—— جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى تۋرالى تولعانىس ”جول باستاۋ ءبولىمى“
شينحۋا اگەنتتىگىنىڭ تىلشىلەرى ياڭ ۋيحان، لو شا، ديڭ شياۋشي، شيۇڭ فىڭ
1921 − 2021.
وسى 100 جىلدا جۇڭگودا تاريحي جىر ىسپەتتى جويقىن وزگەرىس، تۇبەگەيلى بۇرىلىس تۋىلدى.
100 جىلدىڭ الدىندا جياشيڭ نانحۋ كولىندە قىزۋ ىنتالى جاستار جۇڭحۋا ۇلتى ۇلى گۇلدەنۋىنىڭ ”قىزىل قايىعىن“ جۇرگىزدى.
100 جىلدان بەرى ۇلتتىڭ گۇلدەنۋىنىڭ سالتاناتتى ساپارىندا مىزعىماس تىرەك ءتىپتى دە ايبىندى كۇشىن ايگىلەدى؛ 100 جىلدىق ۇلى پارتيا اۋەلگى ماقساتتى ەستە ماڭگى ساقتاپ، ماڭگىلىك ۇلى ءىس جولىندا ەرلىكپەن العا تارتتى.
ەكپىندەي ىلگەرىلەگەن 100 جىل: وتاندى قۇتقارۋدىڭ، وتاندى گۇلدەندىرۋدىڭ، مەملەكەتتى بايىتۋدىڭ، مەملەكەتتى قۇدىرەتتەندىرۋدىڭ تاريحي كەلەلى مىندەتىن ارقالاپ، جۇڭگو حالقى مەن جۇڭحۋا ۇلتىنىڭ ماڭگىۇزدىك قوسىنى بولىپ، تاريح بەتىندە ايشىقتالعان وشپەس تاريحي ەسكەرتكىش سومدادى
2021 - جىلى جاز ورتاسى، بەيجيڭ وليمپيادا باقشاسىنداعى ايداعار ءپىشىندى سۋ جۇيەسىنىڭ جانىندا جاقىندا سالىنعان جۇڭگو كوممۋنيستىك پارتياسى تاريحى كورمە سارايى قاسقايىپ تۇر.
”... پارتياعا ادال بولامىن، جۇمىستى بەلسەندىلىكپەن ىستەيمىن، كوممۋنيزم ءۇشىن اقتىق دەمىمە دەيىن كۇرەسەمىن...“ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قارساڭىندا، باس شۋجي شي جينپيڭ وسى اراعا كەلىپ ەكسكۋرسيالادى ءارى پارتيالى باسشى جولداستاردى باستاپ پارتياعا كىرۋ سەرتىن قايتا پىسىقتادى.
”پارتيامىزدىڭ 100 جىلى − اۋەلگى ماقساتتى، بورىشتى مۇرات ەتە وتىرىپ امالياتتا ايگىلەگەن 100 جىل، قاجىرلىلىقپەن شارۋاشىلىق قۇرىپ، نەگىز قالاپ، كاسىپتەردى كوركەيتكەن 100 جىل، شۇعىلالى ناتيجەلەر جاراتىپ، بولاشاق اشقان 100 جىل“. قىسقا عانا ءبىر ابزاتست سوزدە 100 جىلدىق جاپا - ماشاقات پەن شۇعىلالى ناتيجە تولىق ايتىلدى −
5000 جىلدىق جۇڭحۋا وركەنيەتى يمپەرياليستىك ازۋلىلاردىڭ ويرانداۋىنا ۇشىراپ، ەل توزىپ، حالىق كۇيزەلدى. سان - ساناقسىز ارداگەر ازاماتتار، ساياسي پارتيا ۇيىمدارى قايتا - قايتا ىزدەنىس جاساسا دا، ۇزاق ۋاقىت بويى وتاندى جويىلۋدان قۇتقارىپ قالۋدىڭ دۇرىس جولىن تابا المادى. جاڭعىرتىمپازدىق، ليبەرياليزم، ءۇش مۇراتتاستىق... بارلىعى ”تۇيىققا تىرەلدى“.
گەرمانيانىڭ شاعىن قالاشىعى تريردان شىققان ءبىر ءتۇيىر تۇقىم شىعىستاعى وركەنيەتتى بايىرعى ەلدە توپىراق جارىپ شىقتى... جۇڭگو كوممۋنيستىك پارتياسى شىعىستان كۇندەي بولىپ كوتەرىلىپ، ۇلتتىڭ گۇلدەنۋىنىڭ كەلەشەگىنە جارىق شاشىپ، جۇڭگونىڭ كەلەشەك تاعدىرىن تۇبەگەيلى وزگەرتتى.
ەڭ باستاپتاعى 50 نەشە ادامنان 91 ميلليوننان استام پارتيا مۇشەسىنە يە بولعانعا دەيىن؛ مەملەكەتتە ەل كۇيزەلۋدەن، بىرىنشىدەن كەدەي، ەكىنشىدەن اق بولۋدان دۇنيە جۇزىندەگى ەكىنشى ۇلكەن ەكونوميكالىق تۇلعاعا اينالىپ، كەدەيلىكتەن ارىلتۋدان قامال الۋدىڭ جاپپاي جەڭىسىنە قول جەتكىزىپ، جۇڭگو حالقىنىڭ 1000 جىلدىق ارمانىن، 100 جىلدىق يگى تىلەگىن جۇزەگە اسىرۋعا دەيىن؛ تەمىر شەگەنى، سىرىڭكەنى دە يمپورت ەتۋدەن ”تيانۋىن 1 - ءنومىرلىنىڭ“ مارسقا قونۋىنا، ”فىندوۋجىنىڭ“ 10 مىڭ مەترلىك تەرەڭگە سۇڭگۋىنە دەيىن...
”قاراپايىم باستالعانىمەن، وراسان زور تابىسپەن اياقتالدى“. ءبىر ءىرى پارتيا ءبىر قايىقتان جولعا شىقتى، بۇل ”قاراپايىم باستالۋدىڭ“ ەڭ جاقسى تۇسىندىرمەسى. ءبىر مەملەكەت، ءسوز جوق، دۇنيە ءجۇزىنىڭ شىعىسىندا قاسقايىپ تۇراتىن بولادى، بۇل ”وراسان زور تابىستىڭ“ جاندى تۇسىنىكتەمەسى.
جۇڭگو كوممۋنيستەرى ”جاۋاپكەرشىلىك ارقالاۋدى“ پارتيا ۋستاۆىنا جازدى − جۇڭگو كوممۋنيستىك پارتياسى − جۇڭگو جۇمىسشى تابىنىڭ ۇزدىك قوسىنى، سونىمەن بىرگە جۇڭگو حالقىنىڭ جانە جۇڭحۋا ۇلتىنىڭ ۇزدىك قوسىنى، جۇڭگوشا سوتسياليزم ىستەرىنىڭ باسشىلىق ۇيتقىسى.
قاراماققا جاي ءىس بولعانىمەن، ەڭ كەرەمەت، ءبىتۋى وڭاي كورىنگەنىمەن ەڭ ماشاقاتتى ءىس. 100 جىلعا قايىرىلا قاراساق، جۇڭگو كوممۋنيستىك پارتياسى نەلىكتەن كىشكەنەدەن ۇلكەيىپ، ۇلكەننەن قۇدىرەتتەنۋگە بەت الا الدى؟
ءبىر ساياسي پارتيادا، ءبىر مەملەكەتتە باسشىلىق ۇيتقى توتەنشە ماڭىزدى.
1935 - جىلى 3 - ايدىڭ 10 - كۇنى تۇندە گۇيجوۋ زۇن - ي فىڭشياڭ قالاشىعى گوۋبا قىستاعىنىڭ الدىڭعى جاعىنداعى يرەلەڭدەگەن تار جولدا ماۋ زىدۇڭ قولىنا پانار شام الىپ، ءجىتى باسىپ جوۋ ىنلايمەن شايقاس ءىسىن اقىلداسۋعا كەلدى.
پانار شامنىڭ ءالسىز جارىعى توڭكەرىس جولىنا نۇر توكتى. ماۋ زىدۇڭنىڭ الۋان پىكىرلەرگە كۇش سالا تويتارىس بەرۋى جۇمىسشى - شارۋا قىزىل ارمياسى مەن كەلەشەك جۇڭگونىڭ تاعدىرىمەن تىعىز بايلانىستى بولدى. ونىڭ سوعىس جاعدايىنا دۇرىس تۇجىرىم جاساۋىنىڭ ارقاسىندا قىزىل ارميا قات - قابات قورشاۋدا تاعى قالۋدان، تاعى دا اۋىر زيانعا ۇشىراۋدان امان قالدى.
زۇن - ي ءماجىلىسى قاتەرلى كەزدە پارتيانى قۇتقاردى، پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورما جاساۋ، ەسىك اشۋ ۇلى تالعامىن جاسادى، پارتيانىڭ 18 - قۇرىلتايى جاڭا ءداۋىر جۇڭگوشا سوتسياليزم ۇلى جوباسىن كەسكىندەدى...
جاڭا جۇڭگونىڭ نەگىزىن سالۋشى، رەفورما جاساۋدىڭ، ەسىك اشۋدىڭ باس جوبالاۋشىسى، جاڭا داۋىردەگى جول باستاۋشى ءومىر مەن ءولىمنىڭ سىن ساعاتىندا، ەلەۋلى تالعام ساتىندە، گۇلدەنۋدىڭ شەشۋشى كەزەڭىندە بۇكىل پارتيانى باستاپ جاڭا جەڭىستەرگە ۇزدىكسىز قادام تاستادى.
شىندىقتى ءىس جۇزىنەن ىزدەدى، دەربەس ءوز كۇشىنە سۇيەندى، اقيقاتقا تاباندى بولدى، قاتەلىكتەردى تۇزەتتى. ماركسيزمنىڭ نەگىزگى قاعيداسىن جۇڭگو توڭكەرىسى مەن قۇرىلىسىنىڭ ناقتى امالياتىمەن ۇشتاستىرىپ، ءوز جولىمەن ءجۇردى.
يدەيانى ازات ەتۋ، شىندىقتى ءىس جۇزىنەن ىزدەۋ يدەيالىق لۋشيانىن قايتا تۇراقتاندىرۋدان ”سوتسياليزم“ مەن ”بازار شارۋاشىلىعىن“ ۇشتاستىرۋعا دەيىن، ونان ”بەستى ءبىر تۇلعالاندىرۋ“ جالپى تۇلعالىق ورنالاستىرۋىنا، ”ءتورتتى جاپپاي ورىنداۋ“ ستراتەگيالىق ورنالاستىرۋىنا دەيىن... پارتيا حالىقتى باستاپ ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ”ەكى كەرەمەتتى“ جاراتىپ، دۇنيە ءجۇزىنىڭ جۇڭگو جونىندەگى تانىمىن جاڭالادى.
ەكونوميكانىڭ جالپى مولشەرى ۇزدىكسىز جوعارىلاپ دۇنيە جۇزىندەگى 2 - ورىندى ورنىقتى يەلەدى؛ 8 جىلدا 98 ميلليون 990 مىڭ اۋىل - قىستاق كەدەي جان سانىن تۇگەلدەي كەدەيلىكتەن ارىلتتى؛ ورتاشا عۇمىر جاڭا جۇڭگو قۇرىلۋدان بۇرىنعى 35 جاستان 77 جاسقا ۇزاردى... بىرىنشىدەن كەدەي، ەكىنشىدەن اق بولۋدان باستاپ ىسكە كىرىسكەن 5000 جىلدان استام وركەنيەت تاريحى بار جۇڭحۋا ۇلتى جاڭا بيىككە قادام تاستاۋدا.
ماۋ زىدۇڭ يدەياسى، دىڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسى، عىلمي دامۋ كوزقاراسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى... جۇڭگو كوممۋنيستەرى ماركسيزمنىڭ، جۇڭگوشا سوتسياليزمنىڭ جاڭا ءورىسىن ۇزدىكسىز اشتى.
جول الىس، الىس بولسا دا كوزەۋلى جەرگە، ءسوز جوق، جەتۋ كەرەك؛ كوڭىلىڭدە العا ىلگەرلەۋگە بەت العان ەكەنسىڭ، بار ىنتى - شىنتىڭمەن نىساناعا ۇمتىلۋىڭ كەرەك.
بولاتتاي بەرىك اۋەلگى ماقسات: باستان - اياق جۇڭگو حالقىنىڭ باقىتىن كوزدەۋدى، جۇڭحۋا ۇلتىنىڭ ۇلى گۇلدەنۋىن كوزدەۋدى تۋعا جازىپ، تەلەگەي ۇلى كۇش ۇيىستىرىپ، كۇرەس رۋحىن ماڭگى ساقتادى
دۇنيەگە كەلگەن كۇننەن باستاپ، جۇڭگو كوممۋنيستەرى باستان - اياق حالىقتى كوڭىلدىڭ تورىنە قويىپ، باستان - اياق حالىقتىڭ باقىتىن ۇلتتىڭ ۇلى گۇلدەنۋىنە اپاراتىن بەلەسكە كەستەلەدى.
قان كەشە سوعىس جۇرگىزىپ حالىقتى ەڭسە كوتەرىپ، ازات بولۋعا باستاۋدان جاپپاي سوتسياليستىك وسىزاماندانعان مەملەكەت قۇرۋعا دەيىن؛ جەر توڭكەرىسىنە باسشىلىق ەتىپ ”ەگىنشىنىڭ اتىزى بولۋدى“ جۇزەگە اسىرۋدان جاپپاي دوڭگەلەك داۋلەتتىلىك جولىندا بىردە - ءبىر ادامدى قاعىس قالدىرماۋدى سەرت ەتۋگە دەيىن... 100 جىلدىق پارتيا تاريحى − حالىقتىڭ باقىتتى تۇرمىسى جولىندا قاجىماي - تالماي كۇرەس جۇرگىزۋدىڭ ايبىندى داستانى.
”حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز“. باس شۋجي شي جينپيڭنىڭ ايبىندى جاريالاۋى 100 جىلدىق ۇلى پارتيانىڭ بولاتتاي بەرىك اۋەلگى ماقساتىن ايگىلەدى.
بارلىعى حالىق ءۇشىن − جۇڭگو كوممۋنيستەرىن ۇزدىكسىز العا ىلگەرىلەۋگە جىگەرلەندىرەتىن اۋەلگى قوزعاۋشى كۇش −
ماۋ زىدۇڭ جاڭ سىدىنى ەسكە الۋ ءۇشىن «حالىق ءۇشىن قىزمەت ىستەيىك» دەگەن ءسوزىن تەرەڭ سەزىممەن جاريالادى؛ جوۋ ىنلاي ”حالىق ءۇشىن قىزمەت ىستەيىك“ دەگەن زناكتى تالاي جىل كەۋدەسىنە تاعىپ ءجۇردى؛ جۇڭنانحاي شينحۋامىننىڭ ىشىندەگى سۋرەتتى قابىرعاعا ”حالىق ءۇشىن قىزمەت ىستەيىك“ دەگەن ءسوز ويىلىپ جازىلعان...
بۇقارانىڭ تىلەگىن ءوز تىلەگى ەتۋ − كوممۋنيستەردىڭ ماڭگىلىك بەكىمى.
2016 - جىلى 8 - ايدىڭ 22 - كۇنى سىچۋان ولكەسى لياڭشان يزۋ اۆتونوميالى وبلىسى مەيگۋ اۋدانى سى - ىجي قىستاعىنىڭ 26 جاستاعى ءبىرىنشى شۋجيى جياڭ فۋ - ان كەنەت جىعىلىپ، قايتا ويانبادى. ونىڭ ارتىندا كەزىندە تاس جولى، اۋىز سۋى جوق قىستاقتا حالىقتى كوشىرىپ قونىستاندىرۋدى، ءبىر قىستاقتا ءبىر بالاباقشا بولۋدى، سۋ، ەلەكتر جەتكىزۋدى جۇزەگە اسىرعان ەڭبەگى قالدى...
”بۇكىل قىستاقتاعىلار وزدىكتەرىنەن الاۋ جاعىپ تاۋدان ءتۇسىپ، ونى قاۋمالاي كەلىپ، 3 اياق كيىم توزدىرعاندىعىن، جاقسى باۋىرلاس ەكەندىگىن، ونىڭ ەندى قايتا كەلمەيتىندىگىن ايتىپ جىلادى...“. سەن حالىقتى كوكەيىڭدە ساقتاساڭ، حالىق سەنى توبەسىنە كوتەرەدى.
تاريحقا قايىرىلا قارايىق، قايسى ساياسي پارتيا جۇڭگو كوممۋنيستىك پارتياسى سياقتى حالىققا تەرەڭ تامىر تارتتى، حالىققا تىعىز سۇيەندى؛ كۇللى الەمگە كوز جىبەرەيىك، قايسى مەملەكەت جۇڭگو سياقتى ميلليارد حالىقتى پارتيانىڭ توڭىرەگىنە تىعىز ىنتىماقتاستىرىپ، قاسقايا العا تارتتى.
بارلىعىندا حالىققا سۇيەنۋ − جۇڭگو كوممۋنيستەرىنىڭ قيىندىقتار مەن حاۋىپ - قاتەرلەردى جەڭىپ، ۇزدىكسىز تابىسقا قول جەتكىزۋىنىڭ ءتۇبىرلى كەپىلى −
ۇزىندىعى 3 كەزدەن اساتىن بامبۋك سىرىققا شاندۇڭنىڭ، انحۇيدىڭ، جياڭسۋدىڭ 88 قالا - قالاشىق، قىستاعىنىڭ جەر اتى تولتىرا ويىلىپ جازىلعان...
وسى بامبۋك سىرىق شاندۇڭنىڭ لايياڭىنداعى ديقان تاڭ حى - ىنعا تاۋەلدى. سوعىس ءورتى لاۋلاعان جىلداردا ول اۋىلداستارىمەن بىرگە كىشكەنتاي قول اربانى جياۋدۇڭ تۇبەگىنەن حۋايحاي شايقاسىنىڭ الدىڭعى شەبىنە يتەرىپ اپارىپ، الدىڭعى شەپكە كومەك بەرۋ ءۇشىن باسقان 4000 شاقىرىمنان استام ىزدەرىن بامبۋك سىرىققا جازدى.
ءبىر ساياسي پارتيانىڭ، ءبىر بيلىكتىڭ بولاشاق تاعدىرى ەڭ سوڭىندا حالىقتىڭ قولداۋى مەن قولداماۋىنا بايلانىستى بولادى.
حالىقتىڭ ”كىشكەنە اعاش قايىعى“ چاڭجياڭنان ءوتۋ شايقاسىنىڭ ۇلى جەڭىسىنە جەتكىزدى؛ حالىقتىڭ ”جاپپاي كوتەرمەگە الۋى“ اۋىل - قىستاق رەفورماسى تاريحىنىڭ شىمىلدىعىن اشتى... جۇڭگو كوممۋنيستىك پارتياسى حالىققا تىعىز سۇيەنىپ، بىرگە ويلاپ، بىرگە ىستەپ، جەڭىستەن - جەڭىسكە جەتتى.
الدىڭعىلارى جىعىلسا سوڭعىلارى ءىزىن باستى، جۇڭگو كوممۋنيستەرىنىڭ ۇلى رۋح شەجىرەسى ميلليارد حالىقتى ۇزدىكسىز كۇرەس جاساۋعا باستادى −
”ولار ەڭ ەرتە ويانىپ، ەڭ الدىمەن كوز جۇمدى...“. ءبىر عالامتورشىنىڭ جۇرت قۇنىعا كورگەن تەلەحيكايا «ويانعان جىلدارعا» جازعان شولۋى كوزگە جاس ءۇيىرىلتتى.
تاياۋ زاماننان بەرى شامامەن 20 ميلليون قۇربان جۇڭگو توڭكەرىسى مەن قۇرىلىسى ىستەرىنە قىمباتتى ومىرلەرىن ارنادى، ولاردىڭ كوپ ساندىسى كوممۋنيستەر.
لي داجاۋ، جياۋ يۇيلۋ، گۋ ۋىنچاڭ، حۋاڭ دا - نيان ... ۋاقىت - كەڭىستىك قۇبىلمالى، سەنىم ماڭگىلىك. سان ۇرپاق كوممۋنيستەر بىرىنەن سوڭ ءبىرى ەرلىكپەن العا ۇمتىلىپ، باس كەتىپ، قان توگىلسە دە ىستەرىن جالعاستىرىپ، بار قاجىر - قايراتتارىن سالىپ ناتيجە شىعارىپ، حالىق بۇقاراسىنىڭ كوڭىلىنە رۋحاني ەسكەرتكىش تۇرعىزدى.
قىزىل قايىق رۋحى، ۇزاق جورىق رۋحى، امەريكا جيھانگەرلەرىنە قارسى تۇرىپ، چاۋشيانعا كومەكتەسۋ رۋحى، ”ەكى بومبى، ءبىر جاساندى سەرىك“ رۋحى، ىندەتكە قارسى اتتانۋ رۋحى... عاسىر اتتاپ، جۇڭگو كوممۋنيستەرى كۇرەس بارىسىندا سومداعان رۋح شەجىرەسى قۇدىرەتتى كۇش - قۋات ۇيىستىرىپ، ميلليارد حالىقتى ءورىس اشا العا ىلگەرىلەۋگە ىنتىماقتاستىردى جانە باستادى.
داۋىرگە جول باستادى: تاريحتىڭ دامۋ اۋقىمى مەن ادامزات وركەنيەتىنىڭ اياق الىسىن تەرەڭ يگەرىپ، سىن - سايىستارعا بەتپە - بەت كەلىپ، كۇللى الەمدى كوكەيدە ساقتاپ، ەرلىكپەن الدىڭعى شەپتە اتويلاپ، ۇلتتىڭ گۇلدەنۋى ۇلى ءىسىن يگەرىپ، ۇدەرە العا تارتتى
2021 - جىلى ”1 - مامىر“ دەمالىسىندا ۋحاندا كوكتەم لەبى ەسىپ، ساياحاتشىلاردىڭ اياعى ۇزىلمەدى. ادامداردىڭ سىرتقا شىعىپ ساياحاتتاۋ ىنتاسى بارىنشا قاۋلادى. الدىڭعى ءبىر كوكتەمدە جانعا تۇسكەن جارادان ايىعىپ كەلەدى.
جاڭا تيپتى ايدارشا ۆيرۋس ىندەتى ءالى دە كۇللى الەمدە ويران سالۋدا، ادامزات قوعامى تۇراقسىزدىققا تولى بولىپ وتىر. 100 جىلدان بەرگى ەڭ اۋىر جۇقپالى اۋرۋدىڭ كەڭ تارالۋى الدىندا، جۇڭگو نەلىكتەن ىندەتتى تەز تىزگىندەپ الدى؟
ىندەتكە قارسى اتتانۋ كۇرەسىندەگى ”جۇڭگو جاۋاپناماسىنىڭ“ سىرىن اشۋ ءۇشىن، ەڭ الدىمەن جۇڭگو كوممۋنيستىك پارتياسىن تۇسىنۋگە تۋرا كەلەدى. 100 جىلدىق اۋمالى - توكپەلى جاعدايدان وتكەن جۇڭگو كوممۋنيستەرى ءتۇرلى حاۋىپ - قاتەر، سىن - سايىستارعا بەتپە - بەت كەلىپ، باتىل دا بايىپتى تۇردە اساۋ تولقىندارمەن الىستى.
نانچاڭ مۇناراسىندا تايسالماستان گومينداڭ كەرتارتپاشىلارىنا قارسى تۇرۋدىڭ العاشقى وعىن اتىپ، ىستىق قانى مەن ءومىرى ارقىلى توڭكەرىستىڭ ۇلى تۋىن كوتەردى.
ۋىنچۋان قيراندىسىندا نارت قىزىل تۋ اسقاق جەلبىرەدى، ءبىز ەرەكشە اۋىر جەر سىلكىنىسىنىڭ قاتاڭ سىناقتارىن جەڭىپ، بايىپتى دا بايسالدى تۇردە مويىماي العا ىلگەرىلەدىك.
...
جاراتىلىستىق اپاتتان فينانس داعدارىسىنا دەيىن، ديپلوماتيالىق قۇرساۋلاۋدان باتىستاندىرۋعا، بولشەكتەۋگە، قورشاۋعا دەيىن... جۇڭگو كوممۋنيستىك پارتياسىنىڭ شەكسىز پارمەندى باسشىلىق قۋاتى جاۋىن - شاشىننىڭ توسىن سوققىسىنا ۇشىراعان كەزدە جۇڭگو حالقىنىڭ ەڭ سەنىمدى تىرەگى بولدى.
قىسىلتاياڭ ساتتە كەۋدە كەرىپ العا شىقتى، ازاپ، بەينەت بارىسىندا ۇدەرە العا تارتتى.
قازىرگى تاڭدا دۇنيە ءجۇزى اۋقىمىندا وزگەرىس پەن بىلىقپالىق ارالاسىپ، جاعداي كۇردەلى، سىن - سايىس قاتاڭ بولدى، بۇل بۇرىن بولىپ كورىلمەگەن. 100 جىلدىق ۇلى پارتيانىڭ اۋەلگى ماقساتى وزگەرمەيدى، اۋىر مىندەت ارقاسىندا −
”ماقۇلداندى!“
2021 - جىلى 3 - ايدىڭ 11 - كۇنى تۇستەن كەيىن، حالىق سارايى. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسى قاۋلىسىن كوپ داۋىسپەن ماقۇلدادى.
وزگەرىس بارىسىندا جاڭا جاعداي اشتى. باس شۋجي شي جينپيڭنىڭ تەرەڭ وي جۇگىرتۋى مەن ءبىر تۇتاس جوسپارلاۋىندا، 2035 - جىلعا بەت العان سوتسياليستىك وسىزاماندانعان مەملەكەتتىڭ جاڭا كارتيناسى دۇنيە ءجۇزى الدىندا جايىلدى −
ەكونوميكالىق ناقتى قۋات، عىلىم - تەحنيكالىق ناقتى قۋات، جالپىلىق مەملەكەت قۋاتى زور كولەمدە جوعارىلايدى؛ جاڭاشا ونەركاسىپتەندىرۋ، ينفورماتسيالاندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ نەگىزىنەن جۇزەگە اسىرىلىپ، وسىزاماندانعان شارۋاشىلىق جۇيەسى قۇرىلادى؛ ادامنىڭ جان - جاقتى جەتىلۋى، جالپى حالىقتىڭ ورتاق بايۋى اناعۇرلىم كورنەكتى ماندىك ىلگەرىلەۋشىلىكتەرگە قول جەتكىزەدى...
بيىلعى ءبىرىنشى ماۋسىمدا جۇڭگو ەكونوميكاسى سايكەس مەزگىلدەگىدەن ％18.3 ارتتى. ايتا قالارلىقتاي ناتيجە تىزىمدىگى، شەشۋشى ساتتەگى دالمە - ءدال تۇجىرىمداۋ پارتيا ورتالىق كوميتەتىنىڭ كۇردەلى جاعدايدى عىلمي يگەرۋىن ايگىلەپ، دۇنيە جۇزىنە 100 جىلدىق ۇلى پارتيانىڭ جوبانى سوڭىنا دەيىن كەسكىندەيتىن، بۇلجىماستان العا تارتاتىن بەكىمى مەن ارەكەتىن كورسەتتى.
نانحۋداعى قىزىل قايىقتىڭ جەلكەن جايىپ ساپارعا اتتانۋىنان، شيبايپودان شىعىپ ”بەيجيڭگە بارىپ، ەمتيحان تاپسىرۋعا“ دەيىن، ودان جۇڭگوشا سوتسياليزمنىڭ ءزاۋلىم عيماراتىن سالۋعا دەيىن... قاجىماي كۇرەس جاساۋ مەن ماشاقاتتى ىزدەنىس جاساۋ مىنانى الدەقاشان دالەلدەدى: ”ءبىز ەسكى دۇنيەنى قيراتۋعا شەبەر بولۋمەن بىرگە، جاڭا دۇنيەنى ورناتۋعا دا شەبەر بولۋىمىز كەرەك“.
”جۇڭگو كوممۋنيستىك پارتياسىنىڭ تابىسقا جەتۋى مىنا ەكى فاكتورعا نەگىزدەلگەنىنە كامىل سەنەمىن: ءبىرى، ونىڭ ۇزاق ۋاقىت ۇستاناتىن تۇراقتى قۇن كوزقاراسى بار، ەندى ءبىرى، ەرەكشە جاقسى وزىندىك توڭكەرىس قابىلەتى بار“، - دەدى ۆەنگريانىڭ بۇرىنعى زۇڭليى مەگيسسي پيتەر.
100 جىلدىق جاۋىن - شاشىندا ءبىر ساياسي پارتيا قالاي باستان - اياق توڭكەرىس رۋحىن ساقتاپ، العاباسارلىعىن، كىرشىكسىزدىگىن ماڭگى ساقتاپ، پارتيانىڭ وزىنە توڭكەرىس جاساۋى ارقىلى ۇلى قوعامدىق توڭكەرىستى جەتەكتەدى؟
1927 - جىلى جۇڭگو كوممۋنيستىك پارتياسىنىڭ 5 - قۇرىلتايى تۇڭعىش كەزەكتى ورتالىق باقىلاۋ - تەكسەرۋ كوميتەتىن سايلادى. پارتيا ىشىندەگى باقىلاۋدى كۇشەيتۋ، ساياسي ءتارتىپتى قاتايتۋ وسىدان باستاپ كورنەكتى ورىنعا قويىلدى.
1952 - جىلى ليۋ چيڭشان، جاڭ زىشان ءولىم جازاسىنا ۇكىم ەتىلىپ، رەسپۋبليكاداعى شىرىكتەسۋگە قارسى تۇرۋداعى ءبىرىنشى دەلو بۇكىل ەلدى ءدۇر سىلكىندىردى.
91 ميلليوننان استام پارتيا مۇشەسى بار، ”ۇلكەننىڭ ۇلكەنگە ءتان بەينەسى بولۋ كەرەك“. 8 ءتۇرلى بەلگىلەمە شىعاردى، شارلاۋمەن جاپپاي قامتۋدى ىلگەرىلەتتى، باقىلاۋ - تەكسەرۋ ءتۇزىلىسى رەفورماسىن تەرەڭدەتتى... پارتيا 18 - قۇرىلتايىنان بەرگى سۇيەكتى قىرىپ ۋىتتى ايداۋ، قۋاتتى ارتتىرىپ دەنساۋلىقتى كۇشەيتۋ 100 جىلدىق ۇلى پارتيانىڭ اناعۇرلىم تولىقسىپ تاسقىنداعان ومىرشەڭدىك قۋاتىن قاۋلاتتى.
100 جىلدان بەرى سان وزگەرىستى باستان كەشىرسە دە، اۋەلگى ماقسات ەشقاشان وزگەرگەن جوق. جۇڭگو كوممۋنيستىك پارتياسى جۇڭحۋا ۇلتىن ەڭسە كوتەرۋگە، بايۋعا، قۇدىرەتتەنۋگە باستاپ، جۇڭگو اتتى الىپ كەمەنى ورنىقتى جۇرگىزىپ، الىس ساپارعا اتتاندى.
100 جىلدىعى ءدال جاستىق ورالىنا تۋرا كەلىپ، ماڭگىلىك ۇلى ىسكە بەل بايلادى. جۇڭگو كوممۋنيستىك پارتياسى ماڭگى بويكۇيەزدىككە سالىنباي، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز كۇرەس جاساۋدا.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو حالقى تولىق سەنىممەن، ءسوز جوق، تىڭ دا اناعۇرلىم زور شۇعىلالى ناتيجەلەر جاراتىپ، ۇزدىكسىز جەڭىستەن جاڭا جەڭىسكە جەتە بەرمەك!
(شينحۋا اگەنتتىگىنىڭ 6 - ايدىڭ 21 - كۇنى بەيجيڭنەن بەرگەن حابارى)
