□ جىڭ اۋدانى جىڭ قالاشىعىنىڭ تۇرعىنى زۇلباھار
شينجياڭ − كورىنىسى كوز سۇرىندىرەتىن، بايلىعى مول جەر. مەن شينجياڭنىڭ ءتول تۋماسىمىن، قازىر داشۋەدە وقىپ جاتىرمىن.
ءبىزدىڭ ءۇي ەجەلدەن ماقتا ەگەدى، اتام ماقتا ەگۋ ارقىلى اكەم جانە كوكەلەرىمدى باعىپ ەسەيتتى، اكەم دە ۇقساس ماقتا ەگۋگە سۇيەنىپ اپەكە - ءسىڭلى بىرنەشەۋىمىزدى باعىپ ءوسىردى. سوندىقتان مەن ماقتانىڭ ءبىز سەكىلدى ديقان وتباسىلارى ءۇشىن قانشالىقتى ماڭىزدى ەكەندىگىن بىلەمىن.
الدىڭعى بىرنەشە جىلداعى ماقتا تەرۋ ماۋسىمىندا وتباسىمىز باسقالاردى ماقتا تەرۋگە كومەككە شاقىراتىن. كوپشىلىك جاپا - تارماعاي كەلىپ ماقتا تەرەتىن، ويتكەنى ءبىر ادام ءبىر ايدان استام ۋاقىتتا 10 مىڭ يۋاننان استام اقشا تاباتىن. وسى كۇندە كۇزگى جيىن - تەرىن ماۋسىمىندا ماقتا اتىزىنان بۇرىنعى ”ماقتا تەرۋ قوسىنىن“ كەزدەستىرە المايمىز، تەك ماقتا تەرۋ ماشيناسى عانا ارلى - بەرلى تولاس تاپپاي، ارتىنان دوپ - دومالاق ماقتا ورامدارىن ءالسىن - ءالسىن تاستايدى. بۇرىنعى ماقتا تەرۋ دۋماندى كورىنىسىن ەسكە الساڭىز، عىلىم - تەحنيكانىڭ جىلدام دامىعاندىعىنا سۇيىنبەي تۇرا المايسىز.
وتباسىمىزدىڭ ماقتا ەگۋى، سايىپ كەلگەندە، ءتىپتى دە كوپ اقشا تاۋىپ، تۇرمىسىمىزدىڭ اناعۇرلىم تاماشا بولۋىنا مۇمكىندىك جاساۋ ءۇشىن، مۇنى امەريكاداعى، باتىستاعى جۇڭگوعا قارسى كۇشتەر قالايشا ”زورلىقپەن ەڭبەككە سالدى“ دەپ بۇرمالاپ وتىر؟ ءبىزدىڭ بۇگىنگى باقىتتى تۇرمىسىمىز وڭاي - وسپاق قولعا كەلمەگەن، كىرشىكسىز شينجياڭ ماقتاسىنا كۇيە جاعۋعا، بىلعاۋعا جول بەرمەيمىز. امەريكاداعى، باتىستاعى جۇڭگوعا قارسى كۇشتەردىڭ شينجياڭ ماقتاسىنا قيسىنسىز سوقتىعىپ جانە قاساقانا كۇيە جاعىپ، شينجياڭنىڭ ورنىقتىلىعىن، دامۋىن ءبۇلدىرۋ سۇرقيا ماقساتى بەسەنەدەن بەلگىلى.
