتەرنەت قولدانىلمالى باعدارلامالارىن جەدەل بىرىكتىرىپ كىرگىزۋدى تالاپ ەتتى؛ شاڭحاي قالالىق ۇكىمەت تاراۋلارىنىڭ ينفورماتسيالاندىرۋدى اتقارۋ يقۋاتىن ۇلكەن ساندى مالىمەت ورتالىعىنا كىرگىزىپ، ءبىر تۇتاس جوسپارلاۋدى، ءبىر تۇتاس ولشەم قولدانۋدى، ءبىر تۇتاس قۇرۋدى، ءبىر تۇتاس قورعاۋدى ىسكە اسىردى.
—— ءتۇزىم ورنادى. جياڭشي ”ساۋساق ۇشىنداعى فورماشىلدىقتى“ رەتتەۋ - جونگە سالۋدى ۇكىمەت قىزمەتىن باعالاۋ مازمۇنىنا كىرگىزىپ، جىلجىمالى ينتەرنەت قولدانىلمالى باعدارلاماسىن باسقارۋ دەڭگەيىن ءتۇزىم، مەحانيزم جاعىنان ونان ارى جوعارىلاتتى؛ گۇيجوۋ ارناعا ءتۇسىرۋ، رەتتەۋ - جونگە سالۋ قىزمەتىن ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىنىڭ ءتارتىپتىڭ اتقارىلۋىن باقىلاۋدىڭ جانە نىسانالى قىزمەت ناتيجەسىن باعالاۋدىڭ ماڭىزدى مازمۇنى ەتىپ، ناتيجە بەتالىسى ارقىلى قىزمەتتە ناتيجە شىعارۋعا قۋزاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ ولشەمىنىڭ تومەندەمەۋىنە، سەرپىنىنىڭ ازايماۋىنا شىنايى كەپىلدىك ەتتى...
ءارى ”تاباندا تۇزەتتى“، ءارى ”ۇزاق ۋاقىت جالعاستىردى“. ارناۋلى رەتتەۋ - جونگە سالۋ ورىستەتىلگەننەن بەرى جەر - جەر، تاراۋلار ءىس جۇزىندىكتى شىعار ءتۇيىن ەتۋگە تاباندى بولىپ، جىلجىمالى ينتەرنەت قولدانىلمالى باعدارلامالارىنىڭ اداقتاۋعا تيىستىلەرىن دەرەۋ اداقتاپ، ساقتاپ قالۋعا تيىستىلەرىن ساقتاپ قالىپ، ”ءبارىن ءبىر تاياقپەن ايداۋدان“ ساقتانۋمەن بىرگە، ۇستىنەن وڭاۋ مەن تۇبىرىنەن وڭاۋدى بىردەي جۇرگىزۋگە تاباندى بولىپ، ۇدايىلانعان باقىلاۋ - باسقارۋ شارالارى مەن باياندى مەحانيزم ورناتىپ، نەگىزگى ساتىنىڭ اۋىرتپالىعىن شىنايى جەڭىلدەتۋدى، شىنايى اۋىرتپالىقتى جەڭىلدەتۋدى قۇلشىنا جۇزەگە اسىردى.
شيراقىلىقپەن شەپكە اتتاندى، نەگىزگى ساتى كادرلارى ناقتى تابىس سەزىمىنە كەنەلدى
رەتتەۋ - جونگە سالۋ ونىمدىلىگىنىڭ جاقسى - جاماندىعىنا نەگىزگى ساتى كادرلارى كەسىم جاساۋعا ۇقىقتى.
”ەڭ تىكە ناتيجەسى قول تەلەفوننىڭ ’شيقىلداعان‘ ەسكەرتپە ءۇنى ازايدى“. حۋبەي ولكەسى ۋحان قالاسى جياڭان رايونى دانشۋيچى ءمالىسى پارتيا، ۇكىمەت كەڭسەسىنىڭ ورىنباسار مەڭگەرۋشىسى جاڭ سىرۇي بىلاي دەدى: ارناۋلى رەتتەۋ - جونگە سالۋ قىزمەت توپتارىن بىرىكتىردى، قازىر قول تەلەفونىمدا تەك قانا باسشىلىق القاسى توبى، كادرلار پىكىر اۋىسۋ توبى مەن كاسىپكە جەتەكشىلىك ەتۋ توبى عانا قالدى، توپقا تەلمىرىپ وتىرۋ، باسىلىپ قالعان مازمۇنداردى قايتا اقتارىپ كورۋ جاعدايى ازايدى، بۇقاراعا قىزمەت وتەۋ ساپاسى دا جوعارىلادى.
بۇل ۋحاننىڭ جارامدى شارالارمەن ارناعا ءتۇسىرۋدى، رەتتەۋ - جونگە سالۋدى يگەرىپ، شىن مانىندە نەگىزگى ساتىنىڭ تىنىسىن كەڭەيتىپ، اۋىرتپالىعىن جەڭىلدەتكەندىگىنىڭ ءبىر شاعىن كورىنىسى. ارناۋلى رەتتەۋ - جونگە سالۋ ورىستەتىلگەننەن بەرى ۋحان ءتۇيىندى تۇردە 160 قىزمەت تۇرىندەگى، باسقارۋ تۇرىندەگى، ۇيرەنۋ تۇرىندەگى قولدانىلمالى باعدارلامانى رەتتەپ - جونگە سالىپ، 32 قولدانىلمالى باعدارلامانى ىقشامداپ، ازايۋ مولشەرىن ％20كە جەتكىزدى. سونىمەن بىرگە جەرگىلىكتى ورىن ”ءىز قالدىرۋعا“ ءمان بەرىپ، ”ناتيجەگە“ ءمان بەرمەۋ، دۇرمەككە ىلەسىپ قۇپتاۋ، قاي - قاشان دا بۇيرىق كۇتۋ، كوپ جاقتان مالىمدەۋ سياقتى كورنەكتى ماسەلەلەردى جەدەل شارا قولدانىپ تۇزەتىپ - جونگە سالىپ، نەگىزگى ساتى كادرلارىن ”شىنايىلىق“ سەزىمگە كەنەلتتى.
”ساۋساق ۇشى“ بۇرىس ستيلىن تۇزەتۋ - جونگە سالۋ يدەيالىق تانىمدى جوعارىلاتتى.
تىلشىلىك بارىسىندا كوپتەگەن نەگىزگى ساتى كادرلارى مىنالاردى ءبىلدىردى: وسى رەتكى ارناۋلى رەتتەۋ - جونگە سالۋ ءار دارەجەلى باسشىلارعا ساقتىق دابىلىن قاقتى، كوپشىلىك جىلجىمالى ينتەرنەت قولدانىلمالى باعدارلاماسىن ويداعىداي پايدالانباسا، نەگىزگى ساتىنىڭ اۋىرتپالىعىن اۋىرلاتىپ، پارتيا - بۇقارا قاتىناسىنا زيان سالاتىندىعىن جاپپاي تانىپ جەتتى. ”بەتالدى توپ قۇرۋ، جوقتاما جاساۋ، ءار ءتۇرلى بارماق كورسەتىپ قۇپتاۋ، گۇل ۇسىنۋ قۇبىلىستارى ازايدى، ’ساۋساق ۇشىنداعى فورماشىلدىقتى‘ رەتتەۋ - جونگە سالۋدىڭ ارقاۋى ءتىپتى دە شيراتىلا ءتۇستى“.
”بۇرىن نەگىزگى ساتى ورىندارى قاشاندا بىرنەشە APP جاساپ، ورىنسىز ابىگەرلىككە سالاتىن، قازىر كوپشىلىك تۇگەلدەي مۇنداي ارەكەتتىڭ قاتەرلىلىگىن تاني باستادى، جاۋاپكەرشىلىكتەرى كۇشەيدى“. جيلين ولكەسى جيلين قالاسى چۋانيىڭ رايونى ۇكىمەت ىستەرى قىزمەت وتەۋ مەكەمەسىنىڭ ورىنباسار باستىعى سۇڭ ليفۋدىڭ ءتول سەزىمى نەگىزگى ساتى ورىندارىنىڭ يدەيالىق تانىمىنداعى قۋانارلىق وزگەرىستەردى بەينەلەدى.
يدەيالىق تانىمنىڭ جوعارىلاۋى ”ءىز قالدىرۋعا ءمان بەرۋدەن“ ”ناقتى ناتيجەگە ءمان بەرۋگە“ قاراي وتكەن بۇرىلىستى جارىققا شىعاردى. ”بۇرىن توپتاعى ارەكەتتىڭ تەزدىگىنە، كوتەرىلگەن قولدىڭ بيىكتىگىنە قارايتىنبىز، قازىر باعالاۋ قىزمەت ناتيجەسى بويىنشا قاتاڭ جۇرگىزىلەتىن بولدى، باعالاۋ مەن ساراپتاۋدىڭ ءتاسىلى دە اناعۇرلىم ناقتىلاندى“. ۋحان قالاسى ۋچاڭ رايونى شۇيگوحۋ ءمالىسى پارتيا قىزمەتى كوميتەتىنىڭ شۋجيى جين جيانتاۋ بىلاي دەدى: ارناۋلى رەتتەۋ - جونگە سالۋدان كەيىن، نەگىزگى ساتى كادرلارىنىڭ جىنىگىپ جۇرەتىن جاعدايى زور دارەجەدە وزگەرىپ، قىزمەت ونىمدىلىگى مەن ساپاسى دا كورنەكتى جوعارىلادى.
”ساۋساق ۇشىنداعى“ سالتتىڭ دۇرىستالۋى قىزمەتتە ”جاڭا سالت“ جارىققا شىعاردى.
نەگىزگى ساتى كادرلارىنىڭ ”ءتىلتاقتاعا جابىسىپ وتىراتىن“ ۋاقىتى قىسقارعاندا عانا، ءتىپتى دە كوپ قاجىر - قايراتىن بۇقارامەن ”تىكە جۇزدەسۋگە“، بۇقارانى ۋايىمنان ارىلتىپ، قيىنشىلىعىن شەشەتىن ناقتى ءىس ىستەۋگە جۇمساي الادى. جيلين ولكەسى چاڭچۇن قالاسى چيكاي رايونى دۇڭفىڭ ءمالىسى پارتيا قىزمەتى كوميتەتىنىڭ شۋجيى شىڭ شينچۇندا بۇرىن 60 نەشە توپ بار بولعاندىقتان، ءار كۇنى تاڭەرتەڭ قيلى - قيلى ينفورماتسيالاردىڭ استىندا قالاتىن. ”قازىر ءبىزدىڭ قول تەلەفونىمىزداعى ءار ءتۇرلى قىزمەت توپتارى بىرىكتىرىلدى، نەگىزگى ساتى كادرلارى كوپتەگەن ۋاقىتى مەن قاجىر - قايراتىن ءبىرىنشى شەپكە جۇمساي الاتىن بولدى“.
”ارناۋلى رەتتەۋ - جونگە سالۋدان كەيىن، كوپشىلىك ’توپتا ايعايلاۋدان‘’ناقتى بارۋعا‘ دەيىنگى قىزمەت ستيلىندەگى بۇرىلىستى جۇزەگە اسىردى“. جين جيانتاۋ تانىستىرىپ بىلاي دەدى: بۇرىن ءمالى نەگىزگى ساتى كادرلارى ەپتەپ - سەپتەۋگە بوي ۇرىپ، ىرىقسىز تۇردە جاۋاپ قاتىپ، قىرۋار قاجىر - قايراتى بولىنەتىن. ارناۋلى رەتتەۋ - جونگە سالۋدان كەيىن، كوپشىلىكتىڭ الەۋمەتتىك اۋماق ءبىرىنشى شەبىنە بارىپ قىزمەت وتەيتىن ۋاقىتى اناعۇرلىم كوبەيىپ، حالىق بۇقاراسىمەن اناعۇرلىم جاقىنداي ءتۇستى.
”ساۋساق ۇشىنداعى مازاسىزدىق“ ازايىپ، نەگىزگى ساتى كادرلارىنىڭ رۋح - جىگەرى دە سەرپىلە ءتۇستى.
”الاڭداۋدان“، ”ابىرجۋدان“ ارىلىپ، ”دەن قويا ناقتى ءىس ىستەي الاتىن“ بولدىق، بۇل وسى رەتكى ارناۋلى رەتتەۋ - جونگە سالۋ بارىسىنداعى كوپتەگەن كادرلاردىڭ ەڭ تىكە سەزىنىسى.
ۋحان قالاسى جياڭان رايونى حوۋحۋ ءمالىسى پارتيا قىزمەتى كوميتەتىنىڭ ورىنباسار شۋجيى، ءىس باسقارماسىنىڭ مەڭگەرۋشىسى يان ۋيفىڭ ارناۋلى رەتتەۋ - جونگە سالۋدان كەيىنگى ءوزىنىڭ قىزمەتىندە، تۇرمىسىندا وتە زور وزگەرىستەر تۋىلعاندىعىن ايقىن سەزىندى. ”ءتۇرلى قىزمەت توپتارى اداقتالىپ، رەتتەلگەننەن كەيىن، مەن نەگىزگى قايشىلىقتى يگەرۋگە، نەگىزگى ماسەلەنى شەشۋگە ءتىپتى دە كوپ قاجىر - قايراتىمدى جۇمساي الاتىن بولدىم، تۇرمىستاعى مازاسىزدىقتار دا كوپ ازايدى“. يان ۋيفىڭ بىلاي دەدى: نەگىزگى ساتى كادرلارىنىڭ اۋىرتپالىعى جەڭىلدەپ قانا قويماي، بۇقارانىڭ جاقسى باعاسى دا ولاردى بارىنشا شابىتتاندىردى.
”نەگىزگى ساتى ءمالىسى مەن الەۋمەتتىك اۋماقتىڭ قىزمەتى كوپ تە كۇردەلى، بۇرىن قىزمەتكەرلەر قول تەلەفوندارىنداعى ۇلكەندى - كىشىلى ءار ءتۇرلى قىزمەت توپتارىنا قىزمەت قاربالاس بولعان جاعدايدا بىرەر ساعات قاراماسا نەشە جۇزدەگەن وقىلماعان حابارلار جينالىپ قالاتىن“. نيڭشيا يىنچۋان قالاسى شيشيا رايونى باتىس حۋايۋان جولى ءمالىسى پارتيا قىزمەتى كوميتەتىنىڭ شۋجيى ۋاڭ ۋيحۋا بىلاي دەدى: قازىر اداقتاپ بىرىكتىرۋدەن كەيىن، قىزمەت توبى ازايدى، كوپشىلىك حابارلاندىرۋ جولداۋدان بۇرىن ”ءتۇيىنىن جيناقتاپ“، حاباردىڭ ىقشام، جيناقى، ءسوزدىڭ دايەكتى بولۋىنا شىنايى كەپىلدىك ەتەتىن بولدى.
”جۇڭنانحايدىڭ حۇجاتى مەن نەگىزگى ساتى كادرلارىنىڭ سەزىنىسى وسىنشاما بىردەي بولاتىندىعىن ويلاماعان ەكەنمىن“. جيلين قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جاۋ يۇڭبو بىلاي دەپ قارادى: پارتيا ورتالىق كوميتەتىنىڭ ”بەل شەشە كىرىسىپ“ ارناۋلى رەتتەۋ - جونگە سالۋ قىزمەتىن تۇبەگەيلى يگەرۋى پارتيا ورتالىق كوميتەتىنىڭ فورماشىلدىققا قارسى تۇرۋ تالابىنىڭ ءتىپتى دە ەگجەي - تەگجەيلىلەنگەندىگىن، ءتىپتى دە ناقتىلانعاندىعىن ايگىلەپ، قاتاڭ شارانى بىرىنە - ءبىرىن جالعاپ اتقارىپ، ۇزدىكسىز تەرەڭدەتۋدىڭ، ناقتىلاندىرۋدىڭ كۇشتى سيگنالىن تاراتتى.
تاباندىلىقپەن جالعاستىرىپ، رەتتەۋ - جونگە سالۋ قىزمەتىنىڭ ۇدايىلانۋىن، تۇزىمدەنۋىن ىلگەرىلەتتى
”ساۋساق ۇشىنداعى فورماشىلدىقتى“ رەتتەۋ - جونگە سالۋ جارتى جىلدىق ۋاقىتپەن عانا شەكتەلەتىن ارناۋلى رەتتەۋ - جونگە سالۋ ەمەس. رەتتەۋ - جونگە سالۋ جەتىستىگىن بەكەمدەپ، قايتا بەلەڭ بەرۋدىڭ الدىن الۋ ءۇشىن، ءسوزسىز، باياندى مەحانيزم قۇرىپ، ۇدايى باقىلاۋدى كۇشەيتىپ، نەگىزگى ساتى كادرلارىنىڭ ءىس تىندىرىپ، ناتيجە شىعارۋىنا ونان ارى مۇمكىندىك بەرىپ، ولاردىڭ بايىپتىلىقپەن وي جۇگىرتۋىنە، ارشىندى قادام باسۋىنا مۇمكىندىك جاساۋ كەرەك.
”ساۋساق ۇشىنداعى فورماشىلدىقتى“ باياندى رەتتەۋ - جونگە سالۋدا رەتتەۋ - جونگە سالۋ ونىمدىلىگىن بەكەمدەۋ جاعىنا كۇش سالۋ كەرەك ——
حۋبەي كاسىپتىك قۇرىلىمدارعا تەحنيكالىق ارالاپ تەكسەرۋ تاسىلىنەن ۇتىمدى پايدالانىپ، تۇتاس ولكەدەگى ينتەرنەت سايتى، تۇعىرلار، جەكە اقپارات قۇرالدارى، قىزمەت توپتارى سياقتىلارعا ارالاپ تەكسەرۋ، ءىشىنارا تەكسەرۋ جۇرگىزۋدى مىندەتتەپ، زاڭعا قايشى، ەرەجەگە قايشى ماسەلەلەردى ءدال ۋاعىندا بايقادى ءارى ءبىر جاقتى ەتتى؛ تيانجين نەگىزگى ساتى باقىلاۋ تۇيىندەرىنىڭ، باقىلاۋشىلارىنىڭ ”قاراۋىلدىق“ رولىن ساۋلەلەندىرىپ، ينفورماتسياعا جاۋاپ قايتارۋ قابىلەتىن جوعارىلاتىپ، رەتتەۋ - جونگە سالۋ قىزمەتىنىڭ ءىس جۇزىندىك ونىمدىلىگىن جانە نەگىزگى ساتىنىڭ شىنايى اسەرىن ىشكەرىلەي ۇعىستى...
ءتىلشى ”ساۋساق ۇشىنداعى فورماشىلدىقتى“ رەتتەۋ - جونگە سالۋدى نەگىزگى ساتىنىڭ اۋىرتپالىعىن جەڭىلدەتۋدى ۇدايىلاندىرۋ قىزمەتىنە ەنگىزىپ، كورنەكتى ماسەلەلەردى مەرزىم سايىن ”قايتا قاداعالاپ“ وتىرعاندىعىن، وڭىرلەردىڭ، تاراۋلاردىڭ كەلەسى قادامداعى ماڭىزدى قىزمەتى قايتا بەلەڭ بەرىپ ورشۋىنەن ساقتانۋ ەكەندىگىن ۇعىستى. سونىمەن بىرگە ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى، مەملەكەتتىك كەڭەس كەڭسەسى دە جەرگىلىكتى ورىندار مەن تاراۋلارعا جەتەكشىلىك ەتۋدى كۇشەيتىپ، وسى رەتكى رەتتەۋ - جونگە سالۋدا بايقالعان ماسەلەلەردى تىزىمگە الىپ، ەسەپ جاساپ، ءبىر - بىرلەپ شەشۋدى ىلگەرىلەتەدى.
”ساۋساق ۇشىنداعى فورماشىلدىقتى“ باياندى رەتتەۋ - جونگە سالۋدا ءتۇزىلىس، مەحانيزم ورناتۋ، اقاۋسىزداندىرۋ جاعىنا كۇش سالۋ كەرەك——
گۋاڭدۇڭ تۇتاس ولكەدەگى ۇكىمەت قىزمەتكەرلەرىنە ”يۋەجىڭي APPىن“ جەلىدە ىسكە قوسىپ، جىلجىمالى قولدانىلمالى باعدارلامالاردى پرينسيپتىك جاقتان ەندىگارى جەكە دارا جاڭادان قۇرماۋدى، الدەقاشان دەربەس قۇرىلعاندارىن قادام بويىنشا، تۇرگە ءبولىپ ءتۇيىلىستىرۋدى نەمەسە ”يۋەجىڭي“ تۇعىرىنا قوسۋدى تالاپ ەتتى؛ سانشي شوعىرلى، ءبىر تۇتاس، تەحنيكالىق قامتىمدى، حاۋىپسىز، جوعارى ءونىمدى ۇكىمەت ىستەرى جىلجىمالى قولدانىلمالى جۇيە قۇرىپ، پرينسيپتىك جاقتان ”جينجىڭتۇڭنىڭ“ قىزمەت وتەۋىنە جاپپاي سۇيەندى...
مولشەرىنىڭ ارتىپ كەتۋىن تىزگىندەپ، ساپاسىن جوعارىلاتتى. ءتىلشى ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنىڭ، مەملەكەتتىك كەڭەس كەڭسەسىنىڭ جىلجىمالى ينتەرنەت قولدانىلمالى باعدارلاما قۇرىلىسىن جانە باسقارۋ ءادىسىن زەرتتەۋ - جاساۋدى مىقتى ۇستاپ، ءبىر تۇتاس جوسپارلاپ باسقارۋ، تەكسەرۋ - انىقتاۋ، ەستەلىككە الۋ، باعالاۋ - جاۋاپ قايتارۋ، اداقتاۋ - شەگىندىرۋ سياقتى مەحانيزمدەردى قۇرىپ، شوعىرلى تۇردە رەتتەۋ - جونگە سالۋدىڭ ۇدايىلاندىرىپ باسقارۋعا قاراي بۇرىلىس جاساۋىن ىلگەرىلەتكەندىگىن ۇعىستى.
”ساۋساق ۇشىنداعى فورماشىلدىقتى“ باياندى رەتتەۋ - جونگە سالۋدا نەگىزگى ساتىنىڭ جونگە سالۋ ”جاڭا وي جەلىسىندە“ جاڭالىق اشۋ جاعىنا كۇش سالۋ كەرەك ——
تىلشىلىك بارىسىندا ۋحاندىق ءبىر نەگىزگى ساتى كادرى كەلتىرگەن ءبىر ”شاعىن مىسال“ ارناۋلى رەتتەۋ - جونگە سالۋدان كەيىنگى ”ۇلكەن وزگەرىستى“ بەينەلەدى: بۇرىن 80 جاستان جوعارى قارتتاردىڭ قارتتىق جاردەم اقشاسىن ءبىتىرۋ ءۇشىن الەۋمەتتىك اۋماق قىزمەتكەرلەرى ۇيگە بارىپ تەكسەرىپ انىقتايتىن، بۇعان بۇقارا قارسىلاساتىن. قازىر ءمالىنىڭ باسقارۋ ءتۇزىلىسى رەفورماسىن تەرەڭدەتىپ، اكىمشىلىك جانە ءىسورىن شتاتىنىڭ سانىن كوبەيتىپ، ۇلكەن ساندى مالىمەت جۇيەسىن پايدالانۋدىڭ ناتيجەسىندە الەۋمەتتىك اۋماق قىزمەتكەرلەرى ۇيگە بارىپ قارتتاردىڭ اماندىعىن ءبىلىپ ەمەس، قايتا ”ۇشكە كومەكتەسۋ، ءتورتتى تەكسەرۋ“، ياعني تاماق ىستەۋىنە، ناۋقاس كورسەتۋىنە، تۇرمىستىق بۇيىمداردى ساتىپ الۋىنا كومەكتەسۋ، ىشەر اسىن، كيەر كيىمىن، جاتىن ورنىن، ءجۇرىس - تۇرىسىن تەكسەرۋدى تياناقتاندىرىپ، بۇقارانىڭ جاپپاي مويىنداۋىنا يە بولدى.
قارسىلاسۋدان مويىنداۋعا دەيىن نەگىزگى ساتى ستيلىندە بۇرىلىس بولىپ، حالىقتىڭ مويىنداۋىنا يە بولدى. ”توپتا ايقايلاۋدان“ ”ناقتى بارۋعا“ دەيىن بۇقارانىڭ شۇعىل، قيىن، ۋايىمداعان، ءزارۋ ءبىر توپ ماسەلەسى شەشىلىپ، نەگىزگى ساتى كادرلارىنىڭ بۇقارا ءۇشىن قىزمەت وتەۋ قابىلەتى اناعۇرلىم كۇشەيدى. تالىقپاي تالپىنعاندا عانا، تاباندىلىقپەن جالعاستىرۋعا بولادى.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شەگە قاعۋ رۋحى ارقىلى فورماشىلدىقتى رەتتەپ - جونگە سالىپ، نەگىزگى ساتى كادرلارىن قىرۋار باسى ارتىق اۋىرتپالىقتاردان ارىلتىپ، ”ولارعا قينالعاندا قول ۇشىن بەرەتىن ىستەردى كوبىرەك ىستەگەندە“، ءسوز جوق، نەگىزگى ساتىنىڭ اناعۇرلىم ءونىمدى قىزمەت ىستەپ، كادرلار ستيلىنىڭ اناعۇرلىم ناقتىلانىپ، بۇقارانىڭ اناعۇرلىم تولىق تابىس سەزىمىنە يە بولىپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋىنە تىڭ ۇلەس قوسۋىنا مۇمكىندىك جاساۋعا بولادى.
(جازۋعا قاتىناسقاندار: لاي شيڭ، جىڭ شىڭجۋ، رىن ۋي، دۇڭ شۋە، چىن حۇڭي، ياڭ فان، دۋان شۇي)
(شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى)
